 | ງານຕະຫຼາດນັດການຄ້າການທ່ອງທ່ຽວ ຫວຽດນາມ - ລາວ ໃນປີ 2024 |
| ຕະຫຼາດນັດ ຕົວຈົວ ໄດ້ຮັບການຮັບຮອງເປັນແຫຼ່ງທ່ອງທ່ຽວ |
 |
| ໃນທຸກໆວັນອາທິດ, ຢູ່ເຂດທີ່ຕິດກັນລະຫວ່າງດ່ານຊາຍແດນສາກົນ ນ້ຳກັ່ນ (ເມືອງກີເຊີນ, ແຂວງ ເຫງ້ອານ, ຫວຽດນາມ) ກັບດ່ານຊາຍແດນສາກົນ ນ້ຳກັ່ນ (ແຂວງ ຊຽງຂວາງ, ລາວ) ໄດ້ດຳເນີນຕະຫຼາດນັດພິເສດ. |
 |
| ນີ້ແມ່ນໂອກາດເພື່ອໃຫ້ ຊາວທ້ອງຖິ່ນແຂວງ ເຫງ້ອານ (ຫວຽດນາມ) ແລະ ແຂວງ ຊຽງຂວາງ (ລາວ) ໄດ້ແລກປ່ຽນສິນຄ້າ, ວັດຖຸພັນທ້ອງຖິ່ນ ແລະ ແລກປ່ຽນວັດທະນະທຳ. ນັບແຕ່ຕອນເຊົ້າມາ ໄດ້ມີປະຊາຊົນພັນຄົນໄດ້ພາກັນມາຢູ່ທີ່ນີ້. |
 |
| ສິນຄ້າທີ່ຄ້າຂາຍ, ແລກປ່ຽນຢູ່ຕະຫຼາດແມ່ນອຸດົມສົມບູນ, ຫຼາກຫຼາຍ ມີນັບແຕ່ຜະລິດຕະພັນກະເສດ, ຜັກ, ໝາກໄມ້, ປາ, ຊີ້ນ ຕະຫຼອດເຖິງເຄື່ອງນຸ່ງ... |
 |
| ຕາມທ້າວ ກູດສີອອນ (ຢູ່ຕາແສງ ຕາກ້າ, ເມືອງ ກີເຊີນ) ແລ້ວ, ເພື່ອກະກຽມໃຫ້ຕະຫຼາດນັດ, ແຕ່ຕອນບ່າຍວັນເສົາ, ບັນດາຄົນຄ້າຂາຍຍ່ອຍຕ້ອງມີໜ້າເພື່ອຈັດສິນຄ້າຂຶ້ນຖ້ານຮ້ານ. ບັນຍາກາດແມ່ນຄຶກຄື້ນ ແລະ ມ່ວນຊື່ນຫຼາຍ, ສະນັ້ນ ທຸກຄົນກໍ່ຕັ້ງໃຈລໍຖ້າຕະຫຼາດນັດໃໝ່. |
 |
| ຢູ່ຕະຫຼາດຊາຍແດນ ນ້ຳກັ່ນ, ຄົນຄ້າຂາຍລາຍຍ່ອຍມີທັງຊາວ ຫວຽດນາມ ແລະ ຊາວ ລາວ. ເງິນຕາຂອງທັງສອງປະເທດລ້ວນແຕ່ສາມາດໃຊ້ ເພື່ອຊື້ຂາຍ. |
 |
| ທ່ານ ຫງວຽນເຈືອງຢາງ (ເສື້ອສີຟ້າ, ຢູ່ຕາແສງ ໄທຮ່ວາ, ແຂວງ ເຫງ້ອານ) ໃຫ້ຮູ້ວ່າ: ຂ້າພະເຈົ້າໄດ້ຍິນຊື່ສຽງຕະຫຼາດຊາຍແດນ ນ້ຳກັ່ນ ມາແຕ່ດົນນານ, ແຕ່ວ່ານີ້ແມ່ນເທື່ອທຳອິດຂ້າພະເຈົ້າໄປ. ນີ້ບໍ່ພຽງແຕ່ແມ່ນບ່ອນແລກປ່ຽນຄ້າຂາຍເທົ່ານັ້ນ ຫາກຍັງແມ່ນບ່ອນແລກປ່ຽນວັດທະນະທຳ, ຮັດແໜ້ນຄວາມສາມັກຄີອ້າຍນ້ອງ ຫວຽດນາມ - ລາວ. |
 |
| ນາງ ໂສງອິຈີ (ຢູ່ຕາແສງ ນ້ຳກັ່ນ - ເຈົ້າຂອງຮ້ານຂາຍເຄື່ອງນຸ່ງຢູ່ຕະຫຼາດ) ແບ່ງປັນວ່າ: ຢູ່ບ້ານຂ້າພະເຈົ້າໄດ້ຂາຍໂສ້ງເສື້ອ ມາປະມານ 5 ປີແລ້ວ, ທຸກໆຄັ້ງທີ່ຕະຫຼາດນັດເປີດ, ຂ້າພະເຈົ້ານຳເອົາສິນຄ້າມາຂາຍຢູ່ນີ້. |
 |
| ເພາະວ່າໃນວັນອາທິດ, ນັກຮຽນໄດ້ພັກຮຽນ, ນາງ ອິຈີ ຕ້ອງພາລູກສາວໄປນຳເພື່ອຈະໄດ້ເບິ່ງແຍງ ແລະ ເປັນນາງແບບລອງໃສ່ບັນດາເຄື່ອງນຸ່ງອາພອນ. |
 |
| ບໍ່ພຽງແຕ່ ນາງ ອິຈີ ເທົ່ານັ້ນ, ຫລາຍຄອບຄົວ ກໍ່ໄດ້ພາບັນດາລູກນ້ອຍໄປ ເພື່ອບັນດາລູກໄດ້ລົງຕົວຈິງໃນບັນຍາກາດແລກປ່ຽນການຄ້າ ແລະ ພື່ນທີ່ພົບປະແລກປ່ຽນວັດທະນະທຳຂອງປະຊາຊົນບັນດາຊາວເຜົ່າສ່ວນໜ້ອຍຢູ່ເຂດຊາຍແດນ. |
 |
| ທ່ານ ວີວັນລອງ (ຢູ່ຕາແສງ ບ໋າວຖັງ) ໃຫ້ຮູ້ວ່າ: ທຸກໆຄັ້ງທີ່ເປີດຕະຫຼາດນັດ, ລາວ ແລະ ເມຍຂອງລາວ ຈະຕ່າງຜະລິດຕະພັນກະເສດຢູ່ ຫວຽດນາມ ໄປຂາຍ; ຫຼັງຈາກນັ້ນ ກໍ່ນຳເຂົ້າກະເສດຂອງລາວ ໄປຍັງຕະຫຼາດ ເມືອງແສນ ເພື່ອຂາຍຕໍ່. |
 |
| ຕາມການນຳຂອງເມືອງ ກີເຊີນ ໃຫ້ຮູ້ວ່າ: ຕະຫຼາດຊາຍແດນ ນ້ຳກັ່ນ ແມ່ນຕະຫຼາດມູນເຊື້ອທີ່ໄດ້ຮັບການຮັກສາໄວ້ແຕ່ດົນນານຈົນຮອດປະຈຸບັນ. |
 |
| ມີໄລຍະໜຶ່ງທີ່ຕະຫຼາດຕັ້ງຢູ່ໃນດິນແດນ ຫວຽດນາມ, ຫຼັງຈາກນັ້ນ ຍ້າຍມາຢູ່ໃນດິນແດນ ລາວ. ແຕ່ຍ້ອນເຫດຜົນຫຼາຍຢ່າງ, ຕໍ່ມາຈຶ່ງໄດ້ຍ້າຍໄປຢູ່ເຂດດິນວ່າງຂຶ້ນກັບເຂດດິນແດນຂອງ ລາວ, ແຕ່ຕັ້ງຢູ່ນອກດ່ານຊາຍແດນຂອງສອງປະເທດ. |
 |
| ນອກຈາກການແລກປ່ຽນການຄ້າ, ຕະຫຼາດກໍ່ແມ່ນບ່ອນແລກປ່ຽນວັດທະນະທຳຂອງປະຊາຊົນສອງປະເທດ, ຈາກນັ້ນ ກໍ່ຮັດແໜ້ນຄວາມເປັນອ້າຍນ້ອງທີ່ສະໜິດຕິດພັນ. |
 |
| ກ່ຽວກັບຝ່າຍ ຫວຽດນາມ, ຕາແສງ ນ້ຳກັ່ນ ກໍ່ໄດ້ກໍ່ສ້າງ 2 ກຸ່ມ homestay ດ້ວຍຄວາມບັນຈຸຫຼາຍສຸດແມ່ນ 75 ຄົນ ເພື່ອໃຫ້ນັກທ່ອງທ່ຽວຈາກທົ່ວປວງຊົນ ສາມັດແລກປ່ຽນ, ລົງຕົວຈິງວັດທະນະທຳ, ປະເພນີຂອງຊາວເຜົ່າມົ້ງ ກ່ອນ ແລະ ຫຼັງຕະຫຼາດນັດ. |
 |
| ກ່ຽວກັບໄລຍະຍາວ, ແຂວງ ເຫງ້ອານ (ຫວຽດນາມ) ແລະ ແຂວງ ຊຽງຂວາງ (ລາວ) ໄດ້ເປັນເອກະພາບກັນສ້າງເຂດຊາຍແດນ, ໃນນັ້ນ ຕະຫຼາດຢູ່ເຂດຊາຍແດນກໍ່ໄດ້ລົງທຶນ ແລະ ກໍ່ສ້າງໃຫ້ສົມກັບລະດັບ. |
 | ວິສາຫະກິດຫວຽດນາມ - ກຳປູເຈຍ - ລາວ 120 ແຫ່ງເຂົ້າຮ່ວມງານຕະຫຼາດນັດສາກົນຢູ່ ອານຢາງ ຍສໝ - 300 ຮ້ານຂອງ 120 ວິສາຫະກິດຂອງ ຫວຽດນາມ, ກຳປູເຈຍ ແລະ ລາວ ໄດ້ເຂົ້າຮ່ວມງານຕະຫຼາດນັດສາກົນ ຕິງບຽນ ຈັດໂດຍແຂວງ ອານຢາງ. |
 | ຜະລິດຕະພັນກະເສດຂອງຫວຽດນາມ ສ້າງຄວາມປະທັບໃຈແບບພິເສດຢູ່ງານຕະຫຼາດນັດ FoodService Australia 2024 ຍສໝ - ຫ້ອງການປະສານງານໂຄງການກໍ່ສ້າງຊົນນະບົດໃໝ່ນະຄອນ ຮ່າໂນ້ຍ ສົມທົບກັບອົງການການຄ້າ ຫວຽດນາມ ປະຈຳ ອົດສະຕຣາລີ ໄດ້ຈັດຕັ້ງຄະນະຜູ້ແທນສົ່ງເສີມການຄ້າເຂົ້າຮ່ວມງານຕະຫຼາດນັດ Foodservice Australia 2024 ຢູ່ນະຄອນ Sydney ແຕ່ວັນທີ 19-21 ພຶດສະພາ - ງານຕະຫຼາດນັດສາກົນແຖວໜ້າກ່ຽວກັບຂະແໜງການອາຫານຢູ່ ອົດສະຕຣາລີ ເຊິ່ງໄດ້ຈັດຂຶ້ນປະຈໍາປີໃນຕະຫຼອດ 40 ປີທີ່ຜ່ານມາ. |
ແທັງຮັ່ງ
