 | ສະພາສິດທິມະນຸດສະຫະປະຊາຊາດໄດ້ຮັບຮອງເອົາບົດລາຍງານປະເທດ UPR Cycle IV ຂອງຫວຽດນາມ |
| ປະຊາຄົມໂລກ ໄດ້ຕີລາຄາສູງບັນດາຜົນງານຂອງຫວຽດນາມ ໃນການປົກປັກຮັກສາ ແລະ ຊຸກຍູ້ສິດທິມະນຸດ |
ກອງປະຊຸມໂດຍຄະນະໂຄສະນາສຶກສາສູນກາງ ແລະ ຄະນະຊີ້ນຳສິດທິມະນຸດຂອງລັດຖະບານ ສົມທົບກັບຄະນະພັກແຂວງ ຮວ່າບິ່ງ ຈັດຕັ້ງ.
ຕາມທ່ານ ຟານຊວນຖຸຍ, ພາຍຫຼັງ 1 ປີແຫ່ງການຜັນຂະຫຍາຍຂໍ້ສະຫຼຸບ 57-KL/TW ກ່ຽວກັບການສືບຕໍ່ຍົກສູງຄຸນນະພາບ, ປະສິດທິຜົນວຽກງານຂໍ້ມູນຂ່າວສານການຕ່າງປະເທດໃນສະພາບການໃໝ່, ທີ່ກອງປະຊຸມສະຫຼຸບເບື້ອງຕົ້ນ 6 ເດືອນຕົ້ນປີ ປີ 2024, ຄະນະຊີ້ນຳວຽກງານຂໍ້ມູນຂ່າວສານການຕ່າງປະເທດສູນກາງ ໄດ້ຕີລາຄາສູງຄະນະຊີ້ນຳບັນດາແຂວງ, ນະຄອນເຊື່ອມຊຶມ, ຄົ້ນຄວ້າຢ່າງຈິງຈັງ, ຫັນເປັນລະອຽດ, ເປັນເສນາທິການໃນການປະກາດໃຊ້ເອກະສານຊີ້ນຳນຳພາ ແລະ ຈັດຕັ້ງປະຕິບັດບັນດາເນື້ອໃນຂອງຂໍ້ສະຫຼຸບຢ່າງຄົບຊຸດ,ໂດຍສະເພາະແມ່ນ 5 ໜ້າທີ່ວິທີແກ້ໄຂຈຸດສຸມຕາມຄຳຂວັນ “ເປັນເຈົ້າການ, ຄົບຊຸດ, ທັນການ, ມີຫົວຄິດປະດິດສ້າງ ແລະ ປະສິດທິຜົນ”.
 |
| ກອງປະຊຸມຝຶກອົບຮົມກ່ຽວກັບວຽກງານຂໍ້ມູນຂ່າວສານການຕ່າງປະເທດ ແລະ ສິດທິມະນຸດ ປີ 2024. |
ຄຽງຂ້າງນັ້ນ, ໂດຍຜ່ານບັນດາບົດລາຍງານ ແລະ ຂໍ້ສະເໜີແນະຂອງແຂວງ, ນະຄອນ, ວຽກງານຂໍ້ມູນຂ່າວສານການຕ່າງປະເທດ ເວົ້າລວມ ແລະ ການເຄື່ອນໄຫວຂອງບັນດາຄະນະຊີ້ນຳ ເວົ້າສະເພາະ ຍັງມີຂໍ້ຈຳກັດຈຳນວນໜຶ່ງທີ່ຕ້ອງໄດ້ແກ້ໄຂໃນໄລຍະຈະມາເຖິງ.
ທ່ານ ຟານຊວນຖຸຍ ໃຫ້ຮູ້ວ່າ, ພວກເຮົາພວມຢູ່ໃນໄລຍະສຳຄັນໃນການກະກຽມໃຫ້ກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 14 ຂອງພັກ ພ້ອມກັບການຮັບຜິດຊອບໜ້າທີ່ສຳຄັນບົນແງ່ມຸມສາກົນ, ພິເສດ ແມ່ນສະມາຊິກສະພາສິດທິມະນຸດ ສະຫະປະຊາຊາດ (ອາຍຸການ 2023-2025) ແລະ ການອອກຮັບສະໝັກເລືອກຕັ້ງຄືນໃໝ່ ໃນອາຍຸການ 2026-2028. ກາລະໂອກາດ, ຄວາມສະດວກແມ່ນປະສົມປະສານກັບສິ່ງທ້າທາຍໃໝ່, ໃນນັ້ນ ຈະມີບັນດາກະແສຂໍ້ມູນຂ່າວສານຂັດແຍ້ງ, ບິດເບືອນສະຖານະການພາຍໃນປະເທດ.
ໃນສະຖານະການນັ້ນ, ການນຳຂອງຄະນະໂຄສະນາສຶກສາສູນກາງ ໄດ້ສະເໜີໃຫ້ຄະນະຊີ້ນຳບັນດາແຂວງ, ນະຄອນ ສືບຕໍ່ຍົກສູງບົດບາດ ແລະ ຄວາມຮັບຜິດຊອບໃນການຊີ້ນຳນຳພາ, ບໍລິຫານ ແລະ ການຈັດຕັ້ງປະຕິບັດບັນດາໜ້າທີ່, ວິທີແກ້ໄຂໃນຂໍ້ສະຫຼຸບ ເລກທີ 57-KL/TW. ເຊື່ອມຊຶມ ແລະ ຍົກສູງຄວາມຮັບຮູ້ໃຫ້ແກ່ພະນັກງານ, ສະມາຊິກພັກ ແລະ ປະຊາຊົນກ່ຽວກັບຄວາມສຳຄັນຂອງວຽກງານຂໍ້ມູນຂ່າວສານຕ່າງປະເທດຢ່າງເລິກເຊິ່ງ, ຮັບປະກັນ ແລະ ຊຸກຍູ້ສິດທິມະນຸດ, ຍູ້ແຮງວຽກງານຂໍ້ມູນຂ່າວສານການຕ່າງປະເທດກ່ຽວກັບສະພາບສິດທິມະນຸດຂອງ ຫວຽດນາມ ເພື່ອແນໃສ່ຍົກສູງຮູບພາບ ແລະ ທີ່ຕັ້ງຂອງປະເທດ ຫວຽດນາມ.
 |
| ທ່ານ ຟານຊວນຖຸຍ, ຮອງຫົວໜ້າຄະນະໂຄສະນາສຶກສາສູນກາງ ກ່າວຄຳປາໄສທີ່ກອງປະຊຸມ. |
ທີ່ກອງປະຊຸມ, ຜູ້ຕາງໜ້າການນຳກະຊວງການຕ່າງປະເທດ, ກະຊວງຖະແຫຼງຂ່າວ ແລະ ການສື່ສານ ແລະ ຫ້ອງການປະຈຳຄະນະຊີ້ນຳສິດທິມະນຸດຂອງລັດຖະບານ ຫວຽດນາມ ໄດ້ສະເໜີບັນດາບົດລາຍງານ ແລະ ການປະກອບຄຳເຫັນກ່ຽວກັບການຜັນຂະຫຍາຍກຸ່ມໜ້າທີ່, ວິທີແກ້ໄຂຕົ້ນຕໍໃນມະຕິສະບັບ ເລກທີ 47/NQ-CP ລົງວັນທີ 15 ເມສາ ປີ 2024 ຂອງລັດຖະບານ ກ່ຽວກັບໂຄງການກະທຳຂອງລັດຖະບານ ຮອດປີ 2030 ເພື່ອປະຕິບັດຂໍ້ສະຫຼຸບ ເລກທີ 57- KL/TW ຂອງກົມການເມືອງ.
ຄຽງຂ້າງນັ້ນ, ບັນດາຜູ້ແທນຍັງໄດ້ຮັບຟັງຫົວຂໍ້ກ່ຽວກັບທັດສະນະ, ແນວທາງ, ນະໂຍບາຍຂອງພັກ ແລະ ລັດ ຫວຽດນາມ ກ່ຽວກັບບັນຫາສິດທິມະນຸດ; ໝາກຜົນຂອງການຮັບປະກັນສິດທິມະນຸດຢູ່ ຫວຽດນາມ; ພຶດຕິກຳຂອງ ຫວຽດນາມ ຕໍ່ບັນຫາສິດທິມະນຸດຢູ່ບັນດາເວທີປາໄສຫຼາຍຝ່າຍ, ກຳນົດທິດໃຫ້ວຽກງານສິດທິມະນຸດໃນໄລຍະຈະມາເຖິງ, ເນັ້ນໜັກຈຸດສຸມວຽກງານຂໍ້ມູນຂ່າວສານການຕ່າງປະເທດກ່ຽວກັບສິດທິມະນຸດ.
 | ການສົນທະນາກ່ຽວກັບກົນໄກການທົບທວນຕາມການກຳນົດເວລາ ຂອງສະຫະປະຊາຊາດກ່ຽວກັບສິດທິມະນຸດ ຍສໝ - ໃນວັນທີ 21 ມີນານີ້, ຢູ່ກົມການຕ່າງປະເທດ, ກະຊວງຕຳຫຼວດ ໄດ້ຈັດການສົນທະນາປຶກສາຫາລື ກ່ຽວກັບກົນໄກການທົບທວນທົ່ວໂລກກ່ຽວກັບສິດທິມະນຸດ (UPR). ການສົນທະນາ ມີການເຂົ້າຮ່ວມຂອງຜູ້ແທນ 80 ກວ່າຫົວໜ່ວຍ, ທ້ອງຖິ່ນໃນກະຊວງຕຳຫຼວດ, ໂດຍທ່ານພົນຈັດຕະວາ ຫງວຽນວັນກີ, ຮອງຫົວໜ້າກົມການຕ່າງປະເທດເປັນປະທານ. |
 | ຄວາມພະຍາຍາມທີ່ຈະພາລູກເຮືອໃນກຳປັ່ນຖືກບຸກໂຈມຕີ ຢູ່ທະເລແດງກັບຄືນປະເທດໄວທີ່ສຸດເທົ່າທີ່ຈະໄວໄດ້ ຍສໝ - ສະຖານທູດ ຫວຽດນາມ ປະຈຳ ອີຢິບ ໃຫ້ຮູ້ວ່າ: ພວມສົມທົບກັນຢ່າງຕັ້ງໜ້າກັບບັນດາພາກສ່ວນທີ່ກ່ຽວຂ້ອງ ເພື່ອສຳເລັດບັນດາຂັ້ນຕອນທີ່ຈຳເປັນໂດຍໄວ ແລະ ນຳຄະນະກຳມະກອນລູກເຮືອຫວຽດນາມ ທີ່ພັກເຊົາຢູ່ Djibouti ໄດ້ກັບຄືນປະເທດ. |
ມິງດຶກ
