ຊ່ວຍເຫຼືອປະຊາຊົນຢູ່ເຂດຊາຍແດນ

ການລາດຕະເວນຊາຍແດນ.(ພາບ:qdnd.vn)

ພາຍຫຼັງກວ່າ 5 ປີ ແຫ່ງການເຄື່ອນໄຫວ, ກໍາລັງທະຫານລາດຂອງຕາແສງໄດ້ເສີມຂະຫຍາຍບົດບາດເປັນແກ່ນສານໃນການຮັກສາຄວາມໝັ້ນຄົງດ້ານການເມືອງ, ຊ່ວຍປະຊາຊົນລົບລ້າງຄວາມອຶດຫິວຫຼຸດຜ່ອນຄວາມທຸກຍາກ, ປະຕິບັດໜ້າທີ່ການທະຫານ-ການປ້ອງກັນຊາດຂອງທ້ອງຖິ່ນ.

ໝູ່ທະຫານລາດຂອງຕາແສງແຕນຕັ່ນ ແມ່ນກໍາລັງເຄື່ອນໄຫວຢູ່ກັບທີ່, ກໍາແໜ້ນຮີດຄອງປະເພນີຂອງປະຊາຊົນສອງປະເທດ ຫວຽດນາມ-ລາວ; ຍ້ອນແນວນັ້ນພະນັກງານ, ນັກຮົບຂອງກົມກອງໄດ້ກໍາແໜ້ນທຸກໆສະພາບການຢູ່ບັນດາໝູ່ບ້ານໃນເຂດຫ່າງໄກສອກຫຼີກຢ່າງວ່ອງໄວ, ເປັນເສນາທິການໃຫ້ຄະນະພັກ, ອໍານາດການປົກຄອງທ້ອງຖິ່ນເພື່ອແກ້ໄຂບັນດາກໍລະນີເກີດຂຶ້ນຢ່າງທັນການ.

ໝູ່ທະຫານລາດໄດ້ເຄື່ອນໄຫວເປັນເອກະລາດ ຫຼື ສົມທົບກັບກໍາລັງຂອງຄ້າຍທະຫານຊາຍແດນແຕນຕັ່ນ, ຕໍາຫຼວດທ້ອງຖິ່ນຈັດຕັ້ງການລາດຕະເວນ, ປົກປັກຮັກສາເສັ້ນຊາຍແດນ, ຫຼັກໝາຍຊາຍແດນ, ລາດຕະເວນປົກປັກຮັກສາປ່າກວ່າ 260 ຄັ້ງ, ໜູນຊ່ວຍການຈັບຕົວ, ແກ້ໄຂນັບສິບຄະດີ ເປັນຕົ້ນຄື: ຂີ້ລັກ, ຄ້າເຖື່ອນ, ຂົນສົ່ງຢາເສບຕິດຢ່າງຜິດກົດໝາຍ ແລະ ອື່ນໆ.

（ໄຊພອນ）