 | ນັກສຶກສາຕ່າງປະເທດຢູ່ນະຄອນ ດານັງ ຕ້ອນຮັບປີໃໝ່ 2025 |
| ນາຍົກລັດຖະມົນຕີ ຟ້າມມິງຈິງ: ວຽກງານການທູດເສດຖະກິດ ນັບມື້ນັບແທດຈິງກວ່າ ແລະ ມີແບບມີແຜນກວ່າ |
ໂດຍເຂົ້າຮ່ວມກອງປະຊຸມມີ ທ່ານ ໂຮ່ກີມິງ, ຮອງປະທານຜູ້ປະຈຳການຄະນະກຳມະການປະຊາຊົນນະຄອນ ດານັງ; ທ່ານນາງ ເຈີ່ນທິເໝິນ, ຮອງປະທານຄະນະກຳມະການແນວໂຮມປະເທດຊາດ ຫວຽດນາມ ນະຄອນ; ທ່ານ ຫງວຽນຫງອກບິ່ງ, ປະທານສະຫະພັນບັນດາອົງການມິດຕະພາບນະຄອນ ພ້ອມກັບການນຳບັນດາພະແນກ, ຄະນະ, ຂະແໜງການ, ອົງຄະນະ ແລະ ຜູ້ຕາງໜ້າບັນດາອົງການມິດຕະພາບ.
 |
| ທ່ານ ໂຮ່ກີມິງ, ຮອງປະທານຜູ້ປະຈຳການຄະນະກຳມະການປະຊາຊົນນະຄອນ ດານັງ ກ່າວຄຳປາໄສທີ່ກອງປະຊຸມ. (ພາບ: dafo.danang.gov.vn) |
ກ່າວຄຳປາໄສທີ່ຳິທີໄຂກອງປະຊຸມ, ທ່ານ ຫງວຽນຫງອກບິ່ງ ໃຫ້ຮູ້ວ່າ ປີ 2024, ສະຫະພັນບັນດາອົງການມິດຕະພາບນະຄອນ ດານັງ ແລະ ບັນດາອົງການສະມາຊິກທີ່ຂຶ້ນກັບ ພ້ອມກັບອົງການ, ຫົວໜ່ວຍ, ທ້ອງຖິ່ນ ໄດ້ເປັນເຈົ້າການ, ມີໄຫວພິບ, ມີຫົວຄິດປະດິດສ້າງ, ສົມທົບກັນ ເພື່ອຈັດຕັ້ງບັນດາການເຄື່ອນໄຫວສັນຕິພາບ, ຄວາມສາມັກຄີ, ມິດຕະພາບ, ການຮ່ວມມືພັດທະນາ, ໂຄສະນາວຽກງານການຕ່າງປະເທດ, ວຽກງານຊາວຫວຽດນາມ ອາໄສຢູ່ຕ່າງປະເທດ, ລະດົມການຊ່ວຍເຫຼືອທີ່ບໍ່ຂຶ້ນກັບລັດຖະບານ ດ້ວຍຫຼາຍຮູບຫຼາຍແບບ, ມີປະສິດທິຜົນ ແລະ ແທດຈິງ. ຜ່ານນັ້ນ ກໍ່ປະກອບສ່ວນສຳຄັນເຂົ້າໃນການປົກປັກຮັກສາ ແລະ ເພີ່ມທະວີການພົວພັນສາມັກຄີ, ມິດຕະພາບ ແລະ ການຮ່ວມມືລະຫວ່າງປະຊາຊົນນະຄອນ ດານັງ ກັບປະຊາຊົນບັນດາປະເທດ; ແນະນຳ, ໂຄສະນາຮູບພາບນະຄອນ ດານັງ ທີ່ຂະຫຍັນຂັນເຄື່ອນ, ມີຫົວຄິດປະດິດສ້າງ, ດ້ວຍຫຼາຍກາລະໂອກາດ ແລະ ຄວາມສາມາດບົ່ມຊ້ອນການຮ່ວມມືໃນສາຍຕາເພື່ອນມິດສາກົນ ແລະ ລະດົມແຫຼ່ງກຳລັງເພື່ອປະກອບສ່ວນເຂົ້າໃນການພັດທະນາເສດຖະກິດ - ສັງຄົມຂອງນະຄອນ.
ຕາມບົດລາຍງານທີ່ກອງປະຊຸມ, ໃນປີກາຍນີ້ ນະຄອນ ດານັງ ໄດ້ຈັດຕັ້ງເຫດການທາງການທູດປະຊາຊົນໃຫຍ່ຫຼາຍຢ່າງຄື: ລາຍການສະເຫຼີມສະຫຼອງ 75 ປີແຫ່ງວັນມູນເຊື້ອທະຫານອາສາສະໝັກຫວຽດນາມ ແລະ ນັກຊ່ຽວຊານການທະຫານຊ່ວຍເຫຼືອການປະຕິວັດລາວ; ຮອບສຸດທ້າຍຂອງການແຂ່ງຂັນເວົ້າພາສາຈີນແຫ່ງຊາດ-ດານັງ 2024; ລາຍການແລກປ່ຽນ, ແນະນຳກ່ຽວກັບວັດທະນະທຳຫວຽດນາມ - ອິນເດຍ, ພິມຈຳໜ່າຍບົດກະວີສອງພາສາຫວຽດນາມ - ອັງກິດ “ດອກໄມ້ລະດູບານໃໝ່” ແລະ ລາຍການກິລາໂຢຄະລວມໝູ່ Yoga ສາກົນ - ດານັງ 2024 ດ້ວຍຫົວຂໍ້ “ Yoga - ເພື່ອໂລກແຫ່ງສັນຕິພາບ ແລະ ມິດຕະພາບ”.
 |
| ສະຫະພັນອົງການຈັດຕັ້ງມິດຕະພາບນະຄອນ ດານັງ ເປັນກຽດໄດ້ຮັບທຸງແຂ່ງຂັນ. (ພາບ: dafo.danang.gov.vn) |
ກ່າວຄຳປາໄສຊີ້ນຳທີ່ກອງປະຊຸມ, ທ່ານ ໂຮ່ກີມິງ ໄດ້ຮັບຮູ້ ແລະ ຊົມເຊີຍບັນດາໝາກຜົນຂອງວຽກງານການທູດປະຊາຊົນທີ່ສະຫະພັນບັນດາອົງການມິດຕະພາບນະຄອນ ດານັງ ບັນລຸໄດ້ໃນປີ 2024, ພ້ອມກັນນັ້ນກໍ່ສະເໜີໃຫ້ວຽກງານການທູດປະຊາຊົນໃນປີ 2025 ສຸມໃສ່ 4 ເນື້ອໃນດັ່ງນີ້:
ທີໜຶ່ງ, ສືບຕໍ່ປະຕິບັດບັນດາເຫດການທາງການທູດປະຊາຊົນທີ່ເປັນ "ເຄື່ອງໝາຍການຄ້າ" ໃຫ້ເປັນຢ່າງດີ ລວມມີ ຮອບສຸດທ້າຍການແຂ່ງຂັນເວົ້າພາສາຈີນທົ່ວໂລກ, ງານບຸນ Yoga ສາກົນ, ພ້ອມກັນນັ້ນ ກໍ່ຈັດຕັ້ງບັນດາເຫດການທາງການທູດປະຊາຊົນກັບບັນດາປະເທດຄື: ອາເມລິກາ, ສ.ເກົາຫຼີ, ຍີ່ປຸ່ນ...
ທີສອງ, ໃນສະພາບການຜັນຂະຫຍາຍກົນໄກ, ລະບົບສະຫະພັນບັນດາອົງການມິດຕະພາບນະຄອນ ດານັງ ຕ້ອງເສີມຂະຫຍາຍກຳລັງແຮງພາຍໃນ, ບໍ່ພຽງແຕ່ຂຶ້ນກັບງົບປະມານເທົ່ານັ້ນ ຫາກຍັງຊຸກຍູ້ການຫັນເປັນສັງຄົມ, ເຊີນວິສາຫະກິດເຂົ້າຮ່ວມບັນດາເຄືອຂ່າຍປະຕິບັດວຽກງານການທູດປະຊາຊົນ.
ທີສາມ, ຄົ້ນຄວ້າ, ເປັນເສນາທິການໃຫ້ການນຳນະຄອນ ອອກຖະແຫຼງການສະບັບໃໝ່ປ່ຽນແທນຂໍ້ຕົກລົງເລກທີ 8828/QD-UBND ລົງວັນທີ 17 ພະຈິກ 2010 ຂອງຄະນະກຳມະການປະຊາຊົນນະຄອນ ດານັງ ກ່ຽວກັບການປະກາດໃຊ້ “ຂໍ້ກຳນົດວ່າດ້ວຍການສົມທົບກັນຜັນຂະຫຍາຍການປະຕິບັດວຽກງານການທູດປະຊາຊົນໃນບໍລິເວນນະຄອນ ດານັງ” ປະຈຸບັນແມ່ນບໍ່ທັນກັບການປ່ຽນແປງ; ສົມທົບກັບບັນດາເນື້ອໃນຂອງມະຕິເລກທີ 126/2024/ສພຊ ລົງວັນທີ 8 ຕຸລາ 2024 ຂອງລັດຖະບານ ກຳນົດກ່ຽວກັບການຈັດຕັ້ງ, ການເຄື່ອນໄຫວ ແລະ ຄຸ້ມຄອງສະມາຄົມ.
ທີສີ່, ນຳໂຄງການຝຶກອົບຮົມກ່ຽວກັບວຽກງານການທູດປະຊາຊົນເຂົ້າໃນໜ້າທີ່ປະຈຳປີ ເພື່ອໃຫ້ຖັນແຖວປະຕິບັດວຽກງານການທູດປະຊາຊົນຮັບຜິດຊອບສະເພາະ ແລະ ສົມທົບກັນ ໄດ້ຮັບການອັບເດດຂໍ້ມູນໃໝ່, ຍົກສູງຄຸນນະພາບວິຊາສະເພາະ ແລະ ຄວາມຮັບຮູ້, ຈາກນັ້ນ ກໍ່ເຮັດວຽກງານການທູດປະຊາຊົນ ໃຫ້ໄດ້ດີກ່ວາອີກ.
 | ຍສໝ - ຕອນຄ່ຳວັນທີ 7 ທັນວາ, ຢູ່ສຳນັກງານລັດຖະບານ, ຮ່າໂນ້ຍ, ທ່ານນາຍົກລັດຖະມົນຕີ ຟ້າມມິງຈິ໊ງ ໄດ້ມີການພົບປະກັບເອກອັກຄະລັດຖະທູດ, ຫົວໜ້າອົງການຕາງໜ້າຫວຽດນາມ ປະຈຳ ຕ່າງປະເທດ ກ່ອນທີ່ເດີນທາງໄປປະຕິບັດໜ້າທີ່. |
 | ຫວຽດນາມ ແລະ ບຣາຊິນ ຍົກລະດັບການພົວພັນເປັນຄູ່ຮ່ວມມືຍຸດທະສາດ ຍສໝ - ໃນຂອບເຂດການໄປປະຕິບັດງານຢູ່ ບຣາຊິນ, ເຂົ້າຮ່ວມກອງປະຊຸມສຸດຍອດ G20 ຢູ່ນະຄອນ Rio de Janeiro, ວັນທີ 17 ພະຈິກ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ມີການພົບປະກັບທ່ານປະທານາທິບໍດີ ບຣາຊິນ Luiz Inácio Lula da Silva. 2 ຝ່າຍໄດ້ເຫັນດີເປັນເອກະພາບຍົກລະດັບການພົວພັນ ... |
ມີງດຶກ
