 | ການພົບປະມິດຕະພາບ ຫວຽດນາມ - ເບລາຣຸດຊີ: ມານະພະຍາຍາມເພີ່ມພູນຄູນສ້າງການພົວພັນທີ່ເປັນມູນເຊື້ອລະຫວ່າງ 2 ປະເທດ |
| ສະມາຄົມມິດຕະພາບ ຫວຽດນາມ - ອິນເດຍ: ເປັນຂົວເຊື່ອມຕໍ່ອັນໜັກແໜ້ນໃຫ້ແກ່ການພົວພັນລະຫວ່າງ 2 ປະເທດ |
- ຂໍຮຽນທ່ານນາງເອກອັກຄະລັດຖະທູດ ໃຫ້ຮູ້ຄວາມໝາຍຂອງການຢ້ຽມຢາມທາງລັດຖະກິດຄັ້ງນີ້ຂອງທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ແລະ ພັນລະຍາ ໄປຍັງ ຫວຽດນາມ ຕາມຄຳເຊີນຂອງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ?
ການຢ້ຽມຢາມຄັ້ງນີ້ ໄດ້ດຳເນີນໃນສະພາບທີ່ພັກ, ລັດ ແລະ ປະຊາຊົນສອງປະເທດພວມຜັນຂະຫຍາຍມະຕິກອງປະຊຸມໃຫຍ່ຂອງພັກປະຊາຊົນປະຕິວັດລາວ ຄັ້ງທີ 11 ແລະ ມະຕິກອງປະຊຸມໃຫຍ່ຂອງພັກກອມມູນິດຫວຽດນາມ ຄັ້ງທີ 13, ກະກຽມໃຫ້ບັນດາກອງປະຊຸມໃຫຍ່ຂັ້ນຮາກຖານກ້າວໄປເຖິງກອງປະຊຸມໃຫຍ່ຜູ້ແທນທົ່ວປະເທດໃນຕົ້ນປີ 2026.
 |
| ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ (ເບື້ອງຂວາ) ໄດ້ຕ້ອນຮັບທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ເມື່ອທ່ານໄປຢ້ຽມຢາມ ສປປ ລາວ ໃນເດືອນ ກໍລະກົດ 2024 ໃນຖານະເປັນຜູ້ນຳໜ້າຂອງລັດຖະບານ. (ພາບ: TTXVN) |
ພິເສດ, ການຢ້ຽມຢາມ ໄດ້ດຳເນີນໄປໃນເວລາທີ່ສອງປະເທດໄດ້ຈັດຕັ້ງຫຼາຍພິທີສະເຫຼີມສະຫຼອງຂີດໝາຍສຳຄັນ ເຊັ່ນ: ສະເຫຼີມສະຫຼອງ 47 ປີແຫ່ງວັນເຊັນສົນທິສັນຍາມິດຕະພາບ ແລະ ການຮ່ວມມື (18 ກໍລະກົດ 1977), 62 ປີແຫ່ງວັນສ້າງຕັ້ງສາຍພົວພັນທາງການທູດລະຫວ່າງ ລາວ - ຫວຽດນາມ (5 ກັນຍາ 1962), 49 ປີແຫ່ງວັນສ້າງຕັ້ງສາທາລະນະລັດ ປະຊາທິປະໄຕ ປະຊາຊົນລາວ ແລະ 79 ປີແຫ່ງວັນສ້າງຕັ້ງສາທາລະນະລັດ ສັງຄົມນິຍົມ ຫວຽດນາມ.
- ທ່ານເລຂາທິການໃຫຍ່, ປະທານປະເທດລາວ ມີບັນດາການເຄື່ອນໄຫວຕົ້ນຕໍໃດແດ່ໃນການຢ້ຽມຢາມຄັ້ງນີ້, ຂໍຮຽນທ່ານນາງເອກອັກຄະລັດຖະທູດ?
ໃນການຢ້ຽມຢາມ, ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ມີການພົບປະກັບການນຳຂັ້ນສູງ ຫວຽດນາມ ຢູ່ ຮ່າໂນ້ຍ. ນັ້ນແມ່ນ: ພົບປະກັບທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ, ທ່ານນາຍົກລັດຖະມົນຕີ ຟ້າມມິງຈິງ, ທ່ານປະທານສະພາແຫ່ງຊາດ ເຈີ່ນແທງເໝີນ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ້ວັນຈ໋ຽນ ແລະ ການນຳສູນກາງສະມາຄົມມິດຕະພາບ ຫວຽດນາມ - ລາວ; ເຂົ້າຮ່ວມກອງປະຊຸມລະຫວ່າງສອງກົມການເມືອງ ລາວ - ຫວຽດນາມ; ພົບປະກັບນັກຮົບເກົ່າອາສາສະໝັກ, ນັກຊ່ຽວຊານ ແລະ ລຸ້ນໜຸ່ມຂອງສອງປະເທດ ແລະ ໄດ້ລົງນາມໃນບົດບັນທຶກຊ່ວຍຈຳ ປີ 2025.
- ຂໍຮຽນທ່ານນາງເອກອັກຄະລັດຖະທູດ, ທ່ານນາງສາມາດໃຫ້ຮູ້ບັນດາເນື້ອໃນສຳຄັນກ່ຽວກັບການພົບປະລະຫວ່າງການນຳຂອງສອງປະເທດກັບນັກຮົບເກົ່າອາສາສະໝັກ, ນັກຊ່ຽວຊານ ແລະ ລຸ້ນໜຸ່ມ ຫວຽດນາມ - ລາວ ໄດ້ບໍ?
ທີ່ການພົບປະ, ທ່ານເລຂາທິການໃຫຍ່, ປະທານປະເທດ ທອງລຸນ ສີສຸລິດ ຈະເນັ້ນໜັກເຖິງຄວາມສຳຄັນຂອງການພົວພັນມິດຕະພາບແບບພິເສດລະຫວ່າງ ລາວ-ຫວຽດນາມ. ພິເສດແມ່ນການເສຍສະຫຼະອັນສູງສົ່ງຂອງບັນດານັກຮັບເກົ່າອາສາສະໝັກ ແລະ ນັກຊ່ຽວຊານຫວຽດນາມ ໃນວິວັດການຊ່ວຍເຫຼືອ ລາວ.
ທ່ານເລຂາທິການໃຫຍ່, ປະທານປະເທດລາວ ທົບທວນຄືນມູນເຊື້ອອັນດີງາມຂອງມູນເຊື້ອຄວາມສາມັກຄີແບບພິເສດ ລາວ-ຫວຽດນາມ, ເຊິ່ງໄດ້ສ້າງຂຶ້ນ ແລະ ປົກປັກຮັກສາໃນຫຼາຍປີຜ່ານມາ ໂດຍບັນດາຜູ້ນຳທີ່ຍິ່ງໃຫຍ່ແມ່ນ ປະທານ ໂຮ່ຈີມິນ, ປະທານ ໄກສອນ ພົມວິຫານ ແລະ ປະທານ ສຸພານຸວົງ. ນັ້ນແມ່ນມໍລະດົກອັນໜຶ່ງ ທີ່ໄດ້ສືບຕໍ່ຜ່ານບັນດາໄລຍະປະຫວັດສາດທີ່ເຕັມໄປດ້ວຍການເສຍສະຫຼະ, ການຕໍ່ສູ້ ແລະ ຈິດໃຈປະຕິວັດຂອງການນຳ ແລະ ປະຊາຊົນສອງປະເທດ.
 |
| ທ່ານນາງ ຄໍາເພົາ ເອີນທະວັນ ເອກອັກຄະລັດຖະທູດຜູ້ມີອຳນາດເຕັມແຫ່ງ ສປປ ລາວ ປະຈຳ ສສ ຫວຽດນາມ. (ພາບ: ສະຖານທູດລາວ ປະຈໍາ ຫວຽດນາມ) |
- ພວກເຮົາຄາດຫວັງຫຍັງຈາກການຢ້ຽມຢາມ ຫວຽດນາມ ທາງລັດຖະກິດຄັ້ງນີ້ຂອງທ່ານເລຂາທິການໃຫຍ່, ປະທານປະເທດລາວ ແລະ ພັນລະຍາ, ຂໍຮຽນທ່ານນາງເອກອັກຄະລັດຖະທູດ ?
ການໄປຢ້ຽມຢາມຂອງທ່ານເລຂາທິການໃຫຍ່, ປະທານປະເທດລາວ ແລະ ພັນລະຍາ ແມ່ນເພື່ອແນໃສ່ສືບຕໍ່ປັບປຸງ ແລະ ພັດທະນາສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດລະຫວ່າງສອງປະເທດ ໃຫ້ນັບມື້ນັບເລິກເຊິ່ງ, ໃກ້ຊິດຕິດແທດກັນກ່ວາອີກ.
ໃນຂອບເຂດການຢ້ຽມຢາມ, ສອງຝ່າຍຈະປຶກສາຫາລືກ່ຽວກັບທິດທາງ, ນະໂຍບາຍ ແລະ ມາດຕະການ ເພື່ອຊຸກຍູ້ການຮ່ວມມືຮອບດ້ານ, ຍົກສູງປະສິດທິຜົນຂອງການຮ່ວມມືໃນຫຼາຍຂົງເຂດ, ນຳມາເຊິ່ງຜົນປະໂຫຍດຕົວຈິງໃຫ້ແກ່ປະຊາຊົນສອງປະເທດ. ພ້ອມກັນນັ້ນ, ສອງປະເທດກໍ່ຈະສືບຕໍ່ສະໜັບສະໜູນເຊິ່ງກັນ ແລະ ກັນຢູ່ບັນດາເວທີປາໄສພາກພື້ນ ແລະ ສາກົນ.
- ພາຍຫຼັງການໄປຢ້ຽມຢາມຄັ້ງນີ້, ສະຖານທູດ ລາວ ຈະສຸມໃສ່ບັນດາຈຸດສຸມຫຍັງ ເພື່ອຊຸກຍູ້ການພົວພັນສອງຝ່າຍໃນໄລຍະຈະມາເຖິງ?
ພວກຂ້າພະເຈົ້າ ຈະສຸມໃສ່ເຂົ້າໃນ 8 ຈຸດສຸມ:
ທີໜຶ່ງ, ສືບຕໍ່ຊຸກຍູ້ບັນດາອົງການທີ່ກ່ຽວຂ້ອງຂອງລາວ ແລະ ຫວຽດນາມ ໃນການປະຕິບັດຂໍ້ຕົກລົງຂອງການນຳຂັ້ນສູງສອງປະເທດ ແລະ ຂໍ້ຕົກລົງການຮ່ວມມືລະຫວ່າງສອງພັກ, ສອງລັດ, ລະຫວ່າງບັນດາກະຊວງ, ຄະນະ, ຂະແໜງການນັແຕ່ສູນກາງ ແລະ ທ້ອງຖິ່ນທີ່ໄດ້ລົງນາມໃນຂໍ້ຕົກລົງໃນປີກາຍນີ້. ພ້ອມກັນນັ້ນ,ກໍ່ກວດກາຄືນບັນດາຂໍ້ຕົກລົງຮ່ວມມືທີ່ໄດ້ລົງນາມເພື່ອດັດປັບ, ເພີ່ມເຕີມໃຫ້ເໝາະສົມກັບສະພາບການໃໝ່.
ທີສອງ, ເສີມຂະຫຍາຍການຮ່ວມມືດ້ານການເມືອງໃຫ້ນັບມື້ນັບແໜ້ນແຟ້ນ ແລະ ກ້າວເຂົ້າສູ່ລວງເລິກ. ພິເສດແມ່ນສືບຕໍ່ສົມທົບກັນ, ຮ່ວມມືໃນບັນດາບັນຫາຍຸດທະສາດຂອງສອງປະເທດ, ສ້າງເງື່ອນໄຂສະດວກ ເພື່ອໃຫ້ສອງພັກ, ສອງລັດ ແລະ ບັນດາອົງການຈັດຕັ້ງມະຫາຊົນໄດ້ພົບປະ, ແລກປ່ຽນໃນຫຼາຍຮູບຫຼາຍແບບ, ມີປະສິດທິຜົນນັບມື້ນັບທີ່ສູງກ່ວາ.
ທີສາມ, ສົມທົບກັນການຮ່ວມມືດ້ານປ້ອງກັນຊາດ - ປ້ອງກັນຄວາມສະຫງົບ ເພື່ອຮັບມືກັບບັນດາສິ່ງທ້າທາຍໃໝ່, ຊຸກຍູ້ໃຫ້ສອງຝ່າຍ ຈັດຕັ້ງປະຕິບັດບັນດາຂໍ້ຕົກລົງທີ່ກະຊວງປ້ອງກັນປະເທດ ແລະ ກະຊວງປ້ອງກັນຄວາມສະຫງົບ 2 ປະເທດໄດ້ລົງນາມ.
ທີສີ່, ສົມທົບກັນ ເພື່ອຊຸກຍູ້ການພົວພັນຮ່ວມມືດ້ານເສດຖະກິດລະຫວ່າງບັນດາກະຊວງ, ຄະນະ, ຂະແໜງການຢູ່ສູນກາງ ແລະ ທ້ອງຖິ່ນເພື່ອໃຫ້ບັນລຸປະສິດທິຜົນສູງ, ແທດເໝາະກັບການພົວພັນດ້ານການເມືອງຂອງສອງປະເທດ.
ທີຫ້າ, ຊຸກຍູ້ການກໍ່ສ້າງ, ສ້ອມແປງເສັ້ນທາງ ແລະ ດ່ານຊາຍແດນຂອງສອງປະເທດໃຫ້ໄດ້ມາດຕະຖານທັງດ້ານພື້ນຖານໂຄງລ່າງ, ຖັນແຖວພະນັກງານ, ລະບົບພາສີ... ສ້າງເງື່ອນໄຂສະດວກໃຫ້ການຂົນສົ່ງສິນຄ້າລະຫວ່າງ 2 ປະເທດມີຄວາມສະດວກ, ປະຢັດລາຍຈ່າຍ.
ທີຫົກ, ຊຸກຍູ້ການເຊື່ອມໂຍງພື້ນຖານໂຄງລ່າງ, ການທ່ອງທ່ຽວ, ພະລັງງານ, ກະສິກຳສີຂຽວ... ຄວາມສາມາດບົ່ມຊ້ອນເພື່ອຊ່ວຍໃຫ້ສອງປະເທດພັດທະນາ, ເຊື່ອມໂຍງເຂົ້າກັບພາກພື້ນ ແລະ ສາກົນຢ່າງມີປະສິດທິຜົນ.
ທີເຈັດ, ສືບຕໍ່ຊຸກຍູ້ບັນດາກົນໄກປະສານງານຢ່າງມີປະສິດທິຜົນຢູ່ບັນດາເວທີປາໄສພາກພື້ນ ແລະ ສາກົນ; ແລກປ່ຽນ, ປຶກສາຫາລືກ່ຽວກັບບັນຫາສາກົນ ແລະ ພາກພື້ນທີ່ຕ່າງຝ່າຍຕ່າງມີຄວາມສົນໃຈຢ່າງເປັນປະຈຳ.
ທີແປດ, ຍູ້ແຮງວຽກງານໂຄສະນາເຜີຍແຜ່ ແລະ ບຳລຸງກ່ຽວກັບມູນເຊື້ອນ້ຳໃຈຄວາມສາມັກຄີແບບພິເສດລະຫວ່າງ ລາວ-ຫວຽດນາມ ໃຫ້ແກ່ຖັນແຖວພະນັກງານ, ລັດຖະກອນ, ປະຊາຊົນ, ກໍ່ຄືໄວໜຸ່ມຂອງສອງປະເທດ.
- ຂໍຂອບໃຈທ່ານນາງເອກອັກຄະລັດຖະທູດ!
 | ຫວຽດນາມ ນອນຢູ່ໃນ 6 ປະເທດ ອາຊຽນ ທີ່ມີການເຕີບໂຕ GDP ທີ່ດີ ຍສໝ - ທະນາຄານ Maybank ໃຫ້ຮູ້ວ່າ: ປະເທດສະມາຊິກອາຊຽນ 6 ປະເທດ ລວມມີ: ອິນໂດເນເຊຍ, ມາເລເຊຍ, ຟີລິບປິນ, ສິງກະໂປ, ໄທ ແລະ ຫວຽດນາມ, ຄາດຄະເນວ່າ ຈະບັນລຸ 4,5 – 4,7% ໃນ ປີ 2024 ແລະ ... |
 | ຍສໝ - ຕອນບ່າຍວັນທີ 13 ມີຖຸນາ, ຢູ່ສຳນັກງານກະຊວງຍຸຕິທຳ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງຍຸຕິທຳ ຫວຽດນາມ ເລແທງລອງ ໄດ້ໃຫ້ການຕ້ອນຮັບ ແລະ ໂອ້ລົມເຈລະຈາກັບ ທ່ານລັດຖະມົນຕີ LEE Wan-kyu ພ້ອມດ້ວຍຄະນະຜູ້ແທນກະຊວງນິຕິບັນຍັດລັດຖະບານ ສ.ເກົາຫຼີ. |
ມີງດຶກ
