 | ເປີດກວ້າງການພົວພັນ ຫວຽດນາມ - ຍີ່ປຸ່ນ |
| ປ່ຽນແປງໃໝ່ວິທີເຂົ້າເຖິງໃນການພັດທະນາການພົວພັນປະຊາຊົນຫວຽດນາມ - ລາວ |
ຫວ່າງມໍ່ໆນີ້, ຢູ່ນະຄອນໂຮ່ຈິມິນ, ໄດ້ດຳເນີນການພົບປະລະຫວ່າງທ່ານ ໂຕເລີມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ; ທ່ານປະທານພັກປະຊາຊົນກຳປູເຈຍ, ປະທານສະພາສູງລາຊະອານາຈັກກຳປູເຈຍ Hun Sen ແລະ ທ່ານເລຂາທິການໃຫຍ່ພັກປະຊາຊົນປະຕິວັດລາວ, ປະທານປະເທດ ສປປ ລາວ ທອງລຸນ ສີສຸລິດ. ການພົບປະຂອງຜູ້ນຳ 3 ພັກ 3 ປະເທດ ໄດ້ສືບຕໍ່ຢືນຢັນແນວທາງນະໂຍບາຍອັນສະເໝີຕົ້ນສະເໝີປາຍຂອງ 3 ພັກ, 3 ປະເທດ, ຍາມໃດກໍ່ໃຫ້ບູລິມະສິດການເພີ່ມພຸນຄຸນສ້າງສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງ 3 ພັກ, 3 ປະເທດ ກໍ່ຄືປະຊາຊົນ ຫວຽດນາມ - ລາວ - ກຳປູເຈຍ.
 |
| ແຂວງ ດົ່ງນາຍ ຈັດຕັ້ງວັນບຸນວັດທະນະທຳ ຫວຽດນາມ - ລາວ - ກຳປູເຈຍ ປີ 2024 ໃຫ້ບັນດານັກສຶກສາຂອງ 3 ປະເທດຮ່ຳຮຽນຢູ່ ດົ່ງນາຍ. ພາບ: ຄະນະຊາວໜຸ່ມແຂວງສະໜອງ |
ນະໂຍບາຍສອດຄ່ອງຂອງ 3 ພັກ, 3 ປະເທດ
ໃນຂະບວນການປະຕິບັດນະໂຍບາຍການຕ່າງປະເທດຕາມທິດທາງເປີດກ້ວາງ, ຫັນເປັນຫຼາຍຝ່າຍ, ຫັນເປັນຫຼາຍຮູຍຫຼາຍແບບຂອງການພົວພັນຕ່າງປະເທດ, ຫວຽດນາມ ຍາມໃດກໍ່ຖືເປັນສຳຄັນພິເສດເຖິງການພົວພັນຮ່ວມມືກັບບັນດາປະເທດບ້ານໃກ້ເຮືອນຄຽງ, ຖືນີ້ແມ່ນບັນຫາຍຸດທະສາດທີ່ມີຜົນສະທ້ອນໂດຍກົງເຖິງຜົນປະໂຫຍດຂອງປະເທດຊາດ ແລະ ພາລະກິດກໍ່ສ້າງ ແລະ ປ້ອງກັນປະເທດ. ນີ້ແມ່ນບັນຫາທີ່ບໍ່ສາມາດສ້າງຂຶ້ນໄດ້ໃນໜຶ່ງ ຫຼື ສອງມື້, ຫຼື “ກັບຄືນສູ່ໄລຍະນ້ຳເຜິ້ງ” ຄືບັນດາອິດທິກຳລັງສັດຕູບິດເບືອນ, ແຕ່ແມ່ນບັນຫາຍາວນານທີ່ມີຄວາມໝາຍຍຸດທະສາດທີ່ບັນດາການນຳລຸ້ນຕ່າງໆຂອງພັກ, ລັດ ແລະ ປະຊາຊົນ 3 ປະເທດຫວຽດນາມ - ລາວ - ກຳປູເຈຍ ໄດ້ເພີ່ມພຸນຄຸນສ້າງຢ່າງຕັ້ງໜ້າ.
ທີ່ການພົບປະຂັ້ນສູງດັ່ງກ່າວ, ນອກຈາກໄດ້ຊົມເຊີຍບັນດາຜົນງານອັນໃຫຍ່ຫຼວງທີ່ສາມພັກ ແລະ 3 ປະເທດບັນລຸໄດ້, ໄດ້ສະແດງຄວາມປິຕິຊົມຊື່ນທີ່ການພົວພັນຮ່ວມມືລະຫວ່າງ 3 ປະເທດບັນລຸໄດ້ບັນດາຜົນງານທີ່ພົ້ນເດັ່ນ ແລະ ນັບມື້ນັບໄດ້ຮັບການປັບປຸງ, ພັດທະນາ, ການນຳ 3 ປະເທດໄດ້ເນັ້ນໜັກເຖິງການພົວພັນອັນແໜ້ນແຟ້ນ, ສະໜິດສະໜົມ ແລະ ມີຄວາມໝາຍຍຸດທະສາດລະຫວ່າງ 3 ປະເທດ. ໃນນັ້ນ, ຄວາມສະຖຽນລະພາບ, ຄວາມໝັ້ນຄົງ ແລະ ການພັດທະນາຂອງປະເທດນີ້ ກໍ່ແມ່ນຄວາມໝັ້ນຄົງ, ຄວາມປອດໄພ ແລະ ການພັດທະນາຂອງ 2 ປະເທດຍັງເຫຼືອ, ພ້ອມກັນນັ້ນກໍ່ຢືນຢັນນະໂຍບາຍສະເໝີຕົ້ນສະເໝີປາຍຂອງ 3 ພັກ, 3 ປະເທດ ຍາມໃດກໍ່ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອລະຫວ່າງ 3 ພັກ, 3 ປະເທດ ແລະ ປະຊາຊົນ ຫວຽດນາມ - ກຳປູເຈຍ - ລາວ.
3 ຝ່າຍເຫັນດີເປັນເອກະພາບສືບຕໍ່ລົງເລິກ, ຮອບດ້ານ ແລະ ເປີດກ້ວາງການພົວພັນລະຫວ່າງ 3 ພັກ, 3 ປະເທດ, ຮັດແໜ້ນຄວາມໄວ້ເນື້ອເຊື່ອໃຈດ້ານການເມືອງ ແລະ ການພົວພັນລະຫວ່າງການນຳຂັ້ນສູງ; ໃຫ້ຄຳໝັ້ນສັນຍາຮັກສາ ແລະ ເສີມຂະຫຍາຍມູນເຊື້ອຄວາມສາມັກຄີ ແລະ ຄວາມສະໜິດສະໜົມລະຫວ່າງ 3 ປະເທດ, ຖືວ່ານີ້ແມ່ນຊັບສິນອັນລ້ຳຄ່າ, ແມ່ນກົດໝາຍທີ່ມີຈຸດປະສົງ ແລະ ຫຼີກລ່ຽງບໍ່ໄດ້ເພື່ອຮັບປະກັນສະພາບແວດລ້ອມສັນຕິພາບ, ຄວາມໝັ້ນຄົງ ແລະ ການພັດທະນາຂອງແຕ່ລະປະເທດ. ເຫັນດີເປັນເອກະພາບຮັກສາ ແລະ ເພີ່ມທະວີວຽກງານໂຄສະນາເຜີຍແຜ່ ແລະ ສຶກສາ ເພື່ອໃຫ້ຄົນລຸ້ນຫຼັງຂອງສາມປະເທດ, ພິເສດແມ່ນລຸ້ນໜຸ່ມໄດ້ເຂົ້າໃຈຢ່າງຈະແຈ້ງ ແລະ ຈື່ຈຳຮີດຄອງປະເພນີສາມັກຄີນີ້.
ຕາມທ່ານ ປອ ຫງວຽນວັນດ໋າບ, ອາຈານສອນຢູ່ຄະນະສຶກສາສາກົນ, ມະຫາວິທະຍາໄລວິທະຍາສາດສັງຄົມ ແລະ ມະນຸດສາດ, ມະຫາວິທະຍາໄລແຫ່ງຊາດ ຮ່າໂນ້ຍແລ້ວ, ຫວຽດນາມ, ລາວ, ກຳປູເຈຍ ແມ່ນ 3 ປະເທດທີ່ມີສາຍພົວພັນມິດຕະພາບທີ່ເປັນມູນເຊື້ອແບບພິເສດ, ບົນພື້ນຖານການແບ່ງປັນ, ຄວາມເຫັນອົກເຫັນໃຈ, ສະໜັບສະໜູນເຊິ່ງກັນ ແລະ ກັນໃນພາລະກິດປົດປ່ອຍຊາດ. ການຮັກສາ ແລະ ພັດທະນາສາຍພົວພັນນີ້ ທັງເປັນການຮັບຮູ້ເຖິງຄວາມເສຍສະຫຼະຂອງຄົນລຸ້ນກ່ອນ, ຍັງເປັນຄວາມຮຽກຮ້ອງຕ້ອງການຂອງລຸ້ນຄົນປັດຈຸບັນໃນດ້ານຄວາມປອດໄພ ແລະ ການພັດທະນາ, ທັງເປັນການຮັບປະກັນໃຫ້ຄົນລຸ້ນຫຼັງສືບຕໍ່ດຳລົງຊີວິດຢູ່ພາກພື້ນທີ່ສັນຕິພາບ ແລະ ວັດທະນາຖາວອນ.
“ໃນສະພາບການພາກພື້ນ ແລະ ໂລກມີການຜັນແປຫຼາຍຢ່າງ, ທີ່ບໍ່ອາດຄາດຄິດໄດ້ໃນປະຈຸບັນ, ການເພີ່ມທະວີຄວາມສາມັກຄີ, ເພີ່ມທະວີການຮ່ວມມືຢ່າງມີປະສິດທິຜົນ, ການເຊື່ອມຕໍ່ຫວຽດນາມ - ລາວ - ກຳປູເຈຍ ນັບມື້ນັບມີຄວາມຈຳເປັນ ແລະ ຮີບດ່ວນ ເພື່ອໃຫ້ 3 ປະເທດສາມາດເສີມຂະຫຍາຍບັນດາທ່າໄດ້ປຽບພາຍໃນຢ່າງສູງສຸດພ້ອມກັນແກ້ໄຂ, ຜ່ານຜ່າສິ່ງທ້າທາຍອັນໃຫຍ່ຫຼວງຈາກສະພາບແວດລ້ອມສາກົນ ແລະ ພາກພື້ນ. ພິເສດ, ສິ່ງທ້າທາຍກ່ຽວກັບດ້ານພູມສາຍຸດທະສາດ ແລະ ພູມສາດການເມືອງ ຈະກາຍເປັນຄວາມຈະແຈ້ງໂດຍອີງໃສ່ສະພາບການ ແລະ ທ່າອ່ຽງໃນປະຈຸບັນ” - ທ່ານ ປອ ຫງວຽນວັນດ໋າບ ໃຫ້ຄຳເຫັນ.
 | ເພີ່ມທະວີການເຄື່ອນໄຫວເພີ່ມພູນຄູນສ້າງນ້ຳໃຈມິດຕະພາບຫວຽດນາມ - ລາວ - ກຳປູເຈຍ ຍສໝ - ຫຼາຍການເຄື່ອນໄຫວເພີ່ມພູນຄູນສ້າງນ້ຳໃຈມິດຕະພາບຫວຽດນາມ - ລາວ - ກຳປູເຈຍ ໄດ້ຈັດຕັ້ງໂດຍບັນດາສະມາຄົມມິດຕະພາບ ໃນອາທິດຜ່ານມາ . |
 | ເພີ່ມພູນຄູນສ້າງສາຍພົວພັນມິດຕະພາບ ແລະຄວາມສາມັກຄີແບບພິເສດ ຫວຽດນາມ - ລາວ ຍສໝ - ແຂວງ ຮ່າຍເຢືອງ, ສະມາຄົມມິດຕະພາບ ຫວຽດນາມ - ລາວ ແຂວງ, ຄະນະຕິດຕໍ່ພົວພັນທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ຊ່ວຍລາວ ແຂວງ ມີຫຼາຍການເຄື່ອນໄຫວແທດຈິງ ແລະ ມີຄວາມໝາຍ ເພື່ອປະກອບສ່ວນເຂົ້າໃນການເພີ່ມພູນຄູນສ້າງສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ຫວຽດນາມ - ລາວ. |
ມີງດຶກ
