| ສະມາຄົມມິດຕະພາບ ຫວຽດນາມ-ລາວ ຊົມເຊີຍວັນຊາດ ລາວ ຄົບຮອບ 49 ປີ | |
| ນະຄອນ ໂຮ່ຈີມິນ ສະເຫຼີມສະຫຼອງວັນຊາດ ຣູມານີ ຄົບຮອບ 106 ປີ |
ໂດຍເປັນເພື່ອນມິດສະຫາຍອ້າຍນ້ອງສະໜິດສະໜົມທີ່ມີອຸດົມການອັນດຽວກັນ, ມື້ນີ້ວັນທີ 2 ທັນວາ, ພັກ, ລັດ ແລະ ປະຊາຊົນຫວຽດນາມ ສະແດງຄວາມປິຕິຊົມຊື່ນພ້ອມກັບພັກ, ລັດ ແລະປະຊາຊົນລາວ ເພື່ອສະເຫຼີມສະຫຼອງວັນຊາດ ສາທາລະນະລັດ ປະຊາທິປະໄຕ ປະຊາຊົນລາວ ຄົບຮອບ 49 ປີ (2-12-1975 / 2-12-2024).
ຫວນຄືນໄລຍະປະຫວັດສາດ 49 ປີກ່ອນນີ້, ວັນທີ 2 ທັນວາ ປີ 1975, ກອງປະຊຸມໃຫຍ່ຜູ້ແທນປະຊາຊົນທົ່ວປະເທດລາວ ໄດ້ອອກມະຕິຄັ້ງປະຫວັດສາດວ່າດ້ວຍການສ້າງຕັ້ງ ສາທາລະນະລັດ ປະຊາທິປະໄຕ ປະຊາຊົນລາວ. ການກຳເນີດຂອງ ສາທາລະນະລັດ ປະຊາທິປະໄຕ ປະຊາຊົນລາວ ເປັນຂີດໝາຍແຫ່ງການຕໍ່ສູ້ປົດປ່ອຍຊາດ ຂອງປະຊາຊົນລາວບັນດາເຜົ່າ ໂດຍພາຍໃຕ້ການນຳພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ, ຍາດໄດ້ໄຊຊະນະອັນສະຫງ່າລາສີ, ສ້າງໜ້າປະຫວັດສາດທີ່ສະຫງ່າງາມ, ຮຸ່ງເຮືອງເຫຼືອງເຫຼື້ອມທີ່ສຸດຂອງປະຊາ ຊົນລາວບັນດາເຜົ່າ, ນຳພາປະເທດລາວກ້າວເຂົ້າສູ່ຍຸກແຫ່ງການພັດທະນາໃໝ່ສົດໃສທີ່ສຸດ. ນີ້ບໍ່ພຽງແຕ່ແມ່ນໄຊຊະນະອັນໃຫຍ່ຫຼວງຂອງປະຊາຊົນລາວອ້າຍນ້ອງເທົ່ານັ້ນ, ຫາກຍັງແມ່ນໄຊຊະນະອັນໃຫຍ່ຫຼວງຂອງສາຍພົວພັນແບບພິເສດ, ການຮ່ວມສໍາພັນສາມັກຄີສູ້ຮົບ ທີ່ສັດຊື່ບໍລິສຸດ, ສະໜິດສະໜົມລະຫວ່າງສອງຊາດພວກເຮົາ.
 |
| ທຸງຊາດຂອງຫວຽດນາມ ແລະລາວ. ພາບ: quochoi.vn |
ພາຍໃຕ້ການນຳພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ, ພວກເຮົາມີຄວາມປິຕິຊົມຊື່ນເມື່ອເຫັນວ່າ ໃນຕະຫຼອດໄລຍະເກືອບເຄິ່ງສະຕະວັດທີ່ຜ່ານມາ, ເປັນຕົ້ນແມ່ນນັບແຕ່ເມື່ອດໍາເນີນກິດຈະການປ່ຽນແປງໃໝ່ໃນປີ 1986, ປະຊາຊົນລາວອ້າຍນ້ອງໄດ້ເສີມຂະຫຍາຍມູນເຊື້ອວິລະຊົນ, ຜ່ານຜ່າທຸກຄວາມຫຍຸ້ງຍາກ, ສິ່ງທ້າທາຍ, ບັນລຸໄດ້ຜົນງານທີ່ເປັນໜ້າພາກພູມໃຈຫຼາຍຢ່າງໃນການປົກປັກຮັກສາ ແລະ ພັດທະນາປະເທດຊາດ ດ້ວຍເອກະລາດ, ອະທິປະໄຕ, ຜືນແຜ່ນດິນອັນຄົບຖ້ວນ ໄດ້ຮັບການຮັກສາໄວ້; ການເມືອງ-ສັງຄົມ ເປັນປົກກະຕິ; ຊີວິດການເປັນຢູ່ທາງດ້ານວັດຖຸ ແລະ ຈິດໃຈຂອງປະຊາຊົນໄດ້ຮັບການປັບປຸງຢ່າງບໍ່ຢຸດຢັ້ງ; ບົດບາດ ແລະທີ່ຕັ້ງຂອງປະເທດນັບມື້ນັບໄດ້ຮັບການຍົກສູງຂຶ້ນໃນເວທີພາກພື້ນ ແລະສາກົນ. ບັນດາຜົນງານອັນໃຫຍ່ຫຼວງ ແລະ ຮອບດ້ານສ້າງໂສມໜ້າໃໝ່ໃຫ້ແກ່ປະເທດຊາດ ເຊິິ່ງພັກ, ລັດ ແລະປະຊາຊົນລາວຍາດມາໄດ້ ແມ່ນແຫຼ່ງກຳລັງໜູນ, ແຫຼ່ງລະດົມກໍາລັງໃຈ ອັນໃຫຍ່ຫຼວງໃຫ້ແກ່ພັກ, ລັດ ແລະປະຊາຊົນຫວຽດນາມ ໃນກິດຈະການປ່ຽນແປງໃໝ່, ກໍ່ສ້າງ ແລະປົກປັກຮັກສາປະເທດຊາດ.
ຊົມເຊີຍບັນດາຜົນງານທີ່ມີຄວາມໝາຍປະຫວັດສາດ ທີ່ປະເທດລາວ ບັນລຸໄດ້ໃນໄລຍະ 49 ປີຜ່ານມາ, ພັກ, ລັດ ແລະປະຊາຊົນຫວຽດນາມ ຍາມໃດກໍ່ສະໜັບສະໜູນກິດຈະການປ່ຽນແປງໃໝ່ຂອງລາວຢ່າງແຂງແຮງ ແລະຮອບດ້ານ; ເຊື່ອໝັ້ນວ່າ, ໂດຍສືບຕໍ່ມູນເຊື້ອຂອງລຸ້ນກ່ອນ ແລະ ເສີມຂະຫຍາຍຜົນງານທີ່ບັນລຸໄດ້, ພາຍໃຕ້ການນຳພາອັນສະຫຼາດສ່ອງໃສຂອງພັກປະຊາຊົນປະຕິວັດລາວ, ປະຊາຊົນລາວອ້າຍນ້ອງ ຈະສືບຕໍ່ຍາດໄດ້ຜົນງານໃໝ່ ແລະໃຫຍ່ຫຼວງກວ່າອີກ, ສ້າງສາປະເທດລາວ ສັນຕິພາບ, ເອກະລາດ, ປະຊາທິປະໄຕ, ສາມັກຄີ, ສະເໝີພາບ, ສີວິໄລ, ຮັ່ງມີເຂັ້ມແຂງຕາມເປົ້າໝາຍສັງຄົມນິຍົມໃຫ້ປະສົບຜົນສໍາເລັດ.
ໄປຄຽງຄູ່ກັບຜົນງານທີ່ສອງພັກ, ສອງລັດ ແລະປະຊາຊົນສອງປະເທດບັນລຸໄດ້ໃນໄລຍະມໍ່ໆມານີ້, ພວກເຮົາມີຄວາມເອກອ້າງທະນົງໃຈທີ່ສຸດຕໍ່ສາຍພົວພັນສາມັກຄີແບບພິເສດຫວຽດນາມ - ລາວ ໂດຍປະທານ ໂຮ່ຈີມິນ, ປະທານ ໄກສອນ ພົມວິຫານ, ປະທານ ສຸພານຸວົງ ເປັນຜູ້ສ້າງຕັ້ງຂຶ້ນ, ໄດ້ຮັບການເພີ່ມພູນຄູນສ້າງດ້ວຍເຫື່ອແຮງ, ຄຸນງາມຄວາມດີ ແລະເລືອດເນື້ອຂອງຫຼາຍລຸ້ນຄົນ, ໄດ້ທົດສອບຜ່ານຄວາມຫຍຸ້ງຍາກລຳບາກ, ສິ່ງທ້າທາຍເພື່ອເອກະລາດ, ເສລີພາບ ແລະ ຄວາມຜາສຸກຂອງປະຊາຊົນສອງຊາດ, ນັບມື້ນັບໄດ້ຮັບການປັບປຸງ ແລະ ພັດທະນາເຂົ້າສູ່ລວງເລິກ, ແທດຈິງ ແລະມີປະສິດທິຜົນໃນທຸກຂົງເຂດ, ປະກອບສ່ວນຢ່າງຕັ້ງໜ້າເຂົ້າໃນກິດຈະການປ່ຽນແປງໃໝ່, ສ້າງສາ ແລະປົກປັກຮັກສາປະເທດຊາດ ຢູ່ແຕ່ລະປະເທດ.
ພັກ, ລັດ ແລະປະຊາຊົນຫວຽດນາມ ຍາມໃດກໍ່ມີຄວາມເອກອ້າງທະນົງໃຈ ທີ່ມີເພື່ອນມິດສະຫາຍທີ່ສັດຊື່, ສະໜິດສະໜົມ; ຍາມໃດກໍເຄົາລົບນັບຖື ແລະ ໃຫ້ບຸລິມະສິດສູງສຸດແກ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ ແລະການຮ່ວມມືຮອບດ້ານລະຫວ່າງສອງປະເທດ. ອວຍພອນໃຫ້ສາຍພົວພັນສາມັກຄີ, ຄວາມສະໜິດຕິດພັນແບບພິເສດລະຫວ່າງຫວຽດນາມ - ລາວ ຂຽວສົດງົດງາມ, ໝັ້ນຄົງຂະໜົງແກ່ນໄປຊົ່ວກາລະນານ, ເກີດດອກອອກຜົນຢ່າງບໍ່ຢຸດຢັ້ງ, ເພື່ອຜົນປະໂຫຍດຂອງປະຊາຊົນສອງປະເທດ, ເພື່ອສັນຕິພາບ, ສະຖຽນລະພາບ, ການຮ່ວມມື, ການພັດທະນາ ແລະວັດທະນາຖາວອນຢູ່ພາກພື້ນ ແລະໃນໂລກ.
 | ນາຍົກລັດຖະມົນຕີ ຟ້າມມິງຈິ້ງ ແລະພັນລະຍາ ໄປຢ້ຽມຢາມ ແລະເຮັດວຽກຢູ່ ບຣາຊິນ ແລະ ສາທາລະນະລັດ Dominica ຍສໝ - ທ່ານນາຍົກລັດຖະມົນຕີ ຟ້າມມິງຈິ້ງ ແລະ ພັນລະຍາ ພ້ອມກັບຄະນະຜູ້ແທນສຸດຍອດ ຫວຽດນາມ ເຂົ້າຮ່ວມກອງປະຊຸມຂັ້ນສູງ G20 ຢູ່ ບຣາຊິນ ແລະ ໄປຢ້ຽມຢາມ ສາທາລະນະລັດ Dominican ຢ່າງເປັນທາງການ. |
 | ໂທລະເລກ ແລະຈົດໝາຍອວຍພອນ 79 ປີແຫ່ງວັນຊາດ ສາທາລະນະລັດ ສັງຄົມນິຍົມຫວຽດນາມ ຍສໝ - ເນື່ອງໃນໂອກາດສະເຫຼີມສະຫຼອງວັນຊາດແຫ່ງ ສສ. ຫວຽດນາມ ຄົບຮອບ 79 ປີ (02/09/1945 – 02/09/2024), ການນຳບັນດາປະເທດ ສປປ.ລາວ, ສປ. ຈີນ, ລາຊະອານາຈັກ ກຳປູເຈຍ, ສ. ກູບາ, ສະຫະພັນ ລັດເຊຍ, ສ.ອິນເດຍ, ສປປ. ເກົາຫຼີ, ມົງໂກນ ... |
ແສງເດືອນ
