 |
| ການໂອ້ລົມສົນທະນາ (ພາບ: TTXVN) |
ໂດຍປະຕິບັດແຜນການຮ່ວມມືລະຫວ່າງພັກກອມມູນິດ ຫວຽດນາມ ແລະ ພັກປະຊາທິປະໄຕສັງຄົມ ເຢຍລະມັນ (SPD), ວັນທີ 16 ພຶດສະພາຢູ່ ແບກລິນ, ຄະນະຜູ້ແທນພັກກອມມູນິດ ຫວຽດນາມ ໂດຍທ່ານ ຫງວຽນວັນທັ໊ງ, ກຳມະການກົມການເມືອງ, ຜູ້ອຳນວຍການສະຖາບັນການເມືອງແຫ່ງຊາດໂຮ່ຈີມິນ, ປະທານສະພາທິດສະດີສູນກາງ ນຳໜ້າ ໄດ້ດຳເນີນການໂອ້ລົມສົນທະນາທິດສະດີຄັ້ງທີ 7 ກັບຄະນະຜູ້ແທນພັກ SPD ໂດຍທ່ານ Alexander Schweitzer ກຳມະການສູນກາງພັກ SPD, ລັດຖະມົນຕີກະຊວງແຮງງານ, ສັງຄົມ, ຫັນປ່ຽນ ແລະ ຫັນເປັນດີຈີຕອນ ລັດ Rheinland-Pfalz ເປັນຫົວໜ້າຄະນະ.
ການໂອ້ລົມສົນທະນາມີຫົວຂໍ້ວ່າ “ການເຕີບໂຕສີຂຽວຕິດພັນກັບການປົກປັກຮັກສາສິ່ງແວດລ້ອມ, ເປັນເຈົ້າການໃນການຮັບມືກັບການປ່ຽນແປງຂອງດິນຟ້າອາກາດຢູ່ ຫວຽດນາມ ແລະ ເຢຍລະມັນ”.
ທີ່ການໂອ້ລົມສົນທະນາ, ສອງຝ່າຍໄດ້ດຳເນີນ 3 ວາລະປຶກສາຫາລື ແລະ ແລກປ່ຽນກ່ຽວກັບ “ການເຕີບໂຕສີຂຽວ”, “ພະລັງງານທົດແທນ ຢູ່ ຫວຽດນາມ ແລະ ເຢຍລະມັນ” ແລະ “ກະສິກຳຂຽວ”. ໃນບັນຍາກາດກົງໄກກົງມາ ແລະ ເປີດເຜີຍ, ບັນດາຜູ້ແທນສອງປະເທດ ໄດ້ປຶກສາຫາລື ແລະ ແລກປ່ຽນຄຳເຫັນກ່ຽວກັບບັນຫາທິດສະດີ ແລະ ພຶດຕິກຳຕົວຈິງຂອງສອງພັກ, ສອງລັດຢ່າງເລິກເຊິ່ງ.
ບຸນຄົງ
