ມີຜູ້ແທນສາກົນ 150 ກວ່າທ່ານທີ່ມາຈາກບັນດາອົງການການຕ່າງປະເທດ, ທ້ອງຖິ່ນ, ອົງການຈັດຕັ້ງຕ່າງປະເທດ ທີ່ມາຈາກ 24 ປະເທດໄດ້ເຂົ້າຮ່ວມການປູກຕົ້ນຍາງນາ ເພື່ອແນໃສ່ປະກອບສ່ວນເພີ່ມຕົ້ນໄມ້ສີຂຽວໃຫ້ກັບແຫຼມ ເຊີນຈ່າ. ນີ້ແມ່ນຕົ້ນໄມ້ທີ່ມີຄວາມຕ້ານທານສູງ, ເປັນສັນຍາລັກໃຫ້ແກ່ 50 ກວ່າທ້ອງຖິ່ນຂອງ 24 ປະເທດໃນໂລກ ເຊິ່ງນະຄອນ ດ່າໜັງ ໄດ້ສ້າງຕັ້ງການພົວພັນ.
 |
| ບັນດາຜູ້ແທນປູກຕົ້ນຍາງນາ ຢູ່ສວນສາທາລະນະມິດຕະພາບສວາຍງ່ວນ. (ພາບ: danangtv.vn) |
ທ່ານ ໂຮ່ກີ່ມິນ ຮອງປະທານຜູ້ປະຈຳການຄະນະກຳມະການປະຊາຊົນ ນະຄອນດ່າໜັງ ກ່າວໃນງານນີ້ວ່າ: ນະຄອນໄດ້ສ້າງສວນສາທາລະນະ ສວາຍງ່ວນ ດ້ວຍຄວາມມຸ່ງຫວັງຢາກເພີ່ມທະວີການພົວພັນມິດຕະພາບ, ການຮ່ວມມືືອັນຍາວນານ, ໝັ້ນຄົງ, ສາມັກຄີ, ເຕົ້າໂຮມກັນ ແລະ ພ້ອມກັນພັດທະນາ. ນີ້ແມ່ນຫ້ວຍທີ່ມີແຫຼ່ງນ້ຳຈາກເທິງສຸດຂອງແຫຼມ ເຊີນຈ່າ, ໄຫຼລົງສູ່ທະເລ ດ່າໜັງ (ເອີ້ນອີກຊື່ວ່າ ສວາຍດ໋າ).
ທ່ານຫວັງເປັນຢ່າງຍິ່ງວ່າ ດ້ວຍປະຖົມປັດໄຈມິດຕະພາບທີ່ແໜ້ນແຟ້ນກັບບັນດາແຂວງ, ນະຄອນໃນທົ່ວໂລກ, ນະຄອນດ່າໜັງ ຈະໄດ້ຮັບຄວາມເອົາໃຈໃສ່, ການແບ່ງປັນ, ການຮ່ວມມືຂອງບັນດາທ້ອງຖິ່ນນັບມື້ນັບເລິກເຊິ່ງ ກວ້າງຂວາງຫຼາຍຂຶ້ນກວ່າເກົ່າໃນຫຼາຍຂົງເຂດຄື: ນະວັດຕະກຳ, ນະຄອນອັດສະລິຍະ, ເຕັກໂນໂລຢີສູງ, ເຕັກໂນໂລຢີເຄິ່ງຊັກນຳໄຟຟ້າ, ປັນຍາປະດິດ, ແຜນຜັງ ແລະ ການຄຸ້ມຄອງຕົວເມືອງ, ແຫຼ່ງຊັບພະຍາກອນມະນຸດຄຸນນະພາບສູງ, ການທ່ອງທ່ຽວ…
ທີ່ເວທີປາໄສ ບັນດານະຄອນມິດຕະພາບຮ່ວມມື - ດ່າຫນັງ 2025, ຫຼາຍຂໍ້ຕົກລົງ ແລະ ບົດບັນທຶກການຮ່ວມມືໄດ້ຮັບການລົງນາມ ລະຫວ່າງນະຄອນດ່າໜັງ ກັບບັນດາຄູ່ຮ່ວມມື ແລະ ໂຄງການລົງທຶນຂອງຕ່າງປະເທດ.
ລະອຽດ, ຄະນະກຳມະການປະຊາຊົນນະຄອນ ໄດ້ລົງນາມໃນຂໍ້ຕົກລົງຮ່ວມມື ເພື່ອເພີ່ມທະວີການພົວພັນມິດຕະພາບ, ການຮ່ວມມື, ຊຸກຍູ້ການພັດທະນາເສດຖະກິດ, ວັດທະນະທຳກັບ ນະຄອນ Aktau (ກາຊັກສະຖານ) ແລະ Genoa (ອີຕາລີ). ຜູ້ຕາງໜ້າ ຄະນະຄຸ້ມຄອງສວນສາທາລະນະ ເຕັກໂນໂລຢີສູງ ແລະ ບັນດາເຂດອຸດສາຫະກຳ ດ່າໜັງ ໄດ້ມອບບົດບັນທຶກຊ່ວຍຈໍາວ່າດ້ວຍການສົ່ງເສີມການລົງທຶນ ຢູ່ເຂດສວນສາທາລະນະ ເຕັກໂນໂລຢີສູງ ຮ່ວມກັບບໍລິສັດ Andersen ຫວຽດນາມ ຈໍາກັດ. ຜູ້ຕາງໜ້າຂອງສູນຄົ້ນຄວ້າ ແລະ ເຝິກອົບຮົມການອອກແບບແຜງວົງຈອນ ແລະ ປັນຍາປະດິດ (DSAC) ພ້ອມກັບບັນດາໜ່ວຍງານດັ່ງນີ້: ບໍລິສັດ Synopsys ຫວຽດນາມ ຈໍາກັດ, ອົງການ Tresemi (USA), ບໍລິສັດ ASA Holding ຈຳກັດ ໄດ້ມອບບັນທຶກຊ່ວຍຈໍາການຮ່ວມມື 4 ຝ່າຍ ກ່ຽວກັບການຝຶກອົບຮົມ semiconductor ແລະ ປັນຍາປະດິດ. DSAC ຮ່ວມກັບບັນດາໜ່ວຍງານບໍລິສັດ Intel Vietnam ຈໍາກັດ, ບໍລິສັດ ASA Holding ຈຳກັດ ໄດ້ມອບບັນທຶກຊ່ວຍຈໍາການຮ່ວມມື 3 ຝ່າຍ ກ່ຽວກັບການສ້າງ infrastructure, ຈັດຕັ້ງບັນດາຊຸດຝຶກອົບຮົມໃຫ້ກັບບັນດາວິສະວະກອນປັນຍາປະດິດ ຢູ່ນະຄອນດ່າໜັງ ດ້ວຍການນຳໃຊ້ເຕັກໂນໂລຢີແຜງວົງຈອນເຄິ່ງຊັກນໍາໄຟຟ້າ ແລະ ປັນຍາປະດິດຂອງ Intel.
 | ນັກສຶກສາ ກວາງນາມ 150 ຄົນໄດ້ຮັບທຶນການສຶກສາຈາກອົງການ Children of Vietnam ຍສໝ - ໃນວັນທີ 4 ແລະ 5 ທັນວາ, ຢູ່ແຂວງກວາງນາມ, ອົງການ Children of Vietnam (COV/ອາເມລິກາ) ໄດ້ສົມທົບກັບສະຫະພັນບັນດາອົງການມິດຕະພາບແຂວງ ກວາງນາມ ເພື່ອມອບທຶນການສຶກສາ 150 ທຶນໃຫ້ແກ່ນັກຮຽນທີ່ປະສົບກັບຄວາມຫຍຸ້ງຍາກໃນບໍລິເວນ. |
 | ຫຼາຍການເຄື່ອນໄຫວຢ່າງແທດຈິງ ເພື່ອປະກອບສ່ວນສ້າງນ້ຳໃຈຄວາມສາມັກຄີ, ມິດຕະພາບລະຫວ່າງ ບິ່ງເຢືອງ - ຈຳປາສັກ ຍສໝ - ນີ້ແມ່ນຂໍ້ສັງເກດທີ່ໄດ້ຍົກອອກຢູ່ກອງປະຊຸມເຮັດວຽກລະຫວ່າງຄະນະຜູ້ແທນແຂວງ ບິ່ງເຢືອງ ແລະ ແຂວງຈຳປາສັກ ເນື່ອງໃນການໄປປະຕິບັດງານຢູ່ ລາວ ໃນວັນທີ 6 ທັນວາ. |
ທອງມີ ສີຫາວົງ
