 | ອົງການຊ່ວຍເຫຼືອເດັກນ້ອຍຊ່ວຍເຫຼືອສຸກເສີນ 10 ຕື້ດົງ ໃຫ້ແກ່ປະຊາຊົນເຂດທີ່ປະສົບພາຍຸ ແລະ ໄພນ້ຳຖ້ວມຢູ່ ລາວກາຍ |
| ສະມາຄົມມິດຕະພາບ ຫວຽດນາມ - ໄທ ເຂົ້າຮ່ວມໂຄງການ “ພົບປະໄທ” ຄັ້ງທີ 2 ຢູ່ແຂວງ ລາວກາຍ |
ແນວພັນຄວາມຮູ້ອອກໝໍ່ຈາກຄ້າຍການອ່ານ
ນາງ ລູທິຮວ່າ, ຜູ້ຮ່ວມງານຊຸມຊົນປະຕິບັດບັນດາການເຄື່ອນໄຫວຄ້າຍການອ່ານຂຶ້ນກັບໂຄງການພັດທະນາຊຸມຊົນຢູ່ ລາວກາຍ ໄດ້ແບ່ງປັນວ່າ: “ເກືອບ 20 ປີກ່ອນ, ຂ້າພະເຈົ້າເປັນເດັກຍິງຊາວເຜົ່ານຸ່ງ ຕ້ອງປະການຮຽນ. ແຕ່ປີ 2014, ຂ້າພະເຈົ້າໄດ້ມີໂອກາດຮ່ວມເດີນທາງກັບອົງການຊ່ວຍເຫຼືອເດັກນ້ອຍ, ຫຼຸດແຄບຊ່ອງຫວ່າງໃນການສຶກສາໃຫ້ເດັກນ້ອຍຊົນເຜົ່າສ່ວນໜ້ອຍ". ນາງ ຮ່ວາ ແມ່ນຂົວເຊື່ອມຕໍ່ຖ່າຍທອດຂໍ້ມູນຂ່າວສານໃຫ້ຊາວເຜົ່ານຸ່ງ, ຊ່ວຍໃຫ້ເຂົາເຈົ້າເຂົ້າເຖິງບັນດາຫຼັກສູດການສຶກສາ.
ການເຂົ້າຮ່ວມໃນກິດຈະກໍາຄ້າຍການອ່ານ, ນາງໄດ້ຮັບການແນະນໍາວິທີບໍລິຫານບັນດາການດຳເດີນຊີວິດ, ຊ່ວຍເຫຼືອເດັກນ້ອຍປະຖົມໃຫ້ຄຸ້ນເຄີຍກັບການອ່ານ, ການຂຽນ. ນາງກໍ່ໄດ້ຈັດຕັ້ງບັນດາສະໂມສອນໃຫ້ພໍ່ແມ່ຜູ້ປົກຄອງ, ສົ່ງເສີມໃຫ້ເຂົາເຈົ້າເຂົ້າຮ່ວມກັບລູກຂອງເຂົາເຈົ້າໃນການຮຽນຮູ້ຢູ່ເຮືອນ. ໃນເບື້ອງຕົ້ນ, ຫຼາຍຄົນຍັງມີຄວາມລັງເລໃຈ, ແຕ່ນາງ ຮ່ວາ ອົດທົນໄປແຕ່ລະເຮືອນເພື່ອອະທິບາຍຄວາມສຳຄັນຂອງການຮຽນ. ປະຊາຊົນໄດ້ຄ່ອຍໆເຂົ້າໃຈ ແລະ ເລີ່ມປະຕິບັດຕົວຈິງ, ເຮັດໃຫ້ຄອບຄົວໃກ້ຊິດ ແລະ ມີຄວາມມ່ວນຊື່ນກວ່າ.
“ຢູ່ຄ້າຍການອ່ານ, ເດັກນ້ອຍມັກຟັງຂ້າພະເຈົ້າເລົ່າເລື່ອງ, ແຕ້ມຮູບ, ຫລິ້ນເກມ. ຫຼັງຈາກແຕ່ລະການດຳເດີນຊີວິດ, ບັນດາເດັກຢືມປຶ້ມໄປເຮືອນເພື່ອຝຶກເລົ່າເລື່ອງ”, ນາງ ຮວ່າ ແບ່ງປັນຢ່າງຊົມຊື່ນ. ພາຍຫຼັງ 10 ປີ ຕິດພັນກັບໂຄງການ, ນາງ ຮວ່າ ໄດ້ຮັບການຍ້ອງຍໍຈາກອົງການຊ່ວຍເຫຼືອເດັກນ້ອຍ ແລະ ໄດ້ມອບໃບຍ້ອງຍໍຈາກຄະນະກຳມະການປະຊາຊົນຕາແສງ ເນີມລື ໃນການປະກອບສ່ວນຂອງຕົນໃຫ້ຊຸມຊົນ. ນາງກ່າວວ່າ: "ບັນດາເດັກນ້ອຍໃນເມື່ອກ່ອນ ປັດຈຸບັນນີ້ໄດ້ໄປໂຮງຮຽນໃນເມືອງ ແລະ ການເຕີບໂຕຂອງພວກເຂົາ ກໍ່ແມ່ນກຳລັງຜັກດັນທີ່ໃຫຍ່ທີ່ສຸດໃຫ້ຂ້າພະເຈົ້າເພື່ອສືບຕໍ່ອຸທິດສ່ວນ".
 |
| ການດຳເດີນຊີວິດໃນຄ້າຍການອ່ານ ໂດຍອົງການຊ່ວຍເຫຼືອເດັກນ້ອຍໜູນຊ່ວຍປະຕິບັດ. |
10 ປີແຫ່ງການສ້າງອະນາຄົດແບບຍືນຍົງ
ເລື່ອງຂອງນາງ ລູທິຮວ່າ ເປັນພະຍານຫຼັກຖານທີ່ມີຊີວິດຊີວາໃຫ້ບັນດາການກະທົບທາງບວກຂອງ “ໂຄງການພັດທະນາຊຸມຊົນ ຖືເດັກນ້ອຍເປັນຈຸດສຸມຢູ່ ລາວກາຍ”. ແຜນງານດັ່ງກ່າວໄດ້ເລີ່ມມາແຕ່ປີ 2013, ສົມທົບກັບພະແນກສຶກສາ ແລະ ບຳລຸງສ້າງແຂວງ ລາວກາຍ ເພື່ອແນໃສ່ຮັບປະກັນໃຫ້ເດັກນ້ອຍມີໂອກາດພັດທະນາຮອບດ້ານກ່ຽວກັບການສຶກສາ ແລະ ສຸຂະພາບ ພ້ອມກັນນ້ັນ ກໍ່ໜູນຊ່ວຍພໍ່ແມ່ຜູ້ປົກຄອງ ແລະ ຄູ-ອາຈານຍົກສູງທັກສະທາງດ້ານການສຶກສາ.
ວັນທີ 26 ພະຈິກ, ຢູ່ແຂວງ ລາວກາຍ, ອົງການຊ່ວຍເຫຼືອເດັກ ຫວຽດນາມ ໄດ້ສົມທົບກັບຄະນະຄຸ້ມຄອງໂຄງການແຂວງ ລາວກາຍ ຈັດຕັ້ງກອງປະຊຸມສະຫຼຸບ “ໂຄງການພັດທະນາຊຸມຊົນ ຖືເດັກນ້ອຍເປັນຈຸດສຸມຢູ່ ລາວກາຍ” ໄລຍະ 2019-2024. ກອງປະຊູມມີການເຂົ້າຮ່ວມຂອງຜູ້ຕາງໜ້າການນຳຄະນະກຳມະການປະຊາຊົນແຂວງ ລາວກາຍ, ບັນດາພະແນກ, ຄະນະ, ຂະແໜງການໃນແຂວງເຊັ່ນ ພະແນກສຶກສາ ແລະ ບຳລຸງສ້າງ, ພະແນກການແພດ, ພະແນກແຜນການ ແລະ ການລົງທຶນ, ພະແນກການຕ່າງປະເທດ ພ້ອມກັບພະນັກງານຄຸ້ມຄອງ ແລະ ຄູອາຈານຈາກ 182 ໂຮງຮຽນພາຍໃຕ້ໂຄງການ ແລະ ຜູ້ຕາງໜ້າອົງການຊ່ວຍເຫຼືອເດັກນ້ອຍ.
 |
| ກອງປະຊຸມສະຫຼຸບ “ໂຄງການພັດທະນາຊຸມຊົນ ຖືເດັກນ້ອຍເປັນຈຸດສຸມຢູ່ ລາວກາຍ” ໄລຍະ 2019-2024. (ພາບ: ດິງຮວ່າ) |
ຕາມບົດລາຍງານທີ່ກອງປະຊຸມ, ຮອດປີ 2024, ໂຄງການໄດ້ໜູນຊ່ວຍເດັກນ້ອຍ 94.000 ກວ່າຄົນຢູ່ 5 ເມືອງຂອງແຂວງ ລາວກາຍ ລວມມີ ບາວຖັງ, ບາວອ່ຽນ, ບາດຊາດ, ເມືອງເຄືອງ ແລະ ວັນບ່ານ. ໂຄງການດັ່ງກ່າວໄດ້ບັນລຸຜົນສຳເລັດຫຼາຍຢ່າງ, ໂດຍສະເພາະແມ່ນການຍົກສູງຄວາມພ້ອມໄປໂຮງຮຽນສຳລັບເດັກອະນຸບານ ຈາກ 29% ຂຶ້ນເປັນ 63%; ປັບປຸງທັກສະການອ່ານຄວາມເຂົ້າໃຈຂອງນັກຮຽນປະຖົມຈາກ 26% ເປັນ 50%; ຍົກສູງຄວາມຮັບຮູ້ກ່ຽວກັບສຸຂະພາບຈະເລີນພັນຈາກ 6% ຂຶ້ນເປັນ 66%.
ນອກຈາກນັ້ນ, ໂຄງການໄດ້ກໍ່ສ້າງກິດຈະການນ້ຳສະອາດ ແລະ ອະນາໄມ 238 ແຫ່ງ, ສະໜອງການກຳນົດທິດວິຊາອາຊີບໃຫ້ນັກຮຽນ 13.000 ຄົນ. ຄູສອນຫຼາຍກວ່າ 6.000 ຄົນ ແລະ ພໍ່ແມ່ຜູ້ປົກຄອງ 53.000 ຄົນ ໄດ້ຍົກສູງກຳລັງຄວາມສາມາດຂອງຕົນ, ປະກອບສ່ວນປັບປຸງຄຸນນະພາບການແພດ, ການສຶກສາ ແລະ ຊີວິດຊຸມຊົນ.
ກ່າວຄຳປາໄສທີ່ກອງປະຊຸມ, ທ່ານນາງ ເຢືອງທິບິງກຫງວຽດ, ຫົວໜ້າພະແນກສຶກສາ ແລະ ບຳລຸງສ້າງ ແຂວງ ລາວກາຍ ໃຫ້ຮູ້ວ່າ ກອງປະຊຸມແມ່ນເພື່ອແນໃສ່ຕີລາຄາໝາກຜົນໄລຍະ 2019-2024 ແລະ ສ້າງແຜນການຜັນຂະຫຍາຍໃຫ້ໄລຍະ 2025-2027, ແນໃສ່ຮັບປະກັນຄວາມຍືນຍົງ ແລະ ສືບຕໍ່ນໍາເອົາຜົນປະໂຫຍດມາສູ່ຊຸມຊົນ.
 |
| ທ່ານນາງ ເລທິແທ່ງເຮືອງ, ຫົວໜ້າຜູ້ຕາງໜ້າອົງການຊ່ວຍເຫຼືອເດັກນ້ອຍ ປະຈໍາ ຫວຽດນາມ. (ພາບ: ດິ່ງຮວ່າ) |
ຕາມທ່ານນາງ ເລທິແທງເຮືອງ, ຫົວໜ້າຜູ້ຕາງໜ້າອົງການຊ່ວຍເຫຼືອເດັກ ປະຈຳ ຫວຽດນາມ ແລ້ວ, ພາຍຫຼັງ 10 ປີແຫ່ງການຜັນຂະຫຍາຍ, ລາຍການໄດ້ເປີດກວ້າງຈາກ 2 ຕາແສງຂຶ້ນເປັນ 48 ຕາແສງ, ໄດ້ນຳມາເຊິ່ງການປ່ຽນແປງຢ່າງໃຫຍ່ຫຼວງໃຫ້ແກ່ເດັກນ້ອຍ ແລະ ຊຸມຊົນນັບພັນຄົນ. ບັນດາຕົວແບບການແຊກເຂົ້າຂອງລາຍການໄດ້ຮັບການທະວີຄູນ ແລະ ເຂົ້າໃນແຜນການຂອງແຂວງ, ກາຍເປັນສ່ວນໜຶ່ງຂອງບັນດາການເຄື່ອນໄຫວເປັນປະຈຳ.
“ພວກຂ້າພະເຈົ້າເອກອ້າງທະນົງໃຈເຊື່ອໝັ້ນວ່າ ບັນດາການແຊກເຂົ້າເຫຼົ່ານີ້ຈະສືບຕໍ່ນຳມາເຊິ່ງຜົນປະໂຫຍດແບບຍືນຍົງໃຫ້ແກ່ເດັກນ້ອຍ ແລະ ຊຸມຊົນຢູ່ ລາວກາຍ. ເຫດການດັ່ງກ່າວເປັນຂີດໝາຍສຳຄັນໃນການເຄື່ອນໄຫວເພື່ອຍົກສູງຄຸນນະພາບການສຶກສາ, ການແພດ ແລະ ການປົກປ້ອງເດັກຢູ່ ລາວກາຍ, ພ້ອມກັນນັ້ນ ກໍ່ຢືນຢັນບົດບາດຂອງການຮ່ວມມືຢ່າງແໜ້ນແຟ້ນລະຫວ່າງບັນດາຝ່າຍເພື່ອຮັບປະກັນອະນາຄົດອັນດີງາມໃຫ້ແກ່ເດັກທຸກຄົນ”, ທ່ານນາງ ເລທິແທງເຮືອງ ກ່າວ.
 | ສະມາຄົມມິດຕະພາບ 10 ແຫ່ງເຂົ້າຮ່ວມງານມະໂຫລານານທຳນອງມິດຕະພາບແຂວງ ດົ່ງນາຍ ປີ 2024 ຍສໝ - ຕອນເຊົ້າວັນທີ 15 ມີຖຸນາ, ສະຫະພັນບັນດາອົງການມິດຕະພາບແຂວງ ດົ່ງນາຍ ສົມທົບກັບພະແນກວັດທະນະທຳ, ກິລາ ແລະ ທ່ອງທ່ຽວ, ສະຖານີວິທະຍຸກະຈາຍສຽງ - ໂທລະພາບ ແຂວງ ດົ່ງນາຍ ຈັດຕັ້ງພິທີເປີດງານມະໂຫລານານທຳນອງມິດຕະພາບແຂວງ ດົ່ງນາຍ ຄັ້ງທີ 5 ປີ 2024. |
 | ຍສໝ - ຕອນເຊົ້າວັນທີ 6 ຕຸລາ, ສູນສຳເນົາແຫ່ງຊາດ I - ກົມສຳເນົາໜັງສືເອກະສານແຫ່ງລັດ ສົມທົບກັບສູນອະນຸລັກຮັກສາມໍລະດົກທັງລອງ - ຮ່າໂນ້ຍ ຈັດຕັ້ງງານວາງສະແດງ “ເມືອງເກົ່າ ຖະໜົນເກົ່າ” ເພື່ອສະເຫຼີມສະຫຼອງ 69 ປີແຫ່ງວັນປົດປ່ອຍນະຄອນຫຼວງ (10 ຕຸລາ 1954 - 10 ຕຸລາ 2023). |
ແທັງຮັ່ງ
