 | ນະໂຍບາຍສະເໝີຕົ້ນສະເໝີປາຍຂອງຫວຽດນາມ ໃນການປົກປັກຮັກສາ ແລະຊຸກຍູ້ສິດທິມະນຸດ |
| ຍູ້ແຮງວຽກງານຂໍ້ມູນຂ່າວສານການຕ່າງປະເທດກ່ຽວກັບສະພາບການສິດທິມະນຸດຂອງ ຫວຽດນາມ |
“ສິດທິມະນຸດໃຫຍ່ທີ່ສຸດຢູ່ ຫວຽດນາມ ແມ່ນການເບິ່ງແຍງດູແລໃຫ້ປະຊາຊົນ 100 ລ້ານຄົນອີ່ມໜຳສຳລານ ແລະ ມີຄວາມຜາສຸກ, ມີປະຊາທິປະໄຕ, ຊີວິດສະຫງົບສຸກ, ປອດໄພ, ເສີມຂະຫຍາຍປັດໄຈມະນຸດໃຫ້ສູງສຸດ”.
 |
| ຄວາມມ່ວນຊື່ນຂອງເດັກນ້ອຍເຂດພູສູງ. |
ຄຳເວົ້າຂອງທ່ານນາຍົກລັດຖະມົນຕີ ຟ້າມມິງຈິ໋ງ ໄດ້ສະແດງໃຫ້ເຫັນທັດສະນະທີ່ສະເໝີຕົ້ນສະເໝີປາຍຂອງພັກ ແລະ ລັດ ໃນການປະຕິບັດຄຳໝັ້ນສັນຍາຮັບປະກັນສິດທິມະນຸດຢູ່ ຫວຽດນາມ ຢ່າງແທດຈິງທີ່ສຸດ, ຍາມໃດກໍ່ມານະພະຍາຍາມບໍ່ປະໃຫ້ຜູ້ໃດຢູ່ເບື້ອງຫຼັງໃນຂະບວນການພັດທະນາ, ເພາະວ່າ ນັ້ນແມ່ນທາດແທ້ຂອງລະບອບສັງຄົມນິຍົມຢູ່ ຫວຽດນາມ.
ບັນດາຜົນງານຂອງ ຫວຽດນາມ ໃນການຮັບປະກັນສິດທິມະນຸດໃນຕະຫຼອດ 79 ປີແຫ່ງການສ້າງຕັ້ງປະເທດ ແລະ ເກືອບ 40 ປີແຫ່ງການປະຕິບັດພາລະກິດແຫ່ງການປ່ຽນແປງໃໝ່, ກ່ອນອື່ນໝົດແມ່ນ ໄດ້ນຳມາເຊິ່ງຜົນປະໂຫຍດຕົວຈິງໃຫ້ແກ່ພົນລະເມືອງແຕ່ລະຄົນ, ຕໍ່ຈາກນັ້ນແມ່ນ ການສ້າງຄວາມປະທັບໃຈກ່ຽວກັບພາບພົດຂອງ ຫວຽດນາມ ໃນເວທີສາກົນ.
ຕ້ອງຢືນຢັນວ່າ ພາລະກິດການຕໍ່ສູ້ເພື່ອເອກະລາດແຫ່ງຊາດ, ຄວາມເປັນເອກະພາບ ແລະ ຂະບວນການພັດທະນາເສດຖະກິດ - ສັງຄົມຂອງ ຫວຽດນາມ ບໍ່ນອກເໜືອຈາກຈຸດໝາຍສູງສຸດເພື່ອຮັບປະກັນຊີວິດ ແລະ ບັນດາສິດຂອງປະຊາຊົນ ຫວຽດນາມ. ເພາະສະນັ້ນ, ບັນດາຜົນງານການພັດທະນາຂອງ ຫວຽດນາມ ລ້ວນແຕ່ແມ່ນເພື່ອປະຊາຊົນ.
ແຕ່ປີ 2019 ເຖິງປະຈຸບັນ, ຍອດຜະລິດຕະພັນພາຍໃນປະເທດສະເລ່ຍຢູ່ ຫວຽດນາມ ໄດ້ເພີ່ມຂຶ້ນ 25%, ອັດຕາຄອບຄົວທຸກຍາກຫຼຸດລົງ 1,5%/ປີ. ດ້ວຍບັນດາມາດຕະການ, ນະໂຍບາຍແກ້ໄຂຄວາມທຸກຍາກແບບຍືນຍົງໄດ້ຮັບການປະຕິບັດຢ່າງມີປະສິດທິຜົນຕາມຈິດໃຈ “ບໍ່ປະໃຜໄວ້ເບື້ອງຫຼັງ”, ຮອດທ້າຍເດືອນ ກັນຍາ ປີ 2024, ອັດຕາຄອບຄົວທຸກຍາກໃນທົ່ວປະເທດແມ່ນ 1,93% ຫຼຸດລົງ 1%.
ການກໍ່ສ້າງທີ່ຢູ່ອາໄສສັງຄົມ ບັນລຸໄດ້ຜົນດີ; ໃນໄລຍະສັ້ນ, ໄດ້ລະດົມທຶນກວ່າ 6.000 ຕື້ດົ່ງໃຫ້ແກ່ຂະບວນການລົບລ້າງເຮືອນຢູ່ຊົ່ວຄາວ ແລະ ເຮືອນຮົ່ວຊຸດໂຊມ.
ປະຈຸບັນ, ຫວຽດນາມ ຢືນຢູ່ອັນດັບ 54/166 ປະເທດທີ່ໄດ້ຈັດອັນດັບກ່ຽວກັບດັດຊະນີການພັດທະນາແບບຍືນຍົງ, ຫຍັບຂຶ້ນ 1 ລະດັບເມື່ອທຽບໃສ່ປີ 2023.
ທ່ານສາດສະດາຈານ Reena Marwah ມະຫາວິທະຍາໄລ Delhi, ທັງເປັນເລຂາທິການສະມາຄົມນັກຮຽນຮູ້ ອາຊີ, ຢືນຢັນວ່າ ຫວຽດນາມ ໄດ້ມີບັນດາຄວາມກ້າວໜ້າທີ່ໜ້າປະທັບໃຈໃນທຸກຂົງເຂດ, ບໍ່ພຽງແຕ່ດ້ານການຄ້າ ແລະ ດຶງດູດການລົງທຶນເທົ່ານັ້ນ ຫາກຍັງເພີ່ມລາຍຮັບສະເລ່ຍຕໍ່ຫົວຄົນອີກດ້ວຍ.
ປະຊາຊົນ ຫວຽດນາມ ໄດ້ຮັບຜົນປະໂຫຍດຫຼາຍຢ່າງຈາກບັນດາຄວາມກ້າວໜ້າທາງສັງຄົມທີ່ສົມຄວນໄດ້ຮອງຮັບ, ດ້ວຍລາຍຮັບສະເລ່ຍຕໍ່ຫົວຄົນໄດ້ເພີ່ມຂຶ້ນຈາກປະມານ 200 USD ຂຶ້ນເປັນ 4000 USD ໃນ ປີ 2024.
ຄຽງຄູ່ກັບບັນດາຜົນງານໃນການສ້າງສາປະເທດຊາດ, ຫວຽດນາມ ຍັງບັນລຸໄດ້ຜົນງານຫຼາຍຢ່າງໃນການຮັບປະກັນສິດທິມະນຸດໃນທຸກດ້ານຂອງຊີວິດສັງຄົມ.
ບັນດາສິດທິມະນຸດກ່ຽວກັບພົນລະເຮືອນ, ເສດຖະກິດ, ການເມືອງ ແລະ ວັດທະນະທຳຢູ່ ຫວຽດນາມ ໄດ້ກຳນົດຢ່າງຈະແຈ້ງໃນແນວທາງ, ແຜນນະໂຍບາຍຂອງພັກ ແລະ ນະໂຍບາຍກົດໝາຍຂອງລັດ.
 |
| ຜູ້ຮຽນໃນຫ້ອງຮຽນລົບລ້າງການກືກຫນັງສື. |
ອັດຕາການປົກຄຸູມປະກັນສຸຂະພາບຂອງ ຫວຽດນາມ ໃນປະຈຸບັນແມ່ນ 94,1%, ເພີ່ມຂຶ້ນຈາກ 90,9% ໃນປີ 2000. ຕາມບົດລາຍງານກ່ຽວກັບຄວາມສຸກໂລກ ປີ 2024 ຂອງສະຫະປະຊາຊາດ, ດັດຊະນີຄວາມສຸກຂອງ ຫວຽດນາມ ໄດ້ເພີ່ມຂຶ້ນ 11 ລະດັບ, ຢືນອັນດັບ 54/143.
ຫວຽດນາມ ສືບຕໍ່ສະແດງໃຫ້ເຫັນຄວາມມານະພະຍາຍາມ ແລະ ຄວາມຮັບຜິດຊອບຢ່າງຈະແຈ້ງໃນປີທີ 2 ບົນຖານະເປັນສະມາຊິກສະພາສິດທິມະນຸດ ສະຫະປະຊາຊາດ ອາຍຸການ 2023-2025.
ທີ່ກອງປະຊຸມຄັ້ງທີ 57 ຂອງສະພາສິດທິມະນຸດສະຫະປະຊາຊາດ ເມື່ອບໍ່ດົນມານີ້, ຫວຽດນາມ ໄດ້ເຂົ້າຮ່ວມຢ່າງຕັ້ງໜ້າ ແລະ ມີການປະກອບສ່ວນຕົວຈິງໂດຍການເປັນປະທານບັນດາຂໍ້ລິເລີ່ມ ແລະ ເຂົ້າຮ່ວມການຮ່ວມອຸປະຖຳຫຼາຍຂໍ້ລິເລີ່ມ, ໃນນັ້ນມີບາງຖະແຫຼງການຮ່ວມຂອງ ອາຊຽນ, ເປັນປະທານໃນການສ້າງ ແລະ ນຳສະເໜີຖະແຫຼງການຮ່ວມກ່ຽວກັບການຊຸກຍູ້ສິດທິມະນຸດໃນການສັກວັກຊີນ, ຈັດຕັ້ງການສົນທະນາສາກົນ, ປຶກສາຫາລືກັບຜູ້ລາຍງານພິເສດກ່ຽວກັບສິດທິການພັດທະນາ...
 |
| ທ່ານເອກອັກຄະລັດຖະທູດ ມາຍຟານຢູ໊ງ, ຫົວໜ້າຄະນະຜູ້ແທນ ຫວຽດນາມ ພ້ອມດ້ວຍບັນດາສະມາຊິກໃນຄະນະເຂົ້າຮ່ວມກອງປະຊຸມຄັ້ງທີ 57 ຂອງສະພາສິດທິມະນຸດ. |
ກ່າວຄຳປາໄສທີ່ກອງປະຊຸມຄັ້ງທີ 57 ຂອງສະພາສິດທິມະນຸດສະຫະປະຊາຊາດ, ທ່ານ Iraklis Tsavdaridis, ເລຂາປະຈຳຄະນະກຳມະການສັນຕິພາບໂລກ (WPC) ໄດ້ຍົກສູງນະໂຍບາຍປົກປັກຮັກສາ ແລະ ຊຸກຍູ້ສິດທິມະນຸດທີ່ສະເໝີຕົ້ນສະເໝີປາຍຂອງ ຫວຽດນາມ, ສະແດງຄວາມປະທັບໃຈກ່ຽວກັບບັນດາຜົນງານຂອງ ຫວຽດນາມ ໃນການແກ້ໄຂຄວາມທຸກຍາກທີ່ສຸດ ແລະ ປັບປຸງການຈັດອັນດັບໂດຍໄວຕາມມາດຕະຖານສາກົນ, ເຖິງວ່າຍັງປະສົບກັບຄວາມຫຍຸ້ງຍາກຫຼາຍຢ່າງໃນຂະບວນການສ້າງສາ ແລະ ພັດທະນາປະເທດຊາດ.
ທ່ານ Iraklis Tsavdaridis ໃຫ້ຮູ້ວ່າ ມີຄວາມເຊື່ອໝັ້ນຢ່າງໜັກແໜ້ນວ່າ ຫວຽດນາມ ເຊິ່ງພວມກະກຽມຈັດຕັ້ງການສະເຫຼີມສະຫຼອງວັນບຸນສຳຄັນຫຼາຍແຫ່ງໃນປີ 2025, ຍາມໃດກໍ່ເອົາໃຈໃສ່ເຖິງສິດທິມະນຸດ ແລະ ປົກປ້ອງສິດທິມະນຸດ. ກ່ອນອື່ນໝົດແມ່ນສິດດຳລົງຊີວິດຢ່າງສັນຕິພາບ, ສິດໄດ້ຮັບສະຫວັດດີການ, ສິດດຳລົງຊີວິດຢ່າງສົມບູນພູນສຸກ, ສິດໃນການປັບປຸງຊີວິດການເປັນຢູ່ໃນແຕ່ລະມື້.
ນັ້ນແມ່ນບັນດາຂີດໝາຍໃນການເດີນທາງຮັບປະກັນສິດທິມະນຸດຢູ່ ຫວຽດນາມ ແລະ ກໍ່ແມ່ນພື້ນຖານເພື່ອໃຫ້ທ່ານ Tsavdaridis, ຜູ້ທີ່ຍາມໃດກໍ່ຢືນຢັນວ່າ ຫວຽດນາມ ແມ່ນ “ປະເທດອົງອາດກ້າແກ່ນ”, ເຊື່ອໝັ້ນວ່າ ຈະເປັນສັກຂີພິຍານບັນດາບາດກ້າວທີ່ເຂັ້ມແຂງຂອງ ຫວຽດນາມ ໃນການພັດທະນາປະເທດຊາດ, ຮັບປະກັນຄວາມອີ່ມໜຳສຳລານ, ຄວາມຜາສຸກ ແລະ ຄວາມຈະເລີນຮຸ່ງເຮືອງຂອງປະຊາຊົນ.
 | ສະພາສິດທິມະນຸດສະຫະປະຊາຊາດໄດ້ຮັບຮອງເອົາບົດລາຍງານປະເທດ UPR Cycle IV ຂອງຫວຽດນາມ ຍສໝ - ຕອນບ່າຍວັນທີ 10 ພຶດສະພາ, ຢູ່ສຳນັກງານອົງການສະຫະປະຊາຊາດທີ່ນະຄອນເຈນີວາ ປະເທດສະວິດ, ຄະນະເຮັດວຽກກ່ຽວກັບການກົນໄກກວດຄືນກຳນົດເວລາແຜ່ໄປທົ່ວ (UPR) ຮອບທີ 4 ຂອງສະພາສິດທິມະນຸດສະຫະປະຊາຊາດ ໄດ້ຕົກລົງຮັບຮອງເອົາບົດລາຍງານແຫ່ງຊາດ UPR ຂອງຫວຽດນາມ. |
 | ປະຊາຄົມໂລກ ໄດ້ຕີລາຄາສູງບັນດາຜົນງານຂອງຫວຽດນາມ ໃນການປົກປັກຮັກສາ ແລະ ຊຸກຍູ້ສິດທິມະນຸດ ຍສໝ - ຕອນບ່າຍວັນທີ 7 ພຶດສະພາ, ທີ່ສໍານັກງານໃຫຍ່ສະຫະປະຊາຊາດຢູ່ນະຄອນເຈນີວາ, ປະເທດສະວິດ, ຄະນະຜູ້ແທນຫວຽດນາມ ໂດຍທ່ານຮອງລັດຖະມົນຕີກະຊວງການຕ່າງປະເທດ ໂດຮູ່ງຫວຽດ ນໍາໜ້າໄດ້ເຂົ້າຮ່ວມກອງປະຊຸມປຶກສາຫາລືກ່ຽວກັບບົດລາຍງານແຫ່ງຊາດຂອງຫວຽດນາມ ຕາມກົນໄກທົບທວນປະຈຳໄລຍະ (UPR) ຮອບທີ IV ຂອງ ສະພາສິດທິມະນຸດ ສະຫະປະຊາຊາດ. |
ມິງດຶກ
