ພິທີມອບ-ຮັບ ອັດຖິທະຫານອາສາສະໝັກ ແລະ ຊ່ຽວຊານຫວຽດນາມ ກັບຄືນບ້ານເກີດເມືອງນອນ

ປະທານກຳມະການປະຊາຊົນແຂວງ ຫງວ໋ຽນ ດຶກ ຈິ໋ງ ໄດ້ນຳພາບັນອັດຖິບັນດາວິລະຊົນ, ຊ່ຽວຊານຫວຽດນາມ ເສຍສະຫຼະຊີວິດຢູ່ ລາວ ກັບຄືນປະເທດເພື່ອປະກອບພິທີກຳຢ່າງສົມກຽດ.

ໄດ້ຮັບຄວາມເອົາໃຈໃສ່ຊີ້ນຳຂອງ ຄະນະປະຕິບັດງານພິເສດ ລັດຖະບານສອງປະເທດ ຫວຽດນາມ-ລາວ, ກະຊວງປ້ອງກັນປະເທດ, ກອງບັນຊາການທະຫານເຂດ 4, ໃນຊຸມປີຜ່ານມາ, ແຂວງກ້ວາງຈິ ໄດ້ຮ່ວມຈິດຮ່ວມໃຈກັບປະຊາຊົນລາວອ້າຍນ້ອງ ຜັນຂະຫຍາຍການຊອກຫາ ແລະ ໄດ້ນຳເອົາອັດຖິທະຫານວິລະຊົນ ຫຼາຍພັນອັດຖິກັບຄືນບ້ານເກີດເມືອງນອນ.

ບັນດາສະຫາຍການນຳແຂວງ ກວ້າງຈິ ພາກັນຈູດທູບທຽນເຄົາລົບອັດຖິ ທະຫານວິລະຊົນ ແລະ ຊ່ຽວຊານຫວຽດນາມ ເສຍສະຫຼະ ຢູ່ ສປປ ລາວ ໃນຂະບວນແຫ່ ສົ່ງສະການ ແລະ ໄຫວ້ອາໄລ.

ພິທີການຕ້ອນຮັບຄັ້ງນີ້ ເປັນຄັ້ງທີ 33 ນັບແຕ່ປີ 1993, ອີກຄັ້ງນຶ່ງຢືນຢັນຢ່າງໜັກແໜ້ນເຖິງຄວາມຮັບຜິດຊອບ ຂອງພັກ, ອຳນາດການປົກຄອງ ແລະ ປະຊາຊົນ ສອງແຂວງກວ້າງຈິ-ສະຫວັນນະເຂດ ຕໍ່ກັບຜູ້ມີຄຸນງາມຄວາມດີ ເສຍສະຫຼະຊີວິດ ແລະ ເລືອດເນື້ອເພື່ອ ເອກກະລາດຂອງປະຊາຊົນບັນດາເຜົ່າ, ເພື່ອຄວາມຜາສຸກຂອງປະຊາຊົນ, ເພື່ອພາລະກິດສາກົນອັນສູງສົ່ງ. ຄວາມມານະພະຍາຍາມ ຜ່ານຜ່າຄວາມຫຍຸ້ງຍາກ, ລຳບາກ, ແຕ່ ເດືອນ 10 ປີ 2018 ຮອດ ເດືອນ ເມສາ 2019, ພະນັກງານ ແລະ ທະຫານກອງຂຸດຄົ້ນ ແລະ ຂຸດຄົ້ນ ອັດຖິທະຫານວິລະຊົນ 584, ກອງບັນຊາການທະຫານຫວຽດນາມ ໄດ້ຮັບການຂຸດຄົ້ນ, ຊອກຫາ ປະສົບຜົນສຳເລັດ 26 ອັດຖິ ທະຫານວິລະຊົນ ແມ່ນທະຫານອາສາສະໝັກ, ຊ່ຽວຊານຫວຽດນາມ ທີ່ເສຍສະຫຼະຢູ່ ສປປ ລາວ ໃນສອງ ສະໜາມຮົບຕໍ່ສູ້ຕ້ານຈັກກະພັດ ຝລັ່ງ ແລະ ອາເມລິກາ.

ກ່ອນໜ້າ, ພິທີຮັບມອບ ອັດຖິວິລະຊົນແມ່ນທະຫານອາສາສະໝັກ, ຊ່ຽວຊານຫວຽດນາມ ເສຍສະຫຼະຢູ່ ສປປ ລາວ ໄດ້ດຳເນີນໄປຢູ່ ຂົວຊ່າເອີດ- ດ່ານຊາຍແດນສາກົນ ລາວພາວ.

ໃນພິທີໄຫວ້ອາໄລ ແລະ ສົ່ງສະການອັດຖິທະຫານວິລະຊົນ, ບັນດາສະຫາຍການນຳຮ່ວມກັບພະນັກງານ, ທະຫານຕຳຫຼວດ ແລະ ນ້ງນັກຮຽນໄດ້ສະແດງຄວາມເຄົາລົບຈູດທູບ, ວາງດອກໄມ້, ສະແດງຄວາມຮູ້ບຸນຄຸນຕໍ່ໜ້າດວງວິນຍານຂອງບັນດານັກຮົບອາດຫານ, ວິລະຊົນ ທີ່ບໍ່ເສຍດາຍຊີວິດເລືອດເນື້ອຂອງຕົນ, ຕໍ່ສູ້ ເສຍສະຫຼະຊີວິດຂອງຕົນເພື່ອ ເອກກະລາດຂອງປະຊາຊົນບັນດາເຜົ່າ ແລະ ເພື່ອພາລະກິດສາກົນອັນສູງສົ່ງ. ເພື່ອເປັນການຕອບແທນບຸນຄຸນອັນຍິ່ງໃຫຍ່ ດັ່ງກ່າວນັ້ນ, ບັນດາສະຫາຍການນຳຂອງແຂວງ ໄດ້ຮ່ວມກັບພະນັກງານ, ທະຫານ, ປະຊາຊົນທ້ອງຖິ່ນ ໄດ້ຮ່ວມກັນພາວະນາ ສູ້ຊົນ, ສ້າງສາ, ພັດທະນາ, ປົກປັກຮັກສາປະເທດຊາດ, ບໍ່ຢຸດຢັ້ງໃນການເສີມສ້າງສາຍພົວພັນພິເສດ ຫວຽດນາມ-ລາວ ນັບມື້ນັບຈົບງາມຂື້ນກວ່າເກົ່າ.

ກ່າວຄຳປາໄສທີ່ພິທີມອບຮັບຄັ້ງນີ້, ທ່ານ ຮວ່າງ ນາມ ຮອງປະທານກຳມະການປະຊາຊົນ ຢືນຢັນວ່າ: ການຊອກຫາ, ຂຸດຄົ້ນ ແລະ ນຳອັດຖິວິລະຊົນ, ຊ່ຽວຊານຫວຽດນາມ ເສຍສະຫຼະຢູ່ ສປປ ລາວ ກັບຄືນດີນແມ່ ປະເທດຫວຽດນາມ ແມ່ນຜົນສຳເລັດຂອງຄວາມມານະພະຍາຍາມ ຂອງສອງແຂວງ ກວ້າງຈິ-ສະຫວັນນະເຂດ. ນັ້ນຍັງແມ່ນຜົນສຳເລັດຂອງນ້ຳໃຈມິດຕະພາບອັນຍິ່ງໃຫຍ່, ໂປ່ງໃສ, ຈິງໃຈ, ມູນເຊື້ອຄວາມສາມັກຄີພິເສດ ລະຫວ່າງ ປະເທດຫວຽດນາມ-ລາວ; ແມ່ນການຊ່ວຍເຫຼືອຢ່າງ ທ່ຽງກົງ, ໂປ່ງໃສ, ແບບໝົດຈິດໝົດໃຈ ຂອງພັກ, ອຳນາດການປົກຄອງ ແລະ ປະຊາຊົນແຂວງສະຫວັນນະເຂດ.

ຮອງປະທານກຳມະການປະຊາຊົນແຂວງ ໄດ້ຊົມເຊີຍຄວາມມານະພະຍາຍາມ ປັບປຸງແກ້ໄຂທຸກຄວາມຫຍຸ້ງຍາກ, ລຳບາກຂອງພະນັກງານ, ພົນທະຫານ, ປະຊາຊົນ ກອງຂຸດຄົ້ນ ແລະ ຊອກຫາ ອັດຖິວິລະຊົນ 584 ເພື່ອເຮັດສຳເລັດໜ້າທີ່ອັນສັກສິດມອບໝາຍໃຫ້. ສືບຕໍ່ມູນເຊື້ອອັນຈົບງາມ “ ກິນໝາກໃຫ້ຄິດຮອດຜູ້ປູກ” ຂອງປະຊາຊົນຫວຽດນາມ, ພັກ, ອຳນາດການປົກຄອງ ແລະ ປະຊາຊົນແຂວງກວ້າງຈິ ປະຕິຍານຈະຊື່ສັດ, ຮັດແໜ້ນ, ນ້ຳໃຈມິດຕະພາບພິເສດ ກັບປະເທດລາວ ແລະ ຈະຕ່າງໜ້າປະຊາຊົນທົ່ວປະເທດ ເອົາໃຈໃສ່ເບິ່ງແຍງ ສຸສານ, ບ່ອນພັກຜ່ອນຕະຫຼອດການຂອງບັນດາວິລະຊົນຜູ້ອາດຫານ; ເບິ່ງແຍງນັບມື້ນັບດີຂື້ນ ທາງດ້ານນະໂຍບາຍ ຕອບແທນຄຸນ ແລະ ຈະເຮັດທຸກສິ່ງຢ່າງສຸດຄວາມສາມາດເພື່ອຊອກຫາ, ຂຸດຄົ້ນ ແລະ ທ້ອນໂຮມ ອັດຖິຂອງບັນດາວິລະຊົນ ທີ່ຍັງເຫຼືອ ໃນແຂວງກວ້າງຈິ ກໍ່ຄືປະເທດລາວ.

（ຫັດ​ທະ​ບູນ）