 | ກອງປະຊຸມຂັ້ນສູງ NAM ກ່ຽວກັບການຮັບມືກັບໂລກລະບາດໂຄວິດ-19 |
| ມອບຫຼຽນທີ່ລະນຶກຜູ້ປະສົບເຄາະຮ້າຍຈາກທາດພິດສີສົ້ມແກ່ທ່ານນາງ Tran To Nga |
ວັນທີ 24 ກຸມພານີ້ (ຕາມເວລາພາກຕາເວັນອອກຂອງ ອາເມລິກາ), ສະມັດຊາໃຫຍ່ສະຫະປະຊາຊາດ (ສປຊ) ໄດ້ຈັດກອງປະຊຸມສຸກເສີນພິເສດກ່ຽວກັບສະພາບການ ຢູແກຼນ ພາຍຫຼັງ 3 ປີທີ່ເກີດການປະທະກັນລະຫວ່າງ ລັດເຊຍ - ຢູແກຼນ.
 |
| ທ່ານ ເອກອັກຄະລັດຖະທູດ ດັ້ງຮວ່າງຢາງ, ຫົວໜ້າຄະນະຜູ້ແທນ ຫວຽດນາມ ປະຈຳ ສະຫະປະຊາຊາດ. (ພາບ: ຮວ່າຍແທັງ/ສຳນັກຂ່າວສານ ຫວຽດນາມ) |
ຕາມສຳນັກຂ່າວສານ ຫວຽດນາມ ປະຈຳ ນິວຢອກ ແລ້ວ, ກ່າວຄຳປາໄສທີ່ກອງປະຊຸມ, ທ່ານເອກອັກຄະລັດຖະທູດ ດັ້ງຮວ່າງຢາງ, ຫົວໜ້າຄະນະຜູ້ແທນ ຫວຽດນາມ ປະຈຳ ສປຊ ຢືນຢັນຄືນໃໝ່ຫຼັກໝັ້ນຂອງ ຫວຽດນາມ ກ່ຽວກັບການແກ້ໄຂບັນດາການແກ້ງແຍ້ງ ແລະ ການປະທະກັນສາກົນດ້ວຍສັນຕິວິທີ, ບົນພື້ນຖານປະຕິບັດກົດໝາຍສາກົນ ແລະ ກົດບັດສະຫະປະຊາຊາດ, ພິເສດແມ່ນບັນດາຫຼັກການພື້ນຖານວ່າດ້ວຍຄວາມເຄົາລົບເອກະລາດ, ອຳນາດອະທິປະໄຕ, ຜືນແຜ່ນດິນອັນຄົບຖ້ວນ, ບໍ່ໃຊ້ ແລະ ຂົ່ມຂູ່ນຳໃຊ້ຄວາມຮຸນແຮງ.
ໂດຍແບ່ງປັນຄວາມເປັນກັງວົນຢ່າງເລິກເຊິ່ງຂອງປະຊາຄົມສາກົນກ່ຽວກັບຜົນສະທ້ອນ ແລະ ຜົນກະທົບຫຍໍ້ທໍ້ຂອງການປະທະກັນທີ່ແກ່ຍາວ, ທ່ານເອກອັກຄະລັດຖະທູດ ດັ້ງຮວ່າງຢາງ ຮຽກຮ້ອງໃຫ້ບັນດາຝ່າຍຢຸດຕິການປະທະກັນໃນທັນທີ, ບໍ່ໃຫ້ມີການກະທຳທີ່ເຮັດໃຫ້ຄວາມເຄັ່ງຕຶງເພີ່ມຂຶ້ນ, ບຸລິມະສິດປົກປ້ອງສາມັນຊົນ ແລະ ພື້ນຖານໂຄງລ່າງພົນລະເຮືອນ, ສ້າງເງື່ອນໄຂຄວາມສະດວກໃນການເຄື່ອນໄຫວມະນຸດສະທຳໃຫ້ປະຊາຊົນທີ່ຖືກຜົນສະທ້ອນຢ່າງຮີບດ່ວນ.
ຫົວໜ້າຄະນະຜູ້ແທນ ຫວຽດນາມ ຢືນຢັນການສະໜັບສະໜູນບົດບາດຂອງສະຫະປະຊາຊາດ ໃນການຮັກສາສັນຕິພາບ ແລະ ຄວາມໝັ້ນຄົງສາກົນ, ຕີລາຄາສູງບັນດາຂໍ້ລິເລີ່ມທີ່ມີລັກສະນະສ້າງສັນ ເພື່ອຊຸກຍູ້ການເຈລະຈາເພື່ອຢຸດຕິການປະທະກັນ, ບົນພື້ນຖານກົດໝາຍສາກົນ ແລະ ກົດບັດສະຫະປະຊາຊາດ, ມີການຄິດໄລ່ເຖິງບົດບາດ ແລະ ຜົນປະໂຫຍດອັນຊອບທຳຂອງບັນດາຝ່າຍທີ່ກ່ຽວຂ້ອງ.
ຜູ້ຕາງໜ້າ ຫວຽດນາມ ເນັ້ນໜັກວ່າ ບັນດາວິທີການແກ້ໄຂການປະທະກັນຕ້ອງບັນລຸໄດ້ຄວາມເຫັນດີເຫັນພ້ອມ ແລະ ມີການເຂົ້າຮ່ວມຂອງທຸກຝ່າຍທີ່ກ່ຽວຂ້ອງໂດຍກົງ, ແທນທີ່ຈະເຮັດໃຫ້ເກີດການແບ່ງແຍກ ແລະ ປະເຊີນໜ້າກັນຫຼາຍຂຶ້ນ.
ເນື່ອງໃນໂອກາດນີ້, ທ່ານເອກອັກຄະລັດຖະທູດ ດັ້ງຮວ່າງຢາງ ຢືນຢັນວ່າ ຫວຽດນາມ ພ້ອມແລ້ວທີ່ຈະປະກອບສ່ວນຢ່າງຕັ້ງໜ້າເຂົ້າໃນວິວັດການການຕ່າງປະເທດ ກໍ່ຄືວິວັດການສ້າງສາ ແລະ ຟື້ນຟູຢູ່ ຢູແກຼນ, ເພື່ອສັນຕິພາບ ແລະ ສະຖຽນລະພາບຢູ່ພາກພື້ນ ແລະ ໃນໂລກ.
 | ປີໃໝ່ Chöl Nam Thmay ມີຄວາມອົບອຸ່ນ, ປຸ້ມລຸມກັນຢູ່ສະຖານທູດລາຊະອານາຈັກກຳປູເຈຍ ປະຈຳຫວຽດນາມ ຍສໝ - ໃນວັນທີ 13 ເມສານີ້, ທີ່ສະຖານທູດລາຊະອານາຈັກກຳປູເຈຍປະຈຳຫວຽດນາມ ໄດ້ຈັດພິທີສະເຫຼີມສະຫຼອງປີໃໝ່ Chöl Nam Thmay ປີ 2021 - ປະຕິທິນທາງພຸດທະສາສະໜາ 2564 ສຳລັບພະນັກງານສະຖານທູດ ແລະ ນັກສຶກສາກຳປູເຈຍທີ່ກຳລັງຮຽນຢູ່ຫວຽດນາມ. |
 | ພິທີປຸກລະດົມການສອບເສັງຊອກຫາວິທີການຫັນເປັນດີຈີຕອນຫວຽດນາມ VIET SOLUTIONS 2020 ຍສໝ - VIET SOLUTIONS ແມ່ນການສອບເສັງຊອກຫາວິທີການຫັນເປັນດີຈີຕອນແຫ່ງຊາດສຳລັບສ່ວນບຸຄົນ, ວິສາຫະກິດໃນທົ່ວໂລກໂດຍກະຊວງຖະແຫຼງຂ່າວ ແລະ ການສື່ສານ ຫວຽດນາມ ແລະ ກຸ່ມບໍລິສັດ ອຸດສາຫະກຳ ໂທລະຄົມມະນາຄົມ ກອງທັບສົມທົນກັນຈັດຕັ້ງຂຶ້ນ. |
ແທັງຮັ່ງ
