 | ລັດຖະບານລາວ ປະດັບຫຼຽນໄຊອິດສະຫຼະ ຊັ້ນ III ໃຫ້ທູດຫວຽດນາມ ປະຈໍາ ລາວ |
| ລັດຖະບານລາວ ປະດັບຫຼຽນໄຊໃຫ້ແກ່ 1 ໝູ່ຄະນະ ແລະບຸກຄົນ 3 ທ່ານ ຂອງແຂວງກວ໋າງຫງາຍ |
ລະອຽດ, ລັດຖະບານລາວ ໄດ້ປະດັບຫລຽນໄຊພັດທະນາຊັ້ນໜຶ່ງໃຫ້ຄະນະກຳມະການປະຊາຊົນແຂວງ ຮວ່າບິງ; ປະດັບຫຼຽນໄຊແຮງງານຊັ້ນ 2 ໃຫ້ 2 ກົມກອງລວມໝູ່, 5 ບຸກຄົນ; ຫຼຽນໄຊແຮງງານຊັ້ນສາມ ໃຫ້ 4 ບຸກຄົນ; ຫຼຽນກາແຮງງານໃຫ້ 5 ບຸກຄົນ; ມອບໃບຍ້ອງຍໍໃຫ້ແກ່ 3 ກົມກອງລວມໝູ່ ຍ້ອນມີຜົນງານໃນການກໍ່ສ້າງໂຮງຮຽນມັດທະຍົມຕອນປາຍ ເມືອງ ຫົວເມືອງ, ແຂວງ ຫົວພັນ.
ກ່າວຄຳປາໄສທີ່ພິທີ, ທ່ານ ບຸ່ຍດຶກຮິນ, ປະທານຄະນະກຳມະການປະຊາຊົນແຂວງ ເນັ້ນໜັກວ່າ: ໂຄງການກໍ່ສ້າງໂຮງຮຽນມັດທະຍົມຕອນປາຍ ເມືອງ ຫົວເມືອງ, ແຂວງ ຫົວພັນ ໄລຍະ 2019-2024 ແມ່ນຂອງຂວັນທີ່ມີຄວາມໝາຍທີ່ສຸດຂອງລັດຖະບານ ແລະ ປະຊາຊົນ ຫວຽດນາມ ທີ່ມີຕໍ່ລັດຖະບານ ແລະ ປະຊາຊົນລາວ. ແຂວງ ຮວ່າບິງ ໄດ້ຮັບມອບໝາຍຈາກລັດຖະບານເປັນເຈົ້າການໂຄງການ, ສົມທົບກັບແຂວງ ຫົວພັນ ຜັນຂະຫຍາຍ ແລະ ສໍາເລັດໂຄງການຕາມກໍານົດເວລາ, ມີຄຸນນະພາບດີ, ຮັບປະກັນຄວາມຮຽກຮ້ອງຕ້ອງການສູງທາງດ້ານເຕັກນິກ ແລະ ຄວາມສວຍງາມ.
 |
| ພິທີປະດັບຫຼຽນໄຊ ແລະ ຫຼຽນກາ ຂອງລັດຖະບານລາວ ໃຫ້ບັນດາກົມກອງລວມໝູ່ ແລະ ບຸກຄົນແຂວງ ຮວ່າບິ່ງ. ພາບ: ໜັງສືພິມ ຮວ່າບິ່ງ |
ທ່ານປະທານຄະນະກຳມະການປະຊາຊົນແຂວງ ເຊື່ອໝັ້ນວ່າ ເມື່ອໂຄງການນຳເຂົ້າໃນການເຄື່ອນໄຫວ ຈະສ້າງເງື່ອນໄຂສະດວກໃຫ້ແກ່ການຮ່ຳຮຽນຂອງນັກຮຽນ ແລະ ວຽກງານການສິດສອນ, ຄຸ້ມຄອງຄູສອນໂຮງຮຽນ, ຍົກສູງຄຸນນະພາບການສຶກສາ ນັບແຕ່ລະດັບມັດທະຍົມຕົ້ນຮອດມັດທະຍົມປາຍ ໃນບໍລິເວນເມືອງ ຫົວເມືອງ, ແຂວງ ຫົວພັນ. ຄາດວ່າໂຄງການທີ່ໄດ້ສຳເລັດແລ້ວ ຈະຝຶກບຳລຸງສ້າງແຫຼ່ງພະນັກງານ, ເປີດກວ້າງທິດທາງໃໝ່ທີ່ເຕັມໄປດ້ວຍຄວາມມຸ່ງຫວັງໃນການພັດທະນາການສຶກສາ ແລະ ຍົກສູງລະດັບຄວາມຮູ້ຂອງປະຊາຊົນໃຫ້ເມືອງ ຫົວເມືອງ.
ທ່ານປະທານຄະນະກຳມະການປະຊາຊົນແຂວງ ຍັງໄດ້ຮັບຮູ້ບັນດາການປະກອບສ່ວນທາງເຫື່ອແຮງ, ຄວາມເຂັ້ມງວດ, ຄວາມສຸດຈິດສຸດໃຈ, ຄວາມມານະພະຍາຍາມໃນການເຮັດວຽກ, ຜ່ານຜ່າຄວາມຫຍຸ້ງຍາກຫລາຍຢ່າງຂອງບັນດາກົມກອງລວມໝູ່, ບຸກຄົນທີ່ເຂົ້າຮ່ວມໂດຍກົງໃນການປະຕິບັດໂຄງການ.
ຕາງໜ້າໃຫ້ຄະນະພັກ ແລະ ປະຊາຊົນແຂວງຮວ່າບິ່ງ, ປະທານຄະນະກຳມະການປະຊາຊົນແຂວງ ໄດ້ຍ້ອງຍໍບັນດາຄວາມມານະພະຍາຍາມຂອງບັນດາກົມກອງລວມໝູ່, ບຸກຄົນໃນການປະຕິບັດໂຄງການ; ອວຍພອນໃຫ້ບັນດາການນຳແຂວງ ຫົວພັນ ແລະ ບັນດາຜູ້ແທນມີສຸຂະພາບແຂງແຮງ, ມີຄວາມຜາສຸກ ແລະ ປະສົບຜົນສຳເລັດ. ຂໍໃຫ້ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ.
ທີ່ພິທີ, ທ່ານ ຄຳແພງ ໄຊສົມແພງ, ເລຂາພັກ, ເຈົ້າແຂວງ ຫົວພັນ ໄດ້ເນັ້ນໜັກວ່າ ຫວຽດນາມ - ລາວ, ຮວ່າບິ່ງ - ຫົວພັນ ມີມູນເຊື້ອສາມັກຄີມາແຕ່ດົນນານ. ແຂວງຫົວພັນ ຍາມໃດກໍ່ໄດ້ຮັບການຊ່ວຍເຫຼືອ, ໜູນຊ່ວຍຈາກແຂວງ ຮວ່າບິງ ນີ້ແມ່ນການເພີ່ມພູນຄູນສ້າງນ້ຳໃຈສາມັກຄີມິດຕະພາບແບບພິເສດ ແລະ ການຮ່ວມມືຮອບດ້ານ, ປະກອບສ່ວນພັດທະນາເສດຖະກິດ-ສັງຄົມຂອງແຂວງ ຫົວພັນ.
 | ລັດຖະບານລາວ “ເປີດໄຟຂຽວ” ໃຫ້ແກ່ໂຄງການພະລັງງານລົມ 1,200 ເມກາວັດ ຍສໝ - ລັດຖະບານລາວ ຫາກໍລົງນາມໃນຂໍ້ຕົກລົງການພັດທະນາໂຄງການ (PDA) ໄຟຟ້າແຮງລົມທີ່ມີສະມັດຕະພາບສູງເຖິງ 1.200 ເມກາວັດ ຢູ່ເມືອງ ເຊໂປນ ແຂວງ ສະວັນນະເຂດ ທາງພາກກາງຂອງ ລາວ ທີ່ຕິດກັບ ຫວຽດນາມ. |
 | ລັດຖະບານລາວ ຍາມໃດກໍໃຫ້ບັນດານະໂຍບາຍພິເສດ ໃຫ້ວິສາຫະກິດຫວຽດນາມ ຍສໝ - ຜູ້ທີ່ປຶກສາດ້ານເສດຖະກິດ ແລະ ການຄ້າ, ສະຖານທູດລາວ ປະຈຳ ຫວຽດນາມ ສອນຈັນ ພຸດທະວົງໃຫ້ຮູ້ວ່າ: ລັດຖະບານລາວ ຍາມໃດກໍ່ໃຫ້ຄວາມສຳຄັນເປັນພິເສດເຖິງວິສາຫະກິດ ຫວຽດນາມ. ຫວຽດນາມ ແລະ ລາວ ຍັງມີຊ່ອງຫວ່າງຫຼາຍຢ່າງໃນການຮ່ວມມືດ້ານການຄ້າ ແລະ ການລົງທຶນ. |
