 | ສັນຍາການຄ້າເສລີ ຫວຽດນາມ - ອິດສະລາແອັນ: ພື້ນຖານ, ເພີ່ມທະວີການຄ້າສອງຝ່າຍ |
| ຫວຽດນາມ ແລະ ກູບາ ເພີ່ມທະວີການຮ່ວມມືໃນການຜະລິດເຂົ້າສານ |
ການພົບປະ, ແລກປ່ຽນມິດຕະພາບລະຫວ່າງ ຫວຽດນາມ - ກຳປູເຈຍ
ຕອນເຊົ້າວັນທີ 4 ມັງກອນ, ຢູ່ນະຄອນ ບັກຢາງ, ສະຫະພັນບັນດາອົງການມິດຕະພາບແຂວງ ບັກຢາງ ໄດ້ເປັນປະທານສົມທົບກັບສະມາຄົມມິດຕະພາບຫວຽດນາມ - ກຳປູເຈຍ ແຂວງ ບັກຢາງ ຈັດຕັ້ງການພົບປະ, ແລກປ່ຽນມິດຕະພາບ ເພື່ອສະເຫຼີມສະຫຼອງ 50 ປີແຫ່ງວັນສ້າງຕັ້ງສະມາຄົມມິດຕະພາບຫວຽດນາມ - ກຳປູເຈຍ ໃນວັນທີ 22 ມັງກອນ (1975 - 2025) ແລະ ສະເຫຼີມສະຫຼອງ 46 ປີແຫ່ງວັນໄຊຊະນະປົກປັກຮັກສາຊາຍແດນຕາເວັນຕົກສ່ຽງໃຕ້ຂອງປະເທດຊາດ ວັນທີ 7 ມັງກອນ (1979 - 2025).
 |
| ຄະນະສິລະປະຮ້ອງເພງ "ທະຫານອາສາສະໝັກ ແລະ ເຕັ້ນ Apsara". ພາບ: ໜັງສືພິມ ບັກຢາງ |
ກ່າວຄຳປາໄສທີ່ການພົບປະ, , ທ່ານ ເຈີ່ນກົງຖັງ, ປະທານສະຫະພັນບັນດາອົງການມິດຕະພາບແຂວງບັກຢາງ ແຈ້ງໃຫ້ຊາບວ່າ ສະມາຄົມມິດຕະພາບຫວຽດນາມ - ກຳປູເຈຍ ແຂວງບັກຢາງ ມີສະມາຊິກເກືອບ 2.000 ຄົນ, ໃນນັ້ນສ່ວນຫຼາຍແມ່ນນັກຮົບອາສາສະໝັກ, ນັກຊ່ຽວຊານການທະຫານເກົ່າ ທີ່ເຂົ້າຮ່ວມການຊ່ວຍເຫຼືອກຳປູເຈຍ; ມີລຸ້ນຄົນທີ່ມີສາຍເລືອດຫວຽດນາມ ແລະ ກຳປູເຈຍ. ໃນນັ້ນ ບັນດາຄົນທີ່ໄດ້ປະໍສິ້ນສ່ວນເລືອດເທິງແຜ່ນດິນຂອງກຳປູເຈຍ.
ຍ້ອນເຫດນັ້ນ, ຄວາມຮັກເເພງຂອງປະຊາຊົນຫວຽດນາມ ເວົ້າລວມ, ປະຊາຊົນແຂວງບັກຢາ ເວົ້າສະເພາະ ກັບປະຊາຊົນກຳປູເຈຍ ມີຄວາມສະໜິດສະໜົມ, ທ່ຽງກົງ, ບໍລິສຸດຜຸດຜ່ອງ, ເຕັມໄປດ້ວຍນ້ຳໃຈສາມັກຄີ, ອ້າຍນ້ອງ.
ທີ່ການພົບປະ, ທ່ານ ບຸນເເຮງ, ທີ່ປຶກສາສະຖານທູດກຳປູເຈຍ ປະຈຳຫວຽດນາມ ໄດ້ສະແດງຄວາມຮູ້ສຶກວ່າ: ວັນປົດປ່ອຍ 7 ມັງກອນ 1979 ແມ່ນເຫດການປະຫວັດສາດຂອງປະຊາຊົນກຳປູເຈຍ. ກຳປູເຈຍ, ດ້ວຍການໜູນຊ່ວຍຂອງນັກຮົບອາສາສະໝັກ ແລະ ປະຊາຊົນຫວຽດນາມ ຈິ່ງໄດ້ຮັບການຟື້ນຟູຄືນ, ຫຼຸດພົ້ນອອກຈາກລະບອບຂ້າລ້າງເຜົ່າພັນ Pol Pot. ກອງທັບອາສາສະໝັກ ຫວຽດນາມ ສືບຕໍ່ຊ່ວຍເຫຼືອກຳປູເຈຍ ສ້າງສາປະເທດຊາດຄືນໃໝ່, ຍົກສູງຊີວິດການເປັນຢູ່ຂອງປະຊາຊົນ. ກຳປູເຈຍ ຍາມໃດກໍ່ຈົດຈຳການປະກອບສ່ວນອັນໃຫຍ່ຫຼວງຂອງກອງທັບອາສາສະໝັກຫວຽດນາມ...
ເພື່ອໃຫ້ສາຍພົວພັນສາມັກຄີມິດຕະພາບທີ່ເປັນມູນເຊື້ອລະຫວ່າງປະຊາຊົນຫວຽດນາມ - ກຳປູເຈຍ ພັດທະນາຂຶ້ນສູ່ລະດັບສູງໃໝ່, ທ່ານ ເຈີ່ນກົງຖັງ ແລະ ທ່ານ ບຸນເເຮງ ສະເໜີໃຫ້ສະມາຄົມມິດຕະພາບຫວຽດນາມ - ກຳປູເຈຍ ແຂວງບັກຢາງ ສືບຕໍ່ປ່ຽນແປງໃໝ່ວິທີການເຄື່ອນໄຫວ, ເອົາໃຈໃສ່ໂຄສະນາເຜີຍແຜ່, ສຶກສາອົບຮົມບັນດາສະມາຊິກ ແລະ ປະຊາຊົນ, ພິເສດແມ່ນລຸ້ນໜຸ່ມກ່ຽວກັບມູນເຊື້ອຄວາມສາມັກຄີ, ມິດຕະພາບລະຫວ່າງ 2 ປະເທດ.
ຂົນຂວາຍບັນດາສະມາຊິກ, ອົງການຈັດຕັ້ງ, ສ່ວນບຸກຄົນ, ວິສາຫະກິດໃນແຂວງ ຕອບສະໜອງການເຄື່ອນໄຫວໃນຂະບວນການ “ຫຼໍ່ລ້ຽງມິດຕະພາບ”; ປະສານສົມທົບການຕ້ອນຮັບນັກສຶກສາ, ນັກຄົນຄ້ວາ ກຳປູເຈຍ ທີ່ພວມຮ່ຳຮຽນຢູ່ບັນດາມະຫາວິທະຍາໄລຢູ່ຮ່າໂນ້ຍ ມາຢ້ຽມຢາມ ບັກຢາງ. ເພີ່ມທະວີການເຄື່ອນໄຫວແລກປ່ຽນປະຊາຊົນ, ໂດຍຫຼັກແມ່ນນັກຮົບອາສາສະໝັກ ແລະ ນັກຊ່ຽວຊານທີ່ຊ່ວຍເຫຼືອ ກຳປູເຈຍ; ຈັດຕັ້ງການເຄື່ອນໄຫວຢ້ຽມຢາມສະໜາມຮົບເກົ່າ...
ເນື່ອງໃນໂອກາດນີ້, ສະມາຊິກ 13 ຄົນໄດ້ຮັບການປະດັບຫຼຽນໄຊ “ເພື່ອນ້ຳໃຈມິດຕະພາບຫວຽດນາມ - ກຳປູເຈຍ” ຈາກສະມາຄົມມິດຕະພາບຫວຽດນາມ - ກຳປູເຈຍ; ຫຼາຍກົມກອງລວມໝູ່ ແລະ ບຸກຄົນອື່ນໆໄດ້ຮັບການຍ້ອງຍໍຊົມເຊີຍ.
ຢ້ຽມຢາມ ແລະ ມອບຂອງຂວັນໃຫ້ແກ່ນັກຮົບເກົ່າລາວ
ແຕ່ວັນທີ 28 ທັນວາ 2024 – 4 ມັງກອນ 2025, ຄະນະຕິດຕໍ່ພົວພັນນັກຮົບອາສາສະໝັກ ແລະ ນັກຊ່ຽວຊານຫວຽດນາມ ແນວໂຮມ 379 ລາວເໜືອ ໄດ້ຈັດຕັ້ງການເດີນທາງກັບຄືນໄປຢ້ຽມຢາມໄປລາວ.
 |
| ຄະນະໄດ້ມອບເງິນ 5 ລ້ານກີບ ໃຫ້ແກ່ນັກຮົບເກົ່າລາວ ທີ່ປະສົບກັບຄວາມຫຍຸ້ງຍາກ. |
ຢູ່ແຂວງຊຽງຂວາງ, ຄະນະໄດ້ໄປຖະຫວາຍທູບທຽນຢູ່ອະນຸສອນສະຖານວິລະຊົນລາວ-ຫວຽດນາມ ຢູ່ໃຈກາງເມືອງໂພນສະຫວັນ; ເຮັດວຽກ ແລະ ພົວພັນກັບສະມາຄົມນັກຮົບເກົ່າແຂວງຊຽງຂວາງ, ມອບເງິນ 5 ລ້ານກີບ (ລາວ) ໃຫ້ແກ່ນັກຮົບເກົ່າລາວ ທີ່ປະສົບກັບຄວາມຫຍຸ້ງຍາກ. ທ່ຽວຊົມສະຖານທີ່ທ່ອງທ່ຽວທີ່ສວຍງາມ ແລະ ຮ່ອງຮອຍປະຫວັດສາດເຊັ່ນ: ທົ່ງໄຫຫີນຊຽງຂວາງ, ວັດຫີນພູ ແຂວງຈໍາປາສັກ;...
ທີ່ແຂວງວຽງຈັນ, ຄະນະໄດ້ພົບປະໂອ້ລົມ, ແລກປ່ຽນກັບສະມາຄົມນັກຮົບເກົ່າແຂວງວຽງຈັນ; ມອບເງິນ 5 ລ້ານກີບ ໃຫ້ແກ່ນັກຮົບເກົ່າລາວ ທີ່ປະສົບກັບຄວາມຫຍຸ້ງຍາກ; ໄປຖະຫວາຍທູບທຽນອາໄລຫານັກຮົບເສຍສະຫຼະຊີວິດເພື່ອຊາດຫວຽດນາມ ແລະ ລາວ ຢູ່ບ້ານຄອນ, ເມືອງທຸລະຄົມ.
 | ຫວຽດນາມ - ລາວ: ນ້ຳໃຈໄມຕີຈິດມິດຕະພາບ, ຮຸ່ງເຮືອງເຫຼືອງເຫຼື້ອມຕະຫຼອດການ ຍສໝ - ການຮ່ວມມືນີ້ບໍ່ພຽງແຕ່ຮັບປະກັນຄວາມປອດໄພຢູ່ຊາຍແດນຮ່ວມເທົ່ານັ້ນ, ຫາກຍັງສ້າງເງື່ອນໄຂເພື່ອໃຫ້ສອງປະເທດສະໜັບສະໜູນເຊິ່ງກັນແລະກັນໃນການສະກັດກັ້ນອາດຊະຍາກຳຂ້າມຊາຍແດນ, ການຄ້າເຖື່ອນ ແລະການເຄື່ອນໄຫວຜິດກົດໝາຍອື່ນໆ. |
 | ຫໍພັກນັກສຶກສາລາວ ຢູ່ນະຄອນໂຮ່ຈິມິນ ແມ່ນຊາຍຄາລວມຂອງນັກສຶກສາ ຫວຽດນາມ - ກຳປູເຈຍ - ລາວ ຍສໝ - ນີ້ແມ່ນຄຳປາໄສຂອງທ່ານ ຟ້າມເລມິງແຄງ, ຫົວໜ້າຄະນະຊາວໜຸ່ມໂຮງຮຽນ ແທ່ງດວ່ານ, ຜູ້ອຳນວຍການຫໍພັກນັກຮຽນລາວ ນະຄອນ ໂຮ່ຈີມິນ ເມື່ອມາຢ້ຽມຢາມ ແລະ ອວຍພອນສະຖານກົງສູນໃຫຍ່ ລາຊະອານາຈັກ ກຳປູເຈຍ ປະຈຳນະຄອນ ໂຮ່ຈີມິນ ໃນວັນທີ 7 ພະຈິກ ເນື່ອງໃນໂອກາດສະເຫຼີມສະຫຼອງ 71 ປີແຫ່ງວັນຊາດລາຊະອານາຈັກ ກຳປູເຈຍ. |
ມີງດຶກ
