 | ຫວຽດນາມ ນອນໃນ top 2 ຂອງຈຳນວນນັກທ່ອງທ່ຽວສາກົນມາລາວ |
| ງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ - ລາວ ຄັ້ງທີ 2 ໄດ້ດໍາເນີນຢູ່ແຂວງຫົວພັນ |
 |
| ທ່ານເອກອັກຄະລັດຖະທູດ ຫວຽດນາມ ປະຈຳ ລາວ ຫງວຽນມິງເຕິມ ກ່າວຄຳເຫັນທີ່ພິທີມິດຕິງ. |
ເຂົ້າຮ່ວມທີ່ເຫດການມີທ່ານພົນໂທ ຄຳລຽງ ອຸທະໄກສອນ ລັດຖະມົນຕີກະຊວງປ້ອງກັນປະເທດລາວ; ທ່ານເອກອັກຄະລັດຖະທູດ ຫວຽດນາມ ປະຈຳ ລາວ ຫງວຽນມິງເຕິມ; ຜູ້ຕາງໜ້າຫ້ອງການທີ່ປຶກສາຝ່າຍປ້ອງກັນປະເທດຫວຽດນາມ ປະຈຳ ລາວ ພ້ອມດ້ວຍບັນດານາຍທະຫານ, ນາຍພົນທະຫານກອງທັບປະຊາຊົນ ລາວ ເປັນຈຳນວນຫຼວງຫຼາຍ.
ທີ່ພິທີສະເຫຼີມສະຫຼອງ, ທ່ານເອກອັກຄະລັດຖະທູດ ຫງວຽນມິງເຕິມ ໄດ້ແບ່ງປັນຂະບວນການກໍ່ສ້າງ, ຕໍ່ສູ້ ແລະ ເຕີບໂຕຂອງກອງທັບປະຊາຊົນ ຫວຽດນາມ ໃນຕະຫຼອດເສັ້ນທາງ 80 ປີຜ່ານມາ; ແລະ ການພົວພັນຮ່ວມມືລະຫວ່າງກະຊວງປ້ອງກັນປະເທດ ຫວຽດນາມ ແລະ ກະຊວງປ້ອງກັນປະເທດລາວ.
 |
| ບັນດາຜູ້ແທນເຂົ້າຮ່ວມພິທີມິດຕິງ. |
ທ່ານເອກອັກຄະລັດຖະທູດ ມິງເຕີມ ແບ່ງປັນວ່າ ກ້າວເຂົ້າສູ່ສະໄໝໃໝ່, ກອງທັບປະຊາຊົນ ຫວຽດນາມ ສືບຕໍ່ເສີມຂະຫຍາຍມູນເຊື້ອອັນສະຫງ່າລາສີ, ຍົກສູງຄຸນນະພາບສັງລວມ, ກຳລັງແຮງ, ລະດັບ, ຄວາມສາມາດກຽມພ້ອມໃນການຕໍ່ສູ້, ປະຕິບັດບົດບາດຂອງກອງທະຫານຕໍ່ສູ້, ກອງທະຫານວຽກງານ, ກອງທະຫານແຮງງານການຜະລິດ. ພາບພົດຂອງພະນັກງານ, ນັກຮົບກອງທັບປະຊາຊົນຫວຽດນາມ, ມີໜ້າຢູ່ແຖວໜ້າໃນການຕໍ່ສູ້ຕ້ານໂລກລະບາດໂຄວິດ-19, ຊ່ວຍປະຊາຊົນຜ່ານຜ່າຜົນຮ້າຍຂອງໄພທຳມະຊາດ.
ກອງທັບປະຊາຊົນຫວຽດນາມ ຍາມໃດກໍ່ມານະພະຍາຍາມປະຕິບັດເປົ້າໝາຍເພື່ອສັນຕິພາບ, ເອກະລາດແຫ່ງຊາດ, ຄວາມກ້າວໜ້າຂອງສັງຄົມ ແລະ ການພັດທະນາປະເທດຊາດ, ດ້ວຍຄຳຂວັນປ້ອງກັນຕົນເອງ, ຕັ້ງໜ້າ, ເປັນເຈົ້າການ, ເດັດດ່ຽວປ້ອງກັນ, ຍູ້ຖອຍຄວາມສ່ຽງຈາກສົງຄາມ; ການພັດທະນາເສດຖະກິດ-ສັງຄົມ ຕິດພັນກັບການປ້ອງກັນຊາດ - ປ້ອງກັນຄວາມສະຫງົບ, ການຕ່າງປະເທດ; ສົມທົບກັນຢ່າງແໜ້ນແຟ້ນໃນການເຄື່ອນໄຫວການປ້ອງກັນຊາດ - ປ້ອງກັນຄວາມສະຫງົບ ກັບ ວຽກງານການຕ່າງປະເທດ.
 |
| ທ່ານພົນໂທ ຄຳລຽງ ອຸທະໄກສອນ, ລັດຖະມົນຕີກະຊວງປ້ອງກັນປະເທດລາວ ກ່າວຄໍາເຫັນທີ່ພິທີ. |
ໂດຍຄຳປາໄສຂອບໃຈຕໍ່ບັນດາການແບ່ງປັນຂອງທ່ານເອກອັກຄະລັດຖະທູດ ຫງວຽນມິງເຕິມ, ທ່ານພົນໂທ ຄຳລຽງ ອຸທະໄກສອນ, ລັດຖະມົນຕີກະຊວງປ້ອງກັນປະເທດລາວ ໃຫ້ຮູ້ວ່າ: ພັກ, ລັດຖະບານ, ກອງທັບ ແລະ ປະຊາຊົນລາວ ຍາມໃດກໍ່ມີຄວາມຮັບຮູ້ຢ່າງເລິກເຊິ່ງໃນບັນດາໄຊຊະນະໃນພາລະກິດປະຕິວັດແຫ່ງການປົດປ່ອຍຊາດຢູ່ລາວ ກໍ່ຄືພາລະກິດການປົກປັກຮັກສາ, ສ້າງສາ ແລະ ພັດທະນາປະເທດ ປັດຈຸບັນ ລ້ວນແຕ່ຕິດພັນກັບຄວາມສາມັກຄີ ແລະ ການຊ່ວຍເຫຼືອອັນລ້ຳຄ່າຂອງພັກ, ລັດຖະບານ ແລະ ປະຊາຊົນຫວຽດນາມ, ພິເສດແມ່ນກອງທັບປະຊາຊົນຫວຽດນາມ ເປັນອ້າຍນ້ອງ.
ທ່ານພົນໂທ ຄຳລຽງ ອຸທະໄກສອນ ເນັ້ນໜັກວ່າ: ລາວ ຍາມໃດກໍຖືນ້ຳໃຈສາມັກຄີແບບພິເສດ ແລະ ການຮ່ວມມືຮອບດ້ານ ລາວ - ຫວຽດນາມ ແມ່ນຮີດຄອງປະເພນີອັນດີງາມ ແລະ ຫາຍາກ; ພ້ອມກັນນັ້ນ, ທ່ານຢືນຢັນວ່າ ພັກ, ລັດ, ກອງທັບ ແລະ ປະຊາຊົນລາວ ຕັ້ງໃຈປົກປັກຮັກສາຊັບສິນອັນລ້ຳຄ່ານີ້ຄືການປົກປັກຮັກສາແກ້ວຕາຂອງຕາເຮົາ ແລະ ຈະສືບຕໍ່ໝັ້ນຄົງໃນເພີ່ມທະວີສາຍພົວພັນມິດຕະພາບ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລາວ - ຫວຽດນາມ ນັບມື້ນັບພັດທະນາ, ໃຫ້ຂຽວສົດງົດງາມຕະຫຼອດໄປ.
 |
| ລາຍການຂັບຮ້ອງ ແລະ ຟ້ອນກ່ຽວກັບ ລຸງໂຮ່. |
ພິເສດ, ກ່ອນພິທີມິດຕິງ, ມີລາຍການສະແດງສິລະປະ, ດ້ວຍບົດລະຄອນສະທ້ອນໃຫ້ເຫັນພາບພົດທະຫານອາສາສະໝັກ ຫວຽດນາມ ແລະ ທະຫານປະເທດ ລາວ ຕໍ່ສູ້ກັບສັດຕູລວມ; ຍ້ອງຍໍນ້ຳໃຈສາມັກຄີ, ສະໜິດສະໜົມ ແລະ ນ້ຳໃຈເປັນມິດສະຫາຍ, ອ້າຍນ້ອງລະຫວ່າງ ທະຫານອາສາສະໝັກ ຫວຽດນາມ ແລະ ທະຫານປະເທດ ລາວ. ລາຍການກໍ່ມີມີບັນດາລາຍການຍ້ອງຍໍນພັກ ແລະ ຍ້ອງຍໍປະທານ ໂຮ່ຈີມິນ ຜູ້ຍິ່ງໃຫຍ່ທີ່ໄດ້ນຳເອົາເອກະລາດແຫ່ງຊາດມາໃຫ້ທັງ ຫວຽດນາມ ແລະ ລາວ.
 |
| ທ່ານເອກອັກຄະລັດຖະທູດ ຫວຽດນາມ ປະຈຳ ລາວ ຫງວຽນມິງເຕິມ ແລະ ປຶກສາຝ່າຍປ້ອງກັນຊາດ ຫວຽດນາມ ປະຈຳ ລາວ ພ້ອມກັບບັນດານາຍທະຫານລາວ ໄດ້ເຂົ້າຮ່ວມການມິດຕິງ. ພາບ: ຊວນຕູ/ສຳນັກຂ່າວສານ ຫວຽດນາມ |
 | ງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ - ລາວ ຄັ້ງທີ 2 ໄດ້ດໍາເນີນຢ່າງເປັນທາງການຢູ່ ຫວຽດນາມ ຍສໝ - ຕອນບ່າຍວັນທີ 22 ຕຸລາ, ງານພົບປະແລກປ່ຽນມິດຕະພາບປ້ອງກັນຊາດ ເຂດຊາຍແດນ ຫວຽດນາມ-ລາວ ຄັ້ງທີ 2 ໄດ້ດໍາເນີນຢ່າງເປັນທາງການ ດ້ວຍພິທີຕ້ອນຮັບຄະນະຜູ້ແທນລາວ ຢ່າງສົມກຽດຢູ່ ດ່ານຊາຍແດນ ລ່ອງເຊິບ, ເມືອງມົກເຈົາ (ແຂວງເຊີນລາ) ເພື່ອເຂົ້າຮ່ວມບັນດາການ ເຄື່ອນໄຫວທໍາອິດໃນຂອບເຂດງານພົບປະແລກປ່ຽນ. |
 | ລຸ້ນໜຸ່ມ ຫວຽດນາມ - ລາວ ແມ່ນບັນດາຜູ້ທີ່ສືບທອດພາລະກິດແຫ່ງການປົກປັກຮັກສາ ແລະພັດທະນາການພົວພັນລະຫວ່າງ 2 ປະເທດ ຍສໝ - ໂດຍຕອບສະໜອງຕາມຄຳເຊີນຂອງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ແລະ ພັນລະຍາ, ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ແລະ ພັນລະຍາ ໄດ້ໄປຢ້ຽມຢາມ ຫວຽດນາມ ຢ່າງເປັນທາງການແຕ່ວັນທີ 10 – 13 ກັນຍາ 2024. ທ່ານນາງ ຄໍາເພົາ ... |
ແທັງຮັ່ງ
