 |
| ຄະນະຜູ້ແທນ ຫວຽດນາມ ເຂົ້າຮ່ວມກອງປະຊຸມລັດຖະມົນຕີພາກພື້ນ ອາຊີ - ປາຊີຟິກ ເພື່ອຕີລາຄາ 30 ປີແຫ່ງການປະຕິບັດຖະແຫຼງການ ແລະ ໂຄງການດຳເນີນງານການກະທຳ ປັກກິ່ງ ຢູ່ ບັງກອກ, ປະເທດ ໄທ. |
ເຂົ້າຮ່ວມກອງປະຊຸມມີຜູ້ແທນ 1.200 ຄົນທີ່ມາຈາກ 51 ປະເທດ ແລະ ເຂດແຄວ້ນໃນພາກພື້ນ ອາຊີ - ປາຊີຟິກ, ໃນນັ້ນມີບັນດາລັດຖະມົນຕີ, ຫົວໜ້າຄະນະ, ຜູ້ນຳບັນດາອົງການແຫ່ງລັດ, ຜູ້ນຳບັນດາອົງການຈັດຕັ້ງສາກົນ, ຜູ້ຕາງໜ້າບັນດາອົງການບໍ່ຂຶ້ນກັບລັດຖະບານ ແລະ ບັນດາຜູ້ຊ່ຽວຊານໃນຂົງເຂດຄວາມສະເໝີພາບທາງເພດ.
ຄະນະຜູ້ແທນ ຫວຽດນາມ ໂດຍຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ທ່ານນາງ ຫງວຽນທິຮ່າ ເປັນຫົວໜ້າຄະນະ. ເຂົ້າຮ່ວມຄະນະມີບັນດາຜູ້ຕາງໜ້າກົມສະເໝີພາບທາງເພດ ແລະ ກົມການຮ່ວມມືສາກົນ (ກະຊວງແຮງງານ, ທະຫານເສຍອົງຄະ ແລະ ສັງຄົມ), ຄະນະຜູ້ປະຈຳການ ຫວຽດນາມ ປະຈຳຄະນະກຳມະການເສດຖະກິດ ແລະ ສັງຄົມ ອາຊີ - ປາຊີຟິກ (UN ESCAP).
ກອງປະຊຸມແມ່ນເພື່ອແນໃສ່ຕີລາຄາລະດັບຄວາມຄືບໜ້າໃນການປະຕິບັດຖະແຫຼງການ ແລະ ໂຄງການດຳເນີນງານການກະທຳ ປັກກິ່ງ ຢູ່ພາກພື້ນ ອາຊີ - ປາຊີຟິກ ໃນ 5 ປີຜ່ານມາ, ຊອກຮູ້ບັນດາບົດຮຽນປະສົບການ, ຕົວຢ່າງທີ່ດີພ້ອມທັງຄວາມຫຍຸ້ງຍາກ, ສິ່ງທ້າທາຍ, ໃຫ້ບຸລິມະສິດການກະທຳທີ່ຈຳເປັນເພື່ອບັນລຸຄວາມສະເໝີພາບທາງເພດ ແລະ ມອບສິດໃຫ້ແກ່ແມ່ຍິງ; ແບ່ງປັນຂໍ້ມູນກ່ຽວກັບນະໂຍບາຍຄວາມສະເໝີພາບທາງເພດ ແລະ ມອບສິດໃຫ້ແກ່ແມ່ຍິງ.
ເຫດການດັ່ງກ່າວກໍ່ແມ່ນໂອກາດເພື່ອຊຸກຍູ້ຄວາມເຫັນດີເຫັນພ້ອມຂອງພາກພື້ນກ່ຽວກັບບັນດາການກະທຳບຸລິມະສິດ ເພື່ອເລັ່ງການປະຕິບັດບັນດາຄຳໝັ້ນສັນຍາໃນຖະແຫຼງການ ແລະ ກະກຽມເນື້ອໃນໃຫ້ແກ່ກອງປະຊຸມເທື່ອທີ 69 ຂອງຄະນະກຳມະການຖານະຕຳແໜ່ງແມ່ຍິງ ໃນເດືອນ ມີນາ ປີ 2025.
ກອງປະຊຸມລັດຖະມົນຕີໄດ້ດຳເນີນເປັນເວລາ 3 ວັນ ດ້ວຍຫຼາຍເຫດການໄດ້ຈັດຕັ້ງປິ່ນອ້ອມບັນດາຫົວຂໍ້ບຸລິມະສິດກ່ຽວກັບການຊຸກຍູ້ການມອບສິດດ້ານເສດຖະກິດໃຫ້ແກ່ແມ່ຍິງ; ເພີ່ມທະວີການເຂົ້າຮ່ວມ ແລະ ນຳພາຂອງແມ່ຍິງໃນພາກພື້ນ ອາຊີ - ປາຊີຟິກ; ບັນດາຍຸດທະສາດທີ່ຍືນຍົງເພື່ອຮັບມື ແລະ ສະກັດກັ້ນການໃຊ້ຄວາມຮຸນແຮງຕໍ່ແມ່ຍິງ ແລະ ເດັກຍິງ; ແລະ ຊຸກຍູ້ຄວາມສະເໝີພາບທາງເພດໂດຍຜ່ານບັນດາການກະທຳ ເພື່ອປັບປຸງສາຍພົວພັນລະຫວ່າງຍິງຊາຍ.
ກ່າວຄຳປາໄສທີ່ວາລະປະຊຸມຫຼັກຂອງກອງປະຊຸມ, ທ່ານຮອງລັດຖະມົນຕີ ນາງ ຫງວຽນທິຮ່າ ເນັ້ນໜັກວ່າ: 30 ປີທີ່ຜ່ານມາ, ພິເສດແມ່ນໄລຍະ 2019-2024, ຫວຽດນາມ ໄດ້ຕັດສິນໃຈປະຕິບັດບັນດາເປົ້າໝາຍຂອງໂຄງການດຳເນີນງານການກະທຳ ປັກກິ່ງ, ບັນດາຄຳໝັ້ນສັນຍາສາກົນອື່ນໆກ່ຽວກັບຄວາມສະເໝີພາບທາງເພດ, ພົ້ນເດັ່ນແມ່ນການກໍ່ສ້າງ, ປັບປຸງກົດໝາຍ ແລະ ນະໂຍບາຍຂອງຊາດ.
ຫວຽດນາມ ປະຕິບັດຄວບບັນຫາຄວາມສະເໝີພາບທາງເພດເຂົ້າໃນການກໍ່ສ້າງເອກະສານນິຕິກຳ ແລະ ນະໂຍບາຍຢ່າງຈິງຈັງ ເພື່ອແນໃສ່ລົບລ້າງບັນດາລະບຽບການທີ່ມີລັກສະນະຈຳແນກຍິງ - ຊາຍ.
ຍຸດທະສາດແຫ່ງຊາດກ່ຽວກັບຄວາມສະເໝີພາບທາງເພດ ໄລຍະ 2021-2030 ໄດ້ວາງອອກດ້ວຍຫຼາຍເປົ້າໝາຍ, ລະດັບຄາດໝາຍ ແລະ ວິທີການແກ້ໄຂ ເພື່ອແນໃສ່ຮັດແຄບຊ່ອງຫວ່າງຍິງ-ຊາຍ, ສ້າງເງື່ອນໄຂ, ໂອກາດໃຫ້ຍິງ - ຊາຍເຂົ້າຮ່ວມ ແລະ ໄດ້ຊົມໃຊ້ຄວາມສະເໝີພາບໃນທຸກຂົງເຂດຂອງຊີວິດສັງຄົມ, ປະກອບສ່ວນເຂົ້າໃນການພັດທະນາແບບຍືນຍົງຂອງປະເທດ. ຄຽງຂ້າງນັ້ນ, ບັນດາລາຍການກ່ຽວກັບສື່ມວນຊົນທີ່ຊຸກຍູ້ຄວາມສະເໝີພາບທາງເພດໃນຂົງເຂດຕ່າງໆ ກໍ່ໄດ້ຮັບການປະກາດໃຊ້ ແລະ ຜັນຂະຫຍາຍໃນທົ່ວປະເທດໂດຍລັດຖະບານ.
ການເຂົ້າຮ່ວມຢ່າງຕັ້ງໜ້າຂອງອຳນາດການປົກຄອງ, ບັນດາອົງການຈັດຕັ້ງການເມືອງ ແລະ ສັງຄົມຈາກສູນກາງລົງຮອດທ້ອງຖິ່ນໃນການປະຕິບັດກົດໝາຍ ແລະ ນະໂຍບາຍ ໄດ້ນຳມາເຊິ່ງໝາກຜົນສຳຄັນຫຼາຍຢ່າງ. ບັນດາຄວາມມານະພະຍາຍາມ ແລະ ຄວາມຕັດສິນໃຈທີ່ກ່າວມາຂ້າງເທິງນີ້ ໄດ້ປັບປຸງຖານະບົດບາດຂອງແມ່ຍິງ ຫວຽດນາມ ຢ່າງຈະແຈ້ງ.
ທ່ານຮອງລັດຖະມົນຕີ ນາງ ຫງວຽນທິຮ່າ ຖືວ່າ: ເພື່ອບັນລຸຄວາມກ້າວໜ້າດ້ານຄວາມສະເໝີພາບທາງເພດ, ສິ່ງທີ່ສຳຄັນແມ່ນ ຕ້ອງມີຄວາມເອກະພາບຮ່ວມກ່ຽວກັບຄວາມຮັບຮູ້, ນັ້ນແມ່ນການພັດທະນາເສດຖະກິດຕ້ອງໄປຄຽງຄູ່ກັບຄວາມກ້າວໜ້າ ແລະ ຄວາມຍຸຕິທຳໃນສັງຄົມ, ຫຼຸດຜ່ອນຄວາມທຸກຍາກ ແລະ ເອົາໃຈໃສ່ເຖິງບັນດາກຸ່ມເປົ້າໝາຍດ້ອຍໂອກາດ, ພິເສດແມ່ນແມ່ຍິງ ແລະ ເດັກນ້ອຍ; ເພີ່ມທະວີລະບົບຄຸ້ມຄອງລັດກ່ຽວກັບຄວາມສະເໝີພາບທາງເພດ ແລະ ສົມທົບບັນດາບັນຫາຄວາມສະເໝີພາບທາງເພດເຂົ້າໃນບັນດາໂຄງການ ແລະ ຂໍ້ລິເລີ່ມໃນທຸກຂັ້ນ ແລະ ທຸກຂົງເຂດ.
 |
| ຮອງລັດຖະມົນຕີກະຊວງແຮງງານ, ທະຫານເສຍອົງຄະ ແລະ ສັງຄົມ ທ່ານນາງ ຫງວຽນທິຮ່າ ກ່າວຄຳປາໄສທີ່ວາລະປະຊຸມຫຼັກຂອງກອງປະຊຸມ. |
ຄຳປາໄສຂອງຮອງລັດຖະມົນຕີ ທ່ານນາງ ຫງວຽນທິຮ່າ ໄດ້ສົ່ງສານໃນພາກພື້ນ ອາຊີ - ປາຊີຟິກ ວ່າ ຫວຽດນາມ ໄດ້ຕັດສິນໃຈປະຕິບັດບັນດາມາດຕະການທີ່ລະບຸໄວ້ໃນບົດລາຍງານແຫ່ງຊາດ 30 ປີ ກວດກາຄືນການປະຕິບັດໂຄງການດຳເນີນງານ ແລະ ມຸ່ງໄປເຖິງການປະຕິບັດໂຄງການດຳເນີນງານ 2030 ເພື່ອການພັດທະນາແບບຍືນຍົງ, ເພື່ອບໍ່ໃຫ້ຜູ້ໃດຖືກປະໄວ້ທາງຫຼັງໃນຂະບວນວິວັດການພັດທະນາ. ຫວຽດນາມ ຈະສືບຕໍ່ເພີ່ມທະວີການພົວພັນຄູ່ຮ່ວມມືລະຫວ່າງລັດຖະບານ ແລະ ບັນດາພາກສ່ວນທີ່ກ່ຽວຂ້ອງ, ໃນນັ້ນ ມີບັນດາອົງການສະຫະປະຊາຊາດ, ເພື່ອຫັນການໜູນຊ່ວຍທີ່ມີໝາກຜົນກ່ຽວກັບຄວາມສະເໝີພາບທາງເພດ ແລະ ຄວາມກ້າວໜ້າຂອງແມ່ຍິງໃຫ້ໄດ້ສູງທີ່ສຸດ.
 | ຍສໝ - ຕາມທ່ານປະທານສະມາຄົມມິດຕະພາບ ຫວຽດນາມ - ເບລາຣຸດ ຫງວຽນຕ໋ວນຟອງ ແລ້ວ, ປະຈຸບັນ, ການພົວພັນແລກປ່ຽນ ແລະ ການຮ່ວມມືລະຫວ່າງສະມາຄົມມິດຕະພາບ ເບລາຣຸດ - ຫວຽດນາມ ແລະ ສະມາຄົມມິດຕະພາບ ຫວຽດນາມ - ເບລາຣຸດ ໄດ້ຮັບການຮັກສາເປັນປະຈຳ ບົນພື້ນຖານສາມັກຄີ. |
 | ຍສໝ - ທ່ານເອກອັກຄະລັດຖະທູດ Azerbaijani ປະຈຳ ຫວຽດນາມ Shovgi Mehdizade ໃຫ້ຮູ້ວ່າ: ປີ 2022 ແມ່ນປີສຳຄັນທີ່ສອງປະເທດສະເຫຼີມສະຫຼອງ 30 ປີແຫ່ງວັນສ້າງຕັ້ງການພົວພັນທາງການທູດ, ມີຫຼາຍເຫດການໄດ້ຈັດຂຶ້ນໃນໂອກາດສຳຄັນນີ້, ໃນນັ້ນແມ່ນ ການແຂ່ງຂັນໝາກຮຸກມິດຕະພາບຈັດຕັ້ງໂດຍສະຖານທູດ Azerbaijan ສົມທົບກັບສະຫະພັນໝາກຮຸກ Azerbaijan ແລະ ສະຫະພັນໝາກຮຸກຫວຽດນາມ. |
ມິງດຶກ (baoquocte.vn)
