 |
| ຕອນເຊົ້າວັນທີ 25 ກໍລະກົດ, ງານສົບຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ຈັດຂຶ້ນຕາມພິທີງານສົບລະດັບຊາດ, ຢູ່ຫໍງານສົບແຫ່ງຊາດ, ເລກທີ 5 ຖະໜົນ ເຈີ່ນແທັງຕົງ, ຮ່າໂນ້ຍ. |
 |
| ໃນເວລາ 6 ໂມງ 40 ນາທີ, ຄອບຄົວ ແລະ ລູກຫຼານຂອງທ່ານເລຂາທິການໃຫຍ່ ໄດ້ກະກຽມເຂົ້າໄຫວ້ອາໄລຢູ່ຫໍງານສົບແຫ່ງຊາດ. ນຳໜ້າໂດຍທ່ານນາງ ໂງທິເມິ້ນ ພັນລະຍາຂອງທ່ານເລຂາທິການໃຫຍ່ ຫງວຽນຟູ໋ຈ້ອງ. |
 |
| ທ່ານນາງ ໂງທິເມິ້ນ ໄດ້ນຳໜ້າລູກຫຼານເຂົ້າໄປໄຫວ້ອາໄລ ທ່ານເລຂາທິການໃຫຍ່ ຫງວຽນຟູ໋ຈ້ອງ. |
 |
| ທ່ານນາງ ໂງທິເມິ້ນ ຢືນສະອື້ນຢູ່ຂ້າງໂລງສົບຂອງທ່ານເລຂາທິການໃຫຍ່ ຫງວຽນຟູ໋ຈ້ອງ. |
 |
| ທ່ານ ເລືອງເກື່ອງ, ກຳມະການກົມການເມືອງ, ຜູ້ປະຈຳຄະນະເລຂາທິການ, ຫົວໜ້າຄະນະຈັດຕັ້ງງານສົບ ຈັດລາຍການຂອງພິທີໄຫວ້ອາໄລ. ຕາມທ່ານຜູ້ປະຈຳຄະນະເລຂາທິການ ເລືອງເກື່ອງ ແລ້ວ, ໃນເກືອບ 60 ປີແຫ່ງການເຄື່ອນໄຫວປະຕິວັດ, ທ່ານເລຂາທິການໃຫຍ່ ຫງວຽນຟູ໋ຈ້ອງ ໄດ້ມີການປະກອບສ່ວນອັນໃຫຍ່ຫຼວງ ແລະ ດີເດັ່ນພິເສດເຂົ້າໃນພາລະກິດການປະຕິວັດອັນສະຫງ່າລາສີຂອງພັກ ແລະ ຊາດພວກເຮົາ. ທ່ານເລຂາທິການໃຫຍ່ໄດ້ຮັບຫຼຽນໄຊດາວຄຳ ຈາກພັກ ແລະ ລັດ, ຫຼຽນກາສະມາຊິກພັກ 55 ປີ ແລະ ຫຼຽນໄຊອັນສູງສົ່ງອື່ນໆຂອງ ຫວຽດນາມ ແລະ ສາກົນ. ການເສຍຊີວິດຂອງທ່ານເລຂາທິການໃຫຍ່ ຫງວຽນຟູ໋ຈ້ອງ ແມ່ນການສູນເສຍຢ່າງໃຫຍ່ຫຼວງ ແລະ ບໍ່ສາມາດທົດແທນຄວາມເສຍຫາຍນີ້ໄດ້ ສຳລັບພັກ, ລັດ, ປະຊາຊົນ ແລະ ຄອບຄົວ. |
 |
| ເພື່ອສະແດງຄວາມເສົ້າສະຫຼົດໃຈຕໍ່ ທ່ານເລຂາທິການໃຫຍ່, ຄະນະບໍລິຫານງານສູນກາງພັກ, ສະພາແຫ່ງຊາດ, ລັດ, ລັດຖະບານ, ຄະນະກຳມະການສູນກາງແນວໂຮມປະເທດຊາດ ຫວຽດນາມ ໄດ້ຕົກລົງຈັດງານສົບໃຫ້ແກ່ສະຫາຍເລຂາທິການໃຫຍ່ ຫງວຽນຟູ໋ຈ້ອງ ດ້ວຍພິທີງານສົບລະດັບຊາດ. |
 |
| ທ່ານປະທານປະເທດ ໂຕເລິມ ໄດ້ແປງພວງມາລາຂອງຄະນະບໍລິຫານງານສູນກາງພັກກອມມູນິດ ຫວຽດນາມ ໂດຍມີຜ້າແຖວຕົວໜັງສືວ່າ “ສຸດແສນອາໄລ ສະຫາຍ ຫງວຽນຟູ໋ຈ້ອງ”. |
 |
| ຄະນະບໍລິຫານງານສູນກາງພັກກອມມູນິດ ຫວຽດນາມ ໂດຍທ່ານປະທານປະເທດ ໂຕເລິມ ເຂົ້າໄຫວ້ອາໄລທ່ານເລຂາທິການໃຫຍ່ ຫງວຽນຟູ໋ຈ້ອງ. |
 |
| ບັນດາອະດີດການນຳພັກ ແລະ ລັດ ເຂົ້າໄຫວ້ອາໄລທ່ານເລຂາທິການໃຫຍ່ ຫງວຽນຟູ໋ຈ້ອງ. |
 |
| ທ່ານປະທານປະເທດ ໂຕເລິມ ຈູດທູບທຽນຢູ່ຕໍ່ໜ້າແທ່ນບູຊາຂອງທ່ານເລຂາທິການໃຫຍ່ ຫງວຽນຟູ໋ຈ້ອງ. |
 |
| ບັນດາການນຳ ແລະ ອະດີດການນຳຂອງຄະນະບໍລິຫານງານສູນກາງພັກກອມມູນິດ ຫວຽດນາມ ໄດ້ກົ້ມຫົວໜຶ່ງນາທີເພື່ອລະນຶກເຖິງ ທ່ານເລຂາທິການໃຫຍ່ ກ່ອນມາໃຫ້ກຳລັງໃຈ ແລະ ສະແດງຄວາມເສົ້າສະຫຼົດໃຈຕໍ່ຄອບຄົວຂອງ ທ່ານເລຂາທິການໃຫຍ່. |
 |
| ທ່ານປະທານປະເທດ ໂຕເລິມ ພ້ອມດ້ວຍບັນດາການນຳ ແລະ ອະດີດການນຳຂອງພັກ ແລະ ລັດ ໄດ້ຍ່າງອ້ອມເມມຂອງທ່ານເລຂາທິການໃຫຍ່ ຫງວຽນຟູ໋ຈ້ອງ. |
 |
| ບັນດາການນຳ ແລະ ອະດີດການນຳພັກລັດ, ພາຍຫຼັງໄດ້ຈູດທູບທຽນໄຫວ້ອາໄລຫາ ທ່ານເລຂາທິການໃຫຍ່ ແລ້ວກໍ່ສະແດງຄວາມເສົ້າສະຫຼົດໃຈ ແລະ ໃຫ້ກຳລັງໃຈກັບຄອບຄົວຂອງ ທ່ານເລຂາທິການໃຫຍ່. ຫຼັງຈາກນັ້ນ, ຄະນະນຳຂອງພັກ ແລະ ລັດ ໄດ້ຂຽນປື້ມໄຫວ້ອາໄລເຖິງ ທ່ານເລຂາທິການໃຫຍ່. |
 |
| ຄະນະຜູ້ແທນລັດຖະບານ ໂດຍທ່ານນາຍົກລັດຖະມົນຕີ ຟ້າມມິນຈິ໋ງ ນຳໜ້າ, ໄດ້ເຂົ້ໄຫວ້ອາໄລທ່ານເລຂາທິການໃຫຍ່ ຫງວຽນຟູ໋ຈ້ອງ. |
 |
| ທ່ານປະທານປະເທດ ໂຕເລິມ ນຳໜ້າຄະນະຜູ້ແທນປະທານປະເທດເຂົ້າໄຫວ້ອາໄລທ່ານເລຂາທິການໃຫຍ່ ຫງວຽນຟູ໋ຈ້ອງ. |
 |
| ຄະນະຜູ້ແທນສະພາແຫ່ງຊາດ ໂດຍທ່ານປະທານສະພາແຫ່ງຊາດ ເຈີ່ນແທງເໝີ໊ນ ນຳໜ້າ ເຂົ້າໄຫວ້ອາໄລທ່ານເລຂາທິການໃຫຍ່ ຫງວຽນຟູ໋ຈ້ອງ. ເຂົ້າຮ່ວມຄະນະມີປະທານສະພາແຫ່ງຊາດ, ອະດີດປະທານສະພາແຫ່ງຊາດແຕ່ລະສະໄໝ, ພ້ອມດ້ວຍບັນດາຮອງປະທານ, ອະດີດຮອງປະທານ, ຫົວໜ້າຂອງບັນດາຄະນະກຳມາທິການ ແລະ ການນຳບັນດາອົງການສະພາແຫ່ງຊາດ. |
 |
| ຄະນະຜູ້ແທນຄະນະກຳມະການສູນກາງແນວໂຮມປະເທດຊາດ ຫວຽດນາມ ເຂົ້າໄຫວ້ອາໄລທ່ານເລຂາທິການໃຫຍ່ ຫງວຽນຟູ໋ຈ້ອງ. |
 | ທ່ານເລຂາທິການໃຫຍ່ ຫງວຽນຟູ໋ຈ້ອງ ໃນດວງໃຈຊາວ ຫວຽດນາມ ອາໄສຢູ່ຕ່າງປະເທດ ຍສໝ - ໄປໃສກໍຕ້ອງຄິດວ່າຕົນເອງເປັນ “ລູກຫຼານ ລາກຮົ່ງ”, ບໍ່ວ່າຈະເຮັດຫຍັງກໍຕ້ອງຄິດວ່າຕົນເອງເປັນຊາວ ຫວຽດນາມ; ຮັກສາສີສັນຂອງຊາດ, ຮັກສາພາສາ ຫວຽດນາມ, ໂຄສະນາພາບພົດຂອງ ຫວຽດນາມ ໄປສູ່ເພື່ອນມິດໃນທົ່ວໂລກ... ນັ້ນແມ່ນຄຳຕັກເຕືອນຂອງ ທ່ານເລຂາທິການໃຫຍ່ ຫງວຽນຟູ໋ຈ້ອງ ເຖິງຊາວ ຫວຽດນາມ ອາໄສຢູ່ຕ່າງປະເທດ. |
 | ສະຫາຍເລຂາທິການໃຫຍ່ ຫງວຽນຟູ໋ຈ້ອງ ແມ່ນນັກການເມືອງດີເດັ່ນ ແລະ ເປັນຜູ້ນຳທີ່ເປັນແບບຢ່າງ ຍສໝ - ທ່ານປະທານສູນກາງສະມາຄົມມິດຕະພາບ ລາວ - ຫວຽດນາມ, ທ່ານ ບັນດິດ ບໍ່ວຽງຄໍາ ວົງດາລາ ໃຫ້ຂໍ້ສັງເກດວ່າ: ສະຫາຍເລຂາທິການໃຫຍ່ ຫງວຽນຟູ໋ຈ້ອງ ເປັນນັກການເມືອງ, ນັກວິທະຍາສາດ, ສາດສະດາຈານ, ເປັນຜູ້ນໍາທີ່ເປັນແບບຢ່າງດີເດັ່ນ. |
ມິງດຶກ (ແປຕາມ dantri.com.vn)
