 | ບ່ອນທີ່ໄວ້ເນື້ອເຊື່ອໃຈໃນການເບິ່ງແຍງສຸຂະພາບຂອງປະຊາຊົນສອງຟາກຊາຍແດນ ຫວຽດນາມ - ລາວ |
| ສຸມກຳລັງແຮງໃສ່ການພັດທະນາພື້ນຖານໂຄງລ່າງເພື່ອ “ປຸກລຸກ” ການຄ້າຊາຍແດນຫວຽດນາມ - ລາວ |
ປະຊາຊົນຢູ່ເຂດຊາຍແດນຫວຽດນາມ - ລາວ ຮ່ວມແຮງຮ່ວມໃຈປົກປັກຮັກສາປ່າໄມ້
ນັບແຕ່ຕອນຮຸ່ງເຊົ້າ, ປະຊາຊົນບ້ານ ນາຫຼວງ, ກຸ່ມບ້ານ ສົບຮຸນ, ເມືອງ ເມືອງໃໝ່, ແຂວງ ຜົ້ງສາລີ, ລາວ ໄດ້ເຕົ້າໂຮມກັນຢູ່ບ້ານຕາແສງ ປ່າເທີມ, ເມືອງ ດ້ຽນບຽນ, ແຂວງ ດ້ຽນບຽນ ເພື່ອເຂົ້າຮ່ວມພິທີປຸກລະດົມຂະບວນການ "ປະຊາຊົນທຸກຄົນເຂົ້າຮ່ວມການປ້ອງກັນ, ຕ້ານໄຟໄຫມ້ປ່າ".
ທ່ານ ພອນວັນ, ນາຍບ້ານ ນາຫຼວງ, ກຸ່ມບ້ານ ໂສບຮຸນ, ເມືອງ ເມືອງໃໝ່, ແຂວງຜົ້ງສາລີ, ລາວ ໃຫ້ຮູ້ວ່າ ໂຄງການດັ່ງກ່າວແມ່ນໜຶ່ງໃນບັນດາເນື້ອໃນ ໃນຄຳໝັ້ນສັນຍາປະຕິບັດຮູບແບບແຮກສ່ຽວ ບ້ານ-ບ້ານ.
 |
| ນາຍບ້ານ ປ່າເທີມ ແລະ ກຸ່ມບ້ານໂສບຮຸນ ໄດ້ລົງນາມໃນສັນຍາປົກປັກຮັກສາປ່າໄມ້ເຂດຊາຍແດນຂອງບັນດາບ້ານ. ພາບ: Le Lan |
ໃນໄລຍະຈະມາເຖິງ, ທ່ານ ແລະ ປະຊາຊົນບ້ານ ປ່າເທີມ ແລະ ພະນັກງານ-ລັດຖະກອນບ້ານ ນາຫຼວງ ຈະຍູ້ແຮງການປ້ອງກັນ, ຕ້ານໄຟໄໝ້ປ່າຕາມຄຳໝັ້ນສັນຍາ; ແລກປ່ຽນຂໍ້ມູນ, ໜູນຊ່ວຍ, ຊ່ວຍເຫຼືອເຊິ່ງກັນ ແລະ ກັນໃນການພັດທະນາເສດຖະກິດ, ວັດທະນະທຳ ແລະ ສັງຄົມຢ່າງຕັ້ງໜ້າ; ເຂົ້າຮ່ວມການປົກປັກຮັກສາຄວາມເປັນລະບຽບຮຽບຮ້ອຍຄວາມປອດໄພ, ອະທິປະໄຕຄວາມໝັ້ນຄົງເຂດຊາຍແດນ, ຫຼັກໝາຍຂອງແຕ່ລະປະເທດ...
ນີ້ແມ່ນໜຶ່ງໃນບັນດາການເຄື່ອນໄຫວຂອງປະຊາຊົນຢູ່ເຂດຊາຍແດນ ຫວຽດນາມ - ລາວ ຮ່ວມແຮງຮ່ວມໃຈປົກປັກຮັກສາປ່າໄມ້.
ໃນຊຸມປີມໍ່ໆມານີ້, ຄະນະກຳມະການປະຊາຊົນຕາແສງ ບາດມອດ ໄດ້ສົມທົບຢ່າງແໜ້ນແຟ້ນກັບປ້ອມປ້ອງກັນຊາຍແດນ ບາດມອດ, ເມືອງ ແທງຊ່ວນ, ແທງຮວ໋າ ແລະ ອຳນາດການປົກຄອງກຸ່ມບ້ານ ໂພນໄຊ, ເມືອງ ຊຳໃຕ້ (ລາວ) ເພື່ອຈັດຕັ້ງການໂຄສະນາ, ສຶກສາ, ເຜີຍແຜ່ກົດໝາຍຫຼາຍຮູບແບບໃຫ້ພະນັກງານ, ປະຊາຊົນຢູ່ສອງຝັ່ງຊາຍແດນ; ລະດົມປະຊາຊົນເຂົ້າຮ່ວມການລົງນາມໃນ 185 ຄຳໝັ້ນສັນຍາກ່ຽວກັບການປົກປັກຮັກສາປ່າໄມ້ ຕິດພັນກັບການປົກປັກຮັກສາອະທິປະໄຕຜືນແຜ່ນດິນຄວາມປອດໄພຊາຍແດນແຫ່ງຊາດ.
ເພື່ອປົກປັກຮັກສາປ່າໄມ້, ສາຂາກົມກວດກາປ່າໄມ້ຂຶ້ນກັບພະແນກກະສິກຳ ແລະ ພັດທະນາຊົນນະບົດແຂວງ ເທື່ອທຽນເຫ້ວ ກໍ່ໄດ້ລົງນາມໃນບົດບັນທຶກຊ່ວຍຈຳການຮ່ວມມື ກັບກອງກວດກາປ່າໄມ້ ຂຶ້ນກັບພະແນກກະສິກຳ ແລະ ປ່າໄມ້ແຂວງ ເຊກອງ ຂອງລາວ ກ່ຽວກັບການປົກປັກຮັກສາປ່າໄມ້. ກອງກວດກາປ່າໄມ້ແຂວງ ສະຫວັນນະເຂດ ແລະ ສາຂາກົມກວດກາປ່າໄມ້ແຂວງ ກວາງຈີ້ ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືໃນການຄຸ້ມຄອງ, ປົກປັກຮັກສາປ່າໄມ້, ປົກປັກຮັກສາສັດປ່າ ໄລຍະ 2024 – 2029. ສາຂາກົມກວດກາປ່າໄມ້ແຂວງ ກວາງນາມ ແລະ ກອງກວດກາປ່າໄມ້ແຂວງ ເຊກອງ (ລາວ) ກໍ່ໄດ້ລົງນາມບົດບັນທຶກຊ່ວຍຈຳການຮ່ວມມືເພື່ອປົກປັກຮັກສາສັດປ່າ.
ໃນໄລຍະຈະມາເຖິງ, ສອງຝ່າຍຈະເພີ່ມທະວີການປະສານງານ, ແລກປ່ຽນຂໍ້ມູນ, ຄວາມຮູ້, ປະສົບການ ເພື່ອຄວບຄຸມ, ສະກັດກັ້ນບັນດາການກະທຳທຳລາຍປ່າ, ການຂຸດຄົ້ນຊັບພະຍາກອນທຳມະຊາດ, ແຮ່ທາດ, ການລ່າສັດປ່າ, ການຄ້າຂາຍ ແລະ ຂົນສົ່ງໄມ້ ແລະ ຜະລິດຕະພັນຈາກປ່າຢ່າງຜິດກົດໝາຍ; ເພີ່ມທະວີການກວດກາ, ຕິດຕາມກວດກາ, ສົມທຽບປະລິມານໄມ້, ຜະລິດຕະພັນຈາກປ່າ, ສັດປ່າທີ່ນຳເຂົ້າ ແລະ ສົ່ງອອກຜ່ານເຂດຊາຍແດນ.
ຄຽງຂ້າງນັ້ນ, ສອງຝ່າຍຈະເພີ່ມທະວີການແລກປ່ຽນຂໍ້ມູນກ່ຽວກັບການປ້ອງກັນໄຟປ່າ; ໂຄສະນາເຜີຍແຜ່, ສຶກສາໃຫ້ປະຊາຊົນຕາມເຂດຊາຍແດນໃຫ້ມີສະຕິ ແລະ ເຂົ້າໃຈກ່ຽວກັບການປົກປັກຮັກສາຊັບພະຍາກອນປ່າໄມ້, ການຄຸ້ມຄອງ ແລະ ປົກປັກຮັກສາຊີວະພາບອັນຫຼາກຫຼາຍ, ສະກັດກັ້ນການເຄື່ອນໄຫວຂຸດຄົ້ນ, ຄ້າຂາຍ, ຂົນສົ່ງໄມ້, ສັດປ່າທີ່ຜິດກົດໝາຍ; ພ້ອມກັນນັ້ນ, ກໍ່ສະກັດກັ້ນການທຳລາຍ ແລະ ບຸກລຸກປ່າໄມ້, ເນື້ອທີ່ປ່າໄມ້ຢູ່ເຂດຊາຍແດນ.
ນອກຈາກນັ້ນ, ຍັງມີຄະນະປະຕິບັດງານກົມປ່າໄມ້ຂອງລາວ ໄປຢ້ຽມຢາມ ແລະ ຮຽນຮູ້ປະສົບການຢູ່ ຫວຽດນາມ.
ແບ່ງປັນນະໂຍບາຍລາຍຈ່າຍໃນການບໍລິການສິ່ງແວດລ້ອມປ່າໄມ້
ເສັ້ນຊາຍແດນລະຫວ່າງຫວຽດນາມ - ລາວ ມີຄວາມຍາວປະມານ 2.340 ກິໂລແມັດ, ຍາວຢຽດຜ່ານ 10 ແຂວງຂອງຫວຽດນາມ ຄື: ດ້ຽນບຽນ, ເຊີນລາ, ແທງຮວາ, ເງ້ອານ, ຮ່າຕິງ, ກວາງບິ່ງ, ກວາງຈີ້, ເທື່ອທຽນເຫ້ວ, ກວາງນາມ ແລະ ກອນຕູມ; ຕິດກັບ 10 ແຂວງຊາຍແດນຂອງລາວ ຄື: ຜົ້ງສາລີ, ຫຼວງພະບາງ, ຫົວພັນ, ຊຽງຂວາງ, ບໍລິຄໍາໄຊ, ຄໍາມ່ວນ, ສະຫວັນນະເຂດ, ສາລະວັນ, ເຊກອງ ແລະ ອັດຕະປື. ລຽບຕາມຊາຍແດນ ຫວຽດນາມ-ລາວ ມີ 7 ດ່ານຊາຍແດນສາກົນ ແລະ 6 ດ່ານຊາຍແດນຫຼັກ.
ໃນເດືອນກໍລະກົດ 2012, ຂໍ້ຕົກລົງຮ່ວມມືສອງຝ່າຍໃນຂົງເຂດປົກປັກຮັກສາປ່າໄມ້, ການບັງຄັບໃຊ້ກົດໝາຍວ່າດ້ວຍປ່າໄມ້, ການຄວບຄຸມ ແລະ ສະກັດກັ້ນການຄ້າຂາຍ, ຂົນສົ່ງໄມ້, ຜະລິດຕະພັນປ່າໄມ້ ແລະ ສັດປ່າຢ່າງຜິດກົດໝາຍໄດ້ລົງນາມລະຫວ່າງກົມກວດກາປ່າໄມ້ (ກະຊວງກະສິກຳ ແລະ ພັດທະນາຊົນນະບົດ ຫວຽດນາມ) ແລະ ກົມກວດກາປ່າໄມ້ (ກະຊວງກະສິກຳ ແລະ ປ່າໄມ້ຂອງລາວ). ຂະບວນການ 14 ປີແຫ່ງການຮ່ວມມື, ໄດ້ຮັບຜົນດີຫຼາຍຢ່າງໃນການຫລຸດຜ່ອນໄຟໄໝ້ປ່າ, ການລະເມີດກົດໝາຍວ່າດ້ວຍການຂຸດຄົ້ນ, ຂົນສົ່ງ ແລະ ການຄ້າໄມ້ ແລະ ສັດປ່າຢູ່ເຂດຊາຍແດນ ຫວຽດນາມ - ລາວ.
 |
| ສາຂາກົມກວດກາປ່າໄມ້ແຂວງ ກວາງຈີ້ ແລະ ກອງກວດການການປ່າໄມ້ ແຂວງສະຫວັນນະເຂດ ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືໃນການປົກປັກຮັກສາປ່າໄມ້, ປົກປັກຮັກສາສັດປ່າ. ພາບ Quynh Nga |
ໃນປີ 2023, ເພື່ອເພີ່ມທະວີການຮ່ວມມືໃນຂົງເຂດປ່າໄມ້ໃຫ້ຮ້ອບດ້ານກວ່າ, ສອງຝ່າຍໄດ້ເຫັນດີເປັນເອກະພາບຍົກລະດັບບົດບັນທຶກການຮ່ວມມືສະບັບນີ້ຂຶ້ນສູ່ລະດັບລັດຖະມົນຕີ ແລະ ເນັ້ນໜັກເຖິງການເພີ່ມທະວີກຳລັງຄວາມສາມາດໃນການຄຸ້ມຄອງປ່າໄມ້ແບບຍືນຍົງ ແລະ ມອບໃບຢັ້ງຢືນປ່າໄມ້, ລາຍຈ່າຍໃນການບໍລິການລະບົບນິເວດປ່າໄມ້.
ທ່ານ ທຸມທອນ ວົງວິສຸກ, ຮອງຫົວໜ້າກົມປ່າໄມ້, ກະຊວງກະສິກໍາ ແລະ ປ່າໄມ້ລາວ ໄດ້ສະແດງຄວາມປະທັບໃຈ ແລະ ຊົມຊື່ນກັບຜົນສໍາເລັດຂອງຫວຽດນາມ ໃນການປະຕິບັດນະໂຍບາຍລາຍຈ່າຍການບໍລິການສິ່ງແວດລ້ອມປ່າໄມ້ຢ່າງມີປະສິດທິຜົນໃນຕະຫຼອດ 13 ປີຜ່ານມາ, ພິເສດແມ່ນການທົດລອງການບໍລິການດູດຊຶມ ແລະ ຮັກສາກາກບອນປ່າໄມ້. ທ່ານສະເໜີວ່າ ໃນໄລຍະຈະມາເຖິງ, ຫວຽດນາມຈະສືບຕໍ່ແບ່ງປັນ, ໃຫ້ຄຳປຶກສາໃຫ້ລາວ ກ່ຽວກັບວິທີກໍ່ສ້າງ ແລະ ຜັນຂະຫຍາຍນະໂຍບາຍລາຍຈ່າຍການບໍລິການສິ່ງແວດລ້ອມປ່າໄມ້.
 | ກວາງຈິ-ສາລະວັນ: ຮັກສາເຂດຊາຍແດນສັນຕິພາບຕາມຮູບແບບແຮກສ່ຽວ ຍສໝ - ວັນທີ 28 ພຶດສະພາ, ຢູ່ຕາແສງ ບາເຕີ່ງ (ເມືອງ ເຮື່ອງຮວ໋າ, ແຂວງ ກວາງຈິ) ໄດ້ດຳເນີນກອງປະຊຸມສະຫຼຸບເບື້ອງຕົ້ນ15 ປີແຫ່ງການແຮກສ່ຽວ ກຸ່ມປະຊາຊົນສອງເບື້ອງຊາຍແດນລະຫວ່າງບ້ານລົວ, ຈຸ່ມ (ຕາແສງ ບາເຕີ່ງ, (ເມືອງ ເຮື່ອງຮວ໋າ, ແຂວງ ກວາງຈິ) ກັບບັນດາບ້ານ ອັນລະ, ອາຢົງ, ເຊ ... |
 | ຍສໝ - ການເຄື່ອນໄຫວແທດຈິງ ແລະ ມີຄວາມໝາຍໄດ້ປະກອບສ່ວນຍົກສູງຄວາມຮັບຮູ້ດ້ານກົດໝາຍໃຫ້ປະຊາຊົນສອງຝັ່ງຊາຍແດນຫວຽດນາມ - ລາວ; ຮັດແໜ້ນສາຍພົວພັນສາມັກຄີ, ມິດຕະພາບລະຫວ່າງບັນດາກຳລັງປະກອບອາວຸດ ແລະ ປະຊາຊົນຢູ່ເຂດຊາຍແດນ. |
ມີງດຶກ
