 | ສະເໜີຊຸກຍູ້ການຮ່ວມມືລະຫວ່າງ ຫວຽດນາມ - ໂອຕຣິດ ໃນ 4 ຂົງເຂດຈຸດສຸມ |
| ຍີ່ປຸ່ນ ມອບຕົ້ນດອກສະກຸຣະ 200 ຕົ້ນ ໃຫ້ແຂວງ ໄຕນິງ |
ພົບປະແລກປ່ຽນມິດຕະພາບຊາວໜຸ່ມ ຫວຽດນາມ - ລາວ ໃນປີ 2024 ຢູ່ ເຊີນລາ
ວັນທີ 14 ທັນວາ, ສະມາຄົມນັກສຶກສາວິທະຍາໄລ ເຊີນລາ ໄດ້ຈັດຕັ້ງລາຍການ “ພົບປະແລກປ່ຽນມິດຕະພາບຊາວໜຸ່ມ ຫວຽດນາມ - ລາວ ປີ 2024” ເພື່ອສະເຫຼີມສະຫຼອງ 75 ປີແຫ່ງວັນມູນເຊື້ອນັກຮຽນ, ນັກສຶກສາ ແລະ ສະມາຄົມນັກສຶກສາ ຫວຽດນາມ (9 ມັງກອນ ປີ 1950 – 9 ມັງກອນ ປີ 2025).
ນັກສຶກສາ ຫວຽດນາມ ແລະ ນັກສຶກສາສາກົນ ລາວ ເກືອບ 500 ຄົນໄດ້ທົບທວນຄືນມູນເຊື້ອຊາວໜຸ່ມ ຫວຽດນາມ - ລາວ; ມີການສະແດງຊຸດອາພອນຂອງຊົນເຜົ່າສອງປະເທດ; ເຂົ້າຮ່ວມການແຂ່ງຂັນກິລາ ດຶງເຊືອກ, ແລ່ນເປົາປ່ານ, ບັນດາເກມເປັນກຸ່ມ, ພົບປະແລກປ່ຽນວັດທະນະທຳຄື: ຟ້ອນລຳວົງ, ຟ້ອນເຜົ່າລາວ, ຟ້ອນແຊວ່, ຟ້ອນສາມັກຄີ...
 |
| ການສະແດງຟ້ອນ “ມິດຕະພາບ ລາວ - ຫວຽດນາມ” ທີ່ລາຍການພົບປະແລກປ່ຽນ. |
ບັນດາການເຄື່ອນໄຫວໄດ້ແນະນຳ ແລະ ໂຄສະນາຄວາມສວຍງາມຂອງພື້ນຖານວັດທະນະທຳ ແລະ ປະຊາຊົນສອງປະເທດ ຫວຽດນາມ ແລະ ລາວ. ພ້ອມກັນນັ້ນ, ກໍ່ສ້າງສະພາບແວດລ້ອມໃຫ້ຊາວໜຸ່ມ ແລະ ນັກສຶກສາໃນການພົວພັນ, ແລກປ່ຽນ ແລະ ຮຽນຮູ້; ຍົກສູງນ້ຳໃຈສາມັກຄີ, ຂະຫຍັນຂັນເຄື່ອນ, ມີຫົວຄິດປະດິດສ້າງ, ເຊື່ອມໂຍງຢ່າງຕັ້ງໜ້າ. ໂດຍຜ່ານນັ້ນ ກໍ່ປະກອບສ່ວນສ້າງສະພາບແວດລ້ອມແຫ່ງການສຶກສາທີ່ເປັນມິດ ແລະ ປອດໃສ ເພື່ອຊ່ວຍໃຫ້ນັກສຶກສາ ລາວ ມີຄວາມກ້າໃນການສື່ສານ.
ໃນຕອນທ້າຍຂອງການພົບປະແລກປ່ຽນ, ຄະນະຈັດຕັ້ງໄດ້ມອບລາງວັນທີໜຶ່ງ 2 ລາງວັນ, ລາງວັນທີສອງ 2 ລາງວັນ, ລາງວັນທີສາມ 2 ລາງວັນ ແລະ ລາງວັນຊົມເຊີຍ 4 ລາງວັນໃຫ້ບັນດາທີມທີ່ເຂົ້າຮ່ວມແຂ່ງຂັນເກມ.
ໂດຍໄດ້ຮູ້ວ່າ ໃນສົກຮຽນ 2024 – 2025, ວິທະຍາໄລ ເຊີນລາ ຮັບການບຳລຸງສ້າງພາສາ ຫວຽດນາມ ໃຫ້ນັກຮຽນ ແລະ ນັກສຶກສາສາກົນ 297 ຄົນ ທີ່ມາຈາກບັນດາແຂວງຂອງ ສປປ ລາວ. ໃນນັ້ນ, ມີນັກສຶກສາສາກົນ 176 ຄົນຮຽນກຽມພາສາ ຫວຽດນາມ ເປັນເວລາ 1 ປີ ແລະ ສຳມະນາກອນເປັນພະນັກງານຈາກບັນດາພະແນກ, ຂະແໜງການ, ກຳລັງປະກອບອາວຸດ 121 ຄົນຮຽນພາສາ ຫວຽດນາມ ເປັນເວລາ 9 ເດືອນ.
ພາຍຫຼັງສຳເລັດໂຄງການ ແລະ ໄດ້ຮັບໃບຢັ້ງຢືນພາສາ ຫວຽດນາມ ແລ້ວ, ນັກສຶກສາສາກົນຈະໄດ້ຮັບການພິຈາລະນາຄັດເລືອກເຂົ້າຮຽນຕໍ່ບັນດາສາຂາວິຊາສະເພາະຢູ່ວິທະຍາໄລ ເຊີນລາ ຫຼື ມະຫາວິທະຍາໄລ ແລະ ວິທະຍາໄລຕ່າງໆໃນແຂວງ ເພື່ອບຳລຸງສ້າງວິຊາສະເພາະຕາມແຜນການ ແລະ ຄວາມຕ້ອງການຂອງບັນດາແຂວງ ສປປ ລາວ.
ນອກຈາກໂຄງການຝຶກອົບຮົມ, ນັກສຶກສາສາກົນຍັງສາມາດເຂົ້າຮ່ວມບັນດາກິດຈະກໍາວັດທະນະທໍາ, ກິລາ-ກາຍຍະກຳ; ຢ້ຽມຢາມ ແລະ ຄົ້ນຄ້ວາຮ່ອງຮອຍປະຫວັດສາດ ແລະ ທັດສະນີຍະພາບຢູ່ແຂວງ ເຊີນລາ ແລະ ບາງສະຖານທີ່ຢູ່ ຫວຽດນາມ ເພື່ອເພີ່ມທະວີຄວາມເຂົ້າໃຈກ່ຽວກັບວັດທະນະທຳ ແລະ ປະຊາຊົນ ຫວຽດນາມ ແລະ ເພີ່ມທະວີຄວາມສາມາດທາງດ້ານພາສາ ຫວຽດນາມ.
ລາຍການສິລະປະ “ຫວຽດນາມ - ລາວ ຮ່ວມຊະຕາກຳ” ຢູ່ ແທງຮວ໋າ
ຕອນຄ່ຳວັນທີ 14 ທັນວາ, ຢູ່ກອງພັນໃຫຍ່ 762, ກອງບັນຊາການທະຫານແຂວງ ແທງຮວ໋າ, ຄະນະສະແດງສີລະປະກອງທັບປະຊາຊົນ ລາວ ໄດ້ຈັດຕັ້ງລາຍການສິລະປະ “ຫວຽດນາມ - ລາວ ຮ່ວມຊະຕາກຳ”.
 |
| ການສະແດງທີ່ລາຍການ. |
ທີ່ການສະແດງ, ຄະນະສະແດງສີລະປະກອງທັບປະຊາຊົນ ລາວ ໄດ້ດຳເນີນລາຍການສະແດງສິລະປະທີ່ມີຫຼາຍວັນນະກຳທີ່ສັນລະເສີນເຖິງນ້ຳໃຈມິດຕະພາບຄວາມສັດຊື່ບໍລິສຸດລະຫວ່າງພັກ ແລະ ລັດ ຫວຽດນາມ - ລາວ; ຄວາມສາມັກຄີ, ນ້ຳໃຈມິດຕະພາບ ແລະ ການຮ່ວມຊະຕາກຳຂອງກອງທັບປະຊາຊົນສອງປະເທດ ຫວຽດນາມ - ລາວ...
ດ້ວຍການກະກຽມອັນລະອຽດ ແລະ ລອບຄອບ, ຄ່ຳຄືນລາຍການສະແດງໄດ້ປະຄວາມປະທັບໃຈທີ່ດີຫຼາຍຢ່າງໄວ້ໃນໃຈຜູ້ຊົມ. ການເຄື່ອນໄຫວສິລະປະຄັ້ງນີ້ ແມ່ນເພື່ອແນໃສ່ສືບຕໍ່ໂຄສະນາເຜີຍແຜ່ ແລະ ສຶກສາກ່ຽວກັບນ້ຳໃຈສາມັກຄີ, ມິດຕະພາບລະຫວ່າງສອງປະເທດ ຫວຽດນາມ - ລາວ ໃນວິວັດການຕໍ່ສູ້ປົດປ່ອຍຊາດ, ໂຮມປະເທດຊາດ ແລະ ພາລະກິດສ້າງສາ, ປົກປັກຮັກສາປະເທດຊາດ, ປະກອບສ່ວນປັບປຸງ ແລະ ຊຸກຍູ້ການພົວພັນມິດຕະພາບ, ການຮ່ວມມືລະຫວ່າງ ຫວຽດນາມ - ລາວ ໃນໄລຍະຕໍ່ໄປ.
ການໂອ້ລົມສົນທະນາຊາວໜຸ່ມ ຫວຽດນາມ - ລາວ ຢູ່ແຂວງ ກອນຕູມ
ໃນລະຫວ່າງວັນທີ 12-14 ທັນວາ, ຢູ່ເມືອງ ງອກໂຮ່ຍ (ກອນຕູມ) ໄດ້ດຳເນີນກິດຈະກຳໂອ້ລົມສົນທະນາລະຫວ່າງ ໂຮງຮຽນ ມັດທະຍົມສົມບູນ ນາງແຫ້ວ (ເມືອງ ພູວົງ, ແຂວງ ອັດຕະປຶ, ລາວ) ແລະ ໂຮງຮຽນ ມັດທະຍົມຕອນປາຍ ເບີອີ (ເມືອງ ງອກໂຮ່ຍ, ແຂວງ ກອນຕູມ). ນີ້ແມ່ນການເຄື່ອນໄຫວປະຈຳປີໃນຂອບເຂດການຮ່ວມມືລະຫວ່າງ 2 ໂຮງຮຽນ ແລະ ຂະແໜງການສຶກສາຂອງ 2 ເມືອງທີ່ໄດ້ຮັບການລົງນາມແຕ່ລະປີ, ປະກອບສ່ວນຮັດແໜ້ນສາຍພົວພັນມິດຕະພາບລະຫວ່າງ 2 ທ້ອງຖິ່ນທີ່ມີເຂດຊາຍແດນຮ່ວມ.
 |
| ຄະນະຜູ້ແທນຂອງສອງໂຮງຮຽນໄດ້ເຄົາລົບຕໍ່ຫຼັກໝາຍອະທິປະໄຕທີ່ຕັ້ງຢູ່ 3 ເສັ້ນຊາຍແດນທີ່ເປັນຫຼັກໝາຍແບ່ງເຂດອະທິປະໄຕລະຫວ່າງ 3 ປະເທດ ຫວຽດນາມ, ລາວ, ກຳປູເຈຍ. |
ບັນດາການເຄື່ອນໄຫວລວມມີ ກອງປະຊຸມຕີລາຄາບັນດາເນື້ອໃນການລົງນາມລະຫວ່າງສອງໂຮງຮຽນ ແລະ ຜັນຂະຫຍາຍເນື້ອໃນຕໍ່ໄປ; ການເຄື່ອນໄຫວພົບປະ ແລະ ແລກປ່ຽນກ່ຽວກັບວິຊາສະເພາະ, ສິລະປະ ແລະ ກິລາ; ການເຄື່ອນໄຫວເຄົາລົບຫຼັກໝາຍອະທິປະໄຕຢູ່ 3 ເສັ້ນຊາຍແດນທີ່ເປັນຫຼັກໝາຍແຊ່ງເຂດອະທິປະໄຕລະຫວ່າງ 3 ປະເທດ ຫວຽດນາມ, ລາວ, ກຳປູເຈຍ.
ດ້ວຍຄວາມເອົາໃຈໃສ່ ແລະ ຊີ້ນຳຢ່າງໃກ້ຊິດຂອງການນຳເມືອງ ພູວົງ ແລະ ງອກໂຮ່ຍ, ໂຄງການດັ່ງກ່າວໄດ້ດຳເນີນໄປຢ່າງສຳເລັດຜົນ ແລະ ໄດ້ຝາກຄວາມປະທັບໃຈຢ່າງເລິກເຊິ່ງໃນດວງໃຈຂອງເພື່ອນມິດ ລາວ ທີ່ຈິງໃຈ ແລະ ເປັນມິດ.
 | ແຂວງ ຫາຍຟ່ອງ ແລະ ເຊີນລາ ໄດ້ຈັດຕັ້ງການພົບປະແລກປ່ຽນຂ່ຳນັບຮັບຕ້ອນວັນຊາດ ລາວ ຍສໝ - ເນື່ອງໃນໂອກາດສະເຫຼີມສະຫຼອງ 49 ປີແຫ່ງວັນຊາດ ສາທາລະນະລັດ ປະຊາທິປະໄຕ ປະຊາຊົນລາວ (2 ທັນວາ 1975 – 2 ທັນວາ 2024), ແຂວງ ຫາຍຟ່ອງ ແລະ ເຊີນລາ ໄດ້ຈັດຕັ້ງການເຄື່ອນໄຫວພົບປະແລກປ່ຽນມິດຕະພາບ, ສະໜິດຕິດພັນຄວາກຮັກແພງອັນແໜ້ນແຟ້ນລະຫວ່າງປະຊາຊົນສອງຊາດ ຫວຽດນາມ - ລາວ. |
 | ເພີ່ມທະວີການສົມທົບກັນລະຫວ່າງ VUFO ແລະ ບັນດາອົງການຜູ້ຕາງໜ້າ ຫວຽດນາມ ປະຈຳຕ່າງປະເທດ ຍສໝ - ນີ້ແມ່ນເນື້ອໃນແລກປ່ຽນຕົ້ນຕໍທີ່ການພົບປະ ແລະ ເຮັດວຽກກັບຫົວໜ້າອົງການຜູ້ຕາງໜ້າ ຫວຽດນາມ ປະຈຳຕ່າງປະເທດ ອາຍຸການ 2025-2028 ໂດຍສະຫະພັນບັນດາອົງການມິດຕະພາບ ຫວຽດນາມ ໄດ້ຈັດຕັ້ງໃນວັນທີ 22 ພະຈິກ ຢູ່ ຮ່າໂນ້ຍ. |
ມິງດຶກ
