 |
| ພິທີເປີດສັບປະດາຮູບເງົາຫວຽດນາມ ຢູ່ Colombo. (ພາບ: ສະຖານທູດ ຫວຽດນາມ ປະຈຳ ສີລັງກາ) |
ຕອນຄ່ຳວັນທີ 21 ກໍລະກົດ, ຢູ່ນະຄອນຫຼວງ Colombo, ສະຖານທູດຫວຽດນາມ ປະຈຳ ສີລັງກາ ໄດ້ຈັດຕັ້ງພິທີໄຂເປີດສັບປະດາຮູບເງົາຫວຽດນາມ 2025. ເຫດການດັ່ງກ່າວມີແຂກຖືກເຊີນປະມານ 250 ຄົນ, ໃນນັ້ນມີບັນດາການນຳຂັ້ນສູງຂອງສີລັງກາ ເປັນຕົ້ນແມ່ນທ່ານປະທານສະພາແຫ່ງຊາດ Jagath Wickramaratne, ທ່ານ ຮອງປະທານສະພາແຫ່ງຊາດ Rizvie Salih, ທ່ານລັດຖະມົນຕີກະຊວງວັດທະນະທຳ, ພຸດທະສາສະໜາ Hiniduma Sunil Senevi, ພ້ອມກັບຜູ້ຕາງໜ້າບັນດາກະຊວງ, ຄະນະການທູດ, ສະມາຄົມມິດຕະພາບ ແລະ ປະຊາຄົມຊາວ ຫວຽດນາມ ຢູ່ ສີລັງກາ.
ກ່າວຄຳປາໄສທີ່ໄຂກອງປະຊຸມ, ທ່ານນາງເອກອັກຄະລັດຖະທູດ ຫວຽດນາມ ປະຈຳ ສີລັງກາ ຈິ້ງທິເຕີມ ເນັ້ນໜັກວ່າ ສັບປະດາບໍ່ພຽງແຕ່ປະກອບສ່ວນເຊີດຊູສາຍພົວພັນມິດຕະພາບລະຫວ່າງສອງປະເທດໃນເຄິ່ງສະຕະວັດຜ່ານມາເທົ່ານັ້ນ, ຫາກຍັງແມ່ນໂອກາດເພື່ອແນະນຳວັດທະນະທຳ, ປະຊາຊົນ ແລະ ບັນດາຮູບເງົາຫວຽດນາມ ທີ່ພວມພັດທະນາຢ່າງວ່ອງໄວເຖິງປະຊາຊົນ ສີລັງກາ ແລະ ເພື່ອນມິດສາກົນ.
ຮູບເງົາດີເດັ່ນ 3 ເລື່ອງທີ່ນຳມາສະເໜີໃນຂອບເຂດສັບປະດາຮູບເງົາລວມມີ: “ດາວ, ເຟີ ແລະ Piano” - ເລື່ອງຄວາມຮັກໃນທ່າມກາງໄຟຂອງສົງຄາມ; “ບາຢາດີ່ບູ້ຍ” - ເປັນການເດີນທາງທີ່ຕະຫຼົກຂອງການຄົ້ນພົບຕົນເອງ; “ເວີງຈັງເທີເອົ໋າ” - ຮູບເງົາກ່ຽວກັບໄວເດັກຂອງປະທານໂຮ່ຈີມິນ. ນອກຈາກນັ້ນ, ຮູບເງົາສາລະຄະດີສັ້ນແນະນຳຄວາມງາມທຳມະຊາດ ແລະ ວິຖີຊີວິດວັດທະນະທຳຂອງຫວຽດນາມ ກໍ່ຈະໄດ້ຮັບການຄັດຈ້ອນ, ເຮັດໃຫ້ຜູ້ຊົມສີລັງກາມີທັດສະນະທີ່ຫຼາກຫຼາຍ ແລະ ແທດຈິງກ່ຽວກັບປະເທດ ແລະ ປະຊາຊົນຫວຽດນາມ.
 |
| ທ່ານປະທານສະພາແຫ່ງຊາດສີລັງກາ Jagath Wickramaratne ກ່າວຄຳປາໄສທີ່ເຫດການ. (ພາບ: ສະຖານທູດ ຫວຽດນາມ ປະຈຳ ສີລັງກາ) |
ກ່າວຄຳປາໄສທີ່ພິທີ, ທ່ານປະທານສະພາແຫ່ງຊາດ ສີລັງກາ Jagath Wickramaratne ເນັ້ນໜັກເຖິງບົດບາດຂອງຮູບເງົາໃນການເພີ່ມທະວີຄວາມເຂົ້າໃຈເຊິ່ງກັນ ແລະ ກັນລະຫວ່າງບັນດາປະເທດ. ທ່ານກໍ່ໄດ້ຕີລາຄາສູງບັນດາຜົນງານດ້ານເສດຖະກິດ - ສັງຄົມຂອງ ຫວຽດນາມ, ຢືນຢັນວ່າ ສະພາແຫ່ງຊາດສີລັງກາ ຍາມໃດກໍ່ພ້ອມແລ້ວທີ່ຈະໜູນຊ່ວຍບັນດາຂໍ້ລິເລີ່ມຊຸກຍູ້ການພົວພັນລັດຖະສະພາ, ການພົບປະແລກປ່ຽນປະຊາຊົນ ແລະ ການຮ່ວມມືດ້ານວັດທະນະທຳລະຫວ່າງ 2 ປະເທດ.
ໃນຂອບເຂດພິທີເປີດງານ ໄດ້ດຳເນີນການມອບລາງວັນການແຂ່ງຂັນຊອກຮູ້ ແລະ ອອກແບບ logo ເພື່ອສະເຫຼີມສະຫຼອງ 55 ປີແຫ່ງວັນສ້າງສາຍພົວພັນທາງການທູດ ຫວຽດນາມ - ສີລັງກາ. ບັນດາຜົນງານບັນລຸລາງວັນໄດ້ສະແດງໃຫ້ເຫັນຄວາມມີຫົວຄິດປະດິດສ້າງ, ຄວາມຮັກແພງ ແລະ ຄວາມເຂົ້າໃຈຢ່າງເລິກເຊິ່ງຂອງຊາວສີລັງກາ ຕໍ່ຫວຽດນາມ.
ເຫດການດັ່ງກ່າວຍັງໄດ້ເປັນຂີດໝາຍບາດກ້າວບຸກທະລຸໃນການແລກປ່ຽນວັນນະຄະດີລະຫວ່າງສອງປະເທດ ດ້ວຍການນຳເອົາບົດບັນທຶກການແປພາສາ Sinhala ຂອງປື້ມ “ບັນທຶກປະຈຳວັນຂອງທ່ານນາງ ດັ້ງຖູຍເຈີມ” ໂດຍທ່ານລັດຖະມົນຕີກະຊວງວັດທະນະທຳ, ພຸດທະສາສະໜາ ແລະ ສາສະໜາ ສີລັງກາ Hiniduma Sunil Senevi ແປ.
ລາຍການໄດ້ສິ້ນສຸດລົງດ້ວຍບົດເພງ “ຫວຽດນາມ - ສີລັງກາ” ແຕ່ງໂດຍນັກດົນຕີ ສີລັງກາ Mohamed Iqbal ພ້ອມກັບການຂັບຮ້ອງເພງພື້ນເມືອງຫວຽດນາມ “ໂຈ໋ງເກີມ” ໂດຍມີການເຂົ້າຮ່ວມຂອງເດັກນ້ອຍ ສີລັງກາ ແລະ ຜູ້ຊົມ. ພາຍຫຼັງພິທີໄຂ, ບັນດາແຂກໄດ້ຮັບປະທານອາຫານຫວຽດນາມ.
 | ສະຫະພັນບັນດາອົງການມິດຕະພາບ ຫວຽດນາມ ແລະ ກະຊວງການຕ່າງປະເທດ ຫວຽດນາມ ປຶກສາຫາລືກ່ຽວກັບກົນໄກປະສານງານໃນສະພາບການໃໝ່ ຍສໝ - ວັນທີ 8 ກໍລະກົດ, ຢູ່ຮ່າໂນ້ຍ, ສະຫະພັນບັນດາອົງການມິດຕະພາບຫວຽດນາມ ແລະ ກະຊວງການຕ່າງປະເທດ ຫວຽດນາມ ໄດ້ຈັດຕັ້ງກອງປະຊຸມປະສານວຽກງານໃນປີ 2025. ກອງປະຊຸມດັ່ງກ່າວ ໂດຍທ່ານປະທານສະຫະພັນບັນດາອົງການມິດຕະພາບຫວຽດນາມ ຟານແອງເຊີນ ແລະ ຮອງລັດຖະມົນຕີກະຊວງການຕ່າງປະເທດ ໂງເລວັນ ເປັນປະທານຮ່ວມ. |
 | ສະຫະພັນບັນດາອົງການມິດຕະພາບຫວຽດນາມ ແລະ ສະຖານທູດລາວ ປະຈຳຫວຽດນາມ ໄດ້ປຶກສາຫາລືກ່ຽວກັບກົນໄກປະສານງານເພື່ອຊຸກຍູ້ການພົວພັນມິດຕະພາບກັບປະຊາຊົນ. ຍສໝ - ວັນທີ 25 ມິຖຸນາ, ຢູ່ຮ່າໂນ້ຍ, ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟານແອງເຊີນ ໄດ້ມີການພົບປະເຈລະຈາກັບທ່ານເອກອັກຄະລັດຖະທູດລາວ ປະຈຳຫວຽດນາມ ຄຳເພົາ ເອີນທະວັນ. ສອງຝ່າຍໄດ້ປຶກສາຫາລືກ່ຽວກັບກົນໄກປະສານງານເພື່ອຊຸກຍູ້ການພົວພັນມິດຕະພາບທີ່ເປັນມູນເຊື້ອລະຫວ່າງສອງປະເທດຫວຽດນາມ - ລາວ, ປະກອບສ່ວນເຮັດໃຫ້ເພີ່ມທະວີຄວາມສາມັກຄີແບບພິເສດລະຫວ່າງສອງປະເທດເລິກເຊິ່ງກ່ວາອີກ. |
ມີງດຶກ
