| ຄວາມເສົ້າສະຫຼົດໃຈຈາກສະມາຄົມມິດຕະພາບລາວ-ຫວຽດນາມ ທີ່ໄດ້ເສຍຊີວິດໄປຂອງທ່ານພົນຈັດຕະວາ ຮ່ວາງດັກເຮີອງ | |
| ຜັນຂະຫຍາຍການເຄື່ອນໄຫວໜູນຊ່ວຍ, ຂົນຂວາຍປະຊາຄົມຊາວ ຫວຽດນາມ ຢູ່ ສ.ເກົາຫຼີ |
 |
| ທ່ານປະທານສະພາແຫ່ງຊາດ ເຈີ່ນແທງເໝີນ ແລະ ພັນລະຍາ ໄດ້ພົບປະກັບບັນດາພະນັກງານສະຖານທູດ ແລະ ປະຊາຄົມຊາວ ຫວຽດນາມ ປະຈຳ ເຊເນການ. (ພາບ: TTXVN) |
ທີ່ການພົບປະ, ທ່ານເອກອັກຄະລັດຖະທູດ ຫວຽດນາມ ປະຈຳ Algeria ຄວບຕຳແໜ່ງ ເຊເນການ ເຈີ່ນກ໋ວກແຄ໋ງ ໃຫ້ຮູ້ວ່າ ປະຈຸບັນ ມີຊາວ ຫວຽດນາມ ແລະ ຊາວທີ່ມີເຊື້ອຊາດຫວຽດນາມ ປະມານ 3.000 ຄົນພວມດຳລົງຊີວິດ ແລະ ເຮັດວຽກຢູ່ ເຊດນການ. ເຖິງວ່າປະຊາຄົມບໍ່ໃຫຍ່ປານໃດກໍ່ຕາມ, ແຕ່ຍັງສະເໝີຕົ້ນສະເໝີປາຍ, ເປັນເອກະພາບ ແລະ ມຸ່ງໄປເຖິງປະເທດຊາດ. ການທີ່ທ່ານປະທານສະພາແຫ່ງຊາດ ເຈີ່ນແທງເໝີນ ພ້ອມດ້ວຍພັນລະຍາໄດ້ພົບປະກັບປະຊາຊົນໃນທັນທີທີ່ເດີນທາງມາເຖິງ ເຊເນກາ ໄດ້ສະແດງໃຫ້ເຫັນຄວາມເອົາໃຈໃສ່ຢ່າງເລິກເຊິ່ງຂອງພັກ ແລະ ລັດທີ່ມີຕໍ່ປະຊາຄົມຊາວຫວຽດນາມ ຢູ່ຕ່າງປະເທດ, ທັງແມ່ນແຫຼ່ງກຳລັງໜູນດ້ານຈິດໃຈໃຫ້ແກ່ຊາວຫວຽດນາມ ອາໄສຢູ່ຕ່າງປະເທດ ແລະ ພະນັກງານສະຖານທູດ.
ກ່າວຄຳປາໄສທີ່ການພົບປະ, ທ່ານປະທານສະພາແຫ່ງຊາດ ເຈີ່ນແທງເໝີນ ໄດ້ສົ່ງຄຳອວຍພອນອັນອົບອຸ່ນຈາກທ່ານເລຂາທິການໃຫຍ່ ໂຕເລີມ,ທ່ານປະທານປະເທດ ເລືອງເກື່ອງ ແລະ ທ່ານນາຍົກລັດຖະມົນຕີ ຟ້າມມິງຈິງມາຍັງປະຊາຄົມຊາວ ຫວຽດນາມ ຢູ່ ເຊເນການ. ທ່ານປະທານສະພາແຫ່ງຊາດໃຫ້ຮູ້ວ່າ ການຢ້ຽມຢາມໄດ້ດຳເນີນຕາມຄຳເຊີນຂອງປະທານສະພາແຫ່ງຊາດ ເຊເນການ Malick Ndiaye ແລະ ມີຄວາມໝາຍສຳຄັນໃນການເພີ່ມທະວີຄວາມໄວ້ເນື້ອເຊື່ອໃຈດ້ານການເມືອງ, ຊຸກຍູ້ການຮ່ວມມືລະຫວ່າງ 2 ປະເທດໃນຫຼາຍຂົງເຂດ.
ຄາດຄະເນວ່າ ໃນຂອບເຂດການຢ້ຽມຢາມ, ທ່ານປະທານສະພາແຫ່ງຊາດ ເຈີ່ນແທງເໝີນ ຈະມີການເຈລະຈາກັບທ່ານປະທານສະພາແຫ່ງຊາດ ເຊເນການ, ພົບປະກັບປະທານນາທິບໍດີ ແລະ ນາຍົກລັດຖະມົນຕີ ເຊເນການ, ເປັນປະທານຮ່ວມກອງປະຊຸມສຳມະນານະໂຍບາຍກົດໝາຍເພື່ອຊຸກຍູ້ການຮ່ວມມືໃນຂົງເຂດກະສິກຳ, ການຄ້າ ແລະ ການລົງທຶນ. ເນື່ອງໃນໂອກາດນີ້, ສະພາແຫ່ງຊາດຂອງສອງປະເທດຈະລົງນາມໃນສັນຍາຮ່ວມມື, ສ້າງຂອບເຂດນິຕິກຳເພື່ອແນໃສ່ເພີ່ມທະວີການພົວພັນລະຫວ່າງສອງອົງການນິຕິບັນຍັດ, ປະກອບສ່ວນເຂົ້າໃນການຮັດແໜ້ນການພົວພັນລະຫວ່າງສອງປະເທດຫວຽດນາມ - ເຊເນການ.
 |
| ທ່ານປະທານສະພາແຫ່ງຊາດ ເຈີ່ນແທງເໝີນ (ທີ່ສອງຈາກຊ້າຍ) ແລະ ພັນລະຍາ ໄດ້ມອບຂອງຂວັນໃຫ້ປະຊາຄົມຊາວຫວຽດນາມ ອາໄສຢູ່ ເຊເນການ. (ພາບ: TTXVN) |
ທ່ານປະທານສະພາແຫ່ງຊາດ ໄດ້ແຈ້ງໃຫ້ຊາບກ່ຽວກັບສະພາບການພັດທະນາຂອງປະເທດ, ແລະ ເນັ້ນໜັກວ່າ ພັກ ແລະ ລັດ ຍາມໃດກໍ່ຖືປະຊາຄົມຊາວ ຫວຽດນາມ ຢູ່ ເຊເນການແມ່ນສ່ວນໜຶ່ງທີ່ຂາດບໍ່ໄດ້ຂອງປະເທດຊາດ. ຕີລາຄາສູງບົດບາດເຊື່ອມຕໍ່ຂອງອົງການບັນດາຊາວ ເຊເນການ ທີ່ມີເຊື້ອຊາດຫວຽດນາມ (ກີມສະມາຄົມ), ປະທານສະພາແຫ່ງຊາດ ສະເໜີໃຫ້ອົງການນີ້ ສືບຕໍ່ເປັນຂົວຕໍ່ຂໍ້ມູນຂ່າວສານລະຫວ່າງປະເທດ ແລະ ປະຊາຄົມ, ພິເສດແມ່ນເຜີຍແຜ່ຈິດໃຈປະດິດສ້າງ, ປະສິດທິຜົນໃນກົນໄກຄຸ້ມຄອງ, ຊຸກຍູ້ຄວາມມຸ່ງມາດປາດຖະໜາຂອງປະເທດຊາດໃນການພັດທະນາ ແລະ ກ້າວໜ້າໃນຍຸກໃໝ່. ພ້ອມກັນນັ້ນ, ໂຄສະນາຢ່າງຕັ້ງໜ້າຮູບພາບປະເທດຊາດ ແລະ ຊາວ ຫວຽດນາມ ເຖິງເພື່ອນມິດສາກົນ, ໃນນັ້ນມີປະຊາຊົນ ເຊເນການ.
ທ່ານປະທານສະພາແຫ່ງຊາດ ກໍ່ສະເໜີໃຫ້ພະນັກງານ, ລັດຖະກອນສະຖານທູດຫວຽດນາມ ປະຈຳ ເຊເນການເພີ່ມທະວີການໜູນຊ່ວຍປະຊາຄົມຊາວ ຫວຽດນາມ, ພິເສດແມ່ນບັນດາຂໍ້ມູນຂ່າວສານນະໂຍບາຍ, ການສອນ ແລະ ຮຽນພາສາຫວຽດນາມ, ແລະ ເຊື່ອມໂຍງເຂົ້າກັບບັນດາກະຊວງ, ຂະແໜງການພາຍໃນປະເທດ ເພື່ອປັບປຸງເງື່ອນໄຂຊີວິດການເປັນຢູ່, ຮ່ຳຮຽນ ແລະ ເຮັດວຽກຂອງຊາວຫວຽດນາມ ອາໄສຢູ່ປະເທດປະຈຳຖີ່ນ.
ປາດຖະໜາວ່າປະຊາຊົນຈະສືບຕໍ່ຜ່ານຜ່າຄວາມຫຍຸ້ງຍາກ, ຊີວິດການເປັນຢູ່ຢ່າງໝັ້ນຄົງ, ທ່ານປະທານສະພາແຫ່ງຊາດ ເຈີ່ນແທງເໝີນ ປາດຖະໜາວ່າປະຊາຊົນຈະສືບຕໍ່ຜ່ານຜ່າຄວາມຫຍຸ້ງຍາກ, ຊີວິດການເປັນຢູ່ຢ່າງໝັ້ນຄົງ, ທ່ານປະທານສະພາແຫ່ງຊາດ ເຈີ່ນດ້າຍກວາງ ປາດຖະໜາວ່າ ລັດຖະບານທ້ອງຖິ່ນຈະສືບຕໍ່ໜູນຊ່ວຍປະຊາຄົມຊາວຫວຽດນາມ ເຊື່ອມໂຍງເປັນຢ່າງດີ, ປະກອບສ່ວນຢ່າງຕັ້ງໜ້າເຂົ້າໃນການພັດທະນາຂອງ ເຊເນການ ແລະ ເຮັດໃຫ້ການພົວພັນມິດຕະພາບຫວຽດນາມ - ເຊເນການ ເລິກເຊິ່ງກວ່າອີກ.
 |
| ຜູ້ຕາງໜ້າ ກີມສະມາຄົມ ກ່າວຄຳປາໄສ. (ພາບ: TTXVN) |
ຜູ້ຕາງໜ້າ ກີມສະມາຄົມ ສະແດງຄວາມປິຕິຊົມຊື່ນຕໍ່ຜົນສຳເລັດຂອງການພັດທະນາເສດຖະກິດ - ສັງຄົມຂອງ ຫວຽດນາມ ໃນໄລຍະຜ່ານມາ, ຢືນຢັນຄວາມປາດຖະໜາຢາກສືບຕໍ່ເຮັດໜ້າທີ່ເປັນ “ຂົວຕໍ່” ເພື່ອເພີ່ມທະວີການແລກປ່ຽນດ້ານວັດທະນະທຳ ແລະ ການຮ່ວມມືລະຫວ່າງ 2 ປະເທດ. ກີມສະມາຄົມ ສະເໜີໃຫ້ ຫວຽດນາມ ໜູນຊ່ວຍ ເຊເນການ ໃນບັນດາຂົງເຂດທີ່ມີທ່າແຮງຄືການປຸງແຕ່ງກະສິກຳ ແລະ ຜະລິດເຂົ້າ; ຊຸກຍູ້ບັນດາການເຄື່ອນໄຫວແຮກສ່ຽວໃນການສຶກສາ ແລະ ບຳລຸງສ້າງ; ສ້າງເງື່ອນໄຂໃຫ້ປະຊາຄົມຊາວຫວຽດນາມ ອາໄສຢູ່ ເຊເນການ ຮັກສາ ແລະ ເສີມຂະຫຍາຍຮີດຄອງປະເພນີວັດທະນະທຳຂອງຊາດ...
 | ຄວາມເສົ້າສະຫຼົດໃຈຈາກສະມາຄົມມິດຕະພາບລາວ-ຫວຽດນາມ ທີ່ໄດ້ເສຍຊີວິດໄປຂອງທ່ານພົນຈັດຕະວາ ຮ່ວາງດັກເຮີອງ ຍສໝ - ສະມາຄົມມິດຕະພາບລາວ-ຫວຽດນາມ ໄດ້ສົ່ງຈົດໝາຍສະແດງຄວາມເສຍໃຈມາຍັງ ຫວຽດນາມ ໃນການເສຍຊີວິດຂອງທ່ານພົນຈັດຕະວາ ຮ່ວາງດັກເຮີອງ - ຜູ້ມີບັນດາການປະກອບສ່ວນອັນໃຫຍ່ຫຼວງໃຫ້ແກ່ການປະຕິວັດລາວ ແລະ ການພົວພັນມິດຕະພາບແບບພິເສດລະຫວ່າງສອງປະເທດ. |
 | ຜັນຂະຫຍາຍການເຄື່ອນໄຫວໜູນຊ່ວຍ, ຂົນຂວາຍປະຊາຄົມຊາວ ຫວຽດນາມ ຢູ່ ສ.ເກົາຫຼີ ຍສໝ - ແຕ່ວັນທີ 13-14 ມິຖຸນາ 2025, ຄະນະປະຕິບັດງານຄະນະກຳມະການແຫ່ງລັດກ່ຽວກັບຊາວຫວຽດນາມ ອາໄສຢູ່ຕ່າງປະເທດໂດຍທ່ານປະທານຄະນະກຳມະການ ຫງວຽນຈຸງກຽນ ນຳໜ້າໄດ້ໄປຢ້ຽມຢາມ ສ.ເກົາຫຼີ ເພື່ອຜັນຂະຫຍາຍການເຄື່ອນໄຫວໜູນຊ່ວຍ ແລະ ຂົນຂວາຍປະຊາຄົມ. ຢູ່ທີ່ນີ້, ຄະນະໄດ້ມີການພົບປະກັບຊາວຫວຽດນາມ ອາໄສຢູ່ຕ່າງປະເທດເກືອບ 20 ຄົນ ເຊິ່ງແມ່ນຜູ້ຕາງໜ້າຂອງບັນດາສະມາຄົມໃຫຍ່ ແລະ ຢ້ຽມຢາມບັນດາວິສາຫະກິດທີ່ດີເດັ່ນຂອງ ຫວຽດນາມ. |
ມີງດຶກ
