 | ກໍ່ສ້າງເສັ້ນຊາຍແດນສັນຕິພາບ, ມິດຕະພາບ, ການຮ່ວມມື, ພັດທະນາຮ່ວມກັນ |
| ແຂວງ ກວາງນາມ-ແຂວງ ເຊກອງ (ລາວ) ຮ່ວມກັນໃນການກໍ່ສ້າງເສັ້ນຊາຍແດນ “ສັນຕິພາບ, ມິດຕະພາບ, ການຮ່ວມມື, ພັດທະນາ” |
ທີ່ການປຶກສາຫາລືການເມືອງໃນວັນທີ 16 ທັນວາ, ບົນຈິດໃຈໄວ້ເນື້ອເຊື່ອໃຈເປັນພິເສດ, ລັດຖະມົນຕີສອງປະເທດໄດ້ຕີລາຄາໝາກຜົນການຮ່ວມມືລະຫວ່າງສອງປະເທດ ແລະ ສອງກະຊວງການຕ່າງປະເທດໃນໄລຍະຜ່ານມາ ແລະ ແລກປ່ຽນທິດທາງການຮ່ວມມືໄລຍະຈະມາເຖິງ; ພ້ອມກັນນັ້ນ, ກໍ່ມີການແລກປ່ຽນຢ່າງເລິກເຊິ່ງກວ້າງຂວາງກ່ຽວກັບບັນດາບັນຫາພາກພື້ນ ແລະ ສາກົນທີ່ສອງຝ່າຍມີຄວາມສົນໃຈ.
 |
| ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທງເຊີນ ແລະ ທ່ານລັດຖະມົນຕີການຕ່າງປະເທດ ລາວ ທອງສະຫວັນ ພົມວິຫານ. |
2 ຝ່າຍສະແດງຄວາມປິຕິຊົມຊື່ນທີ່ການພົວພັນຮ່ວມມືລະຫວ່າງ ຫວຽດນາມ - ລາວ ສືບຕໍ່ມີບາດກ້າວພັດທະນາຢ່າງເຂັ້ມແຂງໃນຫຼາຍຂົງເຂດ. ການຮ່ວມມືດ້ານການເມືອງສືບຕໍ່ມີຄວາມຕິດພັນກັນ, ໄວ້ເນື້ອເຊື່ອໃຈ ແລະ ນັບມື້ນັບເຂົ້າສູ່ລວງເລິກ ແລະ ແທດຈິງ. 2 ຝ່າຍຮັກສາບັນດາການພົບປະແລກປ່ຽນ ແລະ ການພົບປະຂັ້ນສູງເປັນປະຈຳ, ບັນດາກົນໄກຮ່ວມມືຂອງສອງຝ່າຍກໍ່ໄດ້ຮັບຄວາມສົນໃຈເພື່ອຊຸກຍູ້ຜັນຂະຫຍາຍຢ່າງເຂັ້ມແຂງ. ການຮ່ວມມືດ້ານການປ້ອງກັນຊາດ - ປ້ອງກັນຄວາມສະຫງົບສືບຕໍ່ໄດ້ຮັບການປັບປຸງ ແລະ ເປັນເສົາຄ້ຳສຳຄັນຂອງການພົວພັນສອງຝ່າຍ.
 |
| ການປຶກສາຫາລືດ້ານການເມືອງ ວັນທີ 16 ທັນວາ ໃນຂອບເຂດການເດີນທາງໄປປະຕິບັດງານຂອງທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທງເຊີນ. |
ການຮ່ວມມືດ້ານເສດຖະກິດ, ການຄ້າ ແລະ ການລົງທຶນໄດ້ຮັບການເພີ່ມທະວີ. ວົງເງິນການຄ້າສອງຝ່າຍໄດ້ບັນລຸກວ່າ 1,7 ຕື້ USD ໃນ 10 ເດືອນຕົ້ນປີ 2024, ເພີ່ມຂຶ້ນ 28,26% ເມື່ອທຽບໃສ່ໄລຍະດຽວກັນຂອງປີ 2023. ການຮ່ວມມືໃນຂົງເຂດວັດທະນະທຳ, ການສຶກສາ, ວິທະຍາສາດເຕັກໂນໂລຢີ, ພັດທະນາແຫຼ່ງຊັບພະຍາກອນມະນຸດ... ບັນລຸໄດ້ໝາກຜົນທີ່ສຳຄັນຫຼາຍຢ່າງ. ເປັນການສະແດງໃຫ້ເຫັນວ່າ ການເຄື່ອນໄຫວພົບປະແລກປ່ຽນປະຊາຊົນໄດ້ດຳເນີນໄປຢ່າງຟົດຟື້ນ, ຕັ້ງໜ້າປະກອບສ່ວນເພີ່ມທະວີຄວາມເຂົ້າໃຈຂອງລຸ້ນໜຸ່ມສອງປະເທດກ່ຽວກັບສາຍພົວພັນທີ່ຍິ່ງໃຫຍ່, ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ຫວຽດນາມ - ລາວ.
ບົນພື້ນຖານນັ້ນ, ສອງຝ່າຍເປັນເອກະພາບສືບຕໍ່ສົມທົບກັນຢ່າງແໜ້ນແຟ້ນ ເພື່ອປະຕິບັດແຜນການຜັນຂະຫາຍາຍບັນດາຂໍ້ຕົກລົງຂັ້ນສູງ ໄຕມາດທີ IV/2024 ແລະ ປີ 2025 ຢ່າງມີປະສິດທິຜົນ, ກະກຽມໃຫ້ກອງປະຊຸມຄັ້ງທີ 47 ຄະນະກຳມະການລະຫວ່າງລັດຖະບານສອງຝ່າຍໃນໄລຍະຈະມາເຖິງ, ຈະມານະພະຍາຍາມຊຸກຍູ້ ແລະ ສ້າງບາດກ້າວບຸກທະລຸໃນການຮ່ວມມືດ້ານເສດຖະກິດ, ການຄ້າ ແລະ ການລົງທຶນ...
ບົນພື້ນຖານລາຍການກະທຳກ່ຽວກັບການເພີ່ມທະວີການຮ່ວມມືທາງການທູດດ້ານເສດຖະກິດໄລຍະ 2020-2025, 2 ຝ່າຍກໍ່ຜັນຂະຫຍາຍການພົບປະແລກປ່ຽນໂດຍກົງ ແລະ ທາງໄກຫຼາຍຢ່າງເພື່ອປຶກສາຫາລືກ່ຽວກັບວຽກງານດ້ານການທູດເສດຖະກິດ. ເນື່ອງໃນໂອກາດນີ້, ການນຳຫຼາຍຫົວໜ່ວຍທີ່ກ່ຽວຂ້ອງຂອງສອງກະຊວງການຕ່າງປະເທດ ໄດ້ແລກປ່ຽນ, ແບ່ງປັນປະສົມການໃນການຄົ້ນຄວ້າບັນດາບັນຫາຍຸດທະສາດ, ຖະແຫຼງຂ່າວ, ການຮ່ວມມືຫຼາຍຝ່າຍ..., ສອງລັດຖະມົນຕີເປັນເອກະພາບມອບໃຫ້ບັນດາຫົວໜ່ວຍທີ່ກ່ຽວຂ້ອງຂອງສອງປະເທດປຶກສາຫາລືຢ່າງລະອຽດ ແລະ ໂດຍໄວ ເພື່ອຈະສ້າງຮ່າງຂໍ້ຕົກລົງຮ່ວມມືລະຫວ່າງສອງກະຊວງການຕ່າງປະເທດໄລຍະ 2026-2031 ແລະ ລາຍການກະທຳການຮ່ວມມືດ້ານການທູດເສດຖະກິດໄລຍະ 2026-2030.
 |
| ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທງເຊີນ ໄດ້ປະດັບຫຼຽນໄຊ/ຫຼຽນກາອັນປະເສີດເລີດລ້ຳຂອງຫວຽດນາມ ໃຫ້ແກ່ບັນດາກົມກອງລວມໝູ່ ແລະ ສ່ວນບຸກຄົນຂອງກະຊວງການຕ່າງປະເທດ ລາວ. |
ທ່ານລັດຖະມົນຕີການຕ່າງປະເທດ ທອງສະຫວັນ ພົມວິຫານ ໄດ້ກ່າວຄຳຂອບໃຈຕໍ່ ຫວຽດນາມ ທີ່ໄດ້ສົມທົບກັນ ແລະ ຕັ້ງໜ້າໜູນຊ່ວຍ ລາວ ເພື່ອຮັບຕຳແໜ່ງເປັນປະທານ ອາຊຽນ/AIPA 2024 ຢ່າງສຳເລັດຜົນ; ຢືນຢັນວ່າ: ລາວ ຈະສົມທົບຢ່າງຕັ້ງໜ້າ ແລະ ສະໜັບສະໜູນ ຫວຽດນາມ ເພື່ອຈັດຕັ້ງເວທີອະນາຄົດ ອາຊຽນ (AFF 2) ຄັ້ງທີ 2 ໃຫ້ສຳເລັດຜົນໃນຕົ້ນປີ 2025.
2 ຝ່າຍກໍ່ໄດ້ແບ່ງປັນທັດສະນະກ່ຽວກັບບັນດາບັນຫາສາກົນ ແລະ ພາກພື້ນທີ່ມີຄວາມສົນໃຈ, ຍິນດີຕໍ່ກັບສອງປະເທດທີ່ໄດ້ສົມທົບກັນ ແລະ ຫນູນຊ່ວຍເຊິ່ງກັນແລະກັນ ຢູ່ບັນດາເວທີຫຼາຍຝ່າຍ, ພິເສດແມ່ນບັນດາອົງການຂອງສະຫະປະຊາຊາດ ກໍ່ຄືບັນຫາທະເລຕາເວັນອອກ ແລະ ຂອບເຂດການຮ່ວມມື ແມ່ນ້ຳຂອງ.
ສິ້ນສຸດການປຶກສາຫາລື, 2 ຝ່າຍເປັນເອກະພາບຈະຈັດຕັ້ງການປຶກສາຫາລືການເມືອງ ຄັ້ງທີ 12 ຢູ່ ຫວຽດນາມ.
ພາຍຫຼັງການປຶກສາຫາລືການເມືອງ ຄັ້ງທີ 11, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງການຕ່າງປະເທດ ບຸ່ຍແທງເຊີນ ໄດ້ປະດັບຫຼຽນໄຊ/ຫຼຽນກາອັນປະເສີດເລີດລ້ຳຂອງລັດ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ໃຫ້ບັນດາກົມກອງລວມໝູ່ ແລະ ບຸກຄົນຂອງກະຊວງການຕ່າງປະເທດ ລາວ ທີ່ມີການປະກອບສ່ວນຫຼາຍຢ່າງເຂົ້າໃນປິສາມັກຄີມິດຕະພາບ ຫວຽດນາມ - ລາວ 2022.
 | ສະມາຄົມມິດຕະພາບ ແລະ ການຮ່ວມມື ຫວຽດນາມ - ຝຣັ່ງ ໄປຢ້ຽມຢາມ ແລະ ມອບຂອງຂວັນຢູ່ ດ້ຽນບຽນ ຍສໝ - ວັນທີ 20 ເມສາ, ຄະນະປະຕິບັດງານຂອງສະມາຄົມມິດຕະພາບ ແລະ ການຮ່ວມມື ຫວຽດນາມ - ຝຣັ່ງ ສົມທົບກັບກຸ່ມຜູ້ແທນມິດຕະພາບ ຫວຽດນາມ - ຝຣັ່ງ; ຄະນະຜູ້ແທນສະພາແຫ່ງຊາດແຂວງ ດ້ຽນບຽນ; ກອງທຶນປົກປ້ອງເດັກນ້ອຍ ຫວຽດນາມ; ໂຮງໝໍມິດຕະພາບ ຫວຽດດຶກ ໄດ້ຈັດຕັ້ງລາຍການເຮັດວຽກ ແລະ ມອບຂອງຂວັນຢູ່ເມືອງ ດ້ຽນບຽນດົງ, ... |
 | ຍສໝ - ຕອນຄ່ຳວັນທີ 10 ກັນຍາ, ຢູ່ຮ່າໂນ້ຍ, ພາຍຫຼັງການເຈລະຈາຂັ້ນສູງ, ທ່ານເລຂາ ທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ ຫງວຽນຝູຈ້ອງ ແລະ ທ່ານປະທານາທິບໍດີ ອາເມລິກາ Joe Biden ໄດ້ປະກາດຕໍ່ສື່ມວນຊົນກ່ຽວກັບໝາກ ຜົນອັນດີງາມຂອງການເຈລະຈາ ແລະ ປະກາດວ່າ ສອງຝ່າຍໄດ້ຮັບຮອງເອົາຖະແຫຼງການ ຮ່ວມ, ຍົກລະດັບການພົວພັນ ຫວຽດນາມ - ... |
ແທັງຮັ່ງ
