ມີສຸຂະພາບເຂັ້ມແຂງ, ມີຄວາມຜາສຸກ
ງານແຂ່ງຂັນແລ່ນ Viettel Marathon Luang Prabang Unitel 2024 ຫາກໍ່ອັດລົງຢູ່ລາວ ໄດ້ສ້າງບັນດາຂີດໝາຍຢ່າງເດັ່ນຊັດໃນໃຈບັນດານັກກິລາ ກໍຄືປະຊາຊົນຂອງ 3 ປະເທດອິນດູຈີນ. ນີ້ແມ່ນເຫດການກິລາສາກົນທີ່ມີຄວາມເຊື່ອຖືໂດຍສະຫະພັນແລ່ນ ແລະ ລານ ຫວຽດນາມ, ສະຫະພັນແລ່ນ ແລະ ລານ ກຳປູເຈຍ, ສະຫະພັນແລ່ນ ແລະ ລານ ລາວ ແລະ Viettel ຈັດຕັ້ງ. ນັກກິລາ 25.000 ຄົນ ໄດ້ແຂ່ງຂັນ 4 ໄລຍະທາງຄື: ມາຣາທອນ (42,195 ກິໂລແມັດ), ເຄິ່ງມາຣາທອນ (21,0975 ກິໂລແມັດ), 10 ກິໂລແມັດ ແລະ 5 ກິໂລແມັດ. ທ່ານ ເລຮຸ່ງເກື່ອງ, ນັກແລ່ນຫວຽດນາມ ໄດ້ຜ່ານບັນດາຄູ່ແຂ່ງຊາວທ້ອງຖິ່ນຢ່າງບໍ່ຄາດຄິດເພື່ອຍາດໄດ້ຊະນະເລີດມາຣາທອນເພດຊາຍ. ໃນການແລ່ນ 42,195 ກິໂລແມັດເພດຍິງ, ນັກກິລາຍິງຊາວລາວ ຫຼອດແກ້ວ ອິນທະຄູນມານ ຍາດໄດ້ລາງວັນຊະນະເລີດທີ່ເຕັມໄປດ້ວຍຄວາມປະທັບໃຈ.
 |
| ນັກກິລາຍິງຊາວລາວ ຫຼອດແກ້ວ ອິນທະຄູນມານ ຍາດໄດ້ລາງວັນຊະນະເລີດທີ່ເຕັມໄປດ້ວຍຄວາມປະທັບໃຈ ໃນລາຍການແລ່ນ 42,195 ກິໂລແມັດຍິງ. ພາບ: Duong Hong |
ງານແຂ່ງຂັນແລ່ນຄັ້ງທຳອິດດຳເນີນຢູ່ ລາວ ໄດ້ສິ້ນສຸດລົງຢ່າງຈົບງາມ. ນີ້ບໍ່ພຽງແຕ່ແມ່ນຂີດໝາຍແຫ່ງຈິດໃຈຂອງການຝຶກຊ້ອມກິລາເພື່ອຍົກສູງສຸຂະພາບ, ຄວາມສາມັກຄີ, ສູງສົ່ງຂອງບັນດານັກກິລາ 3 ປະເທດເທົ່ານັ້ນ, ຫາກຍັງນຳມາໃຫ້ຜູ້ຊົມບັນດາຄວາມຮູ້ສຶກ, ຄວາມປິຕິຊົມຊື່ນ ແລະ ສ່ວນໃຫຍ່ແມ່ນຄວາມຊົງຈໍາທີ່ບໍ່ອາດລືມໄດ້.
ພາຍຫຼັງໄດ້ຈັດຕັ້ງຢູ່ລາວ ຢ່າງສຳເລັດຜົນ, ງານແຂ່ງຂັນແລ່ນຈະສືບຕໍ່ຈັດຕັ້ງຢູ່ຫວຽດນາມ (1 ທັນວາ 2024) ແລະ ກຳປູເຈຍ (22 ທັນວາ 2024).
ດົນນານມາແລ້ວ, ກິລາແມ່ນທາດຕິດຈອດການຕິດພັນ, ຮັດແໜ້ນນ້ຳໃຈຄວາມສາມັກຄີລະຫວ່າງປະຊາຊົນສາມປະເທດອິນດູຈີນ. ງານແຂ່ງຂັນກິລາມິດຕະພາບຫຼາຍຄັ້ງ ໄດ້ຈັດຂຶ້ນຢູ່ບັນດາປະເທດ. ຫວ່າງມໍ່ໆມານີ້, ໃນຂອບເຂດບັນດາການເຄື່ອນໄຫວຂ່ຳນັບຮັບຕ້ອນການຝຶກຊ້ອມລວມລະຫວ່າງກອງທັບສາມປະເທດ ກຳປູເຈຍ-ລາວ-ຫວຽດນາມ ຢູ່ ກຳປູເຈຍ ກໍ່ໄດ້ດຳເນີນງານແຂ່ງຂັນແລ່ນປະກອບອາວຸດຂ້າມພູ, ໄລຍະທາງ 6.000 ແມັດ.
ດ້ວຍນ້ຳໃຈກິລາອັນສູງສົ່ງ, ເຊື່ອມຕໍ່ນ້ຳໃຈມິດຕະພາບຂອງ 3 ປະເທດ, ງານແຂ່ງຂັນໄດ້ດຶງດູດນັກກິລາ 36 ຄົນ ທີ່ຕາງໜ້າໃຫ້ກອງທັບຂອງ 3 ປະເທດເຊິ່ງແບ່ງອອກເປັນບັນດາທີມປະສົມ, ແຂ່ງຂັນຮ່ວມກັນ ແລະ ແລ່ນຕໍ່ກັນ.
 |
| ນັກກິລາຈາກສາມປະເທດເຂົ້າຮ່ວມການແຂ່ງຂັນແລ່ນ. ພາບ: Tran Tuan |
ນອກຈາກການຝຶກຝົນສຸຂະພາບ, ຍົກສູງກຳລັງກາຍໃຫ້ກໍາລັງກອງທັບ, ງານແຂ່ງຂັນຍັງແມ່ນສະໜາມເພື່ອໃຫ້ກອງທັບ 3 ປະເທດເຂົ້າຮ່ວມບັນດາການເຄື່ອນໄຫວ, ພົບປະແລກປ່ຽນວັດທະນະທໍາ, ສິລະປະ ເພື່ອປັບປຸງສາຍພົວພັນຮ່ວມມື, ຄວາມສາມັກຄີ ແລະ ນ້ຳໃຈມິດຕະພາບອັນດີງາມ, ປະກອບສ່ວນຊຸກຍູ້ການພົວພັນຮ່ວມມືລະຫວ່າງ 3 ປະເທດ ກຳປູເຈຍ - ລາວ - ຫວຽດນາມ ເວົ້າລວມ, ກອງທັບ 3 ປະເທດ ເວົ້າສະເພາະ.
ຮັດແໜ້ນນ້ຳໃຈມິດຕະພາບ
ຢູ່ຫວຽດນາມ, ບັນດາໂຮງຮຽນເຊັ່ນ: ໂຮງຮຽນມິດຕະພາບ 80, ໂຮງຮຽນມິດຕະພາບ T78, ຫໍພັກນັກສຶກສາລາວ ຢູ່ນະຄອນໂຮ່ຈິມິນ, ສະຫະພັນມິດຕະພາບບັນດາແຂວງ, ນະຄອນ ໄດ້ຈັດຕັ້ງບັນດາງານກິລາເປັນປະຈຳ ຄື: ງານແຂ່ງຂັນແລກປ່ຽນກິລາມິດຕະພາບໃຫ້ນັກສຶກສາ 3 ປະເທດ ຫວຽດນາມ - ລາວ - ກຳປູເຈຍ; ການແຂ່ງຂັນລົດຖີບມິດຕະພາບ 3 ປະເທດ ກຳປູເຈຍ-ລາວ-ຫວຽດນາມ.... ເພີ່ມທະວີນ້ຳໃຈສາມັກຄີມິດຕະພາບລະຫວ່າງ 3 ປະເທດ.
ດ້ວຍຈິດໃຈທີ່ແຂງແຮງ ເພື່ອສ້າງສາ ແລະ ປົກປັກຮັກສາປະເທດຊາດ, ພ້ອມດຽວກັນນັ້ນ, ຍັງໄດ້ສະແດງນ້ຳໃຈສາມັກຄີ, ໃກ້ຊິດຕິດແທດກັບ 3 ຝ່າຍ, ບັນດາການແຂ່ງຂັນກິລາໄດ້ດຳເນີນໄປຢ່າງຟົດຟື້ນ, ມີການແຂ່ງຂັນທີ່ສວຍງາມຫຼາຍຄັ້ງໄດ້ຮັບສຽງຕົບມືຈາກກອງເຊຍ.
ທ່ານ ຄຳຂັນ ຈັນທະວີສຸກ, ກໍາມະການສູນກາງພັກປະຊາຊົນປະຕິວັດລາວ, ເລຂາພັກ, ເຈົ້າແຂວງຫຼວງພະບາງ ໄດ້ສະແດງຄວາມປິຕິຊົມຊື່ນເມື່ອແຂວງ ຫລວງພະບາງ ສະແດງຄວາມປິຕິຍິນດີທີ່ໄດ້ເປັນບ່ອນຈັດຕັ້ງງານແຂ່ງຂັນຄັ້ງທຳອິດໃຫ້ບັນດາງານແຂ່ງຂັນແລ່ນ Viettel Marathon. ໂດຍຜ່ານງານແຂ່ງຂັນແລ່ນ 3 ປະເທດ, ທ່ານ ຄຳຂັນ ຈັນທະວິສຸກ ກໍ່ໄດ້ຕີລາຄາວ່າ ນີ້ແມ່ນໂອກາດທີ່ບໍ່ອາດດີກ່ວາເພື່ອໃຫ້ແຂວງຫຼວງພະບາງ ໂຄສະນາຮູບພາບ, ປະຊາຊົນ ຜ່ານນັ້ນ ກໍ່ຍົກສູງຖານະຂອງການທ່ອງທ່ຽວ ແລະ ເປັນທີ່ຮູ້ຈັກຂອງເພື່ອນມິດສາກົນ.
ງານແຂ່ງຂັນຄັ້ງນີ້ ບໍ່ພຽງແຕ່ແມ່ນການແຂ່ງຂັນກິລາປະຈຳປີເທົ່ານັ້ນ, ຫາກຍັງເປັນຂົວເຊື່ອມຕໍ່ອັນໃຫຍ່ຫຼວງເພື່ອໃຫ້ປະຊາຊົນ 3 ປະເທດໄດ້ພົບປະແລກປ່ຽນ, ເຊື່ອມຊຶມ, ເຂົ້າໃຈເຊິ່ງກັນ ແລະກັນ ກ່ວາອີກ ເພື່ອເພີ່ມພູນຄູນສ້າງ, ສ້າງສາຍພົວພັນມິດຕະພາບ, ຄວາມສາມັກຄີແບບພິເສດ, ການຮ່ວມມືຮອບດ້ານລະຫວ່າງສາມປະເທດອິນດູຈີນ.
 | ຫໍພັກນັກສຶກສາລາວ ຢູ່ນະຄອນໂຮ່ຈິມິນ ແມ່ນຊາຍຄາລວມຂອງນັກສຶກສາ ຫວຽດນາມ - ກຳປູເຈຍ - ລາວ ຍສໝ - ນີ້ແມ່ນຄຳປາໄສຂອງທ່ານ ຟ້າມເລມິງແຄງ, ຫົວໜ້າຄະນະຊາວໜຸ່ມໂຮງຮຽນ ແທ່ງດວ່ານ, ຜູ້ອຳນວຍການຫໍພັກນັກຮຽນລາວ ນະຄອນ ໂຮ່ຈີມິນ ເມື່ອມາຢ້ຽມຢາມ ແລະ ອວຍພອນສະຖານກົງສູນໃຫຍ່ ລາຊະອານາຈັກ ກຳປູເຈຍ ປະຈຳນະຄອນ ໂຮ່ຈີມິນ ໃນວັນທີ 7 ພະຈິກ ເນື່ອງໃນໂອກາດສະເຫຼີມສະຫຼອງ 71 ປີແຫ່ງວັນຊາດລາຊະອານາຈັກ ກຳປູເຈຍ. |
 | ຍສໝ - ວັນທີ 2 ພະຈິກ, ຢູ່ນະຄອນ ຟ່ານທຽດ (ບິ່ງທ້ວນ), ຄະນະຜູ້ແທນທີ່ເຂົ້າຮ່ວມໂຄງການເດີນທາງຄອບຄົວຊາວຫວຽດນາມ ແລະ ນັກສຶກສາ ລາວ, ກຳປູເຈຍ ທີ່ພວມຮ່ຳຮຽນຢູ່ນະຄອນ ໂຮ່ຈີມິນ ໄດ້ເຂົ້າຮ່ວມພິທີຖະຫວາຍທູບທຽນອາໄລຫາປະທານ ໂຮ່ຈີມິນ ຢູ່ຫໍພິພິທະພັນ ໂຮ່ຈີມິນ - ສາຂາ ບິ່ງທ້ວນ. |
ມີງດຶກ
