ເມືອງມໍລະດົກ ແລະ ທິດທາງທີ່ເປັນເອກະລັກສະເພາະຂອງເມືອງ ເຫ້ວ

ຍສໝ - ນັບແຕ່ວັນທີ 1 ມັງກອນ ປີ 2025, ເຫ້ວ ຈະກາຍເປັນນະຄອນຂຶ້ນກັບສູນກາງແຫ່ງທີ 6 ຂອງ ຫວຽດນາມ ແລະ ໄດ້ຮັບຖືວ່າ “ເມືອງມໍລະດົກ” ແຫ່ງທຳອິດຂອງ ຫວຽດນາມ. ບໍ່ພຽງແຕ່ແມ່ນເມືອງມໍລະດົກຊັ້ນສູງຂອງ ຫວຽດນາມ ເທົ່ານັ້ນ, ເຫ້ວ ຍັງໄດ້ຮັບການຕີລາຄາສູງຈາກບັນດາອົງການໂລກໃນການອະນຸລັກຮັກສາບັນດາຄຸນຄ່າວັດຖຸບູຮານ ແລະ ເສີມຂະຫຍາຍຢ່າງມີປະສິດທິຜົນ ດ້ວຍຈຸດພິເສດຂອງຕົນ.

	ຮ່າໂນ້ຍ ແລະ ເຫ້ວ ຈັດໃນ 10 ອັນດັບນະຄອນແຖວໜ້າຂອງອາຊີ ໃນປີ 2023
	HFHI ໜູນຊ່ວຍກວ່າ 900 ລ້ານດົ່ງເພື່ອປັບປຸງເງື່ອນໄຂຊີວິດການເປັນຢູ່ ແລະ ສຸຂະພາບໃຫ້ຊາວເຫ້ວ

ໃນກອງປະຊຸມທີ່ຫາກໍ່ຈັດຂຶ້ນໃນທ້າຍ ປີ 2024 ດ້ວຍຫົວຂໍ້ວ່າ “ກາລະໂອກາດ ແລະ ສິ່ງທ້າທາຍໃນການຄຸ້ມຄອງຕົວເມືອງມໍລະດົກຂອງນະຄອນ ເຫ້ວ ທີ່ຂຶ້ນກັບສູນກາງ” ໂດຍສະມາຄົມວິທະຍາສາດປະຫວັດສາດນະຄອນ ເຫ້ວ ຈັດຕັ້ງ, ນັກຊ່ຽວຊານຫຼາຍຄົນຖືວ່າ ທິດທາງຂອງ ເຫ້ວ - ເມືອງມໍລະດົກແມ່ນການເລືອກເຟັ້ນທີ່ຖືກຕ້ອງ, ເປີດໂອກາດອັນໃຫຍ່ຫຼວງໃຫ້ແກ່ການພັດທະນາ, ແຕ່ຍັງຄົງຮັກສາເອກະລັກສະເພາະຂອງຕົນ.

ເມືອງມໍລະດົກ ແລະ ທິດທາງທີ່ເປັນເອກະລັກສະເພາະຂອງເມືອງ ເຫ້ວ

ນະຄອນ ເຫ້ວ ຂຶ້ນກັບສູນກາງ ແລະ ແມ່ນນະຄອນມໍລະດົກແຫ່ງທຳອິດຂອງ ຫວຽດນາມ

ຄົບຖ້ວນບັນດາມາດຖານ "ເມືອງມໍລະດົກ"

ຮອງສາດສະດາຈານ, ດຣ ຫງວຽນວັນແມ້ງ (ມະຫາວິທະຍາໄລວິທະຍາສາດ, ມະຫາວິທະຍາໄລ ເຫ້ວ) ເມື່ອປຶກສາຫາລືກ່ຽວກັບແນວຄວາມຄິດ “ເມືອງມໍລະດົກ” ໄດ້ຖືວ່າ, ມັນກົງກັບບັນດານະຄອນທີ່ມີມໍລະດົກຕົວເມືອງທີ່ໄດ້ຮັບການຮັບຮູ້ ແລະ ໃກ້ຊິດກັບແນວຄວາມຄິດ “ເມືອງມໍລະດົກ" ແມ່ນ "ຕົວເມືອງປະຫວັດສາດ". ຢູ່ ຫວຽດນາມ, ຄຳສັບ “ເມືອງມໍລະດົກ” ຫຼື “ເມືອງປະຫວັດສາດ” ຍັງບໍ່ທັນມີຢູ່ໃນເອກະສານນິຕິກຳ, ສະນັ້ນ ຄວາມເຂົ້າໃຈກ່ຽວກັບເມືອງມໍລະດົກຈຶ່ງບໍ່ຈະແຈ້ງ ແລະ ເອກະພາບ.

ຕາມຄໍານິຍາມນີ້, “ເມືອງມໍລະດົກ” ມີຄວາມແຕກຕ່າງກັນຢ່າງສິ້ນເຊີງກັບ “ເມືອງກຳມະສິດມໍລະດົກ” ເພາະມັນເນັ້ນໜັກເຖິງຄວາມອຸດົມສົມບູນຂອງມໍລະດົກທີ່ມີລັກສະນະເປັນວັດຖຸ ແລະ ບໍ່ເປັນວັດຖຸໃນການພົວພັນທີ່ຂາດກັນບໍ່ໄດ້; ໂຄງປະກອບມໍລະດົກຕົວເມືອງໄດ້ຮັບການປົກປັກຮັກສາຢ່າງເຕັມທີ່ ແລະ ສືບຕໍ່ຜ່ານບັນດາໄລຍະການພັດທະນາ; ມີລະບົບມໍລະດົກທີ່ເປັນເອກະລັກພິເສດໄດ້ສ້າງໃຫ້ຮູບໜ້າຂອງຕົວເມືອງມີສັນຍະລັກພິເສດຂອງມັນ; ພູມສັນຖານຖືກຈັດຢູ່ໃນສາຍພົວພັນທີ່ກົມກຽວກັບທໍາມະຊາດ; ມີຄຸນຄ່າດ້ານປະຫວັດສາດ ແລະ ວັດທະນະທຳຕົວເມືອງທີ່ເປັນເອກະລັກພິເສດທີ່ໄດ້ຮັບການຮັກສາ ແລະ ພັດທະນາຢ່າງຕໍ່ເນື່ອງ.

“ຕາມຄວາມເຂົ້າໃຈຂອງແນວຄວາມຄິດ “ເມືອງມໍລະດົກ” ດັ່ງທີ່ກ່າວມາແລ້ວ, ເຫ້ວ ໄດ້ບັນລຸມາດຖານ ແລະ ເງື່ອນໄຂໃຫ້ແກ່ກຳມະສິດເປັນເມືອງມໍລະດົກ”. ຕາມທັດສະນະຂອງທ່ານ ແມ້ງ, ເຂດທີ່ອຸດົມສົມບູນຂອງມໍລະດົກທີ່ເປັນວັດຖຸ ແລະ ບໍ່ເປັນວັດຖຸຂອງນະຄອນ ເຫ້ວ ລວມມີ: ມໍລະດົກວັດທະນະທຳທີ່ເປັນວັດຖຸ ແລະ ບໍ່ເປັນວັດຖຸເຂດຕົວເມືອງ, ມໍລະດົກວັດທະນະທຳທີ່ເປັນວັດຖຸ ແລະ ບໍ່ເປັນວັດຖຸຢູ່ເຂດທົ່ງພຽງແຄມຕົວເມືອງ, ມໍລະດົກວັດທະນະທຳທີ່ເປັນວັດຖຸ ແລະ ບໍ່ເປັນວັດຖຸຢູ່ໜອງບຶງ ແລະ ແຄມຝັ່ງທະເລ, ມໍລະດົກວັດທະນະທຳທີ່ເປັນວັດຖຸ ແລະ ບໍ່ເປັນວັດຖຸຢູ່ເຂດພູດອຍ.

ສີສັນຕົວເມືອງມໍລະດົກໄດ້ກຳນົດທິດຢ່າງຈະແຈ້ງ

ປຶກສາຫາລືກ່ຽວກັບການວາງແຜນຜັງເມືອງມໍລະດົກ ເຫ້ວ, ສະຖາປະນິກ ດຣ ຟ້າມແມ້ງຮຸ່ງ (ຄະນະສະຖາປັດຕະຍະກຳສາດ, ມະຫາວິທະຍາໄລວິທະຍາສາດ, ມະຫາວິທະຍາໄລ ເຫ້ວ) ນະຄອນ ເຫ້ວ ພາຍຫຼັງປີ 2025 ຈະໄດ້ວາງແຜນຜັງຕາມຮູບແບບ “ລະບົບຕ່ອງໂສ້ຕົວເມືອງຕາມແລວເສດຖະກິດ, ແລວທາງຄົມມະນາຄົມລວມກັບບັນດາສູນກຳລັງໜູນ”. ເຂດຕົວເມືອງໄດ້ຮັບການພັດທະນາຢ່າງຄົບຊຸດ, ມີບົດບາດຊຸກຍູ້ການພັດທະນາເສດຖະກິດ - ສັງຄົມ, ອະນຸລັກຮັກສາ ແລະ ເຊີດຊູບັນດາຄຸນຄ່າທີ່ເປັນເອກະລັກສະເພາະຂອງນະຄອນຫຼວງບູຮານ ແລະ ມໍລະດົກວັດທະນະທຳທີ່ທີ່ເປັນວັດຖຸ ແລະ ບໍ່ເປັນວັດຖຸທີ່ໄດ້ຮັບການຮັບຮອງຈາກ UNESCO.

ໂດຍຜ່ານນັ້ນ, ສາມາດເຫັນໄດ້ວ່າ, ການຈັດຕັ້ງພື້ນທີ່ເຂດຕົວເມືອງໃນອະນາຄົດ ແລະ ບັນດາບາດກ້າວໃນການປະຕິບັດການກໍ່ສ້າງ ແລະ ພັດທະນາຕົວເມືອງໃນຮູບແບບຕ່ອງໂສ້ ແລະ ການເຊື່ອມຕໍ່ບັນດາສູນກຳລັງໜູນສ້າງເປັນເຄືອຂ່າຍໜູນຊ່ວຍໃຫ້ເຂດສູນກາງ. ລະບົບຮ່ອງຮອຍນະຄອນຫຼວງບູຮານ ເຫ້ວ ໄດ້ກາຍເປັນແກນນຳ ແລະ ແຮງຂັບເຄື່ອນໃນຍຸດທະສາດການພັດທະນາຕົວເມືອງມໍລະດົກ ເຫ້ວ; ເສີມຂະຫຍາຍບັນດາຄຸນຄ່າວັດທະນະທຳຕິດພັນກັບການສຶກສາມູນເຊື້ອ, ເສີມຂະຫຍາຍເອກະລັກແຫ່ງຊາດບົນພື້ນຖານຂຶ້ນກັບປະຊາຄົມ, ເຊື່ອມໂຍງ ແລະ ນຳມາເຊິ່ງຜົນປະໂຫຍດໃຫ້ແກ່ປະຊາຄົມ.

ນັກທ່ອງທ່ຽວຕ່າງປະເທດໄປຢ້ຽມຢາມລະບົບມໍລະດົກຢູ່ໃນພະລາຊະວັງ ເຫ້ວ

ການກໍ່ສ້າງ ແລະ ພັດທະນາຕົວເມືອງຕ້ອງຖືປະຊາຊົນເປັນຈຸດສຸມ ແລະ ເປັນແກນກາງເພື່ອສ້າງໂຄງປະກອບທາງພື້ນທີ່ ແລະ ກຳນົດທິດພັດທະນາທີ່ອ້ອມຮອບຄຸນຄ່າມະນຸດ, ຂຶ້ນກັບປະຊາຊົນ ແລະ ນຳມາເຊິ່ງຜົນປະໂຫຍດໃຫ້ແກ່ປະຊາຊົນ, ປັບປຸງຊີວິດການເປັນຢູ່ ແລະ ພັດທະນາຕົວເມືອງຕ້ອງຖືປະຊາຊົນເປັນຈຸດສຸມ, ເປັນຫຼັກໃນການສ້າງໂຄງປະກອບທາງພື້ນທີ່ ແລະ ກຳນົດທິດທາງການພັດທະນາທີ່ອ້ອມຮອບຄຸນຄ່າຂອງມະນຸດ, ຂຶ້ນກັບປະຊາຊົນ ແລະ ນຳມາເຊິ່ງຜົນປະໂຫຍດໃຫ້ແກ່ປະຊາຊົນ, ຍົກສູງຊີວິດຂອງມະນຸດ.