 | ກາລະໂອກາດເພື່ອໃຫ້ບັນດາປະເທດ ແມ່ນ້ຳຂອງ - ລ້ານຊ້າງ ເພີ່ມທະວີການຮ່ວມມື, ພ້ອມກັນພັດທະນາ |
| ຫວຽດນາມ ເຂົ້າຮ່ວມງານບຸນວັດທະນະທຳສິລະປະ ແມ່ຂອງ - ລ້ານຊ້າງ ປີ 2024 |
ໂດຍສ້າງຕັ້ງຂຶ້ນໃນວັນທີ 18 ເມສາ 1984, ກອງທ້ອນໂຮມ - ກອງບັນຊາການທະຫານແຂວງ ເງ້ອານ ໄດ້ມອບໜ້າທີ່ຊອກຄົ້ນ, ທ້ອນໂຮມອັດຖິນັກຮົບທີ່ສະຫຼະຊີວິດເພື່ອຊາດ, ທະຫານອາສາສະໝັກ, ນັກຊ່ຽວຊານຫວຽດນາມທີ່ເສຍຊີວິດຢູ່ 3 ແຂວງ ຊຽງຂວາງ, ໄຊສົມບູນ, ວຽງຈັນ (ລາວ) ແລະ ແຂວງ ເງ້ອານ. ໃນ 40 ປີມານີ້, ກອງໄດ້ເກັບກູ້ອັດຖິນັກຮົບທີ່ສະຫຼະຊີວິດເພື່ອຊາດ 12.600 ກວ່າຄົນ, ຊ່ວຍປອບໃຈບັນດາຄອບຄົວ, ຍາດຕິພີ່ນ້ອງຂອງຜູ້ເສຍສະຫຼະຊີວິດເພື່ອຊາດ, ຕອບສະໜອງຄວາມປາດຖະໜາຂອງປະຊາຊົນທົ່ວປະເທດ.
ສະເພາະລະດູແລ້ງ 2023-2024 ເທົ່ານັ້ນ, ກອງໄດ້ຄົ້ນຫາ, ເກັບກູ້ອັດຖິນັກຮົບທີ່ສະຫຼະຊີວິດເພື່ອຊາດ 87 ອັດຖິ, ປະກອບມີ ອັດຖິຢູ່ຊຽງຂວາງ 75 ອັດຖິ, ຢູ່ໄຊສົມບູນ 9 ອັດຖິ ແລະ ວຽງຈັນ 3 ອັດຖິ. ຂຸມຝັງສົບເຫຼົ່ານີ້ມັກຈະຕັ້ງເລິກຢູ່ໃນປ່າ, ບ່ອນທີ່ພູມສັນຖານເປັນອັນຕະລາຍ, ລູກລະເບີດໜາກມິນທີ່ເຫຼືອແມ່ນຊ້ອນແຝງໄປດ້ວຍຄວາມເປັນອັນຕະລາຍ. ພົບເຫັນຫຼາຍອັດຖິຢູ່ຄວາມເລິກ 0,8-1,5 ແມັດ, ປະກອບດ້ວຍເຄື່ອງຂອງເຊັ່ນ: ອູ່, ກະດຸມເສື້ອ, ສາຍແອວ, ກັບໄຟ, ຖ້ວຍກິນເຂົ້າ, ຖົງຢາສ່ວນຕົວ...
 |
| ພະນັກງານ, ນັກຮົບຂອງກອງທ້ອນໂຮມ - ກອງບັນຊາການທະຫານແຂວງ ເງ້ອານ ໄດ້ດຳເນີນການຫໍ່ອັດຖິນັກຮົບທີ່ສະຫຼະຊີວິດເພື່ອຊາດ, ທະຫານອາສາສະໝັກ, ນັກຊ່ຽວຊານຫວຽດນາມ ທີ່ເສຍສະຫຼະຊີວິດຢູ່ແຂວງ ຊຽງຂວາງ (ລາວ) ພາຍຫຼັງທີ່ຄົ້ນຫາໄດ້. (ພາບ: Trong Kien) |
ທ່ານພັນເອກພິເສດ ໂຮ່ຈ້ອງບິ່ງ, ອະດີດຫົວໜ້າກອງທ້ອນໂຮມໄດ້ຕິດພັນກັບພາລະກິດຊອກຫາມິດສະຫາຍມາເປັນເວລາ 31 ປີ. ລາວເລົ່າຄືນຄວາມຊົງຈຳທີ່ຕື້ນຕັນໃຈໃນປີ 1988 ທີ່ບ້ານ ຊອນ, ເມືອງ ເມືອງແປກ, ແຂວງຊຽງຂວາງ: ອີງຕາມແຜນທີ່ຝັງສົບ ແລະ ຄຳບອກເລົ່າຂອງຊາວບ້ານ, ກອງໄດ້ຄົ້ນພົບອັດຖິນັກຮົບທີ່ສະຫຼະຊີວິດເພື່ອຊາດ 42 ອັດຖິຂອງກອງພົນທະຫານ 312 ແລະ 316. ຕອນບ່າຍມື້ໜຶ່ງ, ໃນຂະນະທີ່ທີມງານກຳລັງທຳຄວາມສະອາດບໍລິເວນສຸສານ, ແມ່ຊາວລາວຄົນໜຶ່ງຍ່າງຄ້ຳໄມ້ຄ້ອນເທົ້າມາ, ເວົ້າພາສາຫວຽດນາມ ອໍແອ ແລະ ຊີ້ໄປຫາປ່າໄຜ່ທີ່ຢູ່ໃກ້ຄຽງວ່າ: “ມື້ນັ້ນຝົນຕົກໜັກ. ພາຍຫຼັງຝັງສົບຜູ້ເສຍສະຫຼະຊີວິດເພື່ອຊາດແລ້ວ, ອ້າຍທະຫານສອງຄົນໄດ້ຕັດລຳໄມ້ໄຜ່ທີ່ຫາມສົບມາເພື່ອໝາຍຂຸມຝັງສົບ. ໂດຍພວມແມ່ນລະດູຝົນ, ໄມ້ໄຜ່ 2 ທ່ອນໄດ້ພົ້ນຂຶ້ນມາ ແລະ ສິບປີຕໍ່ມາກໍ່ເຕີບໃຫຍ່ເປັນສຸມໄມ້ໄຜ່”.
ທັງກອງໄດ້ມິດງຽບ, ແນມເບິ່ງສຸມໄມ້ໄຜ່ທີ່ດົກໜາ ແລະ ຕັດສິນໃຈຂຸດ ແລະ ຄົ້ນຫາ. ໃນຄືນນັ້ນ, ແມ່ຍັງຕື່ນນອນ, ລໍຖ້າຟັງຂ່າວ. ໃນຕອນເຊົ້າມື້ຕໍ່ມາ, ໃນເວລາທີ່ດິນເລິກໃຕ້ຕົ້ນໄມ້ໄຜ່ໄດ້ຖືກຂຸດຂຶ້ນ, ພວກເຂົາເຈົ້າໄດ້ພົບເຫັນສາຍແອວ, ເຄື່ອງຫມາຍການທະຫານ ແລະ ອັດຖິຂອງນັກຮົບທີ່ສະຫຼະຊີວິດເພື່ອຊາດ. ແມ່ນ້ຳຕາຊຶມ ເວົ້າວ່າ: “ທະຫານໄດ້ມາຮັບເຈົ້າກັບຄືນຫວຽດນາມແລ້ວ, ຂໍໃຫ້ກັບບ້ານເດີ້!”
ຮູບພາບຂອງແມ່ທີ່ມີຫຼັງກົ່ງ, ຜົມຂາວໃນຍາມເຊົ້າແດດ, ຢືນຢູ່ຂ້າງຕົ້ນໄມ້ໄຜ່ທອງເຫຼື້ອມ ໄດ້ຝັງໄວ້ໃນໃຈຂອງທະຫານ. ສອງສາມປີຕໍ່ມາ, ເມື່ອກັບຄືນເມືອບ້ານ ຊອນ, ທ່ານ ບິ່ງ ໄດ້ຮູ້ຂ່າວວ່າ ແມ່ເສຍຊີວິດແລ້ວ. ລາວໄປບ່ອນຝັງສົບເພື່ອຖະຫວາຍທູບທຽນ, ສະແດງຄວາມຮູ້ບຸນຄຸນແກ່ຜູ້ມີບຸນຄຸນ.
ຄວາມຮັກແພງຂອງປະຊາຊົນລາວ ທີ່ມີຕໍ່ທະຫານຫວຽດນາມ ບໍ່ຢຸດຢູ່ທີ່ການສະໜອງຂໍ້ມູນເທົ່ານັ້ນ. ທ່ານພັນໂທ ເຈີ່ນວັນເຟືອງ, ອະດີດຜູ້ຮັບຜິດຊອບການເມືອງກອງທ້ອນໂຮມ ໄດ້ເລົ່າຄືນເຖິງຄາບອາຫານທີ່ລຽບງ່າຍທີ່ເຕັມໄປດ້ວຍຄວາມຮັກແພງຂອງມະນຸດວ່າ: “ມີແມ່ຕັ້ງໃຈທີ່ຈະເຊີນນາຍທະຫານເຂົ້າເຮືອນຂອງຕົນເພື່ອກິນເຂົ້າໃຫ້ໄດ້, ມີຄອບຄົວໜຶ້ງເຂົ້າໜຽວເປັນໄຫໄປມອບໃຫ້ທະຫານ. ຫຼືຄືກັບທ່ານ ພູວົງ ຢູ່ແຂວງຊຽງຂວາງ, ເຖິງວ່າເຖົ້າແກ່ແລ້ວກໍຕາມ, ແຕ່ເພິ່ນກໍຍັງອາສາສະໝັກນຳພາພວກຂາ້ພະເຈົ້າໄປຊອກຫາອັດຖິນັກຮົບທີ່ສະຫຼະຊີວິດເພື່ອຊາດທຸກຄັ້ງ”.
ນອກຈາກໜ້າທີ່ຄົ້ນຫາ, ພະນັກງານ, ນັກຮົບກອງທ້ອນໂຮມຍັງໄດ້ຈັດຕັ້ງການກວດ ແລະ ປິ່ນປົວພະຍາດ, ແຈກຢາຍຢຸກຢາ, ສ້ອມແປງເສັ້ນທາງ, ຫໍວັດທະນະທຳໃຫ້ປະຊາຊົນລາວ. ບັນດາວຽກເຮັດເຫຼົ່ານີ້ ບໍ່ພຽງແຕ່ປັບປຸງຄວາມໄວ້ວາງໃຈ, ແຕ່ຍັງຊ່ວຍເກັບກໍາຂໍ້ມູນເພີ່ມເຕີມກ່ຽວກັບການຝັງສົບຂອງນັກຮົບທີ່ສະຫຼະຊີວິດເພື່ອຊາດ, ຊຸກຍູ້ການສໍາເລັດໜ້າທີ່ຢ່າງມີປະສິດທິຜົນ.
ໃນລະດູແລ້ງປີ 2024-2025, ກອງທ້ອນໂຮມ ໄດ້ວາງເປົ້າໝາຍຊອກຫາອັດຖິນັກຮົບທີ່ສະຫຼະຊີວິດເພື່ອຊາດ 80 ສົບຢູ່ 3 ແຂວງຂອງລາວ. ທ່ານພັນເອກ ຟ້າມດິ່ງຈຸ່ງ, ຮອງຜູ້ຮັບຜິດຊອບການເມືອງກອງບັນຊາການທະຫານແຂວງ ເງ້ອານ ເນັ້ນໜັກວ່າ ນີ້ແມ່ນຄວາມຮັບຜິດຊອບ, ນ້ຳໃຈອັນສັກສິດຂອງທົ່ວພັກ, ທົ່ວປວງຊົນ, ທົ່ວກອງທັບຕໍ່ບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດ ເພື່ອເສລີພາບຂອງປະເທດຊາດ ແລະ ປະຕິບັດໜ້າທີ່ສາກົນອັນສູງສົ່ງ.
ສົງຄາມໄດ້ຖອຍຫ່າງໄປໄກ, ແຕ່ຄວາມເຈັບປວດຂອງຄອບຄົວທີ່ສູນເສຍຄົນທີ່ຮັກຍັງມີ. ເວລາຜ່ານໄປຫຼາຍເທົ່າໃດ, ມັນກໍຍິ່ງຍາກທີ່ຈະຊອກຫາບ່ອນຝັງສົບ ເພາະພູມສັນຖານມີການປ່ຽນແປງ ແລະ ພະຍານຈະຄ່ອຍໆຫາຍໄປ. ເຖິງຢ່າງໃດກໍຕາມ, ຈິດໃຈຮັບຜິດຊອບ ແລະ ຄວາມຮູ້ບຸນຄຸນ ຍາມໃດກໍ່ແມ່ນກຳລັງໜູນໃຫ້ພະນັກງານ, ນັກຮົບຂອງກອງທ້ອນໂຮມ - ກອງບັນຊາການທະຫານແຂວງ ເງ້ອານ ສືບຕໍ່ການເດີນທາງສະແດງຄວາມຮູ້ບຸນຄຸນຢ່າງລຳບາກ ແຕ່ກໍ່ເຕັມໄປດ້ວຍຄວາມໝາຍ.
| ໂດຍຮັບຮູ້ບັນດາໝາກຜົນທີ່ບັນລຸໄດ້, ປີ 2001 ກອງທ້ອນໂຮມ - ກອງບັນຊາການທະຫານແຂວງ ເງ້ອານ ໄດ້ຮັບການສັນລະເສີນເປັນວິລະຊົນຂອງກຳລັງປະກອບອາວຸດປະຊາຊົນໃນຍຸກສະໄໝໃໝ່ ໂດຍລັດ. ໃນປີ 1997, ກອງໄດ້ຮັບການປະດັບຫຼຽນໄຊ ຄຸນງາມຄວາມດີຂອງທະຫານ ຊັ້ນ 3 ຈາກລັດ; ປີ 2012 ແລະ 2021 ໄດ້ຮັບການປະກັບຫຼຽນໄຊ ວິລະກຳສູ້ຮົບ ຊັ້ນທີ 3 ຈາກລັດ. ໃນປີ 2004, ກອງໄດ້ຮັບການປະດັລຫຼຽນໄຊແຮງງານ ຊັ້ນ 2. ໃນ 6 ປີຕິດຕໍ່ກັນ (2018 - 2023), ຫົວໜ່ວຍໂດຍກອງບັນຊາການທະຫານເຂດ 4 ໄດ້ມອບນາມມະຍົດຫົວໜ່ວຍໄຊຊະນະຢ່າງເດັດຂາດ, ຄະນະປະຈຳພັກແຂວງ ເງ້ອານ ໄດ້ມອບໃບຍ້ອງຍໍ ອົງຄະນະພັກປະຕິບັດສຳເລັດໜ້າທີ່ດີເລີດ 5 ປີຢ່າງລຽນຕິດ. ຫຼາຍໝູ່ຄະນະ ແລະ ບຸກຄົນໄດ້ຮັບການຍ້ອງຍໍບັນດາຂັ້ນ. |
 | ນະຄອນໂຮ່ຈີມິນ: ສ້າງຂີດໝາຍແຫ່ງອາສາສະໝັກຢູ່ດິນແດນປະເທດລ້ານຊ້າງ ຍສໝ - ຜ່ານ 20 ປີແຫ່ງການເປັນອາສາສະໝັກ, ໄວໜຸ່ມນະຄອນ ໂຮ່ຈີມິນ ໄດ້ຜັນຂະຫຍາຍຫຼາຍໂຄງການທີ່ສຳຄັນດ້ວຍເຄື່ອງໝາຍຂອງຕົນ, ສ້າງຄວາມດີຕໍ່ປະເທດລາວ. |
 | ເຜີຍແຜ່ຄວາມຮັກພາສາຫວຽດນາມ ໃນດິນແດນລ້ານຊ້າງ ຍສໝ - ຕອບສະໜອງວັນເຊີດຊູພາສາ ຫວຽດນາມ ໃນປະຊາຄົມຊາວຫວຽດນາມ ຢູ່ຕ່າງປະເທດ, ສະຖານທູດ ຫວຽດນາມ ປະຈຳ ລາວ ໄດ້ສົມທົບກັບສະມາຄົມຊາວຫວຽດນາມ ອາໄສຢູ່ນະຄອນຫຼວງວຽງຈັນ ແລະ ຄະນະປະສານງານສະມາຄົມພຸດທະສາສະໜາ ຫວຽດນາມ ປະຈຳ ລາວ ຈັດຕັ້ງພິທີເຊີດຊູພາສາ ຫວຽດນາມ ຢູ່ ລາວ ໃນປີ 2024. |
ມີງດຶກ
