ເຊີນລາ: ເປີດນຳໃຊ້ຄູ່ດ່ານຊາຍແດນສາກົນ ລ້ອງເຊີບ - ປ່າຮ່າງ

	ເຊີນລາ ໜູນຊ່ວຍແຂວງ ຫົວພັນ ແກ້ໄຂຜົນຮ້າຍຢ້ອນຫຼັງຈາກໄພທຳມະຊາດ
	ຮ່າຕິ້ງ ແລະ ເຊີນລາ ຝຶກອົບຮົມວຽກງານການຕ່າງປະເທດໃຫ້ແກ່ພະນັກງານທ້ອງຖິ່ນ

ບັນດາ​ຜູ້​ແທນ​ໄດ້​ຕັດ​ແຖບ​ຜ້າ​ເປີດນຳໃຊ້​ຄູ່ດ່ານ​ຊາຍ​ແດນ​ສາກົນ ລ້ອງເຊີບ - ປ່າ​ຮ່າງ.

ຄູ່ດ່ານ​ທ້ອງຖິ່ນ ລ້ອງເຊີບ - ປ່າ​ຮ່າງ ໄດ້ເປີດ​​ວັນ​ທີ 1 ມີນາ 1990 ຕາມສັນຍາຂໍ້ກຳນົດງຊາຍແດນ ຫວຽດນາມ - ລາວ ປີ 1990. ເສັ້ນທາງຫຼວງແຫ່ງຊາດເລກທີ 43 ໄດ້ເຊື່ອມຕໍ່ລະຫວ່າງເສັ້ນທາງຫຼວງແຫ່ງຊາດເລກທີ 6 ຢູ່ຕົວເມືອງ ມົກເຈົາ ຫາ ດ່ານ ລ້ອງເຊີບ, ສິ້ນສຸດຢູ່ຫຼັກໝາຍຊາຍແດນແຫ່ງຊາດເລກທີ 255. ຝ່າຍປະເທດ ລາວ ຈາກຫຼັກໝາຍເລກທີ 255 ເຊື່ອມຕໍ່ຫາ ເມືອງ ສົບເບົາ ແມ່ນເສັ້ນທາງຫຼວງແຫ່ງຊາດ 6B ຂອງ ລາວ, ເປີດກວ້າງເຖິງບັນດາແຂວງພາກເໜືອຂອງ ລາວ.

ວັນທີ 22 ທັນວາ 2020, ລັດຖະບານ ແຫ່ງ ສາທາລະນະລັດ ສັງຄົມນິຍົມ ຫວຽດນາມ ໄດ້ອອກ ມະຕິ ເລກທີ 182/NQ-CP ວ່າດ້ວຍການຍົກລະດັບດ່ານ​ຊາຍ​ແດນ ລ້ອງເຊີບ, ແຂວງ ເຊີນລາ ໃຫ້ເປັນ ດ່ານສາກົນ. ວັນ​ທີ 31 ທັນວາ 2020, ກະຊວງ​ການ​ຕ່າງປະ​ເທດ​ ຫວຽດນາມ ​ໄດ້ມີ​ຈົດໝາຍທາງການ​ແຈ້ງໃຫ້​ຝ່າຍ ​ລາວ​ຊາບ​ວ່າ ລັດຖະບານ​ ຫວຽດນາມ ​ໄດ້​ຕົກລົງ​ຍົກ​ລະດັບ​ດ່ານ​ຊາຍ​ແດນ ​ລ້ອງເຊີບ, ​ແຂວງ​ເຊີນ​ລາ ​ເປັນ​ດ່ານ​ຊາຍ​ແດນ​ສາກົນ ​ແລະ ຮຽກຮ້ອງ​ຝ່າຍ ​ລາວ ຍົກ​ລະ​ດັບ​ດ່ານ​ຊາຍ​ແດນທ້ອງຖິ່ນ​ ປ່າ​ຮ່າງ, ແຂວງ ​ຫົວ​ພັນ ໃຫ້​ເປັນ​ດ່ານ​ຊາຍ​ແດນ​ສາ​ກົນ. ວັນ​ທີ 16 ກັນຍາ 2024, ລັດຖະບານ​ ລາວ​ ໄດ້​ຕົກລົງ​ອະນຸມັດ​ຍົກ​ລະດັບ​ດ່ານ​ຊາຍ​ແດນທ້ອງຖິ່ນ​ ປ່າ​ຮ່າງ, ​ແຂວງ​ ຫົວພັນ​ ເປັນ​ດ່ານ​ຊາຍ​ແດນ​ສາກົນ.

ດ່ານ​ຊາຍ​ແດນ ​ລ້ອງເຊີບ - ປ່າ​ຮ່າງ ​ແມ່ນ​ໜຶ່ງ​ໃນ​ບັນ​ດາ​ປະ​ຕູ​ທີ່​ສຳ​ຄັນ​ເຊື່ອມ​ຕໍ່ສອງປະເທດ ​ຫວຽດ​ນາມ - ລາວ. ການ​ຍົກ​ລະດັບ​ດ່ານ​ຊາຍ​ແດນ​​ ລ້ອງເຊີບ - ປ່າ​ຮ່າງ ຂຶ້ນ​ເປັນ​ດ່ານ​ຊາຍ​ແດນ​ສາກົນ ​ຈະ​ຊຸກຍູ້​ການ​ແລກປ່ຽນ​ດ້ານ​ເສດຖະກິດ, ການ​ຄ້າ, ການ​ລົງທຶນ, ວັດທະນະທຳ ​ແລະ ການ​ທ່ອງ​ທ່ຽວ​ລະຫວ່າງ​ບັນດາ​ແຂວງ​ຊາຍ​ແດນ ຫວຽດນາມ - ລາວ, ປະກອບສ່ວນ​ພັດທະນາ​ເສດຖະກິດ - ສັງຄົມ, ການປ້ອງກັນຊາດ, ປ້ອງກັນຄວາມສະຫງົບ ​ເຂດ​ຊາຍ​ແດນ​ຂອງ​ແຕ່ລະ​ປະ​ເທດ ​ແລະ ສອງ​ແຂວງ ​ເຊີນ​ລາ - ຫົວພັນ ກໍ່ຄື​ປະກອບສ່ວນເຂົ້າ​ໃນ​ການ​ເຊື່ອມ​ຕໍ່​ເຂດ, ພາກ​ພື້ນ ​ແລະ ການສ້າງ​ປະຊາ​ຄົມ ອາ​ຊຽນ.

ຄະນະຜູ້ແທນສອງປະທດ ຫວຽດນາມ - ລາວ ເຂົ້າຮ່ວມພິທີເປີດ.

ນີ້​ແມ່ນ​ເຫດການ​ສຳຄັນ, ​ສະ​ແດງ​ໃຫ້​ເຫັນ​ເຖິງ​ສາຍ​ພົວພັນ​ມິດຕະພາບ​ທີ່​ເປັນ​ມູນ​ເຊື້ອ, ຄວາມ​ສາມັກຄີ​ແບບ​ພິ​ເສດ, ການ​ຮ່ວມ​ມື​ຍຸດ​ທະ​ສາດ​ຮອບດ້ານ, ເປັນໝາກຜົນຂອງ​ນ້ຳໃຈເປັນເພື່ອນມິດ, ນ້ຳ​ໃຈເປັນມິດ​ສະຫາຍ, ສະ​ແດງ​ໃຫ້​ເຫັນ​ຄວາມ​ສາມັກຄີເປັນເອກະພາບ ​ແລະ ຄວາມ​ໄວ້​ເນື້ອ​ເຊື່ອ​ໃຈ​ເຊິ່ງກັນ ​ແລະ ກັນ​ລະຫວ່າງ​ບັນດາການ​ນຳ ​ແລະ ປະຊາຊົນ​ສອງປະເທດ ຫວຽດນາມ - ລາວ.

ພ້ອມ​ກັນ​ນັ້ນ, ກໍ່​ແມ່ນ​ກຳລັງ​ໜູນ​ປະກອບສ່ວນ​ເຂົ້າ​ໃນ​ການ​ພັດທະນາ​ລະບົບ​ດ່ານ​ຊາຍແດນສອງປະເທດ, ເປີດອອກບັນດາ​ກາລະ​ໂອກາດ​ໃໝ່​ໃຫ້​ແກ່​ການ​ຮ່ວມ​ມື​ດ້ານ​ເສດຖະກິດ, ການ​ຄ້າ, ການ​ລົງທຶນ, ການທ່ອງທ່ຽວ​ລະຫວ່າງ​ບັນດາ​ແຂວງ​ພາກ​ເໜືອ ​ຫວຽດນາມ ກັບ​ບັນດາ​ແຂວງ​ພາກ​ເໜືອຂອງ ລາວ.