 | ບັນດາປະເທດ ແລະ ອົງການ ຕ່າງໆ ເພີ່ມທຶນຊ່ວຍເຫຼືອໃຫ້ລາວເພື່ອຮັບມືໄວຣັສ COVID-19 |
| ແຂ່ງຂັນກ໊ອຟການກຸສົນ ລະດົມທຶນຊ່ວຍເຫຼືອຜູ້ປະສົບໄພນ້ຳຖ້ວມ |
4 ໂຄງການໄດ້ມອບຮັບໃນປີ 2024
ນັບແຕ່ໄດ້ດຳເນີນການເຄື່ອນໄຫວໃນເດືອນມັງກອນ 2024 ເປັນຕົ້ນມາ, ສະຖານີວິທະຍຸ ແລະ ໂທລະພາບ ແຂວງໄຊສົມບູນ ໄດ້ ແລະ ພວມປະກອບສ່ວນອັນສຳຄັນເຂົ້າໃນການພັດທະນາເສດຖະກິດ-ສັງຄົມຂອງແຂວງ ໄຊສົມບູນ (ລາວ) ຢ່າງວອງໄວ. ໂຄງການຊ່ວຍເຫຼືອລ້າຈາກ ຫວຽດນາມ ໄດ້ສ້າງບາດກ້າວກະໂດດຂັ້ນ ແລະ ຍືນຍົງໃນວຽກງານສື່ສານ ຂອງ ແຂວງ ໄຊສົມບູນ (ລາວ), ປະກອບສ່ວນນຳແນວທາງຂອງພັກ, ນະໂຍບາຍກົດໝາຍຂອງລັດ ລາວ ໄປສູ່ປະຊາຊົນ; ຕອບສະໜອງຄວາມຕ້ອງການດ້ານການຮັບຂໍ້ມູນຂ່າວສານ, ການບັນເທິງ, ຍົກສູງຊີວິດທາງດ້ານວັດທະນະທຳ, ຈິດໃຈຂອງປະຊາຊົນໃນແຂວງ.
ໂດຍໄດ້ຮູ້ວ່າ, ໂຄງການວິທະຍຸກະຈາຍສຽງ ແລະ ໂທລະພາບ ແຂວງໄຊສົມບູນ ໄດ້ຜັນຂະຫຍາຍປະຕິບັດແຕ່ປີ 2019 ຮອດປີ 2023 ດ້ວຍຍອດຈຳນວນທຶນລົງທຶນກວ່າ 118 ຕື້ດົ່ງ, ໃນນັ້ນ ທຶນຊ່ວຍເຫຼືອລ້າຈາກລັດຖະບານ ຫວຽດນາມ ໃຫ້ແກ່ລັດຖະບານ ລາວ ແມ່ນ 115 ຕື້ດົ່ງ, ທຶນສົມທົບຂອງລັດຖະບານ ລາວ ແມ່ນກວ່າ 3,8 ຕື້ດົ່ງ.
ໂຄງການຕັ້ງຢູ່ບ້ານ ພູຫົວຊ້າງ, ເມືອງ ອານຸວົງ ໃນເນື້ອທີ່ 5.587 ຕາແມັດ, ລວມມີ ກິດຈະການຫຼາຍລາຍການເຊັ່ນ: ສຳນັກງານເຮັດວຽກ, ເຮືອນພັກໃຫ້ແກ່ພະນັກງານ, ຫໍໂທລະພາບສູງ 75 ແມັດ ພ້ອມກັບກິດຈະການຊ່ວຍເຫຼືອຫຼາຍແຫ່ງອື່ນໆອີກ.
 |
| ພິທີເປີດຕົວສະຖານີວິທະຍຸ ແລະ ໂທລະພາບ ແຂວງ ໄຊສົມບູນ. ພາບ: ຫາຍເຊີນ |
ທ່ານ ພອຍຄຳ ຮຸ່ງບຸນເຍືອງ, ເລຂາພັກ, ເຈົ້າແຂວງ ໄຊສົມບູນ ກ່າວວ່າ ໂຄງການສະຖານີວິທະຍຸ ແລະ ໂທລະພາບ ແຂວງ ໄຊສົມບູນ ໄດ້ກາຍເປັນ ກຳລັງຜັກດັນອັນໃຫຍ່ຫຼວງໃຫ້ແກ່ສະມາຊິກພັກ, ພະນັກງານ, ທະຫານ, ຕຳຫຼວດ ແລະ ປະຊາຊົນທົ່ວແຂວງ ສືບຕໍ່ປະຕິບັດໜ້າທີ່ການເມືອງຂອງຕົນໃນລະດັບສູງກວ່າ. ນອກຈາກນັ້ນ, ໂຄງການກໍ່ໄດ້ສ້າງຄວາມປະທັບໃຈຕໍ່ກັບທັດສະນີຍະພາບ ແລະ ສະຖາປັດຕະຍະກຳທັງໝົດຂອງແຂວງ.
ໂຄງການວິທະຍຸ ແລະ ໂທລະພາບ ແຂວງ ໄຊສົມບູນ ແມ່ນໜຶ່ງກິດຈະການໂດຍ ຫວຽດນາມ ມອບໃຫ້ ລາວ ແລະ ໄດ້ນຳເຂົ້າເຄື່ອນໄຫວໃນປີ 2024.
ຕາມຂໍ້ມູນຂອງຄະນະກຳມະການຮ່ວມມື ລາວ - ຫວຽດນາມ, ໃນໄລຍະ 2021-2025, ລັດຖະບານ ຫວຽດນາມ ເປັນເອກະພາບກັນຊ່ວຍເຫຼືອໃຫ້ ລາວ 3.600 ຕື້ດົ່ງ. ໃນນັ້ນ ປີ 2021 ໄດ້ປ່ອຍເງິນ 719,3 ຕື້ດົ່ງ, ປີ 2022 ແມ່ນ 733,66 ຕື້ດົ່ງ, ປີ 2023 ຈຳນວນ 751,29 ຕື້ດົ່ງ ແລະ ປີ 2024 ຈຳນວນ 719,23 ຕື້ດົ່ງ ເພື່ອຈັດຕັ້ງປະຕິບັດແຜນການຮ່ວມມື ແລະ ບັນດາກິດຈະການ, ໂຄງການ.
ທ່ານ ເພັດ ພົມພິພັກ ລັດຖະມົນຕີ ກະຊວງແຜນການ ແລະ ການລົງທຶນ ລາວ ກ່າວວ່າ ບັນດາໂຄງການຊ່ວຍເຫຼືອທີ່ສໍາເລັດນັບແຕ່ປີ 2021 ມາຮອດປັດຈຸບັນແມ່ນ ກິດຈະການ/ໂຄງການ 18 ແຫ່ງ, ໃນນັ້ນ ພົ້ນເດັ່ນແມ່ນໂຄງການກໍ່ສ້າງຫໍສະພາແຫ່ງຊາດຫຼັງໃໝ່; ໂຮງຮຽນມັດທະຍົມວິຊາຊີບຕົວແບບ ມິດຕະພາບ ລາວ - ຫວຽດນາມ ຢູ່ເມືອງ ໜອງບົກ ແຂວງ ຄຳມ່ວນ; ໂຄງການສິທະຍາຄານການເມືອງຕຳຫຼວດປະຊາຊົນ...
ແຫຼ່ງທຶນຊ່ວຍເຫຼືອ 719,23 ຕື້ດົ່ງຂອງຫວຽດນາມ ໃຫ້ແກ່ ລາວ ໃນປີ 2024 ແມ່ນສຳລັບໃຫ້ບັນດາກິດຈະການ, ໂຄງການ ແລະ ທຶນບຳລຸງສ້າງພະນັກງານ, ນັກສຶກສາລາວ. ຈຳນວນທຶນຊ່ວຍເຫຼືອດັ່ງກ່າວໄດ້ປະກອບສ່ວນສຳຄັນເຂົ້າໃນການພັດທະນາເສດຖະກິດ-ສັງຄົມຂອງ ລາວ.
ໃນ 7 ເດືອນຕົ້ນປີ 2024, ບັນດາໂຄງການຊ່ວຍເຫຼືອຂອງຫວຽດນາມ ໄດ້ສຳເລັດ, ມອບຮັບ ແລະ ນຳເຂົ້າໃຊ້ງານແມ່ນ 4 ໂຄງການ, ລວມມີ ໂຄງການລົງທຶນປ່ຽນອຸປະກອນວິທະຍຸແຫ່ງຊາດລາວ; ໂຄງການກໍ່ສ້າງສະຖານີວິທະຍຸ ແລະ ໂທລະພາບ ແຂວງ ໄຊສົມບູນ; ໂຄງການກໍ່ສ້າງໂຮງຮຽນມັດທະຍົມຕອນຕົ້ນ + ມັດທະຍົມຕອນປາຍ ເມືອງ ຫົວເມືອງ ແຂວງ ຫົວພັນ ແລະ ໂຄງການກໍ່ສ້າງລະບົບຊົນລະປະທານ 4 ແຫ່ງ ຢູ່ເມືອງ ອານຸວົງ ແລະ ເມືອງ ທ່າໂທມ ຂອງ ແຂວງ ໄຊສົມບູນ.
 |
| ການນຳສອງແຂວງ ຮວ່າບິງ ແລະ ຫົວພັນ ໄດ້ຖ່າຍຮູບທີ່ລະນຶກທີ່ສັນຍາລັກນ້ຳໃຈມິດຕະພາບ ຫວຽດນາມ - ລາວ ຢູ່ກິດຈະການໂຮງຮຽນມັດທະຍົມ ເມືອງ ຫົວເມືອງ. ພາບ: ບຸ່ຍມິງ |
ວິທີການແກ້ໄຂຫນູນຊ່ວຍປະເທດ ລາວ ຕື່ມອີກ
ໂດຍຕີລາຄາສູງປະສິດທິຜົນຈາກບັນດາໂຄງການທີ່ຫວຽດນາມ ໜູນຊ່ວຍ ລາວ, ທ່ານ ວຽງສະຫວັນ ວິໄລພອນ, ຮອງປະທານຜູ້ປະຈຳຄະນະກຳມະການຮ່ວມມື ລາວ - ຫວຽດນາມ ໃຫ້ຮູ້ວ່າ ບັນດາໂຄງການລ້ວນແຕ່ຮັບປະກັນຄຸນນະພາບ, ຖືກຕາມການອອກແບບ, ໄດ້ຮັບການເສີມຂະຫຍາຍສູງສຸດ, ປະກອບສ່ວນຍົກສູງຊີວິດການເປັນຢູ່ຂອງປະຊາຊົນທ້ອງຖິ່ນ, ຫລຸດຜ່ອນຄວາມອຶດຫິວທຸກຍາກເທື່ອລະກ້າວ, ພ້ອມກັນນັ້ນ ກໍ່ປັບປຸງສະພາບແວດລ້ອມນິເວດໃນເຂດຕາມທິດທີ່ຕັ້ງໜ້າ.
ຕາມທ່ານ ວຽງສະຫວັນ ວິໄລພອນ ແລ້ວ: “ໃນໄລຍະຈະມາເຖິງ, 2 ປະເທດຕ້ອງສຸມໃສ່ເພີ່ມທະວີການຮ່ວມມືກ່ຽວກັບຊ່ຽວຊານກະສິກຳ, ປ່າໄມ້, ການປະມົງ ແລະ ພັດທະນາຊົນນະບົດລະຫວ່າງບັນດາທ້ອງຖິ່ນເຂດຊາຍແດນຂອງສອງປະເທດ”.
ກ່ອນນັ້ນ, ໃນການພົບປະກັບທ່ານລັດຖະມົນຕີກະຊວງແຜນການ ແລະ ການລົງທຶນ ລາວ ແລະ ປະທານຄະນະກຳມະການຮ່ວມມື ລາວ - ຫວຽດນາມ ໃນເດືອນ ສິງຫາ 2024, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ເນັ້ນໜັກວ່າ ຫວຽດນາມ ຍາມໃດກໍ່ເອົາໃຈໃສ່ ແລະ ຕິດຕາມບັນດາການຜັນແປກ່ຽວກັບສະພາບການພັດທະນາເສດຖະກິດ - ສັງຄົມຂອງ ລາວ ເພື່ອສືບຕໍ່ຊອກຫາບັນດາວິທີແກ້ໄຂໜູນຊ່ວຍປະເທດລາວທີ່ມີປະສິດທິຜົນ ແລະ ແທດຈິງ.
ທ່ານນາຍົກລັດຖະມົນຕີ ຫວຽດນາມ ໄດ້ສະເໜີໃຫ້ທ່ານລັດຖະມົນຕີ ເພັດ ພົມພິພັກ ເປັນເສນາທິການໃຫ້ລັດຖະບານລາວ ປະກາດໃຊ້ບັນດານະໂຍບາຍເສດຖະກິດທີ່ເໝາະສົມ ເພື່ອເຮັດໃຫ້ເສດຖະກິດມະຫາພາກມີຄວາມສະຖຽນລະພາບ ແລະ ເພີ່ມກຳລັງຜັກການເຕີບໂຕໃໝ່; ກວດກາ ແລະ ປະກາດໃຊ້ບັນດາກົນໄກນະໂຍບາຍໃໝ່ເພື່ອແກ້ໄຂບັນດາຄວາມຫຍຸ້ງຍາກທີ່ກ່ຽວຂ້ອງການປະຕິຮູບດ້ານລະບອບລະບຽບການ, ແຫຼ່ງຊັບພະຍາກອນມະນຸດ, ການລົງທຶນຍົກລະດັບໂຄງລ່າງເຊື່ອມຕໍ່...
ພ້ອມກັນນັ້ນ, ຕ້ອງໄດ້ກວດກາ ແລະ ຍົກສູງບົດບາດປະສານງານຂອງຄະນະກຳມະການຮ່ວມມື ລາວ-ຫວຽດນາມ ໃນການເປັນເສນາທິການບັນດາກົນໄກ ແລະ ນະໂຍບາຍລວມ, ສະເໜີວິທີແກ້ໄຂຄວາມຫຍຸ້ງຍາກ ແລະ ຂໍ້ຄົງຄ້າງໃນການຮ່ວມມືລະຫວ່າງສອງຝ່າຍ.
ທ່ານລັດຖະມົນຕີ ເພັດ ພົມພິພັກ ໃຫ້ຮູ້ວ່າ: ຄະນະກຳມະການຮ່ວມມື ລາວ-ຫວຽດນາມ ຈະສືບຕໍ່ສົມທົບກັນຢ່າງແໜ້ນແຟ້ນກັບຝ່າຍຫວຽດນາມ ເພື່ອຜັນຂະຫຍາຍບັນດາຂໍ້ຕົກລົງຂັ້ນສູງ, ກົມການເມືອງ ແລະ ລັດຖະບານ 2 ປະເທດ ເພື່ອໃຫ້ສາຍພົວພັນສາມັກຄີແບບພິເສດ ລາວ - ຫວຽດນາມ ນັບມື້ນັບເລິກເຊິ່ງ, ແທ້ຈິງ ແລະ ມີປະສິດທິພາບຫຼາຍຂຶ້ນ.
ພິເສດ, 2 ຝ່າຍສືບຕໍ່ເພີ່ມທະວີການຮ່ວມມືດ້ານການເມືອງ, ການທູດ; ເພີ່ມທະວີບັນດາເສົາຄ້ຳແຫ່ງການຮ່ວມມືລະຫວ່າງສອງປະເທດໃນຂົງເຂດປ້ອງກັນປະເທດຊາດ, ປ້ອງກັນຄວາມສະຫງົບ; ສົມທົບກັນຢ່າງແໜ້ນແຟ້ນເພື່ອຮັບປະກັນສະຖຽນລະພາບທາງດ້ານການເມືອງ, ຄວາມສະຫງົບ, ຄວາມເປັນລະບຽບຮຽບຮ້ອຍ ແລະ ຄວາມປອດໄພສັງຄົມຢູ່ແຕ່ລະປະເທດ, ໂດຍສະເພາະແມ່ນການຮັບປະກັນຄວາມສະຫງົບຢູ່ເສັ້ນຊາຍແດນ; ຊຸກຍູ້ການຮ່ວມມື ແລະ ການເຊື່ອມຕໍ່ເສດຖະກິດ; ຍົກສູງປະສິດທິຜົນບັນດາຂົງເຂດຮ່ວມມື...
 | ແກ້ໄຂຂໍ້ຄົງຄ້າງດ້ານນະໂຍບາຍ, ມຸ່ງໄປເຖິງການພັດທະນາເສດຖະກິດ - ສັງຄົມ, ຮັບປະກັນຊີວິດການເປັນຢູ່ຂອງປະຊາຊົນ ຍສໝ - ຕອນເຊົ້າວັນທີ 21 ຕຸລາ ຢູ່ຮ່າໂນ້ຍ, ກ່າວຄຳປາໄສທີ່ໄຂກອງປະຊຸມສະໄໝສາມັນ ເທື່ອທີ 8, ສະພາແຫ່ງຊາດ ຊຸດທີ 15, ທ່ານປະທານສະພາແຫ່ງຊາດ ຫວຽດນາມ ເຈີ່ນແທັງເໝີນ ຢືນຢັນວ່າ ກອງປະຊຸມຄັ້ງນີ້ມີຄວາມໝາຍສຳຄັນ, ສະພາແຫ່ງຊາດຈະປຶກສາຫາລື ແລະ ຕັດສິນຫຼາຍບັນຫາເພື່ອແກ້ໄຂຄວາມຫຍຸ້ງຍາກ, ຂໍ້ຄົງຄ້າງກ່ຽວກັບລະບອບລະບຽບການ, ນະໂຍບາຍ... ຢ່າງທັນການ. |
 | ບັນດານະໂຍບາຍໃຫມ່ຂອງກາຊັກສະຖານ ມຸ່ງໄປເຖິງການພັດທະນາແບບຍືນຍົງ ຍສໝ - ວັນທີ 15 ຕຸລາ, ສະຖານທູດກາຊັກສະຖານ ປະຈຳ ຫວຽດນາມ ໄດ້ຈັດຕັ້ງກອງປະຊຸມຖະແຫຼງຂ່າວ ກ່ຽວກັບສານປະຈຳປີ 2024 ຂອງປະທານາທິບໍດີ ກາຊັກສະຖານ Kassym-Jomart Tokaev. ກ່າວຄຳປາໄສທີ່ກອງປະຊຸມ, ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມ ກາຊັກສະຖານ ປະຈຳ ຫວຽດນາມ Kanat Tumysh ເນັ້ນໜັກວ່າ ກາຊັກສະຖານ ຈະແມ່ນປະຕູເພື່ອຊ່ວຍ ... |
ແທັງຮັ່ງ
