ປະທານປະເທດ ຫງວຽນຊວນຟຸກ ຕ້ອນຮັບເອກອັກຄະລັດຖະທູດ ອູແກຣນ ແລະເອກອັກຄະລັດຖະທູດ ການາດາ ມາຍື່ນສານຕາຕັ້ງ

	ທ່ານເລຂາທິການໃຫຍ່ ຫງວຽນຝູຈ້ອງ ຕ້ອນຮັບເອກອັກຄະລັດຖະທູດ ອາເມລິກາ ປະຈຳ ຫວຽດນາມ
	ການາດາ ປາດຖະໜາຢາກເປີດກວ້າງການຮ່ວມມືກັບຫວຽດນາມ

ທ່ານເອກອັກຄະລັດຖະທູດ ອູແກຣນ Gaman Oleksandr ຍື່ນສານຕາຕັ້ງເຖິງທ່ານປະທານປະເທດ ຫງວຽນຊວນຟຸກ. ພາບ: ສໍານັກຂ່າວສານຫວຽດນາມ.

ເມື່ອຕ້ອນຮັບທ່ານເອກອັກຄະລັດຖະທູດ ອູແກຣນ, ທ່ານ ຫງວຽນຊວນຟຸກ ອວຍພອນທ່ານເອກອັກຄະລັດຖະທູດ ມາຮັບໜ້າທີ່ການທູດຢູ່ຫວຽດນາມ ແລະ ເນັ້ນໜັກວ່າ: ຍາມໃດ ຫວຽດນາມ ຖືເປັນສຳຄັນການພົວພັນມິດຕະພາບທີ່ເປັນມູນເຊື້ອ, ຄູ່ຮ່ວມມື ແລະ ການຮ່ວມມືຮອບດ້ານກັບ ອູແກຣນ. ທ່ານໃຫ້ຮູ້ວ່າ: ຫວຽດນາມໄດ້ຕົກລົງໜູນຊ່ວຍມະນຸດສະທຳ 500.000 ໂດລາສະຫະລັດ ໃຫ້ແກ່ປະຊາຊົນ ອູແກຣນ ພ້ອມທັງ ພ້ອມແລ້ວທີ່ຈະຮ່ວມມືເຂົ້າຮ່ວມການສ້າງສາ ອູແກຣນ ຄືນໃໝ່.

ໃນການຕ້ອນຮັບທ່ານເອກອັກຄະລັດຖະທູດ ການາດາ Shawn Perry Steil ປະຈຳຫວຽດນາມ, ທ່ານປະທານປະເທດ ສະເໜີ ທ່ານເອກອັກຄະລັດຖະທູດ ຊຸກຍູ້ການແລກປ່ຽນຄະນະຜູ້ແທນຂັ້ນສູງ ແລະ ທຸກຂັ້ນ, ຊຸກຍູ້ການພົວພັນແລກປ່ຽນປະຊາຊົນ, ຊຸກຍູ້ການຮ່ວມມືລະຫວ່າງສອງປະເທດໃນບັນດາຂົງເຂດບູລິມະສິດ.

ກ່ຽວກັບບັນຫາສາກົນ ແລະພາກພື້ນ, ທ່ານປະທານປະເທດ ຫງວຽນຊວນຟຸກ ຊີ້ແຈ້ງ: ຫວຽດນາມຊົມເຊີຍ ການາດາ ເພີ່ມທະວີການຮ່ວມມືກັບອາຊີ-ປາຊີຟິກ, ຜ່ານນັ້ນ ປະກອບສ່ວນຕັ້ງໜ້າເຂົ້າໃນສັນຕິພາບ, ສະຖຽນລະພາບ, ການຮ່ວມມື, ພັດທະນາຢູ່ພາກພື້ນ. ຫວຽດນາມປາດຖະໜາຢາກໃຫ້ ການາດາ ຮັບຮອງເອົາຍຸດທະສາດ ມະຫາສະໝຸດອິນເດຍ-ປາຊີຟິກ ເພື່ອສືບຕໍ່ສະແດງຄຳໝັ້ນສັນຍາຢ່າງແຮງກ່ຽວກັບການສະໜັບສະໜູນບົດບາດໃຈກາງຂອງອາຊຽນ, ການພົວພັນຄູ່ຮ່ວມມືຮອບດ້ານອາຊຽນ - ການາດາ.