 |
ໝໍໜຸ່ມແຂວງກວ໋າງຈິ ໃຫ້ການກວດພະຍາດ,ແຈກຢາປົວພະຍາດໃຫ້ປະຊາຊົນພາຍໃນແຂວງສະຫວັນນະເຂດ.
ການຈັດຕັ້ງປະຕິບັດໂຄງການ ກະມະບານ ແລະ ຂະບວນການຊາວຫນຸ່ມ ປີ 2018, ໂຄງການ ປະສານງານ ປະຈໍາປີລະຫວ່າງ ແຂວງ ກວ໋າງຈິ ແລະ ແຂວງ ສະຫວັນນະເຂດ (ສປປ ລາວ), ແຕ່ວັນທີ 12 ຫາ 16 ມິຖຸນາ, ສະຫະພັນຊາວຫນຸ່ມແຂວງ ກວ໋າງຈິ ຈັດຕັ້ງຂະບວນການຊາວຫນຸ່ມອາສາສະຫມັກຢູ່ເມືອງ ອຸທຸມພອນ ແລະ ໄຊບູລີ, ແຂວງ ສະຫວັນນະເຂດ, ສາທາລະນະລັດ ປະຊາທິປະໄຕ ປະຊາຊົນລາວ ດ້ວຍການເຄື່ອນໄຫວຢ່າງເປັນຮູບປະທຳ .
ສະນັ້ນ, ຄະນະອາສາສະຫມັກດ້ວຍສະມາຊິກ ສະມາຄົມທ່ານໝໍໄວຫນຸ່ມ ແຂວງ ກວ໋າງຈິ ໄດ້ປະຕິບັດການກວດພະຍາດ, ປິ່ນປົວ, ແຈກຢາປົວພະຍາດບໍ່ເສຍຄ່າ ແລະ ໂຄສະນາເຜີຍແຜ່ ຕໍ່ຕ້ານພະຍາດເຂດຮ້ອນ ໃຫ້ຫຼາຍກວ່າ 4,000 ຄົນ ທົ່ວແຂວງ ສະຫວັນນະເຂດ(ລາວ); ປະສານງານາກັບໂຮງຫມໍເມືອງ ອຸທຸມພອນ, ໄດ້ຈັດຕັ້ງປະຕິບັດການຜ່າຕັດ ໃຫ້ຄົນເຈັບທີ່ມີ ຄວາມທຸກຍາກລຳບາກ, ເປັນກ້ອນເບົົ້າໃນຊ່ອງເອິກເປັນເວລາຫຼາຍປີ; ການແນະນໍາ ແລະ ຮັບເຕັກໂນໂລຢີທາງການແພດບາງຢ່າງໃຫ້ແກ່ບາງໂຮງຫມໍເມືອງ ທີ່ຍັງມີຄວາມລຳບາກ. ນອກຈາກນັ້ນ, ຄະນະຜູ້ແທນກໍ່ຍັງໄດ້ມອບ ເຂົ້າສານຈ້າວ ຈຳນວນ 1 ໂຕນ, ເກີບ 2,000 ຄູ່, ຜ້າຜັນຄໍ 2,000 ຜືນ, ມຸ້ງ 500 ດາງ ໃຫ້ພໍ່ແມ່ປະຊາຊົນ ແລະ ນ້ອງນັກຮຽນ; ມອບຂອງຂວັນໃຫ້ແກ່ຄອບຄົວນະໂຍບາຍ, ຄວບຄົວທີ່ທຸກຍາກລຳບາກ ໃນທົ່ວແຂວງ; ຈັດການແລກປ່ຽນວັດທະນະທໍາສິລະປະ, ກິລາກາຍຍະກຳ ກັບຊາວຫນຸ່ມທ້ອງຖິ່ນ.
ຂະບວນການອາສາສະຫມັກ ທີ່ຈັດຂຶ້ນຢູ່ ສປປລາວ ຄັ້ງນີ້ສະແດງໃຫ້ເຫັນເຖິງຈິດໃຈ ຕໍ່ສູ້, ອາສາສະໝັກ ຂອງຊາວໜຸ່ມ ກວ໋າງຈິ ຕໍ່ກັບປະຊາຊົນ, ນັກຮຽນທີ່ຍັງມີຄວາມທຸກຍາກລຳບາກ ຂອງສອງເມືອງຄື: ອຸທຸມພອນ ແລະ ໄຊບູລີ, ແຂວງ ສະຫວັນນະເຂດ.
ພິເສດໃນປີ 2017, ອົງການຊາວຫນຸ່ມແຂວງ ກວ໋າງຈິ ກໍ່ໄດ້ຮ່ວມມືກັບ ສະພາກາແດງ, ສະມາຄົມທ່ານໝໍໜຸ່ມ ຈັດຕັ້ງຂະບວນການຊາວຫນຸ່ມອາສາສະຫມັກ ຢູ່ເມືອງ ນອງ, ແຂວງ ສະຫວັນນະເຂດ. ຢູ່ທີ່ນີ້, ຄະນະທ່ານໝໍໜຸ່ມ ໄດ້ກວດພະຍາດ, ແຈກຢາປົວພະຍາດບໍ່ເສຍຄ່າ ແລະ ໃຫ້ຄໍາປຶກສາທາງການແພດກ່ຽວກັບສຸຂະພາບ ແກ່ປະຊາຊົນ 19 ບ້ານທົ່ວເມືອງ ນອງມີຫຼາຍກວ່າ 1,300 ຄົນ.
ຮອງເລຂາອົງການຊາວໝຸ່ມແຂວງ ກວ໋າງຈິ, ທ່ານ ເຈິ່ນຊົນແອັງ ໃຫ້ຮູ້ວ່າ: ຂະບວນການຊາວໜຸ່ມອາສາສະຫມັກ ຢູ່ແຂວງສະຫວັນນະເຂດ ເປັນກິດຈະກໍາປະຈໍາປີຂອງຊາວຫນຸ່ມ ກວ໋າງຈິ. ອົງການຊາວໜຸ່ມແຂວງ ກວ໋າງຈິ ຄາດຫວັງວ່າຂະບວນການທີ່ຈັດຂື້ນຈະປະກອບສ່ວນຊ່ວຍເຫຼືອ ປະຊາຊົນຢູ່ບັນດາເມືອງຂອງແຂວງ ສະຫວັນນະເຂດ ຜ່ານຜ່າຄວາມຫຍຸ້ງຍາກລະບາກປະຈຸບັນ ກ້າວຂື້ນເປັນກ້າວໆໃນອານາຄົດ; ຈາກນັ້ນປະກອບສ່ວນເຂົ້າໃນຮັດແໜ້ນນ້ຳໃຈສາມັກຄີ, ມິດຕະພາບອັນເລິກເຊິ່ງ ລະຫວ່າງ ຊາວໜຸ່ມຂອງສອງແຂວງ ກວ໋າງຈິ-ສະຫວັນນະເຂດ ເວົ້າສະເພາະ, ສອງປະເທດຫວຽດນາມ-ລາວເວົ້າລວມ.
（ຫັດທະບູນ）
