| ກໍ່ສ້າງເຂດທະເລແຫ່ງສັນຕິພາບ, ສະຖຽນລະພາບ, ມິດຕະພາບ, ການຮ່ວມມື ແລະພັດທະນາ | |
| ສ້າງເສັ້ນຊາຍແດນສັນຕິພາບ, ມິດຕະພາບ, ສະຖຽນລະພາບ, ພ້ອມກັນພັດທະນາ |
ໃນຊຸມປີຜ່ານມາ, ທະຫານຊາຍແດນແຂວງເຊີນລາ ໄດ້ປະຕິບັດວຽກງານພົວພັນຕ່າງປະເທດເຂດຊາຍແດນເປັນຢ່າງດີ, ເພີ່ມທະວີສາຍພົວພັນມິດຕະພາບ, ຄວາມສາມັກຄີກັບກຳລັງທີ່ກ່ຽວຂ້ອງຂອງລາວ, ປະກອບສ່ວນກໍ່ສ້າງເສັ້ນຊາຍແດນສັນຕິພາບ, ສະຖຽນລະພາບ ແລະພັດທະນາ.
ຕາມການຕີລາຄາຂອງທະຫານຊາຍແດນແຂວງເຊີນລາ ແລ້ວ, ການເຄື່ອນໄຫວອົບພະຍົບ, ການເຂົ້າ-ອອກເມືອງຢ່າງຜິດກົດໝາຍ, ການຊື້-ຂາຍ, ການຂົນສົ່ງຢາເສບຕິດຂ້າມຊາຍແດນມີທ່າອ່ຽງເພີ່ມຂຶ້ນ, ດ້ວຍເປົ້າໝາຍອາດຊະຍາກໍານໍາໃຊ້ອຸບາຍແນບນຽນ, ການກະທຳໂສສຸດ. ໃນປີ 2024, ທະຫານຊາຍແດນແຂວງເຊີນລາ ໄດ້ສົມທົບກັບກຳລັງທີ່ກ່ຽວຂ້ອງຈັບຕົວໄດ້ 77 ຄະດີ ແລະ 104 ເປົ້າໝາຍທີ່ກ່ຽວຂ້ອງເຖິງການເຄື່ອນໄຫວຂົນສົ່ງ, ຄ້າຂາຍຢາເສບຕິດ; ຍຶດສານທີ່ຖືກເກືອດຫ້າມໄດ້ຈໍານວນຫຼວງຫຼາຍ, ລວມມີ: ເຮໂຣອີນ 11 ແທ່ງ, ເກືອບ 40 ກຣາມ, ເງິນລາວ 100 ລ້ານກີບ...
 |
| ກອງບັນຊາການທະຫານຊາຍແດນແຂວງ ເຊີນລາ ລາດຕະເວນຮ່ວມກັບກໍາລັງທະຫານຊາຍແດນລາວ ຢູ່ງານພົບປະແລກປ່ຽນມິດຕະພາບປ້ອງກັນຊາດເຂດຊາຍແດນ ຫວຽດນາມ - ລາວ. ພາບ: ຮວ່ຽນຈາງ |
ທ່ານພັນເອກພິເສດ ຫງວຽນດີ່ງຮວນ ຫົວໜ້າກອງບັນຊາການທະຫານຊາຍແດນແຂວງເຊີນລາ ໃຫ້ຮູ້ວ່າ ທະຫານຊາຍແດນແຂວງເຊີນລາ ໄດ້ຊຸກຍູ້ການພົວພັນຕ່າງປະເທດຢ່າງແຮງ, ສົມທົບກັນຢ່າງແໜ້ນແຟ້ນກັບບັນດາກໍາລັງປະກອບອາວຸດແຂວງຫົວພັນ ແລະແຂວງຫຼວງພະບາງ. ໃນປີຜ່ານມາ, ການເຄື່ອນໄຫວແລກປ່ຽນຄະນະຜູ້ແທນ, ຈັດຕັ້ງການພົບປະເຈລະຈາລະຫວ່າງສອງຝ່າຍໄດ້ດຳເນີນເປັນປະຈຳ. ພົ້ນເດັ່ນແມ່ນ, ການພົບປະເຈລະຈາລະຫວ່າງກອງບັນຊາການທະຫານຊາຍແດນແຂວງເຊີນລາ ແລະກອງບັນຊາການທະຫານແຂວງຫົວພັນ ໃນເດືອນມິຖຸນາ ປີ 2024, ສອງຝ່າຍໄດ້ເຫັນດີເປັນເອກະພາບບັນດາເນື້ອໃນສຳຄັນກ່ຽວກັບການຮ່ວມມືປົກປັກຮັກສາຊາຍແດນ ແລະສະກັດກັ້ນອາດຊະຍາກຳ. ສອງຝ່າຍໄດ້ໂຄສະນາ, ຂົນຂວາຍປະຊາຊົນປະຕິບັດແນວທາງ, ແຜນນະໂຍບາຍ... ຂອງສອງລັດ ແລະສົມທົບກັນ, ຊ່ວຍເຫຼືອກຳລັງສອງຝ່າຍໃນການປົກປັກຮັກສາອະທິປະໄຕ, ຄວາມໝັ້ນຄົງຢູ່ຊາຍແດນ. ທະຫານຊາຍແດນແຂວງເຊີນລາ ກໍ່ໄດ້ຈັດຕັ້ງຫຼາຍຄະນະໄປຢ້ຽມຢາມຖາມຂ່າວ, ອວຍພອນວັນບຸນທີ່ສຳຄັນຂອງປະເທດເພື່ອນ, ຄື: ພິທີສະເຫຼີມສະຫຼອງ 75 ປີແຫ່ງວັນສ້າງຕັ້ງກອງທັບປະຊາຊົນລາວ.
ວຽກງານສົມທົບກັນລາດຕະເວນປົກປັກຮັກສາຊາຍແດນແມ່ນໜຶ່ງໃນບັນດາໜ້າທີ່ຈຸດສຸມເຊິ່ງບັນດາກົມກອງສອງຝ່າຍໄດ້ເອົາໃຈໃສ່ປະຕິບັດ. ໃນປີ 2024, ທະຫານຊາຍແດນແຂວງເຊີນລາ ໄດ້ສົມທົບກັບກຳລັງປະກອບອາວຸດລາວ ຈັດຕັ້ງການລາດຕະເວນຮ່ວມ 30 ຄັ້ງ ດ້ວຍການເຂົ້າຮ່ວມຂອງພະນັກງານ, ນັກຮົບສອງຝ່າຍ 578 ຄົນ, ຄົ້ນພົບ, ສະກັດກັ້ນການລະເມີດກົດລະບຽບຊາຍແດນຢ່າງທັນການ ກໍ່ຄືຮັດແໜ້ນວຽກງານຄວບຄຸມການເຂົ້າ-ອອກເມືອງຢູ່ດ່ານຊາຍແດນ ແລະດ່ານປະເພນີຢູ່ເຂດຊາຍແດນ.
ໃນປີ, ກໍາລັງທີ່ກ່ຽວຂ້ອງໄດ້ເຮັດລະບຽບການເຂົ້າ-ອອກເມືອງໃຫ້ປະຊາຊົນເກືອບ 49.000 ຄົນ ແລະພາຫະນະເກືອບ 20.000 ເທື່ອ. ຮັບປະກັນໃຫ້ຄົນ ແລະສິນຄ້າຈະລາຈອນໄປມາຜ່ານຊາຍແດນຖືກຕ້ອງຕາມຂໍ້ກຳນົດ, ຊ່ວຍຫຼຸດຜ່ອນຄວາມສ່ຽງທີ່ກ່ຽວຂ້ອງເຖິງຄວາມໝັ້ນຄົງຢູ່ເຂດຊາຍແດນ ແລະສ້າງເງື່ອນໄຂສະດວກໃຫ້ການເຄື່ອນໄຫວແລກປ່ຽນການຄ້າລະຫວ່າງສອງປະເທດ.
ໃນວຽກງານການພົວພັນຕ່າງປະເທດ, ປີ 2024, ທະຫານຊາຍແດນແຂວງເຊີນລາ ໄດ້ຊ່ວຍເຫຼືອແຂວງຫົວພັນ ເຂົ້າສານ 2,8 ໂຕນ ແລະວັດຖຸອຸປະກອນກໍ່ສ້າງຫຼາຍຢ່າງດ້ວຍຍອດມູນຄ່າ 80 ລ້ານດົ່ງ. ນອກຈາກນັ້ນ, ບັນດາກົມກອງ ຂຶ້ນກັບທະຫາຍຊາຍແດນແຂວງເຊີນລາ ກໍ່ເຂົ້າຮ່ວມການເຄື່ອນໄຫວອາສາສະໝັກອື່ນອີກຫຼາຍຢ່າງ, ຄື: ໜູນຊ່ວຍເຄື່ອງໃຊ້ທີ່ຈຳເປັນ, ກໍ່ສ້າງພື້ນຖານໂຄງລ່າງ ແລະຈັດຕັ້ງຊຸດຝຶກອົບຮົມວຽກງານຄຸ້ມຄອງ, ປົກປັກຮັກສາຊາຍແດນໃຫ້ກຳລັງປະກອບອາວຸດລາວ.
ລາຍການ “ຊ່ວຍນ້ອງໄປໂຮງຮຽນ” ແມ່ນຈຸດພົ້ນເດັ່ນໃນການເຄື່ອນໄຫວພົວພັນຕ່າງປະເທດຂອງທະຫານຊາຍແດນແຂວງເຊີນລາ. ລາຍການໜູນຊ່ວຍນັກຮຽນທີ່ປະສົບກັບຄວາມຫຍຸ້ງຍາກຢູ່ເຂດຊາຍແດນລາວ, ຊ່ວຍພວກນ້ອງມີໂອກາດເຂົ້າເຖິງການສຶກສາ ແລະພັດທະນາແບບຍືນຍົງໃນອານາຄົດ, ໄດ້ຮັບຄວາມເປັນໃຈຈາກທຸກຂັ້ນ, ຂະແໜງການ ແລະໄດ້ຮັບການສະໜັບສະໜູນຈາກຝ່າຍເພື່ອນລາວ.
ປະຕິບັດມະຕິຂອງພັກ ແລະກະຊວງປ້ອງກັນປະເທດຢ່າງເຂັ້ມງວດກ່ຽວກັບວຽກງານການພົວພັນຕ່າງປະເທດດ້ານປ້ອງກັນຊາດ, ຕັ້ງໜ້າສົມທົບກັບອົງການທີ່ກ່ຽວຂ້ອງຈັດຕັ້ງບັນດາການເຄື່ອນໄຫວທີ່ມີຄວາມໝາຍເພື່ອກໍ່ສ້າງເສັ້ນຊາຍແດນສັນຕິພາບ, ມິດຕະພາບ. ປີ 2025, ທະຫານຊາຍແດນແຂວງເຊີນລາ ຈະສືບຕໍ່ຊາບຊຶມມະຕິ 2662-NQ/QUTW ຂອງຄະນະພັກການທະຫານສູນກາງ ກ່ຽວກັບການເຊື່ອມໂຍງເຂົ້າກັບສາກົນ ແລະການພົວພັນຕ່າງປະເທດດ້ານປ້ອງກັນຊາດ ຮອດປີ 2030. ພ້ອມທັງເພີ່ມທະວີການພົວພັນຮ່ວມມືກັບແຂວງຫົວພັນ ແລະຫຼວງພະບາງ, ພິເສດແມ່ນໃນວຽກງານສະກັດກັ້ນ, ຕ້ານອາດຊະຍາກຳຂ້າມຊາດ, ໂຄສະນາສຶກສາອົບຮົມກົດໝາຍໃຫ້ປະຊາຊົນສອງຟາກຊາຍແດນ.
ເປັນເສນາທິການໃຫ້ຄະນະກຳມະການປະຊາຊົນແຂວງເຊີນລາ ກ່ຽວກັບການປັບປຸງລະບົບເສັ້ນທາງລາດຕະເວນຢູ່ບັນດາເຂດທີ່ສຳຄັນ, ສ້າງເງື່ອນໄຂສະດວກໃຫ້ວຽກງານລາດຕະເວນ ແລະປົກປັກຮັກສາຊາຍແດນ. ບັນດາລາຍການພົບປະແລກປ່ຽນມິດຕະພາບ, ການຝຶກອົບຮົມວຽກງານສະກັດກັ້ນ, ຕ້ານອາດຊະຍາກຳ ຈະສືບຕໍ່ໄດ້ຮັບການຜັນຂະຫຍາຍແນໃສ່ເພີ່ມທະວີການຮ່ວມມືດ້ານປ້ອງກັນຊາດລະຫວ່າງສອງປະເທດໃຫ້ມີປະສິດທິຜົນ.
ເສີມຂະຫຍາຍບົດບາດເປັນກໍາລັງຫຼັກແຫຼ່ງປົກປັກຮັກສາຊາຍແດນ, ທະຫານຊາຍແດນແຂວງເຊີນລາ ສືບຕໍ່ເພີ່ມທະວີວຽກງານພົວພັນຕ່າງປະເທດເຂດຊາຍແດນ, ປະກອບສ່ວນປັບປຸງການພົວພັນມິດຕະພາບ ແບບພິເສດ ຫວຽດນາມ-ລາວ.
 | ສົມທົບກັນກໍ່ສ້າງຊາຍແດນສັນຕິພາບ, ມິດຕະພາບ, ສະຖຽນລະພາບ, ການຮ່ວມມື ແລະ ພັດທະນາ ຍສໝ - ຕອນບ່າຍວັນທີ 28 ພຶດສະພາ, ຢູ່ແຂວງ ດ້ຽນບຽນ (ຫວຽດນາມ) ໄດ້ດຳເນີນກອງປະຊຸມລະຫວ່າງ ດ່ານຊາຍແດນ ຮ່ວຍຟຸກ (ກອງບັນຊາການທະຫານຊາຍແດນ ດ້ຽນບຽນ), ສະຖານີປ້ອງກັນຊາຍແດນ ເມືອງແລ່ວ (ກອງບັນຊາການທະຫານຊາຍແດນ ເຊີນລາ), ສາທາລະນະລັດ ສັງຄົມນິຍົມ ຫວຽດນາມ ກັບກອງບັນຊາການທະຫານຊາຍແດນ 161, ກອງບັນຊາການທະຫານແຂວງຫຼວງພະບາງ, ສາທາລະນະລັດ ປະຊາທິປະໄຕ ... |
 | ບຳລຸງສ້າງສຳມະນາກອນທະຫານລາວ ແລະກຳປູເຈຍ ປະກອບສ່ວນສ້າງຊາຍແດນແຫ່ງສັນຕິພາບ, ມິດຕະພາບ, ການຮ່ວມມື ແລະພັດທະນາ ຍສໝ - ວຽກງານບຳລຸງສ້າງຂອງວິທະຍາຄານຊາຍແດນ ໄດ້ປະກອບສ່ວນປະຕິບັດແນວທາງ, ນະໂຍບາຍພົວພັນຕ່າງປະເທດຂອງພັກ, ລັດ ແລະການທູດປ້ອງ ກັນຊາດ, ການທູດຊາຍແດນຢ່າງມີໄຊ, ພ້ອມທັງປະກອບສ່ວນສ້າງຊາຍແດນ ຫວຽດນາມ-ລາວ-ກຳປູເຈຍ ແຫ່ງສັນຕິພາບ, ມິດຕະພາບ, ການຮ່ວມມື ແລະພັດທະນາ. |
ແສງເດືອນ
