ປະກອບສ່ວນໃຫ້ແກ່ປະຊາຄົມສາກົນ ເພື່ອຍົກສູງຖານະທີ່ຕັ້ງຂອງຫວຽດນາມ

	ທຶນຊ່ວຍເຫຼືອຂອງ ຫວຽດນາມ ປະກອບສ່ວນສຳຄັນເຂົ້າໃນການພັດທະນາຂອງ ລາວ
	ປະກອບສ່ວນເພີ່ມພູນຄູນສ້າງການພົວພັນມິດຕະພາບ, ຄວາມສາມັກຄີແບບພິເສດຫວຽດນາມ - ລາວ

ໃນຊຸມປີຜ່ານມາ, ຫວຽດນາມ ໄດ້ມີການປະກອບສ່ວນຫຼາຍຢ່າງເຂົ້າໃນວຽກງານລວມຂອງບັນດາອົງການຈັດຕັ້ງພາກພື້ນ ແລະສາກົນ, ປະກອບສ່ວນແກ້ໄຂບັນດາບັນຫາ ແລະສິ່ງທ້າທາຍທີ່ມີລັກສະນະທົ່ວໂລກຢ່າງມີປະສິດທິຜົນ. ຜ່ານການເຄື່ອນໄຫວນີ້ບໍ່ພຽງແຕ່ພິສູດໃຫ້ເຫັນຄວາມສາມາດ, ຄວາມຮັບຜິດຊອບຂອງຫວຽດນາມ ຕໍ່ກັບຄວາມມານະພະຍາຍາມ ເພື່ອສັນຕິພາບ, ສະຖຽນລະພາບ ແລະວັດທະນາຖາວອນໃນທົ່ວໂລກເທົ່ານັ້ນ ຫາກຍັງຢັ້ງຢືນບົດບາດ, ທີ່ຕັ້ງ ແລະອິດທິພົນຊື່ສຽງສາກົນຂອງປະເທດນັບມື້ນັບໄດ້ຮັບການຍົກສູງຂຶ້ນ.

ຈາກບັນດາແນວຄິດ, ປະດິດຄິດສ້າງ...

ບັນດາການປະກອບສ່ວນຂອງຫວຽດນາມ ກ່ອນອື່ນໝົດໄດ້ສະແດງໃຫ້ເຫັນຜ່ານການເຂົ້າຮ່ວມຢ່າງຕັ້ງໜ້າ, ມີຄວາມຮັບຜິດຊອບໃນການຊອກຫາມາດຕະການໃຫ້ແກ່ບັນດາບັນຫາເຊິ່ງ ສປຊ - ອົງການຈັດຕັ້ງຫຼາຍຝ່າຍໃຫຍ່ທີ່ສຸດຂອງໂລກ-ກໍ່ຄືບັນດາອົງການພາກພື້ນ ແລະສາກົນທີ່ມີຄວາມເອົາໃຈໃສ່.

ມາຮອດປະຈຸບັນ, ຫວຽດນາມ ໄດ້ສໍາເລັດຕຳແໜ່ງກໍາມະການບໍຖາວອນສະພາຄວາມໝັ້ນຄົງ ສປຊ ສອງຄັ້ງ, ຜ່ານນັ້ນສະແດງໃຫ້ເຫັນຄວາມຮັບຜິດຊອບສູງ, ປະກອບສ່ວນໂດຍກົງເຂົ້າໃນຄວາມມານະພະຍາຍາມຮັກສາສັນຕິພາບ, ຄວາມໝັ້ນຄົງສາກົນ ແລະພາກພຶ້ນ. ຂີດໝາຍເຊິ່ງຫວຽດນາມ ປະໄວ້ໃຫ້ໃນອາຍຸການທໍາອິດ (2008-2009) ຮັບດໍາລົງຕໍາແໜ່ງນີ້ແມ່ນປະກອບສ່ວນເຂົ້າບັນດາຂໍ້ຕົກລົງໃນຫຼາຍບັນຫາທີ່ກ່ຽວຂ້ອງເຖິງການປະທະກັນຢູ່ພາກພື້ນ, ເກີດການປະທະກັນຄືນໃໝ່, ຕ້ານການກໍ່ການຮ້າຍ, ຍົກສູງລັກສະນະປອດໃສຂອງສະພາຄວາມໝັ້ນຄົງ ສປຊ; ຊຸກຍູ້ການຮ່ວມມືລະຫວ່າງ ສປຊ ກັບບັນດາອົງການຈັດຕັ້ງພາກພື້ນ, ໂດຍສະເພາະແມ່ນໃນການເພີ່ມທະວີຄວາມໄວ້ເນື້ອເຊື່ອໃຈ ແລະການເຈລະຈາ, ສະກັດກັ້ນ ແລະແກ້ໄຂການປະທະກັນ, ແກ້ໄຂບັນດາສິ່ງທ້າທາຍລວມທົ່ວໂລກ.

ຫວຽດນາມ ຕັ້ງໜ້າເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ. ພາບ: vietnamplus.vn

ໃນອາຍຸການ 2020-2021, ຫວຽດນາມ ສືບຕໍ່ປະຕິບັດບົດບາດຄະນະກໍາມະການບໍ່ຖາວອນສະພາຄວາມໝັ້ນຄົງ ສປຊ ສຳເລັດຢ່າງດີເລີດຜ່ານການຊຸກຍູ້ບັນຍາກາດຄວາມເຫັນດີເຫັນພ້ອມການເຈລະຈາ, ການຮ່ວມມືເພື່ອຜົນປະໂຫຍດລວມຂອງປະຊາຄົມສາກົນ; ສະເໜີຫຼາຍຂໍ້ລິເລິ່ມ, ປະກອບສ່ວນແທດຈິງເຂົ້າໃນວຽກງານຂອງສະພາຄວາມໝັ້ນຄົງ. ພົ້ນເດັ່ນແມ່ນໃນບົດບາດປະທານສະພາຄວາມໝັ້ນຄົງ ເດືອນ ມັງກອນ 2020, ຫວຽດນາມ ໄດ້ຊຸກຍູ້ສະພາຄວາມໝັ້ນຄົງຜ່ານຖະແຫຼງການປະທານທໍາອິດຂອງສະພາຄວາມໝັ້ນຄົງກ່ຽວກັບການເຄົາລົບກົດບັດ ສປຊ, ປະກອບສ່ວນເຊີດຊູຄຸນຄ່າ ແລະບັນດາຫຼັກການ, ມາດຕະຖານການປະພຶດໃນກົດບັດ ສປຊ ແລະກົດໝາຍສາກົນ. ຕໍ່ຈາກນັ້ນ, ເມື່ອດໍາລົງຕໍາແໜ່ງປະທານສະພາຄວາມໝັ້ນຄົງໃນເດືອນ 4-2021 ຫວຽດນາມໄດ້ຊຸກຍູ້ຜ່ານຖະແຫຼງການປະທານສະພາຄວາມໝັ້ນຄົງ ໂດຍໄດ້ເນັ້ນໜັກເຖິງຄວາມຮຽກຮ້ອງຕ້ອງການເພີ່ມທະວີການຮ່ວມມືສາກົນ ເພື່ອຮ່ວມແຮງຮ່ວມໃຈແກ້ໄຂຜົນຮ້າຍຢ້ອນຫຼັງຈາກໝາກມິ່ນ, ລະເບີດຫຼັງສົງຄາມຕໍ່ກັບຄວາມປອດໄພ ແລະການທໍາມາຫາກິນຂອງປະຊາຊົນ, ປະຊາຄົມ.

ຢູ່ພາກພື້ນ, ໃນຕະຫຼອດໄລຍະທາງຮ່ວມເດີນທາງກັບອາຊຽນ, ຫວຽດນາມ ໄດ້ມີການປະກອບສ່ວນແທດຈິງຫຼາຍຢ່າງໃຫ້ແກ່ການຮ່ວມມືພາຍໃນກຸ່ມກໍ່ຄືລະຫວ່າງອາຊຽນ ກັບບັນດາຄູ່ຮ່ວມມື. ພິເສດ, ໃນສອງເທື່ອທີ່ດໍາລົງຕໍາແໜ່ງປະທານອາຊຽນ ເມື່ອປີ 2010 ແລະ 2020, ຫວຽດນາມ ໄດ້ສະແດງໃຫ້ເຫັນບົດບາດນໍາພາໃນການເຊີດຊູຈິດໃຈສາມັກຄີ, ເຫັນດີເປັນເອກະພາບພາຍໃນກຸ່ມ; ເພີ່ມທະວີການຮ່ວມມື, ສະໜິດຕິດພັນ, ໜູນຊ່ວຍ ແລະສະໜັບສະໜູນເຊິ່ງກັນ ແລະກັນລະຫວ່າງບັນດາປະເທດສະມາຊິກ ອາຊຽນ; ຊຸກຍູ້ການແກ້ໄຂບັນດາສິ່ງທ້າທາຍຄວາມໝັ້ນຄົງຢູ່ພາກພື້ນ. ເມື່ອໄດ້ດໍາລົງຕໍາແໜ່ງເປັນເຈົ້າພາບຈັດເວທີປາໄສຮ່ວມມືເສດຖະກິດອາຊີ-ປາຊີຟິກ (APEC) ເມື່ອປີ 2017, ຫວຽດນາມແມ່ນໜຶ່ງໃນບັນດາປະເທດເປັນເຈົ້າການສະເໜີ ແລະເຂົ້າຮ່ວມການຜັນຂະຫຍາຍຫຼາຍຂໍ້ລິເລິ່ມທີ່ກ່ຽວຂ້ອງເຖິງບັນດາຂົງເຂດທີ່ຕ່າງກັນ ຄື, ການຄ້າ, ການລົງທຶນ, ການແພດ...

...ຈົນເຖິງການກະທໍາລະອຽດ

ຄຽງຂ້າງກັບການຕັ້ງໜ້າສະເໜີບັນດາແນວຄິດ, ຂໍ້ລິເລິ່ມ, ຫວຽດນາມ ຍັງຜັນຂະຫຍາຍບັນດາການເຄື່ອນໄຫວຢ່າງລະອຽດ ເພື່ອໜູນຊ່ວຍປະຊາຄົມສາກົນ ແລະບັນດາປະເທດເພື່ອນມິດ, ຄູ່ຮ່ວມມືແກ້ໄຂບັນດາບັນຫາທີ່ເກີດຂຶ້ນ.

ໜຶ່ງໃນບັນດາຕົວຢ່າງພົ້ນເດັ່ນທີ່ສຸດເພື່ອເປັນພະຍານຫຼັກຖານໃຫ້ແກ່ການປະກອບສ່ວນຂອງຫວຽດນາມ ເຂົ້າໃນການແກ້ໄຂບັນດາບັນຫາທົ່ວໂລກ, ນັ້ນແມ່ນແຕ່ປີ 2014 ເປັນຕົ້ນມາ, ຫວຽດນາມ ໄດ້ຈັດສົ່ງນາຍທະຫານເຂົ້າຮ່ວມການເຄື່ອນໄຫວຮັກສາສັນຕິພາບ ສປຊ ຢູ່ ຊູດັງໃຕ້ ແລະສາທາລະນະລັດ ອະຟຣິກາກາງ. ພາຍຫຼັງຜັນຂະຫຍາຍມາໄດ້ 10 ປີ, ມາຮອດປະຈຸບັນ, ຫວຽດນາມ ໄດ້ຈັດສ່ົງນາຍທະຫານ, ຕໍາຫຼວດ ກວ່າ 900 ເທື່ອຄົນພ້ອມກັບບັນດາໂຮງໝໍສະໜາມຂັ້ນ 2 ແລະກອງຊ່າງແສງເຂົ້າຮ່ວມບັນດາຄະນະປະຕິບັດງານຮັກສາສັນຕິພາບ ສປຊ ຢູ່ຊູດັງໃຕ້, ສາທາລະນະລັດອະຟຣິກາກາງ, ເຂດ Abyei. ບັນດາພະນັກງານ, ນາຍທະຫານຂອງຫວຽດນາມ ຍາມໃດກໍ່ປະຕິບັດໜ້າທີ່ທີ່ໄດ້ຮັບມອບໝາຍເປັນຢ່າງດີ, ສະແດງໃຫ້ເຫັນຄຸຸນນະພາບ, ຄວາມສາມາດດ້ານວິຊາການຢູ່ບໍລິເວນປະຕິບັດງານ ແລະການນໍາ, ບັນດາອົງການທີ່ ກ່ຽວຂ້ອງ ສປຊ ໄດ້ຍ້ອງຍໍ ແລະຕີລາຄາສູງຫຼາຍເທື່ອແລ້ວ. ສິ່ງເຫຼົ່ານີ້ໄດ້ປະກອບສ່ວນແຜ່ຂະຫຍາຍຮູບພາບອັນດີງາມກ່ຽວກັບປະເທດ, ປະຊາຊົນ ແລະກອງທັບປະຊາຊົນຫວຽດນາມ.

ເມື່ອຕວກກີ ຮັບຜົນສະທ້ອນຈາກແຜ່ນດິນໄຫວດ້ວຍຂະໜາດໃຫຍ່ ແລະລະດັບມ້າງທໍາລາຍຢ່າງໜັກໜ່ວງເມື່ອເດືອນ ກຸມພາ 2023, ຫວຽດນາມ ແມ່ນໜຶ່ງໃນບັນດາປະເທດທໍາອິດທີ່ຈັດສົ່ງກໍາລັງຊອກຫາກູ້ໄພ-ກູ້ຊີບໄປຊ່ວຍປະເທດເພື່ອນ. ໃນເງື່ອນໄຂປະສົບກັບຄວາມຫຍຸ້ງຍາກໃນຫຼາຍດ້ານ, ພິເສດແມ່ນດິນຟ້າອາດກາດທີ່ຮ້າຍແຮງ, ບັນດາພະນັກງານ, ນາຍທະຫານຂອງກອງທັບປະຊາຊົນຫວຽດນາມ ໄດ້ສົມທົບກັບກໍາລັງຂອງປະເທດເພື່ອນກໍານົດຫຼາຍຈຸດ, ຫຼາຍທີ່ຕັ້ງທີ່ມີຄົນໄດ້ຮັບອຸບັດຕິເຫດ, ມອບໃຫ້ອໍານາດການປົກຄອງ ແລະກໍາລັງທີ່ກ່ຽວຂ້ອງຕວກກີ ແກ້ໄຂຢ່າງທັນການ, ຜ່ານນັ້ນ ປະຕິບັດໜ້າທີ່ທີ່ໄດ້ຮັບມອບໝາຍຢ່າງດີເລີດ. ໜ້າໃສ່ໃຈວ່າ, ນີ້ກໍ່ແມ່ນຄັ້ງທໍາອິດທີ່ກອງທັບປະຊາຊົນຫວຽດນາມ ໄດ້ຈັດສົ່ງກໍາລັງໄປປະຕິບັດໜ້າທີ່ໂດຍກົງໃນການໜູນຊ່ວຍມະນຸດສະທໍາ ແລະກູ້ຊ່ວຍໄພພິບັດຢູ່ຕ່າງປະເທດ. ຝ່າຍຕວກກີ ໄດ້ເນັ້ນໜັກການກະທຳອັນສູງສົ່ງນີ້ວ່າ ໄດ້ສະແດງອອກໃຫ້ເຫັນຢ່າງຈະແຈ້ງກ່ຽວກັບຄໍາໝັ້ນສັນຍາຂອງຫວຽດນາມ ໃນການປະຕິບັດພາລະກໍາມະນຸດສະທໍາທົ່ວໂລກ.

ໃນເວລາໂລກລະບາດໂຄວິດ-19 ແຜ່ລະບາດໃນທ່ົວໂລກ, ບໍ່ພຽງແຕ່ຕັ້ງໜ້າເຂົ້າຮ່ວມແບ່ງປັນບົດຮຽນປ້ອງກັນ, ຕ້ານພະຍາດກັບປະຊາຄົມສາກົນ, ຫວຽດນາມ ຍັງຜັນຂະຫຍາຍບັນດາການເຄື່ອນໄຫວຊ່ວຍເຫຼືອລ້າກ່ຽວກັບວັດຖຸ, ອຸປະກອນການແພດໃຫ້ປະຊາຄົມສາກົນຕ້ານພະຍາດຂອງບັນດາປະເທດອື່ນຢູ່ພາກພື້ນກໍ່ຄືໃນໂລກ; ປະກອບສ່ວນດ້ານການເງິນໃຫ້ກອງທຶນຮັບມືຮັບພະຍາດໂຄວິດ-19 ຂອງ ສປຊ ແລະກົນໄກ COVAX; ພ້ອມທັງຈັດສົ່ງນັກຊ່ຽວຊານການແພດໄປຊ່ວຍເຫຼືອບາງປະເທດອາຊຽນ ຕ້ານພະຍາດ.

ສະພາບການພາກພື້ນ ແລະສາກົນພວມມີການຫັນປ່ຽນຫຼາຍຢ່າງແຕ່ດ້ວຍບັນດາໝາກຜົນທີ່ບັນລຸໄດ້ ແລະດ້ວຍແນວທາງການທູດເປີດກວ້າງ, ຫັນການພົວພັນສາກົນເປັນຫຼາຍຝ່າຍ, ຫຼາຍຮູບຫຼາຍແບບ, ຫວຽດນາມຕັ້ງຄວາມຫວັງໄວ້ວ່າຈະສືບຕໍ່ປະກອບສ່ວນຫຼາຍກວ່າອີກໃຫ້ບັນດາເປົ້າໝາຍທີ່ກ່ຽວຂ້ອງເຖິງສັນຕິພາບ, ການຮ່ວມມື ແລະພັດທະນາຢູ່ພາກພື້ນກໍ່ຄືໃນໂລກ.

ຫວຽດນາມ ປະກອບສ່ວນຢ່າງແທດຈິງເຂົ້າໃນບັນດາກົນໄກຮ່ວມມືຫຼາຍຝ່າຍໃນພາກພື້ນ ຍສໝ - ເນື່ອງໃນໂອກາດທ່ານນາຍົກລັດຖະມົນຕີ ຟ້າມມິງຈິ໊ງ ແລະຄະນະຜູ້ແທນຂັ້ນສູງຫວຽດນາມ ສິ້ນສຸດການປະຕິບັດງານເຂົ້າຮ່ວມກອງປະຊຸມສຸດຍອດການຮ່ວມມືອະນຸພາກພື້ນແມ່ນ້ຳຂອງ ເປີດກວ້າງ (GMS) ຄັ້ງທີ 8, ກອງປະຊຸມສຸດຍອດຍຸດທະສາດການຮ່ວມມືເສດຖະກິດ Ayeyawady -Chao Phraya-ແມ່ນ້ຳຂອງ (ACMECS) ຄັ້ງທີ 10, ກອງປະຊຸມສຸດຍອດການຮ່ວມມືກຳປູເຈຍ-ລາວ-ມຽນມາ-ຫວຽດນາມ (CLMV) ຄັ້ງທີ 11 ແລະ ການຢ້ຽມຢາມຈີນ ແຕ່ວັນທີ 5 ...

ທ່ານນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳ ຫວຽດນາມ: ບໍ່ມີໄຊຊະນະໃດທີ່ບໍ່ມີການເສຍສະຫຼະ ແລະການປະກອບສ່ວນຂອງທະຫານອາສາສະໝັກຫວຽດນາມ ຍສໝ - ປະຫວັດສາດຂອງການພົວພັນສາກົນມີການພົວພັນຮ່ວມມື, ເປັນພັນທະມິດ, ສະໜັບສະໜູນເຊິ່ງກັນ ແລະກັນ ເພື່ອຄວາມຄົງຕົວ ແລະຂະຫຍາຍຕົວຂອງປະເທດຕົນໃນດ້ານຕ່າງໆເປັນຕົ້ນດ້ານການເມືອງ, ຄວາມໝັ້ນຄົງເສດຖະກິດ, ການຄ້າ, ການລົງທຶນ ແລະວັດທະນະທຳສັງຄົມ, ແຕ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານ ລາວ-ຫວຽດນາມ ແມ່ນສາຍພົວພັນແບບພິເສດມີໜຶ່ງບໍ່ມີສອງຢູ່ໃນໂລກ ຊຶ່ງເປັນກົດເກນແຫ່ງການເພີ່ມທະວີການພົວພັນຮ່ວມມືສອງຝ່າຍເຂົ້າສູ່ລວງເລິກ ແລະລວງກວ້າງ.