| ການຢ້ຽມຢາມຂອງເລຂາທິການໃຫຍ່, ປະທານປະເທດ ໂຕເລິມ ຊຸກຍູ້ການພົວພັນຫວຽດນາມ-ຈີນ ຂຶ້ນສູ່ລະດັບສູງໃໝ່ | |
| ເປີດໄລຍະພັດທະນາໃໝ່ໃຫ້ແກ່ການພົວພັນຖານບ້ານໃກ້ເຮືອນຄຽງມິດຕະພາບຫວຽດນາມ-ຈີນ |
ຕາມແຈ້ງການຂອງຄະນະພົວພັນຕ່າງປະເທດສູນກາງ, ທ່ານ ໂຕເລິມ ເລຂາທິການໃຫຍ່ຄະນະບໍລິຫານງານສູນກາງພັກກອມມູນິດຫວຽດນາມ ແລະພັນລະຍາຈະຢ້ຽມຢາມມາເລເຊຍ ຢ່າງເປັນທາງການແຕ່ວັນທີ 21 ຫາວັນທີ 23 ພະຈິກ 2024, ຕາມຄໍາເຊີນຂອງທ່ານ Anwar Ibrahim ນາຍົກລັດຖະມົນຕີມາເລເຊຍ ແລະພັນລະຍາ.
ເນື່ອງໃນໂອກາດນີ້, ທ່ານນາງ Cik Aida Safura Niza Othman ຮອງເອກອັກຄະລັດຖະທູດມາເລເຊຍ ປະຈໍາ ຫວຽດນາມໄດ້ແບ່ງປັນກັບສື່ມວນຊົນກ່ຽວກັບຄວາມໝາຍ ແລະແງ່ຫວັງຂອງການຢ້ຽມຢາມ.
ຂໍຮຽນທ່ານນາງ, ການຢ້ຽມຢາມມາເລເຊຍ ຢ່າງເປັນທາງການຂອງທ່ານໂຕເລິມ ເລຂາທິການໃຫຍ່ມີຄວາມໝາຍຄືແນວໃດຕໍ່ກັບການພົວພັນຮ່ວມມືສອງຝ່າຍລະຫວ່າງມາເລເຊຍ ແລະຫວຽດນາມ?
ການຢ້ຽມຢາມມາເລເຊຍ ຢ່າງເປັນທາງການຂອງທ່ານໂຕເລິມ ມີຄວາມໝາຍໃຫຍ່ຫຼວງໃນການປັບປຸງ ແລະຊຸກຍູ້ການພົວພັນທີ່ດີງາມລະຫວ່າງມາເລເຊຍ ແລະຫວຽດນາມ ກວ່າອີກ. ຫວນຄືນປີ 2023, ມາເລເຊຍ ແລະຫວຽດນາມ ໄດ້ສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ, ເຊິ່ງຂີດໝາຍດ້ວຍການ ຢ້ຽມຢາມຫວຽດນາມ ຢ່າງເປັນທາງການສໍາເລັດຜົນຂອງທ່ານ Dato Seri Anwar Ibrahim ນາຍົກລັດຖະມົນຕີເມື່ອເດືອນກໍລະກົດ.
 |
| ທ່ານນາງ Cik Aida Safura Niza Othman ຮອງເອກອັກຄະລັດຖະທູດ ປະຈໍາຫວຽດນາມ ຕອບສໍາພາດຕໍ່ສື່ມວນຊົນກ່ຽວກັບຄວາມໝາຍ ແລະແງ່ຫວັງຂອງການຢ້ຽມຢາມ. ພາບ: TTXVN |
ປີນີ້, ການຢ້ຽມຢາມມາເລເຊຍ ຂອງທ່ານ ໂຕເລິມ ເລຂາທິການໃຫຍ່ຕາມຄໍາເຊີນຂອງທ່ານ Anwar Ibrahim ນາຍົກລັດຖະມົນຕີສືບຕໍ່ສ່ອງແສງຄໍາໝັ້ນສັນຍາຂອງທັງສອງປະເທດໃນການປັບປຸງການພົວພັນລະຫວ່າງສອງຝ່າຍ.
ຫວຽດນາມ ແມ່ນຄູ່ຮ່ວມມືສໍາຄັນຂອງມາເລເຊຍ ແລະພວກຂ້າພະເຈົ້າຫວັງວ່າການຢ້ຽມຢາມຈະສ້າງກໍາລັງໜູນໃຫ້ຫຼາຍຂົງເຂດ, ຄື: ການຮ່ວມມືດ້ານເສດຖະກິດ, ການຄ້າ ແລະການລົງທຶນ; ການຮ່ວມມືໃນຂົງເຂດພະລັງງານທົດແທນ ແລະເຕັກໂນໂລຢີສີຂຽວ; ເຕັກໂນໂລຢີຂໍ້ມູນຂ່າວສານ ແລະສື່ສານ; ເສດຖະກິດດີຈີຕອນ; ການທ່ອງທຽວ, ແລກປ່ຽນວັດທະນະທໍາ ແລະການສຶກສາ, ກໍ່ຄືເພີ່ມທະວີ ການຮ່ວມມືໃນພາກພື້ນ, ພິເສດແມ່ນໃນຂອບເຂດອາຊຽນ.
ຂໍຮຽນທ່ານນາງ, ການພົວພັນຄູ່ຮ່ວມມືຍຸດທະສາດຫວຽດນາມ-ມາເລເຊຍ ພວມພັດທະນານັບມື້ນັບເລິກເຊິ່ງ ແລະແທດຈິງກວ່າ. ສະນັ້ນທ່ານນາງຕີລາຄາຄືແນວໃດກ່ຽວກັບການຮ່ວມມືຄືໃນປະຈຸບັນລະຫວ່າງສອງປະເທດກໍ່ຄືແງ່ຫວັງພັດທະນາໃນອະນາຄົດ?
ນັບແຕ່ຍົກລະດັບຂຶ້ນເປັນຄູ່ຮ່ວມມືຍຸດທະສາດເມື່ອປີ 2015, ການພົວພັນຫວຽດນາມ-ມາເລເລຍ ນັບມື້ນັບພັດທະນາຢ່າງແຮງຕາມທິດຕັ້ງໜ້າເຊິ່ງສອງຝ່າຍພວມມຸ່ງໄປເຖິງ.
ກ່ຽວກັບທາງດ້ານເສດຖະກິດ, ຫວຽດນາມ ແມ່ນຄູ່ຮ່ວມມືການຄ້າສໍາຄັນຂອງມາເລເຊຍ ແລະມາເລເຊຍ ແມ່ນໜຶ່ງໃນບັນດານັກລົງທຶນແຖວໜ້າຂອງຫວຽດນາມ. ສອງຝ່າຍມີຄວາມສາມາດບົ່ມຊ້ອນອັນໃຫຍ່ຫຼວງເພື່ອຊຸກຍູ້ການຮ່ວມມືດ້ານການຄ້າກວ່າອີກ, ພິເສດແມ່ນໃນບັນດາຂົງເຂດຫາກໍ່ພົ້ນເດັ່ນ ຄື: ເສດຖະກິດດີຈີຕອນ, ການຄ້າເອເລັກໂຕນິກ ແລະພະລັງງານຍືນຍົງ. ສອງປະເທດລ້ວນແຕ່ໃຫ້ຄໍາໝັ້ນສັນຍາຫັນການຄ້າເປັນຫຼາຍຮູບຫຼາຍແບບ, ຫັນປ່ຽນຈາກສິນຄ້າພື້ນເມືອງໄປຍັງຂົງເຂດທີ່ມີມູນຄ່າສູງກວ່າຄືເຕັກໂນໂລຢີ, ພະລັງງານທົດແທນ. ນີ້ຈະແມ່ນກະແຈໃຫ້ແກ່ການເຕີບໂຕເສດຖະກິດໃນອະນາຄົດຂອງທັງສອງປະເທດ.
ໃນຂົງເຂດພົບປະແລກປ່ຽນປະຊາຊົນ, ມາເລເຊຍ ແລະຫວຽດນາມ ນັບມື້ນັບເຊື່ອມຕໍ່ສະໜິດຕິດແທດລະຫວ່າງບັນດາອົງການຈັດຕັ້ງສັງຄົມກໍ່ຄືປະຊາຊົນສອງປະເທດກວ່າ. ການແລກປ່ຽນດ້ານການສຶກສາ ແລະວັດທະນະທໍາກໍ່ຄືການທ່ອງທ່ຽວສືບຕໍ່ພັດທະນາ, ປະກອບສ່ວນປັບປຸງຄວາມເຂົ້າໃຈຢ່າງເລິກເຊິ່ງ, ກໍ່ຄືເຄົາລົບບັນດາຄຸນຄ່າພື້ນເມືອງຂອງກັນ. ສອງຝ່າຍກໍ່ຈະສືບຕໍ່ຮ່ວມມືຢ່າງແໜ້ນແຟ້ນເພື່ອມຸ່ງໄປເຖິງພາກພື້ນອາຊຽນ ນັບມື້ນັບສະໜິດຕິດພັນ ແລະມີຄວາມເຂັ້ມແຂງດ້ວຍຕົນເອງ. ມຸຸ່ງໄປເຖິງອະນາຄົດ, ແງ່ຫວັງການພົວພັນມາເລເຊຍ-ຫວຽດນາມ ທີ່ດີງາມ ແລະສອງຝ່າຍພ້ອມກັນໃຫ້ຄໍາໝັ້ນສັນຍາເສີມຂະຫຍາຍທ່າພັດທະນານີ້ກວ່າອີກ.
ຂໍຮຽນທ່ານນາງ, ມາເລເຊຍ ຈະຮັບດໍາລົງບົດບາດເປັນປະທານອາຊຽນ ໃນປີ 2025. ສະນັ້ນທ່ານນາງ ສາມາດແບ່ງປັນບັນດາບຸລິມະສິດຂອງມາເລເຊຍ ໃນປີເປັນປະທານ, ກໍ່ຄືຕີລາຄາ ແລະມີຄວາມຫວັງໃດແດ່ກ່ຽວກັບການປະກອບສ່ວນຂອງຫວຽດນາມ?
ປີ 2025 ແມ່ນຈຸດເວລາຍິ່ງສໍາຄັນທີ່ສຸດຕໍ່ກັບພາກພື້ນອາຊຽນ. ພວກເຮົາຈະສະເຫຼີມສະຫຼອງ 10 ປີແຫ່ງວັນສ້າງຕັ້ງປະຊາຄົມອາຊຽນ ຢ່າງເປັນທາງການ. ຈາກຂີດໝາຍນີ້ ແລະບັນດາຜົນງານທີ່ມີຢູ່ແລ້ວ, ອາຊຽນ ຄາດວ່າຈະຮັບຮອງເອົາວິໄສທັດປະຊາຄົມອາຊຽນ 2045, ວາງທິດທາງຍຸດທະສາດຂອງພາກພື້ນໃນ 20 ປີຈະມາເຖິງ.
ດ້ວຍຖານະເປັນປະທານອາຊຽນ ປີ 2025, ມາເລເຊຍ ຈະໃຫ້ບຸລິມະສຸດບາງຂົງເຂດຕົ້ນຕ່ໍ, ສອດຄ່ອງກັບຄວາມຕ້ອງການ ແລະຄວາມມຸ່ງຫວັງທີ່ພວມປ່ຽນແປງຢ່າງບໍ່ຢຸດຢັ້ງຂອງທົ່ວພາກພື້ນ. ນັ້ນແມ່ນເພີ່ມທະວີບົດບາດໃຈກາງຂອງອາຊຽນ, ເພີ່ມທະວີການຄ້າ ແລະການລົງທຶນພາຍໃນກຸ່ມ, ຊຸກຍູ້ຄວາມສາມາດຂອງອາຊຽນ ໃນການໝູນໃຊ້ບັນດາຄວາມກ້າວໜ້າດ້ານວິທະຍາສາດ, ເຕັກໂນໂລຢີ ແລະການປ່ຽນແປງໃໝ່ປະດິດສ້າງ; ພ້ອມທັງຂຸດຄົ້ນປະສິດທິຜົນບັນດາຄວາມສາມາດບົ່ມຊ້ອນ, ທ່າໄດ້ປຽບຂອງການຫັນປ່ຽນດີຈີຕອນ ແລະບັນດາເຕັກໂນໂລຢີໃໝ່. ມາເລເຊຍ ກໍ່ຈະຮັບປະກັນວ່າ, ບັນດາປັດໄຈ “ກວມລວມ ແລະຍືນຍົງ” ຫົວຂໍ້ຂອງປີເປັນປະທານອາຊຽນ 2025, ຍັງຈະແມ່ນຈຸດສຸມໃນບັນດາຄວາມມານະພະຍາຍາມກໍ່ສ້າງປະຊາຄົມ.
ປີ 2025 ກໍ່ແມ່ນປີທີ່ສໍາຄັນຕໍ່ຫວຽດນາມ ທີ່ກ່ຽວຂ້ອງເຖິງອາຊຽນ, ເມື່ອຂີດໝາຍ 30 ປີເຕັມທີ່ພວກເພື່ອນກາຍເປັນສະມາຊິກຂອງກຸ່ມ. ກ່ຽວກັບຄວາມຫວັງຂອງພວກຂ້າພະເຈົ້າຕໍ່ການປະກອບສ່ວນຂອງຫວຽດນາມ, ອາດຢັ້ງຢືນວ່າ, ທີ່ຕັ້ງຍຸດທະສາດ ແລະບົດບາດຕັ້ງໜ້າຂອງຫວຽດນາມ ໃນອາຊຽນ ແມ່ນຈໍາເປັນທີ່ສຸດເມື່ອພວກເຮົາພ້ອມກັນແກ້ໄຂບັນດາສິ່ງທ້າທາຍລວມຄືການປ່ຽນແປງຂອງດິນຟ້າອາກາດ, ການຫັນປ່ຽນດີຈີຕອນ ຫຼື ຄວາມໝັ້ນຄົງໃນພາກພື້ນ. ຂ້າພະເຈົ້າເຊື່ອໝັ້ນວ່າ, ມາເລເຊຍ ແລະຫວຽດນາມ ດ້ວຍຖານະແມ່ນບັນດາຄູ່ຮ່ວມມືທີ່ສະໜິດສະໜົມນັ້ນ, ສາມາດສືບຕໍ່ຮ່ວມມືຢ່າງແໜ້ນແຟ້ນກວ່າອີກໃນການເພີ່ມທະວີຖານະບົດບາດ, ຜົນສະທ້ອນຂອງອາຊຽນ ໃນທົ່ວໂລກກໍ່ຄືຮັບປະກັນຄວາມໝັ້ນຄົງ, ຄວາມວັດທະນາຖາວອນ ແລະຄວາມສະໜິດຕິດພັນໃຫ້ທົ່ວພາກພື້ນ.
ຂໍຂອບໃຈທ່ານນາງ!
 | ຮັບຮູ້ການປະກອບສ່ວນຂອງຜູ້ຕາງໜ້າອົງການ UNICEF ປະຈຳ ຫວຽດນາມ ສຳລັບການສຶກສາ ຫວຽດນາມ ຍສໝ - ວັນທີ 1 ກໍລະກົດ, ຢູ່ ຮ່າໂນ້ຍ, ທ່ານລັດຖະມົນຕີ ກະຊວງສຶກສາ ແລະບຳລຸງສ້າງ ຫວຽດນາມ ຫງວຽນກິມເຊີນ ໄດ້ມອບຫຼຽນກາລະນຶກ “ເພື່ອພາລະກິດການສຶກສາ” ໃຫ້ແກ່ທ່ານນາງ Rana Flowers, ຫົວໜ້າຜູ້ຕາງໜ້າກອງທຶນເພື່ອເດັກນ້ອຍ ສະຫະປະຊາຊາດ (UNICEF) ປະຈໍາ ຫວຽດນາມ. ລາງວັນດັ່ງກ່າວແມ່ນເພື່ອຮັບຮູ້ບັນດາການປະກອບສ່ວນຢ່າງຕັ້ງໜ້າຂອງທ່ານສຳລັບການສຶກສາ, ເດັກນ້ອຍ ເວົ້າສະເພາະ ... |
 | ຂີດໝາຍວັນບຸນຊຸດເສື້ອຍາວຂອງສະຫະພັນແມ່ຍິງ ຫວຽດນາມ ປະຈຳ ເຢຍລະມັນ ຍສໝ - ຫວ່າງມໍ່ໆມານີ້, ສະຫະພັນແມ່ຍິງ ຫວຽດນາມ ປະຈຳ ສາທາລະນະລັດສະຫະພັນ ເຢຍລະມັນ ໄດ້ຈັດວັນບຸນຊຸດເສື້ອຍາວໃຫ້ແກ່ເອື້ອຍນ້ອງແມ່ຍິງ ດ້ວຍຫົວຂໍ້ວ່າ “ອ່ອນໂຍນສີສັນລະດູບານໃໝ່ 2024”. |
