| ກະຊວງຕຳຫຼວດຫວຽດນາມ ມອບສົ່ງສຳນັກງານຕຳຫຼວດແຫ່ງທຳອິດໃຫ້ກະຊວງຕຳຫຼວດລາວ | |
| ເປີດສະຫຼອງຮູບຈໍາລອງ ອະທິປະໄຕທະເລໝູ່ເກາະເຈື່ອງຊາ |
 |
| ວັນບຸນຄຼິດສະມາດໄດ້ຈັດຂຶ້ນຢູ່ໂບດແຫ່ງຕ່າງໆໃນທົ່ວປະເທດ (ພາບ: TTXVN) |
ໃນສະພາບຜູ້ຕິດເຊື້ອພະຍາດໂຄວິດ-19 ຢູ່ ຫວຽດນາມ ຍັງເພີ່ມຂຶ້ນ, ເລື່ອງຈັດວັນບຸນຄຼິດສະມາດຢູ່ໂບດແຫ່ງຕ່າງໆທີ່ນະຄອນຫຼວງ ຮ່າໂນ້ຍ ໄດ້ຈຳກັດຈຳນວນຜູ້ເຂົ້າຮ່ວມ ເພື່ອຮັບປະກັນການປ້ອງກັນ, ສະກັດກັ້ນໂລກລະບາດ. ມີບາງຮາກຖານສາສະໜາຄືໂບດ ຮ່າມລອງ ຈັດວັນບຸນຄຼິດສະມາດທາງໄກ, ແຕ່ບັນຍາກາດຕ້ອນຮັບ ວັນບຸນຄຼິດສະມາດຍັງອົບອຸ່ນ ແລະ ສັກສິດ.
ຈຳນວນຜູ້ຄົນໄປມາຢູ່ຖະໜົນສາຍຕ່າງໆໃນເຂດໃຈກາງ ຮ່າໂນ້ຍ ໃນຕອນຄ່ຳວັນທີ 24 ທັນວາ ແມ່ນຫຼາຍກວ່າມື້ທຳມະດາ. ເຖິງຢ່າງໃດກໍ່ຕາມ, ນັບແຕ່ເວລາ 17 ໂມງ 30 ນາທີ, ວັນທີ 24 ທັນວາເມືອງ ຮ່ວານກຽມ ໄດ້ບໍ່ໃຫ້ການໄປມາຢູ່ຖະໜົນບາງສາຍຢູ່ອ້ອມແອ້ມໂບດໃຫຍ່ ຮ່າໂນ້ຍ. ທ່ານພັນໂທ ຫວູເທເກື່ອງ, ຫົວໜ້າຕຳຫຼວດຕາແສງ ຮ່າງຈົງ, ໃຫ້ຮູ້ວ່າ, ພິທີສະຫຼອງທາງສາສະໜາມີແຕ່ໄດ້ຈັດຢູ່ໃນໂບດໃຫຍ່.
“ປີນີ້, ຍ້ອນໂລກລະບາດໂຄວິດ-19 ພວມແຜ່ລະບາດໃນວົງກວ້າງ, ສະນັ້ນທາງເມືອງໄດ້ຊີ້ນຳໃຫ້ພວກຂ້າພະເຈົ້າຜັນຂະຫຍາຍບັນດາທິດທາງວິທີການ. ປີນີ້ບໍ່ອະນຸຍາດໃຫ້ຫຼາຍຄົນເຂົ້າໄປເຂດຈັດວັນບຸນຄຼິດສະມາດ, ມີແຕ່ແຂກຖືກເຊີນເທົ່ານັ້ນຈຶ່ງສາມາດເຂົ້າໄປໃນໂບດໄດ້”.
ສ່ວນຢູ່ນະຄອນ ໂຮ່ຈີມິນ, ຕອນຄ່ຳວັນທີ 24 ທັນວາ, ວັນບຸນຄຼິດສະມາດປີນີ້ແມ່ນງານບຸນທຳອິດທີ່ໄດ້ຈັດຂຶ້ນໃນເງື່ອນໄຂສະພາບການໃໝ່ຂອງນະຄອນ ສະນັ້ນມີປະຊາຊົນຫຼາຍຄົນ, ໂດຍສະເພາະແມ່ນພວກເພື່ອນໜຸ່ມ ຢາກໄປໂບດແຫ່ງຕ່າງໆເພື່ອພາວະນາຂໍໃຫ້ບຸນຄຼິດສະມາດນຳເອົາຄວາມສະຫງົບສຸກມາໃຫ້ທຸກຄົນ, ທຸກຄອບຄົວ.
vovworld.vn
