ວັນທີ 22 ພຶດສະພາ ຢູ່ແຂວງ ກວ໋າງ ນິງ ທີ່ໄດ້ຈັດກອງປະຊຸມສຳມະນາສາກົນກ່ຽວກັບ "ບົດບາດສື່ສານມວນຊົນໃນການພັດທະນາການທ່ອງທ່ຽວ" ໂດຍ ກະຊວງຖະແຫຼງຂ່າວ ແລະ ສື່ສານມວນຊົນຫວຽດນາມ; ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວລາວ ປະສານສົມທົບກັບ ກຳມະການປະຊາຊົນ ແຂວງ ກວ໋າງ ນິງ ຈັດຂື້ນ.
ເຂົ້າຮ່ວມກອງປະຊຸມຄັ້ງນີ້, ມີ ທ່ານ ຮ່ວາງ ວິງ ບ໊າວ, ຮອງລັດຖະມົນຕີ ກະຊວງຖະແຫຼງຂ່າວ ແລະ ສື່ສານມວນຊົນຫວຽດນາມ; ທ່ານ ສະຫວັນຄອນ ຣາຊະມຸນຕີ, ຮອງລັດຖະມົນຕີ ກະຊວງຖະແຫຼງຂ່າວ, ວັດທະນະທໍາ ແລະ ທ່ອງທ່ຽວລາວ; ທ່ານນາງ ຫວູ໊ ຖິ ທູ ຖຸ້ຍ, ຮອງເຈົ້າແຂວງ ກວ໋າງ ນິງ; ທ່ານ Michael Croft, ຕາງຫນ້າ ອົງການ UNESCO ຢູ່ ຫວຽດນາມ; ພ້ອມທັງການນໍາບັນດາກະຊວງ, ຂະແໜງການ, ອົງການຈັດຕັ້ງສາກົນ ແລະ ການນໍາ ສຳນັກໜັງສືພິມ ແລະ ນັກຂ່າວເຂົ້າຮ່ວມຢ່າງພ້ອມພຽງ.
 |
ການສຳມະນາສາກົນ "ບົດບາດຂອງຫນັງສືພິມໃນການພັດທະນາການທ່ອງທ່ຽວ". (ພາບ: cpv.org.vn)
ທ່ານ ຮ່ວາງ ວິງ ບ໊າວ ກ່າວວ່າ: ລາວແມ່ນປະເທດໜຶ່ງທີ່ມີນະໂຍບາຍ, ໃຫ້ຄວາມເອົາໃຈໃສ່ ໃນການທ່ອງທ່ຽວ, ເພາະວ່າການທ່ອງທ່ຽວລາວແມ່ນຂະແຫນງການເສດຖະກິດ ປາຍແຫຼມ ແລະ ມີການພັດທະນາຢ່າງໄວວາ. ຫວຽດນາມ ເປັນປະເທດທີ່ມີມໍລະດົກທາງທໍາມະຊາດ ແລະ ວັດທະນະທໍາ ໄດ້ຮັບການຢັ້ງຢືນຈາກອົງການ UNESCO, ຫວຽດນາມ ຍັງມີຈຸດປະສົງເພື່ອເຮັດໃຫ້ການທ່ອງທ່ຽວເປັນຂະແຫນງເສດຖະກິດປາຍແຫຼມ, ເຮັດໃຫ້ຫວຽດນາມເປັນຈຸດຫມາຍປາຍທາງຂອງການທ່ອງທ່ຽວຂອງໂລກ.
ທ່ານ ຄອນສະຫວັນ ຣາຊະມຸນຕີ, ຮອງລັດຖະມົນຕີຖະແຫຼງຂ່າວ, ວັດທະນະທໍາ ແລະ ທ່ອງທ່ຽວລາວ ກ່າວວ່າ: ລາວ ແລະ ຫວຽດນາມ ມີໂອກາດທີ່ດີ ເພາະວ່າທັງສອງປະເທດ ມີຂໍ້ໄດ້ປຽບດ້ານການທ່ອງທ່ຽວ ເມື່ອທຽບກັບຫຼາຍປະເທດໃນໂລກ, ແຕ່ວ່າໃນເວລາດຽວກັນ ກໍ່ຕ້ອງປະເຊີນໜ້າກັບສິ່ງທີ່ທ້າທາຍ, ທີ່ນັກຂ່າວ, ສື່ສານມວນຊົນຈໍາເປັນຕ້ອງຮູ້ແຈ້ງຢ່າງລະອຽດ, ຊ່ວຍເຫຼືອ, ກະທົບເຊິ່ງກັນແລະກັນ ໃນການໂຄສະນາເຜີຍແຜ່, ຍົກສູງຄວາມຮູ້ ເພື່ອດຶງດູດນັກທ່ອງທ່ຽວ ຮ່ວມກັນແກ້ໄຂບັນຫານັກທ່ອງທ່ຽວ ກ່ຽວກັບບັນຫາທີ່ພວກເຂົາມີຄວາມສົນໃຈ. ພ້ອມກັນນັ້ນ, ຕໍ່ຕ້ານການກ່າວຫາທີ່ຜິດຂອງ ໜັງສືພິມຕ່າງປະເທດ ຫຼື ເປົ້າໝາຍກໍ່ຄືກຸ່ມຄົນບໍ່ດີທີ່ຈະທໍາລາຍພາບລັກ ການທ່ອງທ່ຽວ ລາວ ແລະ ຫວຽດນາມ.
ທ່ານ ວາລະສັກ ພະວົງວຽງຄຳ ຮອງອໍານວຍການໃຫຍ່ ວິທະຍຸກະຈາຍສຽງແຫ່ງຊາດລາວ ໄດ້ເນັ້ນຫນັກເຖິງການເຊື່ອມໂຍງ ຂ່າວສານ ແລະ ເຕັກໂນໂລຢີ, ຂໍ້ມູນຂ່າວສານ ກັບ ການທ່ອງທ່ຽວຍຸກໃໝ່, ນໍາເອົາຜົນປະໂຫຍດ ແລະ ຜົນກຳໄລ ມາຍັງໃຫ້ຜູ້ຊົມໃຊ້ ແລະ ຜູ້ບໍລິການ-ການທ່ອງທ່ຽວ. ຄວາມຮູ້ກ່ຽວກັບ ຮູບແບບ, ວິທີການຈັດສັນ, ການນໍາໃຊ້ ເຕັກໂນໂລຢີຂໍ້ມູນຂ່າວສານ, ທັງແບບດັ້ງເດີມ ແລະ ທັນສະໄຫມ, ຈະເປັນການປະກອບສ່ວນສໍາຄັນຕໍ່ການເຂົ້າເຖິງຜູ້ຊົມໃຊ້ ແລະ ນັກທ່ອງທ່ຽວ...
（ຄຳຮຸ່ງ）
