| ພໍ່ແມ່ຊາວຄຼິດຫວຽດນາມ ຕ້ອນຮັບວັນບຸນຄຼິດສະມາດດ້ວຍຄວາມສະຫງົບສຸກໃນໂລກລະລາດໂຄວິດ-19 | |
| ວັດເຟິດຕິກ ຢູ່ວຽງຈັນ (ລາວ) ຈັດຕັ້ງພິທີພາວະນາຂໍ້ໃຫ້ປະເທດ ແລະປະຊາຊົນມີຄວາມສະຫງົບສຸກ |
ງອກໂຮ່ຍ (ແຂວງກອນຕູມ) ແມ່ນເມືອງຊາຍແດນ, ມີເສັ້ນຊາຍແດນຕິດຈອດກັບສອງປະເທດລາວ ແລະກຳປູເຈຍ, ມີດ່ານສາກົນ ເບີອີ. ຢູ່ທີ່ນີ້, “ເມື່ອໄກ່ຂັນທັງສາມປະເທດຮ່ວມຟັງໄດ້ ”, ຫຼືວ່າ “ສາມແຍກອິນດູຈີນ”, ແມ່ນບໍລິເວນທີ່ມີຄວາມສັບສົນດ້ານຄວາມສະຫງົບ, ຄວາມເປັນລະບຽບຮຽບຮ້ອຍກໍ່ຄືອາດຊະຍາກຳຢາເສບຕິດ.
ສຳລັບບັນດາຕາແສງຕິດຈອດຊາຍແດນລາວ ແລະກຳປູເຈຍ, ສ່ວນຫຼາຍປະຊາຊົນດຳລົງຊີວິດຢູ່ເຂດຊາຍແດນແມ່ນຊາວເຜົ່າສ່ວນໜ້ອຍ, ມີສາຍພົວພັນຍາດຕິພີ່ນ້ອງທີ່ສະໜິດສະໜົມກັບປະຊາຊົນລາວ, ກຳປູເຈຍ ແລະໄປມາຜ່ານເຂດຊາຍແດນເພື່ອຊື້ຂາຍ, ແລກປ່ຽນສິນຄ້າ, ຢ້ຽມຢາມພີ່ນ້ອງ. ບັນດາເປົ້າໝາຍອາດຊະຍາກຳສວຍໃຊ້ການຂາດຄວາມຮູ້ດ້ານກົດໝາຍຂອງປະຊາຊົນ ເພື່ອແກ່ດຶງເຂົາເຈົ້າເຂົ້າຮ່ວມການຂົນສົ່ງຢາເສບຕິດ ແລະການກະທຳລະເມີດກົດໝາຍອື່ນໆ.
 |
| ເມືອງງອກໂຮ່ຍ ໄດ້ສະເໜີຕົວຮູບແບບ "ຕາແສງເບີອີ ປອດຢາເສບຕິດ". ພາບ: ຕຳຫຼວດນະຄອນດ່ານັ້ງ |
ດ້ວຍໜ້າທີ່ຈຸດສຸມແມ່ນຫັນປ່ຽນບັນດາບໍລິເວນຈຸດສຸມທີ່ມີຄວາມສັບສົນດ້ານຄວາມໝັ້ນຄົງ, ຄວາມເປັນລະບຽບຮຽບຮ້ອຍ ແລະຜັນຂະຫຍາຍການກໍ່ສ້າງຮູບແບບ “ຕາແສງ, ເທດສະບານເມືອງປອດຢາເສບຕິດ”, ໃນໄລຍະຜ່ານມາ, ຕໍາຫຼວດເມືອງ ງອກໂຮ່ຍ ໄດ້ເປັນເສນາທິການໃຫ້ຄະນະພັກເມືອງ, ຄະນະກຳມະການປະຊາຊົນເມືອງລະດົມກຳລັງແຮງສັງລວມຂອງທົ່ວລະບົບການເມືອງ, ອົງການຈັດຕັ້ງມະຫາຊົນ ແລະກຳລັງຫຼັກແຫຼ່ງແມ່ນຕຳຫຼວດແຕ່ຂັ້ນເມືອງລົງຮອດຂັ້ນຮາກຖານ, ເບື້ອງຕົ້ນບັນລຸໄດ້ບັນດາໝາກຜົນຕັ້ງໜ້າ.
ເພື່ອຫັນປ່ຽນບັນດາບໍລິເວນຈຸດສຸມທີ່ມີຄວາມສັບສົນດ້ານຄວາມໝັ້ນຄົງ, ຄວາມເປັນລະບຽບຮຽບຮ້ອຍກໍ່ຄືຜັນຂະຫຍາຍການສ້າງຮູບແບບ “ຕາແສງ, ເທດສະບານເມືອງປອດຢາເສບຕິດ” ໃຫ້ມີປະສິດທິຜົນ, ການນຳຕຳຫຼວດເມືອງໄດ້ເປັນເສນາທິການໃຫ້ຄະນະພັກເມືອງ, ຄະນະກຳມະການປະຊາຊົນເມືອງເພີ່ມທະວີການປັບປຸງລະບົບການເມືອງ ເພື່ອແນໃສ່ຍົກສູງບົດບາດຊີ້ນຳ, ນຳພາຂອງຄະນະພັກ; ການຄຸ້ມຄອງ, ບໍລິຫານຂອງອຳນາດການປົກຄອງ. ພາຍໃຕ້ການເປັນເສນາທິການຫຼັກແຫຼ່ງຂອງກຳລັງຕຳຫຼວດ, ບັນດາຄະນະ, ຂະແໜງການ, ອົງການຈັດຕັ້ງມະຫາຊົນຢູ່ຮາກຖານໄດ້ປະສານສົມທົບກັນ, ໜູນຊ່ວຍ ເພື່ອຍົກສູງປະສິດທິຜົນການເຄື່ອນໄຫວຂອງບັນດາຮູບແບບຂະບວນການທົ່ວປວງຊົນປ້ອງກັນຄວາມສະຫງົບແຫ່ງຊາດ.
ທ່ານພັນເອກ ເຢືອງວັນຄາຍ - ຫົວໜ້າກອງບັນຊາການຕໍາຫຼວດເມືອງ ງອກໂຮ່ຍ ໃຫ້ຮູ້ວ່າ: “ຕຳຫຼວດເມືອງໄດ້ຈັດສົ່ງ, ຜັດປ່ຽນ, ສັບຊ້ອນພະນັກງານ ເພື່ອຕອບສະໜອງຄວາມຮຽກຮ້ອງຕ້ອງການຂອງວຽກງານເວົ້າລວມ ແລະການປ້ອງກັນ, ຕ້ານອາດຊະຍາກຳເວົ້າສະເພາະ. ພ້ອມທັງ, ຊີ້ນຳຕຳຫຼວດບັນດາຕາແສງ, ເທດສະບານເມືອງສ້າງຕາແສງປອດຢາເສບຕິດຢູ່ໃນບໍລິເວນ. ປະຈຸບັນ, ມີ 5 ຕາແສງໄດ້ສ້າງຮູບແບບຕາແສງປອດຢາເສບຕິດ; ຂຶ້ນບັນຊີລາຍຊື່ບັນດາເປົ້າໝາຍຕິດຢາເສບຕິດກໍ່ຄືບ່ອນຊື້ຂາຍຢາເສບຕິດ ເພື່ອສຸມໃສ່ຕໍ່ສູ້. ຕຳຫຼວດເມືອງກໍ່ປະສານສົມທົບກັບຄ້າຍທະຫານຊາຍແດນໃນການເພີ່ມທະວີການລາດຕະເວນ, ຄວບຄຸມຊາຍແດນ, ສຸມໃສ່ເຂົ້າທາງນ້ອຍ, ດ່ານປະເພນີ ເພື່ອຈຳກັດການຂົນສົ່ງຢາເສບຕິດ ແລະພຶດຕິກຳລະເມີດກົດໝາຍອື່ນໆ”.
ທ່ານຮ້ອຍເອກພິເສດ ຫວໍຮຸຍເຈືອງ - ຮອງຫົວໜ້າກອງບັນຊາການຕໍາຫຼວດຕາແສງ ດັ໊ກຊູ (ເມືອງງອກໂຮ່ຍ) ແບ່ງປັນວ່າ: “ຕາແສງດັ໊ກຊູ ແມ່ນຕາແສງຊາຍແດນດ້ວຍ 11 ບ້ານ ເພື່ອຮັບປະກັນຄວາມໝັ້ນຄົງ, ຄວາມເປັນລະບຽບຮຽບຮ້ອຍ, ພວກຂ້າພະເຈົ້າໄດ້ມອບໜ້າທີ່ໃຫ້ໜຶ່ງສະຫາຍຮັບຜິດຊອບໜຶ່ງບ້ານ. ເມື່ອມີຄົນແປກໜ້າເຂົ້າບ້ານ, ກຳລັງປ້ອງກັນຄວາມສະຫງົບ, ຄວາມເປັນລະບຽບຮຽບຮ້ອຍຢູ່ຮາກຖານຈະລາຍງານໃຫ້ເຈົ້າໜ້າທີ່ເພື່ອມີມາດຕະການຕໍ່ສູ້ຢ່າງທັນການ, ພິເສດແມ່ນອາດຊະຍາກຳຢາເສບຕິດ. ບັນດາບ້ານກໍ່ມີກຳລັງປ້ອງກັນຄວາມໝັ້ນຄົງ, ຄວາມເປັນລະບຽບຮຽບຮ້ອຍ ແລະໄດ້ຮັບການແນະນຳ ເພື່ອເສີມຂະຫຍາຍບົດບາດໃນຂະບວນການທົ່ວປວງຊົນປ້ອງກັນຄວາມສະຫງົບແຫ່ງຊາດ”.
ດ້ວຍບັນດາມາດຕະຖານທີ່ບັນລຸໄດ້, ວັນທີ 22 ພະຈິກ 2023, ທ່ານພົນຕີ ເລກ໊ວກຮຸ່ງ - ຮອງລັດຖະມົນຕີກະຊວງຕໍາຫຼວດ ໄດ້ລົງນາມໃນຂໍ້ຕົກລົງຍົກ 3 ຕາແສງ ດັ໊ກຊູ, ເບີອີ ແລະດັ໊ກນົງ ຂອງເມືອງງອກໂຮ່ຍ ອອກຈາກກໍລະນີຈຸດສຸມ, ສັບສົນດ້ານຄວາມໝັ້ນຄົງ, ຄວາມເປັນລະບຽບຮຽບຮ້ອຍ.
ຕາມການສະຖິຕິ, ໃນໄລຍະ 10 ເດືອນຕົ້ນປີ 2024, ທົ່ວເມືອງງອກໂຮ່ຍ ມີການລະເມີດກົດໝາຍອາຍາພຽງແຕ່ 47 ລາຍ. ບັນລຸໄດ້ບັນດາໝາກຜົນດັ່ງກ່າວແມ່ນຍ້ອນມີການເຂົ້າຮ່ວມຢ່າງຂ້ຽວຂາດ, ຄົບຊຸດຂອງຄະນະພັກ, ອຳນາດການປົກຄອງທ້ອງຖິ່ນ, ບັນດາອົງການຈັດຕັ້ງການເມືອງ-ສັງຄົມ ແລະທົ່ວປວງຊົນ, ປະກອບສ່ວນຫຼຸດຜ່ອນສະພາບການລະເມີດກົດໝາຍຢູ່ບໍລິເວນເມືອງ. ບັນດາໝາກຜົນທີ່ບັນລຸໄດ້ປະກອບສ່ວນຮັກສາຄວາມໝັ້ນຄົງ, ຄວາມເປັນລະບຽບຮຽບຮ້ອຍໃນບໍລິເວນ, ສ້າງເງື່ອນໄຂພັດທະນາເສດຖະກິດ-ສັງຄົມ ແລະປັບປຸງຄວາມໄວ້ເນື້ອເຊື່ອໃຈຂອງປະຊາຊົນທີ່ມີຕໍ່ກັບກຳລັງຕຳຫຼວດ.
ທ່ານພັນເອກ ເຢືອງວັນຄາຍ ສະແດງຄວາມຕັດສິນໃຈວ່າ “ໃນໄລຍະຈະມາເຖິງ, ພິເສດແມ່ນໄລຍະກ່ອນ ແລະຫຼັງບຸນປີໃໝ່ສາກົນ, ບຸນປີໃໝ່ປະຈຳຊາດ 2025, ຕຳຫຼວດເມືອງງອກໂຮ່ຍ ສືບຕໍ່ຢຶດໝັ້ນປະຕິບັດມາດຕະການຄົບຊຸດ, ປະສານສົມທົບກັນຢ່າງແໜ້ນແຟ້ນກັບທຸກຂັ້ນ, ທຸກຂະແໜງການ ເພື່ອຮັກສາ ແລະແຜ່ຂະຫຍາຍຮູບແບບຕາແສງປອດຢາເສບຕິດ, ປະກອບສ່ວນສ້າງສະພາບແວດລ້ອມດຳລົງຊີວິດປອດໄພ, ປອດໃສໃຫ້ປະຊາຊົນຢູ່ໃນບໍລິເວນ”.
 | ອານຢາງ: ເຜີຍແຜ່ຄວາມສາມາດບົ່ມຊ້ອນຮຽກເຊີນບັນດານັກລົງທຶນພາຍໃນ ແລະຕ່າງປະເທດ ຍສໝ - ດ້ວຍຄວາມປາດຖະໜາຢາກເຊື່ອມຕໍ່ບັນດານັກລົງທຶນ, ວິສາຫະກິດພາຍໃນ ແລະ ຕ່າງປະເທດ, ແຂວງ ອານຢາງ ໄດ້ຈັດຕັ້ງກອງປະຊຸມເຜີຍແຜ່ຄວາມສາມາດບົ່ມຊ້ອນຂອງທ້ອງຖິ່ນຢູ່ນະຄອນ ໂຮ່ຈິມິນ. |
 | ຫວຽດນາມ ຮ່ວມແຮງຮ່ວມໃຈໜູນຊ່ວຍເດັກນ້ອຍທີ່ປະສົບກັບຄວາມຫຍຸ້ງຍາກຢູ່ ຮຸງກາຣີ ຍສໝ - ຫວ່າງມໍ່ໆມານີ້, ສະຖານທູດ ຫວຽດນາມ ປະຈຳ ຮຸງກາຣີ ໄດ້ເຂົ້າຮ່ວມງານງານຕະຫຼາດນັດການກຸສົນທາງການທູດ ຄັ້ງທີ 13 ໂດຍສະມາຄົມພັນລະຍານັກການທູດນະຄອນ Budapest (ຮົງກາຣີ) ຈັດຕັ້ງ. ເຫດການດັ່ງກ່າວໄດ້ຈັດຂຶ້ນທີ່ສູນປ້ອງກັນຊາດ Balna Budapest ພາຍໃຕ້ການອຸປະຖໍາຂອງພັນລະຍາລັດຖະມົນຕີການຕ່າງປະເທດ ຮຸງກາຣີ ທ່ານນາງ Szilvia Szijjártó-Nagy. |
