| ຄວາມພະຍາຍາມທີ່ຈະພາລູກເຮືອໃນກຳປັ່ນຖືກບຸກໂຈມຕີ ຢູ່ທະເລແດງກັບຄືນປະເທດໄວທີ່ສຸດເທົ່າທີ່ຈະໄວໄດ້ | |
| ຂີດໝາຍຂອງ ຫວຽດນາມ ໃນປີທຳອິດທີ່ຮັບດຳລົງຖານະເປັນສະມາຊິກສະພາສິດທິມະນຸດ ສະຫະປະຊາຊາດ |
ກ່າວຄຳເຫັນທີ່ພິທີເປີດ ແລະ ສະເໜີບົດລາຍງານແຫ່ງຊາດຂອງຫວຽດນາມ, ທ່ານຮອງລັດຖະມົນຕີ ໂດຮູ່ງຫວຽດ ໄດ້ສະແດງຄວາມພາກພູມໃຈຂອງຄະນະຜູ້ແທນຫວຽດນາມ ໃນການເຈລະຈາກັບບັນດາປະເທດໃນໂອກາດສະເຫຼີມສະຫຼອງ 70 ປີແຫ່ງວັນໄຊຊະນະ ດ້ຽນບຽນຝູ ຢູ່ສຳນັກງານໃຫຍ່ສະຫະປະຊາຊາດ ແລະ ໄດ້ລົງນາມໃນສັນຍາເຈນີວາປີ 1954, ບັນດາເຫດການປະຫວັດສາດສຳຄັນໃນພາລະກິດປົດປ່ອຍຊາດ, ການຕໍ່ສູ້ຕ້ານລັດທິລ່າເມືອງຂຶ້ນຂອງປະຊາຊົນຫວຽດນາມ ແລະ ຫຼາຍເຫດການອື່ນໃນໂລກ. ຄະນະຜູ້ແທນຫວຽດນາມ ໄດ້ສະແດງຄວາມຂອບອົກຂອບໃຈຕໍ່ບັນດານັກຮົບວິລະຊົນທີ່ເສຍສະຫຼະຊີວິດເພື່ອຊາດ ເພື່ອນຳປະເທດຊາດມາຮອດປະຈຸບັນ.
 |
| ທ່ານຮອງລັດຖະມົນຕີກະຊວງການຕ່າງປະເທດ ໂດຮູ່ງຫວຽດ ນໍາໜ້າໄດ້ເຂົ້າຮ່ວມກອງປະຊຸມ |
ທ່ານຮອງລັດຖະມົນຕີຢືນຢັນນະໂຍບາຍສະເໝີຕົ້ນສະເໝີປາຍຂອງຫວຽດນາມໃນການປົກປັກຮັກສາ ແລະ ຊຸກຍູ້ສິດທິມະນຸດ. ດ້ວຍນະໂຍບາຍຖືປະຊາຊົນເປັນໃຈກາງ, ເປົ້າໝາຍ ແລະ ກຳລັງແຮງຂອງຂະບວນການປະດິດສ້າງ ແລະ ພັດທະນາປະເທດຊາດ, ຫວຽດນາມ ໄດ້ກາຍເປັນປະເທດໜຶ່ງທີ່ມີເສດຖະກິດເຕີບໂຕໄວໃນໂລກ, ເຊື່ອມໂຍງເຂົ້າກັບສາກົນຢ່າງເລິກເຊິ່ງ .
ຕົວຊີ້ວັດການພັດທະນາມະນຸດຂອງຫວຽດນາມ (HDI) ແລະ ຄວາມສະເໝີພາບລະຫວ່າງຍິງ-ຊາຍ (GEI) ຂອງບັນດາອົງການສະຫະປະຊາຊາດ ພວມໄດ້ຮັບການປັບປຸງຢ່າງຕໍ່ເນື່ອງ. ລັດຖະບານໄດ້ມີຫຼາຍນະໂຍບາຍ ແລະ ມາດຕະການປົກປັກຮັກສາສຸຂະພາບຂອງປະຊາຊົນ, ພັດທະນາເສດຖະກິດ - ສັງຄົມ ພາຍຫຼັງໂລກລະບາດໂຄວິດ-19, ຕັ້ງໜ້າຊຸກຍູ້ການຫັນເປັນເສດຖະກິດສີຂຽວ, ເສດຖະກິດດີຈີຕອນ ແລະ ປະຕິບັດຄຳໝັ້ນສັນຍາຂອງຫວຽດນາມ ໃນສົນທິສັນຍາສາກົນກ່ຽວກັບສິດທິມະນຸດ.
ກອງປະຊຸມກວດກາ UPR ກ່ຽວກັບຫວຽດນາມ ໄດ້ຮັບຄວາມເອົາໃຈໃສ່ສູງຈາກບັນດາປະເທດທີ່ມີ 130 ກວ່າປະເທດເຂົ້າຮ່ວມການສົນທະນາ ແລະ ເວົ້າສະເພາະໃນບັນຍາກາດເປີດເຜີຍ, ກົງໄປກົງມາ ແລະ ມີລັກສະນະແທດຈິງ. ຫຼາຍປະເທດສະແດງຄວາມຊົມເຊີຍຫວຽດນາມ ເນື່ອງໃນໂອກາດສະເຫຼີມສະຫຼອງ 70 ປີແຫ່ງວັນໄຊຊະນະ ດ້ຽນບຽນຝູ. ບັນດາປະເທດໄດ້ຮັບຮູ້ບັນດານະໂຍບາຍ, ຄວາມມານະພະຍາຍາມ ແລະ ໝາກຜົນຂອງຫວຽດນາມ ໃນການຮັບປະກັນສິດທິມະນຸດ, ແລະ ຄວາມຈິງທີ່ວ່າ ຫວຽດນາມ ຍາມໃດກໍ່ປະຕິບັດບັນດາຂໍ້ສະເໜີແນະ UPR ໄດ້ຮັບການອະນຸມັດຢ່າງຕັ້ງໜ້າ. ຫຼາຍປະເທດຊົມເຊີຍບັນດາຜົນສຳເລັດຂອງຫວຽດນາມ ໃນການພັດທະນາເສດຖະກິດ, ຮັບປະກັນຄວາມຍຸຕິທຳທາງສັງຄົມ, ສົ່ງເສີມການສຶກສາເພື່ອຍົກສູງສະຕິສິດທິມະນຸດ, ຊຸກຍູ້ສິດຂອງແມ່ຍິງ, ສິດຂອງກຸ່ມຄົນຮັກຮ່ວມເພດ, ເພດຊາຍ, ຊົນເຜົ່າສ່ວນໜ້ອຍ.
ຄະນະຜູ້ແທນຫວຽດນາມ ຢືນຢັນບັນດາບຸລິມະສິດຂອງຫວຽດນາມ ໃນການຊຸກຍູ້ ແລະ ປົກປັກຮັກສາສິດທິມະນຸດໃນໄລຍະຈະມາເຖິງ, ໃນນັ້ນມີການກໍ່ສ້າງລັດທິສັງຄົມນິຍົມ, ປະຕິຮູບດ້ານບໍລິຫານ, ຊຸກຍູ້ການເຈລະຈາ ແລະ ການຮ່ວມມືດ້ານສິດທິມະນຸດ, ເພີ່ມທະວີການສຶກສາສິດທິມະນຸດ...
ທີ່ກອງປະຊຸມ, ຫວຽດນາມໄດ້ຮັບຂໍ້ສະເໜີແນະປະມານ 300 ສະບັບ ດ້ວຍເນື້ອໃນທີ່ຫຼາກຫຼາຍ, ກວມເອົາທຸກຂົງເຂດສິດທິມະນຸດ. ພາຍຫຼັງກອງປະຊຸມປຶກສາຫາລື, ວັນທີ 10 ພຶດສະພາ, ຄະນະປະຕິບັດງານກ່ຽວກັບ UPR ຂອງສະພາສິດທິມະນຸດຈະປະຊຸມເພື່ອພິຈາລະນາ, ຮັບຮອງເອົາບົດລາຍງານກ່ຽວກັບໝາກຜົນການກວດກາ UPR ສຳລັບຫວຽດນາມ, ສະເໜີຕໍ່ຫວຽດນາມ.
ສະພາສິດທິມະນຸດຂອງອົງການສະຫະປະຊາຊາດໄດ້ຮັບຮອງເອົາຢ່າງເປັນທາງການໃນກອງປະຊຸມສະໄໝສາມັນເທື່ອທີ 57 (ເດືອນກັນຍາຫາຕຸລາ 2024).
ຄຳຮຸ່ງ
