ກຳມະການພັກແຂວງ - ເລຂາພັກ ທະຫານແຂວງ ເລ ດິ່ງເຊີນ, ຫົວໜ້າກອງບັນຊາການ ທະຫານແຂວງ ພັນເອກ ເຈິ່ນ ວັນເຊີນ ຕ້ອນຮັບ ແລະ ເຮັດວຽກໃນຄັ້ງນີ້.
 |
ຕ່າງໜ້າໃຫ້ແກ່ພະນັກງານ, ນັກຮົບ ກອງບັນຊາການທະຫານ ແຂວງ ຮ່າຕິ໋ງ, ພັນເອກ ເຈີ່ນ ວັນເຊີນ ສະແດງຄວາມຍິນດີຕ້ອນຮັບ ທ່ານເລຂາພັກແຂວງ ເຈົ້າແຂວງໆ ບໍລິຄຳໄຊ ກ່ອງແກ້ວ ໄຊສົງຄາມ ພ້ອມຄະນະ .
ທ່ານພັນເອກ ເຈີ່ນ ວັນເຊີນ ສະແດງຄວາມຂອບອົກຂອບໃຈ ຕໍ່ການນຳພັກ, ອຳນາດການປົກຄອງ, ກອງບັນຊາການທະຫານແຂວງ, ພະແນກ ສະຫວັດດີການ-ສັງຄົມ ແຂວງ, ຄະນະ ປະຕິບັດງານພິເສດ ແຂວງບໍລິຄຳໄຊ ແລະ ປະຊາຊົນບັນດາເຜົ່າ ຂອງ ລາວ ໄດ້ມອບຄວາມຮູ້ສຶກພິເສດ ແລະ ການຊ່ວຍເຫຼືອອັນຍິງໃຫ່ຍ ເພື່ອໃຫ້ຄະນະຂຸດຊອກຫາ ແລະ ທ້ອນໂຮມ ອັດຖິ ສຳເລັດພາລະກິດທີ່ໄດ້ຮັບການມອບໝາຍ ແລະ ຫວັງເປັນຢ່າງຍິ່ງວ່າ ຈະໄດ້ຮັບການຊ່ວຍເຫຼືອ, ຄວາມເອົາໃຈໃສ່, ຊ່ວຍເຫຼືອ ໃນຂະບວນການ-ການສຳຫຼວດ, ບົ່ງຊີ້ ແລະ ເຕົ້າໂຮມອັດຖິນັກຮົບວິລະຊົນ.
 |
ຄະນະການນຳແຂວງ ບໍລິຄຳໄຊ ມອບໄມ້ເປັນທີ່ລຶກນຶກໃຫ້ ການນຳກອງບັນຊາການທະຫານແຂວງ ຮ່າຕິ໋ງ.(ພາບ: baohatinh.vn)
ເລຂາພັກແຂວງ ເຈົ້າແຂວງໆ ບໍລິຄຳໄຊ ກ່ອງແກ້ວ ໄຊສົງຄາມ ສະແດງຄຳຂອບໃຈ ໃນການຕ້ອນຮັບ ອັບອົບອຸ່ນ ແລະ ໄມຕີຈິດ ຂອງສະຫາຍ, ເພື່ອນຮ່ວມກົມກອງ ຂອງ ກອງບັນຊາການທະຫານແຂວງ ຮ່າຕິ໋ງ ທີ່ມອບໃຫ້ຄະນະ, ທ່ານຕີລາຄາສູງ ການຊ່ວຍເຫຼືອຂອງກອງບັນຊາການທະຫານ ແຂວງຮ່າຕິ໋ງ ໃຫ້ແກ່ ອຳນາດການປົກຄອງ, ປະຊາຊົນ ແຂວງບໍລິຄຳໄຊ ໃນທຸກໆຂົງເຂດ.
ທ່ານເລຂາພັກແຂວງໆ ບໍລິຄຳໄຊ ຢັ້ງຢືນ: ໃນອານາຄົດ ອຳນາດການປົກຄອງ, ຄະນະປະຕິບັດງານພິເສດແຂວງ ຈະສືບຕໍ່ຊີ້ນຳໃຫ້ເປັນຢ່າງດີວຽກງານ ໂຄສະນາ, ຂົນຂວາຍ ຂະບວນການ ການສະໜອງຂໍ້ມູນຂ່າວສານ ກ່ຽວກັບຂຸມຝັງສົບຂອງ ທະຫານວິລະຊົນ, ພ້ອມນີ້ກໍ່ຈະປະສານສົມທົບ, ຊ່ວຍເຫຼືອໃນການສົ່ງກຳລັງຕິດຕາມ ເພື່ອສະໜອງຂ່າວສານ, ສ້າງເງື່ອນໄຂຈັດແຈງບ່ອນພັກເຊົາ ແລະ ກິນຢູ່ໃຫ້ແກ່ ກອງຂຸດຄົ້ນ ຂອງ ຫວຽດນາມ, ຈັດກຳລັງປ້ອງກັນຄວາມປອດໄພ ໃນໄລຍະຂອງການປະຕິບັດງານ ກໍ່ຄືພາລະກິດ...
ກ່ອນໜ້ານັ້ນ ເລຂາພັກແຂວງ ເຈົ້າແຂວງໆ ບໍລິຄຳໄຊ ທ່ານ ກ່ອງແກ້ວ ໄຊສົງຄາມ ພ້ອມຄະນະ ກໍ່ໄດ້ເຂົ້າຢ້ຽມຊົມການເຄື່ອນໄຫວ ຜລິດ ຢູ່ບໍລິສັດ ເຫຼັກ ຮຶງຫງຽບ Formosa ຮ່າຕິ໋ງ ແລະ ບໍລິສັດ ຫຸ້ນສ່ວນ ທ່າເຮືອສາກົນ ລາວ-ຫວຽດ.
 |
ຄະນະເຂົ້າຮ່ວມຢ້ຽມຊົມ ລະບົບການຄຸ້ມຄອງ, ກວດກາ ແລະ ບຳບັດສິ່ງເສດເຫຼືອຂອງ ບໍລິສັດ Formosa ຮ່າຕິ໋ງ.(ພາບ: baohatinh.vn)
 |
ຄະນະຢ້ຽມຊົມລະບົບ ລະບົບ ຕ່າງຂອງ ທ່າເຮືອ ເຊີນເຢືອງ.(ພາບ: baohatinh.vn)
 |
 |
ຄະນະຢ້ຽມຊົມ ກຳປັ່ນ ສາກົນ ລາວ-ຫວຽດ.(ພາບ: baohatinh.vn)
（ຫັດທະບູນ）
