 |
ພິທີມອບແນວພັນໄມ້ກິນໝາກ ລະຫວ່າງ ຫ້ອງການຮ່ວມມືສົ່ງເສີມກະສີກຳ ແລະ ປ່າໄມ້ລາວ-ຫວຽດນາມ ກັບ ພະແນກກະສິກຳ ແລະ ປ່າໄມ້ແຂວງອຸດົມໄຊ ສປປລາວ.
ເພື່ອເປັນການສືບຕໍ່ສາຍພົວພັນຮ່ວມມືກັນລະຫວ່າງ ຫ້ອງການຮ່ວມມືສົ່ງເສີມກະສີກຳ ແລະ ປ່າໄມ້ລາວ-ຫວຽດນາມ ກັບ ພະແນກກະສິກຳ ແລະ ປ່າໄມ້ແຂວງອຸດົມໄຊ ສປປລາວ ກໍ່ຄື ກັບສູນສົ່ງເສີມກະສິກຳອ່າງນ້ຳຫີນ, ດັ່ງນັ້ນຫ້ອງການຮ່ວມມືສົ່ງເສີມກະສີກຳ ແລະ ປ່າໄມ້ລາວ-ຫວຽດນາມ ຈື່ງໄດ້ນຳເອົາແນວພັນໄມ້ໃຫ້ໝາກຈຳນວນ 700 ເບ້ຍ ມາມອບໃຫ້ ໃນນັ້ນ ລວມມີ ແນວພັນ ໜາກກ້ຽງຫວານ ຈຳນວນ 500 ເບ້ຍ, ແນວພັນໝາກນ້ຳນົມ 200 ເບ້ຍ ແລະ ແນວພັນໄມ້ໃຫ້ໝາກຊະນິດອື່ນໆຕື່ມອີກຈຳນວນໜື່ງ, ມອບໃຫ້ສູນສົ່ງເສີມກະສີກຳ ອ່າງນ້ຳຫີນ ເພື່ອນຳໄປປູກທົດລອງ ແລະ ຂະຫຍາຍພັນ ເພື່ອສົ່ງເສີມໃຫ້ປະຊາຊົນປູກໃຫ້ກ້ວາງຂວາງ ແລະ ໄດ້ຮັບຜົນປະໂຫຍດຈາກການຮ່ວມມືຄັ້ງນີ້.
 |
ແນວພັນໄມ້ກິນໝາກ.
ພີທີ່ມອບ-ຮັບແນວພັນໄມ້ໃຫ້ໝາກຄັ້ງນີ້ແມ່ນໄດ້ຈັດຂື້ນໃນວັນທີ່ 26 ກໍລະກົດ 2019 ນີ້ທີ່ພະແນກກະສິກຳ ແລະ ປ່າໄມ້ແຂວງອຸດົມໄຊ ມີ ທ່ານ ພອນປະສິດ ປັນຍາສະຫວັດ ຮອງຫົວຫນ້າພະແນກກະສິກຳ ແລະ ປ່າໄມ້ ແຂວງອຸດົມໄຊ ມີທ່ານ ເຈີນກຸຍກາບ ຫົວໜ້າຫ້ອງການຮ່ວມມືສົ່ງເສີມກະສິກຳ ແລະ ປ່າໄມ້ລາວ-ຫວຽດນາມ, ມີຮອງຫົວໜ້າສູນສົ່ງເສີມກະສີກຳອ່າງນ້ຳຫີນ ແລະ ພະນັກງານວີຊາການທີ່ກ່ຽວຂ້ອງເຂົ້າຮ່ວມ.
（ແຫຼ່ງຂໍ້ມູນ： ສະຖານີວິທະຍຸ ໂທລະພາບ ແຂວງ ອຸດົມໄຊ）
