| ຫວຽດນາມ ຄັດຄ້ານການກະທຳລະເມີດອະທິປະໄຕ ຢູ່ເຂດໝູ່ເກາະ ຮ່ວາງຊາ ແລະ ເຈື່ອງຊາ ຢ່າງເດັດຂາດ | |
| ການແຜ່ກະຈາຍຄວາມຮັກ ເຈື່ອງຊາ ໄປສູ່ຊາວຫວຽດນາມຢູ່ໃນທົ່ວໂລກ. |
 |
| ພາບປະກອບ (ພາບ: Hà Giang/ nld.com.vn) |
ຕອນເຊົ້າວັນທີ 28 ກໍລະກົດ, ທີ່ນະຄອນ ໂຮ່ຈີມິນ, ຄະນະອຳນວຍການສະໂມສອນ “ເພື່ອເຈື່ອງຊາ - ຮ່ວາງຊາ ທີ່ຮັກແພງ” ໄດ້ຈັດຕັ້ງການປະຊຸມຂ່າວເພື່ອຕີລາຄາໝາກຜົນທີ່ບັນລຸໄດ້ໃນ 10 ປີແຫ່ງການປະຕິບັດໂຄງການ “ເພື່ອນັກຮຽນ ເຈື່ອງຊາ ທີ່ຮັກແພງ” (14 ສິງຫາ 2012 – 14 ສິງຫາ 2022), 10 ປີແຫ່ງກອງທຶນເພື່ອການສຶກສາ ວື່ອາຢິ໋ງ ເຊິ່ງໄດ້ນຳບັນດາຜູ້ແທນໄປຢ້ຽມຢາມທະຫານ ແລະ ປະຊາຊົນຢູ່ເກາະ ເຈື່ອງຊາ, ພ້ອມກັນນັ້ນ ກໍປຸກລະດົມບັນດາກິດຈະກໍາເພື່ອສະເຫຼີມສະຫຼອງເນື່ອງໃນໂອກາດນີ້.
10 ປີແຫ່ງການເດີນທາງເພື່ອເຊື່ອມຕໍ່ທະເລ ແລະ ຝັ່ງທະເລແມ່ນການເດີນທາງແຫ່ງການເຊື່ອມຕໍ່ຄວາມຮັກແພງ ແລະ ຄວາມຮັບຜິດຊອບ. ໃນຕະຫຼອດການເດີນທາງນັ້ນ, ກອງທຶນເພື່ອການສຶກສາ ວື່ອາຢິ໋ງ ແລະ ສະໂມສອນ “ເພື່ອ ຮ່ວາງຊາ - ເຈື່ອງຊາ ທີ່ຮັກແພງ” ໄດ້ເຊື່ອມຕໍ່ນ້ຳໃຈອັນອົບອຸ່ນ,ແຜ່ກະຈາຍຄວາມຮັກແພງໄປຍັງບັນດາສະຖານທີ່ "ຫົວຄື້ນຍອດລົມ”, ເຂດທີ່ຢູ່ເຂດນອກຝັ່ງໄກຂອງປະເທດຊາດ, ດ້ວຍການກະທຳທີ່ແທດຈິງ ແລະ ມີຄວາມໝາຍ.
ໂຄງການໄດ້ສ້າງໂຮງຮຽນ 2 ແຫ່ງຢູ່ໝູ່ເກາະ ເຈື່ອງຊາ. ປີ 2021, ກອງທຶນເພື່ອການສຶກສາ ວື່ອາຢິ໋ງ ແລະ ສະໂມສອນ “ເພື່ອ ຮ່ວາງຊາ - ເຈື່ອງຊາ ທີ່ຮັກແພງ” ໄດ້ເຂົ້າຮ່ວມຢ່າງຕັ້ງໜ້າໃນການໜູນຊ່ວຍແຖວໜ້າຕ້ານ ພະຍາດໂຄວິດ - 19 ດ້ວຍຍອດຈຳນວນກວ່າ 2 ຕື້ດົ່ງ ພ້ອມກັບເຄື່ອງໃຊ້ທີ່ຈຳເປັນ, ຜະລິດຕະພັນກະເສດ, ເຂົ້າສານ, ແພອັດປາກ ແລະ ອຸປະກອນການແພດ. ໂຄງການກໍຈັດຕັ້ງໄດ້ 13 ຄະນະໄປຢ້ຽມຢາມທະຫານ ແລະ ປະຊາຊົນຢູ່ໝູ່ເກາະ ເຈື່ອງຊາ, ປະກອບສ່ວນສະໜັບສະໜູນເປັນຈຳນວນເງິນເກືອບ 7,8 ຕື້ດົ່ງ.
ຫອມມາລາ
