 | ຮ່າໂນ້ຍ ຈະສະແດງ drone 2.025 ໜ່ວຍເພື່ອສະເຫຼີມສະຫຼອງບຸນປີໃໝ່ປະຈຳຊາດ ປີມະເສັງ 2025 |
| ປະຊາຄົມຊາວ ຫວຽດນາມ ຢູ່ Osaka (ຍີ່ປຸ່ນ) ສະເຫຼີມສະຫຼອງບຸນປີໃໝ່ປີມະເສັງ |
ກ່າວຄຳປາໄສທີ່ເຫດການ, ທ່ານນາຍົກລັດຖະມົນຕີ ຟ້າມມິງຈິ໋ງ ເນັ້ນໜັກວ່າ: ປີ 2024 ທີ່ຫາກໍຜ່ານພົ້ນໄປແມ່ນປີທີ່ທ້າທາຍ. ແຕ່ໃນທ່າມກາງ “ຫ່າລົມທວນ”, ສັນຕິພາບ, ການຮ່ວມມື ແລະ ການພັດທະນາຍັງຄົງແມ່ນກະແສຕົ້ນຕໍ, ແມ່ນສາຍພົວພັນທີ່ເຊື່ອມຕໍ່ພວກເຮົາທຸກຄົນ, ແມ່ນຄຸນຄ່າລວມອັນຫຼັກແຫຼ່ງແກ່ນສານທີ່ບັນດາປະເທດລ້ວນແຕ່ມຸ່ງໄປເຖິງ. ສຳລັບ ຫວຽດນາມ, ປີ 2024 ແມ່ນປີຂອງຈິດໃຈຜ່ານຜ່າຄວາມຫຍຸ້ງຍາກ ແລະ ຄວາມມຸ່ງມາດປາດຖະໜາບືນຕົວຂຶ້ນ; ຫວຽດນາມ ບັນລຸໄດ້ລະດັບເຕີບໂຕ GDP ກວ່າ 7% ແລະ ສືບຕໍ່ແມ່ນຈຸດໝາຍປາຍທາງທີ່ປອດໄພ ແລະ ດຶງດູດການລົງທຶນ ແລະ ທ່ອງທ່ຽວສາກົນ.
 |
| ຕອນຄ່ຳວັນທີ 13 ມັງກອນ, ທ່ານນາຍົກລັດຖະມົນຕີ ຟ້າມມິງຈິ໋ງ ພ້ອມດ້ວຍພັນລະຍາໄດ້ເປັນປະທານງານລ້ຽງຕ້ອນຮັບບັນດາເອກອັກຄະລັດຖະທູດ, ຫົວໜ້າຜູ້ຕາງໜ້າບັນດາອົງການຈັດຕັ້ງສາກົນປະຈຳ ຮ່າໂນ້ຍ. |
ຕາງໜ້າການນໍາພັກ, ລັດ ແລະ ປະຊາຊົນ ຫວຽດນາມ, ທ່ານນາຍົກລັດຖະມົນຕີ ໄດ້ສະແດງຄວາມຂອບໃຈຢ່າງຈິງໃຈຕໍ່ບັນດາປະເທດອ້າຍນ້ອງ, ເພື່ອນມິດສາກົນ, ຄູ່ຮ່ວມມື, ເອກອັກຄະລັດຖະທູດ, ຫົວໜ້າຜູ້ຕາງໜ້າບັນດາອົງການສາກົນ ແລະ ຜ່ານບັນດາທ່ານໄປເຖິງລັດຖະບານ, ປະຊາຊົນບັນດາປະເທດ, ອົງການຈັດຕັ້ງສາກົນ ທີ່ໄດ້ໃຫ້ຄວາມໄວ້ເນື້ອເຊື່ອໃຈ ແລະ ໃຫ້ການຮ່ວມມືຢ່າງແໜ້ນແຟ້ນ, ມີປະສິດທິຜົນ ແລະ ການສະໜັບສະໜູນອັນລ້ຳຄ່າແກ່ ຫວຽດນາມ ໃນໄລຍະຜ່ານມາ.
ທ່ານນາຍົກລັດຖະມົນຕີໃຫ້ຮູ້ວ່າ ກ້າວເຂົ້າສູ່ປີໃໝ່ 2025, ຫວຽດນາມ ເຕັມໄປດ້ວຍຄວາມມຸ່ງມາດປາດຖະໜາ ແລະ ຄວາມຕັດສິນໃຈກ້າວເຂົ້າສູ່ສັງກາດໃໝ່ - ສັງກາດແຫ່ງການບືນຕົວຂຶ້ນ, ພັດທະນາຮັ່ງມີເຂັ້ມແຂງ, ຈະເລີນຮຸ່ງເຮືອງ, ສີວິໄລ, ວັດທະນາຖາວອນຂອງປະເທດຊາດ. ແຕ່ປີ 2025, ຫວຽດນາມ ໄດ້ວາງເປົ້າໝາຍການເຕີບໂຕປະມານ 8% ແລະ ສອງຕົວເລກ ຖ້າມີເງື່ອນໄຂສະດວກ, ສ້າງທ່ວງທ່າ, ສ້າງກຳລັງແຮງ, ສ້າງຈັງຫວະ ເພື່ອບັນລຸການເຕີບໂຕສອງຕົວເລກໃນຊຸມປີຕໍ່ໄປ.
ເພື່ອປະຕິບັດຄວາມມຸ່ງມາດປາດຖະໜາດັ່ງກ່າວ, ຫວຽດນາມ ໄດ້ຍຶດໝັ້ນແນວທາງການຕ່າງປະເທດເອກະລາດ, ເປັນເຈົ້າຕົນເອງ, ຫັນເປັນຫຼາຍຝ່າຍ, ເປັນເພື່ອນມິດທີ່ດີ, ເປັນຄູ່ຮ່ວມມືທີ່ໄວ້ເນື້ອເຊື່ອໃຈ ແລະ ເປັນສະມາຊິກທີ່ຕັ້ງໜ້າ, ມີຄວາມຮັບຜິດຊອບຂອງປະຊາຄົມສາກົນ ເພື່ອເປົ້າໝາຍສັນຕິພາບ, ການຮ່ວມມື, ການພັດທະນາໃນພາກພື້ນ ແລະ ໃນໂລກ.
ໃນການເດີນທາງນັ້ນ, ຫວຽດນາມ ຫວັງວ່າຈະສືບຕໍ່ໄດ້ຮັບການສະໜັບສະໜູນ, ໜູນຊ່ວຍ ແລະ ການຮ່ວມມືຢ່າງແໜ້ນແຟ້ນຈາກບັນດາເພື່ອນມິດສາກົນ, ໃນນັ້ນມີບັນດາທ່ານເອກອັກຄະລັດຖະທູດ, ຫົວໜ້າຜູ້ຕາງໜ້າບັນດາອົງການສາກົນ ເພື່ອນຳການພົວພັນມິດຕະພາບ ແລະ ການຮ່ວມມືລະຫວ່າງສອງຝ່າຍໃຫ້ນັບມື້ນັບພັດທະນາຢ່າງໝັ້ນແກ່ນ, ເລິກເຊິ່ງ, ແທດຈິງ ແລະ ມີປະສິດທິຜົນ.
ການນຳນະຄອນ ໂຮ່ຈິມິນ ໄດ້ພົບປະກັບກົງສຸນໃຫຍ່ ແລະ ຫົວໜ້າຜູ້ຕາງໜ້າບັນດາອົງການສາກົນ
ເນື່ອງໃນໂອກາດຕົ້ນປີ 2025 ແລະ ກະກຽມຕ້ອນຮັບປີໃໝ່ປະຈຳຊາດ ປີມະເສັງ, ຕອນຄ່ຳວັນທີ 13 ມັງກອນ, ຄະນະປະຈຳຄະນະພັກນະຄອນ, ສະພາປະຊາຊົນ, ຄະນະກຳມະການປະຊາຊົນນະຄອນ ໂຮ່ຈີມິນ ໄດ້ຈັດຕັ້ງການພົບປະກັບກົງສູນໃຫຍ່, ຫົວໜ້າຜູ້ຕາງໜ້າບັນດາອົງການສາກົນ, ຫ້ອງການເສດຖະກິດ - ວັດທະນະທຳ, ສະມາຄົມວິສາຫະກິດຂອງບັນດາປະເທດ ແລະ ເຂດແຄ້ວນ ປະຈຳ ນະຄອນ ໂຮ່ຈີມິນ. ເຂົ້າຮ່ວມມີ ທ່ານເລຂາຄະນະພັກນະຄອນ ໂຮ່ຈິີມິນ ຫງວຽນວັນເນ່ນ; ທ່ານຮອງເລຂາຄະນະພັກນະຄອນ, ປະທານຄະນະກຳມະການປະຊາຊົນນະຄອນ ໂຮ່ຈີມິນ ຟານວັນໝາຍ; ທ່ານຮອງເລຂາຄະນະພັກນະຄອນ, ປະທານສະພາປະຊາຊົນນະຄອນ ໂຮ່ຈີມິນ ນາງ ຫງວຽນທິເລ້; ທ່ານຮອງປະທານຜູ້ປະຈຳການຄະນະກຳມະການປະຊາຊົນນະຄອນ ໂຮ່ຈີມິນ ເຢືອງຫງອກຫາຍ.
 |
| ທ່ານປະທານຄະນະກຳມະການປະຊາຊົນນະຄອນ ໂຮ່ຈີມິນ ຟານວັນໝາຍ ກ່າວຄຳປາໄສທີ່ການພົບປະກັບກົງສຸນໃຫຍ່ ແລະ ຫົວໜ້າຜູ້ຕາງໜ້າບັນດາອົງການສາກົນ ປະຈຳ ນະຄອນ ໂຮ່ຈີມິນ. |
ກ່າວຄຳປາໄສທີ່ເຫດການ, ທ່ານປະທານຄະນະກຳມະການປະຊາຊົນນະຄອນ ໂຮ່ຈີມິນ ຟານວັນໝາຍ ໄດ້ທົບທວນຄືນບັນດາຜົນງານໃນຫຼາຍດ້ານຂອງນະຄອນ ໂຮ່ຈີມິນ ໃນປີ 2024. ສະຫາຍ ຟານວັນໝາຍ ຢືນຢັນວ່າ ບັນດາຜົນງານດີເດັ່ນຂອງນະຄອນ ໂຮ່ຈີມິນ ລ້ວນແຕ່ໄດ້ສ້າງດ້ວຍກຳລັງແຮງລວມຂອງຄະນະພັກ, ອຳນາດການປົກຄອງ ແລະ ປະຊາຊົນນະຄອນ, ຖືເປັນຂີດໝາຍແຫ່ງການຮ່ວມມືສາກົນ. ເນື່ອງໃນໂອກາດນີ້, ທ່ານ ຟານວັນໝາຍ ໄດ້ສະແດງຄວາມຂອບອົກຂອບໃຈບັນດາຜູ້ຕາງໜ້າບັນດາອົງການກົງສຸນ, ບັນດາອົງການສາກົນ, ບັນດາອົງການບໍ່ຂຶ້ນກັບລັດຖະບານ, ສະມາຄົມວິສາຫະກິດ ແລະ ບັນດາເພື່ອນມິດສາກົນ ທີ່ໄດ້ແບ່ງປັນ ແລະ ປະກອບສ່ວນສຳຄັນເຂົ້າໃນການພັດທະນານະຄອນ ໂຮ່ຈີມິນ.
ທ່ານ ຟານວັນໝາຍ ໃຫ້ຮູ້ວ່າ: ຮອດປີ 2025, ນະຄອນ ໂຮ່ຈີມິນ ຈະສືບຕໍ່ຊຸກຍູ້, ຜັນຂະຫຍາຍຢ່າງມີປະສິດທິຜົນ ແລະ ແທດຈິງກ່ຽວກັບຍຸດທະສາດຍົກລະດັບວຽກງານການຕ່າງປະເທດຂອງນະຄອນ ໂຮ່ຈີມິນ ຮອດປີ 2030, ວິໄສທັດຮອດປີ 2045; ຍູ້ແຮງການພົວພັນທາງການທູດດ້ານເສດຖະກິດບົນພື້ນຖານນຳໃຊ້ກົນໄກ ແລະ ນະໂຍບາຍພິເສດສະເພາະຂອງມະຕິ 98/2023/QH15 ຂອງສະພາແຫ່ງຊາດຢ່າງມີປະສິດທິຜົນ. ພິເສດ, ປີ 2025, ນະຄອນ ໂຮ່ຈີມິນ ຈະຈັດຕັ້ງງານບຸນໃຫຍ່ ແລະ ສຳຄັນຫຼາຍຢ່າງ. ເພື່ອປະຕິບັດບັນດາເນື້ອໃນດັ່ງກ່າວຢ່າງມີປະສິດທິຜົນ, ຄຽງຂ້າງກັບແຫຼ່ງກຳລັງພາຍໃນ, ນະຄອນ ໂຮ່ຈິີມິນ ຕ້ອງການການໜູນຊ່ວຍຂອງເພື່ອນມິດ ແລະ ຄູ່ຮ່ວມມືສາກົນ, ໂດຍຜ່ານຂົວເຊື່ອມຕໍ່ທີ່ຕັ້ງໜ້າຄື: ສະຖານກົງສຸນ, ຫ້ອງການເສດຖະກິດ - ການຄ້າ - ວັດທະນະທຳ, ບັນດາອົງການສາກົນ, ສະມາຄົມວິສາຫະກິດຕ່າງປະເທດໃນນະຄອນ.
 | ບຸນປີໃໝ່ປະຈຳຊາດ ຫວຽດນາມ ທີ່ຄຶກຄັກຢູ່ Ibaraki 2025 ຍສໝ - ວັນທີ 22 ທັນວາ 2024, ຢູ່ນະຄອນ Mito (ແຂວງ Ibaraki, ຍີ່ປຸ່ນ), ສະມາຄົມຊາວຫວຽດນາມ ຢູ່ Ibaraki ໄດ້ຈັດຕັ້ງລາຍການບຸນປີໃໝ່ປະຈຳຊາດ ຫວຽດນາມ ຢູ່ Ibaraki 2025. |
 | ບຸນປີໃໝ່ປະຈຳຊາດຫວຽດນາມ ເຊື່ອມຕໍ່ໄວໜຸ່ມຫວຽດນາມ - ລາວ - ກຳປູເຈຍ ຍສໝ - ບຸນເຕັດແມ່ນງານບຸນໃຫຍ່ ແລະສຳຄັນທີ່ສຸດຂອງຊາວຫວຽດນາມ ໃນປີ. ບຸນເຕັດກໍ່ເປັນການເລີ່ມຕົ້ນປີໃໝ່, ສະນັ້ນຈຶ່ງໄດ້ຮັບການຝາກຝັງຄວາມປາດຖະໜາຫຼາຍຢ່າງໃນປີ. |
