| ປະຊາຄົມໂລກ ໄດ້ຕີລາຄາສູງບັນດາຜົນງານຂອງຫວຽດນາມ ໃນການປົກປັກຮັກສາ ແລະ ຊຸກຍູ້ສິດທິມະນຸດ | |
| ບັນດາອົງການຈັດຕັ້ງປະຊາຊົນນັບມື້ນັບມີບົດບາດສໍາຄັນໃນການສ້າງບົດລາຍງານ UPR |
ບົດລາຍງານຂອງຄະນະເຮັດວຽກໄດ້ສັງເກດບົດລາຍງານແຫ່ງຊາດຂອງຫວຽດນາມ, ເນື້ອໃນຂອງກອງປະຊຸມສົນທະນາໃນວັນທີ 7 ພຶດສະພາ, ແລະ ໄດ້ບັນທຶກຂໍ້ສະເໜີແນະ 320 ສະບັບໂດຍ 133 ປະເທດ. ຂໍ້ສະເໜີດັ່ງກ່າວກວມເອົາຫຼາຍຂົງເຂດຄື: ປັບປຸງລະບົບກົດໝາຍ, ນະໂຍບາຍສິດທິມະນຸດ, ຊຸກຍູ້ໂຄງການພັດທະນາເສດຖະກິດ-ສັງຄົມ, ລົບລ້າງຄວາມອຶດຫິວ ແລະ ຫຼຸດຜ່ອນຄວາມທຸກຍາກ, ຮັບປະກັນສິດໃຫ້ແກ່ບັນດາກຸ່ມດ້ອຍໂອກາດ, ໜູນຊ່ວຍບັນດາຊົນເຜົ່າ, ຮັບປະກັນຄວາມສະເໝີພາບລະຫວ່າງຍິງ-ຊາຍ, ສິດເດັກ, ການສຶກສາ ສິດເສລີໃນການເຊື່ອຖືສາສະໜາ, ສິດເສລີໃນການປາກເວົ້າ, ສິດທິມະນຸດ ແລະ ດຳເນີນທຸລະກິດ, ສິດທິມະນຸດ ແລະ ການປ່ຽນແປງຂອງດິນຟ້າອາກາດ, ເຂົ້າຮ່ວມສົນທິສັນຍາສາກົນຈຳນວນໜຶ່ງກ່ຽວກັບສິດທິມະນຸດ, ຮ່ວມມືກັບກົນໄກຂອງສະພາສິດທິມະນຸດ...
 |
ສະພາສິດທິມະນຸດສະຫະປະຊາຊາດໄດ້ຮັບຮອງເອົາບົດລາຍງານປະເທດ UPR Cycle IV ຂອງຫວຽດນາມ |
ກ່າວຄຳເຫັນທີ່ກອງປະຊຸມຮັບຮອງເອົາ, ທ່ານຮອງລັດຖະມົນຕີກະຊວງການຕ່າງປະເທດ ໂດຮູ່ງຫວຽດ ຢືນຢັນຄວາມສຳຄັນຂອງກົນໄກ UPR, ຖືວ່າ: ການປະຕິບັດບັນດາຂໍ້ສະເໜີແນະ UPR ຜ່ານຮອບວຽນໄດ້ເພີ່ມທະວີຄວາມມານະພະຍາຍາມຊຸກຍູ້ ແລະ ປົກປັກຮັກສາສິດທິມະນຸດຂອງ ຫວຽດນາມ. ທ່ານຮອງລັດຖະມົນຕີຢືນຢັນວ່າ: ຫວຽດນາມ ຈະສຶກສາບັນດາຂໍ້ສະເໜີແນະຢ່າງລະອຽດຖີ່ຖ້ວນ ແລະ ປະກາດຈຸດຢືນຂອງຫວຽດນາມ ກ່ຽວກັບຂໍ້ສະເໜີແນະນີ້ ກ່ອນກອງປະຊຸມຄັ້ງທີ 57 ຂອງສະພາສິດທິມະນຸດ. ຫວຽດນາມ ປາດຖະໜາຢາກເພີ່ມທະວີການຮ່ວມມືກັບບັນດາປະເທດ, ຄູ່ຮ່ວມມື ແລະ ບັນດາຝ່າຍທີ່ກ່ຽວຂ້ອງຕາມຄຳຂວັນຂອງ ຫວຽດນາມ ໃນອາຍຸການເປັນສະມາຊິກສະພາສິດທິມະນຸດ 2023 – 2025 ແມ່ນ “ເຄົາລົບ ແລະ ຄວາມເຂົ້າໃຈ - ສົນທະນາ ແລະ ການຮ່ວມມື - ສິດທິມະນຸດໃຫ້ທຸກຄົນ”.
ໃນໄລຍະຈະມາເຖິງ, ກະຊວງການຕ່າງປະເທດ, ບັນດາກະຊວງ, ຂະແໜງການໃນຄະນະເຮັດວຽກ UPR ຈະກວດກາ, ຕີລາຄາ ແລະ ສະເໜີໃຫ້ທ່ານນາຍົກລັດຖະມົນຕີ ຮັບຮອງເອົາຫຼັກໝັ້ນຂອງ ຫວຽດນາມ ກ່ຽວກັບບັນດາຂໍ້ສະເໜີແນະ, ປະກາດໃຊ້ກ່ອນກອງປະຊຸມປະຈຳປີຄັ້ງທີ 57 ຂອງອົງການມະນຸດສະທຳ ສປຊ ສະພາສິດທິໃນເດືອນຕຸລາ 2024. ທີ່ກອງປະຊຸມຄັ້ງນີ້, ສະພາສິດທິມະນຸດຈະຮັບຮອງເອົາບົດລາຍງານກ່ຽວກັບໝາກຜົນຂອງການກວດກາ UPR ສຳລັບ ຫວຽດນາມ ຢ່າງເປັນທາງການ.
ຄຳຮຸ່ງ
