ເພີ່ມພູນຄູນສ້າງສາຍພົວພັນຮ່ວມມືມິດຕະພາບ ລະຫວ່າງ ແຂວງຮ່າຕີ້ງ ແລະ ແຂວງບໍລິຄໍາໄຊ

00:54 | 13/05/2019

ຍສໝ - ໃນຕອນບ່າຍວັນທີ 16 ເດືອນມັງກອນ ປີ 2019, ເນື່ອງໃນໂອກາດບຸນປີໃຫມ່ປະຈໍາຊາດຫວຽດນາມ, ທ່ານ ບຸນມາ ບຸຈະເລີນ ຮອງເຈົ້າແຂວງແຂວງບໍລິຄໍາໄຊ ໄດ້ໄປຢ້ຽມຍາມ ແລະ ອວຍພອນປີໃຫມ່ ເຈົ້າແຂວງຮ່າຕີ້ງ ຈົ່ງມີສຸຂະພາບພະລານະໄມເຂັ້ມແຂງ, ຕ້ອນຮັບປີໃໝ່ດ້ວຍບັນຍາກາດອັນອົບອຸ່ນ ແລະ ວັດທະນະຖາວອນ.

ເພີ່ມພູນຄູນສ້າງສາຍພົວພັນຮ່ວມມືມິດຕະພາບ ລະຫວ່າງ ແຂວງຮ່າຕີ້ງ ແລະ ແຂວງບໍລິຄໍາໄຊ

ທ່ານ ບຸນມາ ບຸຈະເລີນ ຮອງເຈົ້າແຂວງແຂວງບໍລິຄໍາໄຊ ສປປ ລາວ ອວຍພອນປີໃໝ່ແຂວງຮ່າຕີ້ງ (ພາບ: baohatinh.vn)

ເນື່ອງໃນໂອກາດບຸນປີໃຫມ່ປະຈໍາຊາດຫວຽດນາມ, ທ່ານ ບຸນມາ ບຸຈະເລີນ ຮອງເຈົ້າແຂວງແຂວງບໍລິຄໍາໄຊ ໄດ້ໄປຢ້ຽມຢາມ ຢ້ຽມຍາມ ແລະ ອວຍພອນປີໃຫມ່ ເຈົ້າແຂວງຮ່າຕີ້ງ ຈົ່ງມີສຸຂະພາບພະລານະໄມເຂັ້ມແຂງ, ຕ້ອນຮັບປີໃໝ່ດ້ວຍຄວາມອົບອຸ່ນ ແລະ ວັດທະນະຖາວອນ.

ໃນຕອນບ່າຍຂອງວັນທີ 16 ເດືອນມັງກອນ ປີ 2019, ທ່ານ ເລ ດີ່ງ ເຊີນ ເລຂາຄະນະພັກແຂວງຮ່າຕີ້ງ; ທ່ານ ດັ້ງ ກວກ ວີງ ຮອງປະທານຜູ້ປະຈໍາການຄະນະກໍາມະທິການປະຊາຊົນແຂວງຮ່າຕີ້ງ ໄດ້ໃຫ້ການຕ້ອນຮັບຄະນະຜູ້ແທນແຂວງບໍລິຄໍາໄຊ ໂດຍທ່ານ ບຸນມາ ບຸຈະເລີນ ຮອງເລຂາຄະນະພັກແຂວງ, ຮອງເຈົ້າແຂວງແຂວງບໍລິຄໍາໄຊ ມາຢ້ຽມຢາມ ແລະ ອວຍພອນຄະນະພັກແຂວງ, ປະຊາຊົນແຂວງຮ່າຕີ້ງເນື່ອງໃນໂອກາດບຸນປີໃຫມ່ປະຈໍາຊາດຫວຽດນາມ(ກຸດຫວຽດ).

ໃນນາມຫົວໜ້າຄະນະຜູ້ແທນ, ທ່ານ ບຸນມາ ບຸຈະເລີນ ໄດ້ຢືນຢັນສາຍພົວພັນມິດຕະພາບອັນພິເສດ ລະຫວ່າງ ສອງປະເທດ ຫວຽດນາມ ແລະ ລາວ. ທ່ານ ບຸນມາ ບຸຈະເລີນ ໄດ້ກ່າວສະແດງຄວາມຍິນດີ ແລະ ຊົມເຊີຍຕໍ່ຜົນສໍາເລັດທີ່ຄະນະພັກແຂວງ ແລະ ປະຊາຊົນແຂວງຮ່າຕີ້ງ ຍາດມາໄດ້ໃນໄລຍະຜ່ານມາ. ພ້ອມກັນນັ້ນ, ທ່ານ ບຸນມາ ບຸຈະເລີນ ກໍ່ໄດ້ສະແດງຄວາມຮູ້ບຸນຄຸນຕໍ່ອຸ້ມຊູຍູ້ຫນູນ ແລະ ການຊ່ວຍເຫຼືອຂອງແຂວງຮ່າຕີ້ງ ທີ່ມອບໃຫ້ແຂວງບໍລິຄໍາໄຊ ໃນການພັດທະນາດ້ານເສດຖະກິດ - ສັງຄົມ, ໂດຍສະເພາະໃນດ້ານການສຶກສາ ແລະ ການບໍາລຸງກໍ່ສ້າງ.

ເນື່ອງໃນໂອກາດບຸນປີໃຫມ່ປະຈໍາຊາດຫວຽດນາມ, ທ່ານ ບຸນມາ ບຸຈະເລີນ ຮອງເຈົ້າແຂວງແຂວງບໍລິຄໍາໄຊ ໄດ້ກ່າວຄຳອວຍພອນໃຫ້ຄະນະພັກແຂວງຮ່າຕີ້ງ ຈົ່ງມີສຸຂະພາບພາລານະໄມເຂັ້ມແຂງ, ມີຄວາມກ້າວໜ້າໃນໜ້າທີ່ການງານ, ຄິດສິ່ງໃດກໍ່ໃຫ້ສົມຄວາມປາດຖະໜາ ຕ້ອນຮັບປີໃໝ່ດ້ວຍບັນຍາກາດອັນອົບອຸ່ນ ແລະ ມີຄວາມວັດທະນະຖາວອນ.

ຕາງໜ້າໃຫ້ຄະນະພັກ, ອໍານາດການປົກຄອງ ແລະ ປະຊາຊົນແຂວງຮ່າຕີ້ງ, ທ່ານ ເລ ດີ່ງ ເຊີນ ເລຂາຄະນະພັກແຂວງຮ່າຕີ້ງໄດ້ສະແດງຄວາມຂອບອົກຂອບໃຈຕໍ່ຄະນະຜູ້ແທນແຂວງບໍລິຄໍາໄຊ ທີ່ໄດ້ມາຢ້ຽມຢາມ ແລະ ອວຍພອນປີໃໝ່ ໃຫ້ຄະນະພັກແຂວງ ແລະ ປະຊາຊົນແຂວງຮ່າຕີ້ງໃນຄັ້ງນີ້. ທ່ານ ເລ ດີ່ງ ເຊີນ ກໍ່ຫວັງວ່າທັງສອງຝ່າຍຈະສືບຕໍ່ເພີ່ມພູນຄູນສ້າງສາຍພົວພັນຂອງສອງປະເທດກໍ່ຄືຂອງສອງແຂວງນັບມື້ນັບມີຄວາມໝັ້ນຄົງທະນົງແກ່ນ.

ທ່ານ ເລ ດີ່ງ ເຊີນ ກໍ່ໄດ້ຢືນຢັນວ່າ: ແຂວງຮ່າຕີ້ງຈະຮ່ວມກັບແຂວງບໍລິຄໍາໄຊໃນການຈັດຕັ້ງປະຕິບັດ ບັນດາບົດບັນທຶກຄວາມເຂົ້າໃຈໂດຍໄວຢ່າງເປັນຮູບປະທໍາ ແລະ ມີປະສິດທິຜົນ, ມີການປະສານສົມທົບກັນຢ່າງໃກ້ຊິດໃນການປົກປັກຮັກສາຄວາມສະຫງົບຢູ່ໃນເຂດຊາຍແດນ, ຕໍ່ສູ້ຕ້ານອາດຊະຍາກໍາຢາເສບຕິດ, ຮັກສາຄວາມເປັນລະບຽບຮຽບຮ້ອຍທາງດ້ານສັງຄົມ.