 | ຫວຽດນາມ ແຈ້ງເຕືອນໃຫ້ຊາວ ຫວຽດນາມ ອາໄສຢູ່ ອູແກຣນ ກຽມພ້ອມແຜນການທີ່ດີທີ່ສຸດເພື່ອຮັກສາຄວາມປອດໄພ |
| ຫ້ອງຮຽນພາສາຫວຽດນາມ ຢູ່ໃນອຸມົງລີ້ໄພທີ່ Odessa (ອູແກຣນ) |
ຕາມຄຳສະເໜີຂອງຝ່າຍ ອູແກຣນ, ຕອນບ່າຍວັນທີ 17 ກຸມພາ, ທ່ານ ຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸຍແທັງເຊີນ ໄດ້ໂອ້ລົມທາງໂທລະສັບກັບທ່ານ ລັດຖະມົນຕີກະຊວງການຕ່າງປະເທດ ອູແກຣນ Andrii Sybiha.
ທ່ານ Andrii Sybiha ຢືນຢັນວ່າ: ອູແກຣນ ຖືເປັນສຳຄັນການພົວພັນມິດຕະພາບ ແລະ ການຮ່ວມມືກັບຫວຽດນາມ, ຊົມເຊີຍຫຼັກໝັ້ນຂອງ ຫວຽດນາມ ກ່ຽວກັບການປະທະກັນລະຫວ່າງ ລັດເຊຍ - ອູແກຣນ.
 |
| ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທັງເຊີນ ທີ່ການໂອ້ລົມທາງໂທລະສັບ. |
ທີ່ການໂອ້ລົມທາງໂທລະສັບ, ທ່ານ ຮອງນາຍົກລັດຖະມົນຕີ, ລັດຖະມົນຕີວກະຊວງການຕ່າງປະເທດ ຫວຽດນາມ ບຸ່ຍແທັງເຊີນ ໃຫ້ຮູ້ວ່າ ໂດຍເປັນເພື່ອນມິດຂອງ ລັດເຊຍ ແລະ ອູແກຣນ, ຫວຽດນາມ ຍາມໃດກໍ່ຮັກສາຫຼັກໝັ້ນທີ່ດຸ່ນດ່ຽງ ແລະ ພາວະວິໄສໃນການປະທະກັນ ລັດເຊຍ - ອູແກຣນ.
ທ່ານ ບຸ່ຍແທງເຊີນ ເນັ້ນໜັກວ່າ ທຸກບັນດາການຂັດແຍ້ງຕ້ອງໄດ້ຮັບການແກ້ໄຂໂດຍສັນຕິວິທີ, ສອດຄ່ອງກັບບັນດາຫຼັກການພື້ນຖານຂອງກົດໝາຍສາກົນ ແລະ ກົດບັດສະຫະປະຊາຊາດ.
ຫວຽດນາມ ສະໜັບສະໜູນ ແລະ ພ້ອມທີ່ຈະເຂົ້າຮ່ວມບັນດາຄວາມມານະພະຍາຍາມເປັນກາງໄກ່ເກ່ຍຂອງປະຊາຄົມສາກົນ ເພື່ອຊອກຫາມາດຕະການສັນຕິວິທີອັນຍາວນານໃຫ້ການປະທະກັນ ໂດຍມີການເຂົ້າຮ່ວມຂອງທຸກຝ່າຍທີ່ກ່ຽວຂ້ອງ.
ທ່ານ ຮອງນາຍົກລັດຖະມົນຕີ, ລັດຖະມົນຕີການຕ່າງປະເທດ ຫວຽດນາມ ບຸ່ຍແທັງເຊີນ ແລະ ທ່ານ ລັດຖະມົນຕີການຕ່າງປະເທດ ອູແກຣນ Andrii Sybiha ໄດ້ເປັນເອກະພາບຮັກສາການພົບປະ, ແລກປ່ຽນຄະນະທຸກຂັ້ນ ແລະ ດຳເນີນການປຶກສາຫາລືດ້ານການເມືອງຢູ່ຂັ້ນຮອງລັດຖະມົນຕີການຕ່າງປະເທດໂດຍໄວ.
ກ່ອນໜ້ານັ້ນ, ຕອນບ່າຍວັນທີ 13 ກຸມພາ, ທີ່ກອງປະຊຸມຖະແຫຼງຂ່າວປະຈຳຂອງກະຊວງການຕ່າງປະເທດ, ສື່ມວນຊົນສະເໜີທ່ານ ໂຄສົກກະຊວງການຕ່າງປະເທດ ຫວຽດນາມ ນາງ ຟ້າມທູຮັ່ງ ໃຫ້ຄຳເຫັນກ່ຽວກັບຂໍ້ມູນເລື່ອງ ຫວຽດນາມ ສາມາດສະໜອງສະຖານທີ່ໃຫ້ບັນດາການເຈລະຈາ ເພື່ອຊອກຫາມາດຕະການສັນຕິວິທີແນໃສ່ຢຸດຕິການປະທະກັນຢູ່ ອູແກຣນ.
ທ່ານ ນາງ ຮັ່ງ ຢືນຢັນວ່າ ຫວຽດນາມ ສະໜັບສະໜູນບັນດາຄວາມມານະພະຍາຍາມເປັນກາງໄກ່ເກ່ຍຂອງປະຊາຄົມສາກົນ ເພື່ອຊອກຫາມາດຕະການສັນຕິວິທີທີ່ຍາວນານໃຫ້ການປະທະກັນ, ໂດຍມີການເຂົ້າຮ່ວມຂອງບັນດາຝ່າຍທີ່ກ່ຽວຂ້ອງ, ສອດຄ່ອງກັບກົດໝາຍສາກົນ ແລະ ກົດບັດສະຫະປະຊາຊາດ.
ທ່ານ ນາງ ຮັ່ງ ກ່າວວ່າ “ພວກຂ້າພະເຈົ້າກໍ່ພ້ອມແລ້ວທີ່ຈະເຂົ້າຮ່ວມບັນດາຄວາມພະຍາຍາມຂອງປະຊາຄົມສາກົນ ເພື່ອຊຸກຍູ້ການເຈລະຈາ ແລະ ຊອກຫາມາດຕະການສັນຕິວິທີ ເພື່ອຢຸດຕິການປະທະກັນໃນປະຈຸບັນໂດຍໄວ".
 | ປະທານປະເທດ ຫງວຽນຊວນຟຸກ ຕ້ອນຮັບເອກອັກຄະລັດຖະທູດ ອູແກຣນ ແລະເອກອັກຄະລັດຖະທູດ ການາດາ ມາຍື່ນສານຕາຕັ້ງ ຕອນບ່າຍວັນທີ 26 ພຶດສະພາ, ຢູ່ທຳນຽບປະທານປະເທດ, ທ່ານປະທານປະເທດຫວຽດນາມ ຫງວຽນຊວນຟຸກ ໄດ້ໃຫ້ການຕ້ອນຮັບທ່ານ Gaman Oleksandr, ເອກອັກຄະລັດຖະທູດ ອູແກຣນ ແລະ ທ່ານເອກອັກຄະລັດຖະທູດ ການາດາ Shawn Perry Steil ມາຍື່ນສານຕາຕັ້ງ. |
 | ປົກປ້ອງພົນລະເມືອງຫວຽດນາມ ຢູ່ ອູແກຣນ ວັນທີ 26 ກຸມພາ, ທ່ານນາຍົກລັດຖະມົນຕີ ປະກາດໂທລະເລກທາງການກ່ຽວກັບການປົກປ້ອງພົນລະເມືອງ ແລະນິຕິບຸກຄົນ ແລະບາງບັນຫາຕ້ອງເອົາໃຈໃສ່ຕໍ່ໜ້າສະພາບການຢູ່ອູແກຣນ. |
ແທັງຮັ່ງ
