74 ປີແຫ່ງວັນມູນເຊື້ອຂອງສະຫະພັນບັນດາອົງການມິດຕະພາບ ຫວຽດນາມ: ພາກພູມໃຈຕໍ່ການເດີນທາງການທູດປະຊາຊົນ

ຍສໝ - ວັນທີ 17 ພະຈິກ 1950 ໄດ້ເຂົ້າໃນປະຫວັດສາດຄືເປັນຂີດໝາຍສຳຄັນ, ສະໜິດຕິດພັນການປະຕິວັດ ຫວຽດນາມ ກັບຂະບວນການກ້າວໜ້າຂອງປະຊາຊົນໂລກ ແລະ ຫຼັງຈາກນັ້ນ ໄດ້ຮັບຮູ້ຢ່າງເປັນທາງການວ່າແມ່ນວັນມູນເຊື້ອຂອງບັນດາອົງການມິດຕະພາບ ຫວຽດນາມ, ກຳລັງຫຼັກແຫຼ່ງໃນວຽກງານການທູດປະຊາຊົນ.

	ຈົດໝາຍອວຍພອນເນື່ອງໃນໂອກາດສະເຫຼີມສະຫຼອງ 74 ປີແຫ່ງວັນມູນເຊື້ອສະຫະພັນບັນດາອົງການມິດຕະພາບຫວຽດນາມ
	ວັນມູນເຊື້ອທະຫານອາສາສະໝັກ ແລະຊ່ຽວຊານຫວຽດນາມ ຢູ່ ລາວ ຄົບຮອບ 74 ປີ

ຢູ່ເຂດທະຫານ ຫວຽດບັກ, ວັນທີ 17 ພະຈິກ 1950, ທ່ານປະທານ ໂຮ່ຈີມິນ ໄດ້ສົ່ງຈົດໝາຍໃຫ້ກອງປະຊຸມໃຫຍ່ສ້າງຕັ້ງຄະນະກຳມະການປົກປັກຮັກສາສັນຕິພາບໂລກຂອງ ຫວຽດນາມ - ອົງການການທູດປະຊາຊົນຫຼາຍຝ່າຍແຫ່ງທຳອິດຂອງ ຫວຽດນາມ, ອົງການຂອງສະຫະພັນບັນດາອົງການມິດຕະພາບ ຫວຽດນາມ.

ສອງມື້ຈາກນັ້ນ, ວັນທີ 19 ພະຈິກ 1950, ກອງປະຊຸມໃຫຍ່ສ້າງຕັ້ງຄະນະກຳມະການປົກປັກຮັກສາສັນຕິພາບໂລກຂອງ ຫວຽດນາມ ໄດ້ຈັດຂຶ້ນຢ່າງສົມກຽດຢູ່ໝູ່ບ້ານ ຣອງຄວ່າ, ຕາແສງ ດຽມມັກ, ເມືອງ ດິ້ງຫວາ, ແຂວງ ໄທຫງວຽນ. ກອງປະຊຸມໃຫຍ່ໄດ້ເຊີດຊູ ທ່ານປະທານ ໂຮ່ຈິມິນ ເປັນທະຫານສັນຕິພາບອັນດັບໜຶ່ງຂອງ ຫວຽດນາມ, ໄດ້ເລືອກຕັ້ງ ທ່ານ ໂຕນດືກຖັງ ເປັນປະທານກິດຕິມະສັກຄະນະກຳມະການ, ໄດ້ເລືອກຕັ້ງຄະນະການນຳຂອງຄະນະກຳມະການ.

ຄະນະກຳມະການມີພາລະກຳເຂົ້າຮ່ວມໃນຂະບວນການຕໍ່ສູ້ເພື່ອສັນຕິພາບຂອງປະຊາຊົນໃນໂລກ, ຍາດແຍ່ງເອົາຄວາມເປັນຈິດໜຶ່ງໃຈດຽວ, ການສະໜັບສະໜູນ, ຄວາມສາມັກຄີ ແລະ ການຮ່ວມມືຂອງປະຊາຊົນທີ່ກ້າວໜ້າໃນທົ່ວໂລກ ສຳລັບພາລະກິດ, ຕໍ່ສູ້ປົດປ່ອຍປະເທດຊາດ, ສ້າງສາ ແລະ ປ້ອງກັນປະເທດຂອງປະຊາຊົນຊາດເຮົາ.

ວັນທີ 3 ທັນວາ 2008, ໃນແຈ້ງການເລກທີ 204-TB/TW, ຄະນະເລຂາທິການສູນກາງພັກຊຸດທີ X ໄດ້ຕົກລົງເອົາວັນທີ 17 ພະຈິກ 1950 ເປັນວັນມູນເຊື້ອຂອງສະຫະພັນບັນດາອົງການມິດຕະພາບ ຫວຽດນາມ.

74 ປີແຫ່ງວັນມູນເຊື້ອຂອງສະຫະພັນບັນດາອົງການມິດຕະພາບ ຫວຽດນາມ: ພາກພູມໃຈຕໍ່ການເດີນທາງການທູດປະຊາຊົນ

ຄະນະຜູ້ແທນສະຫະພັນບັນດາອົງການມິດຕະພາບ ຫວຽດນາມ ກັບກົກເຄົ້າເຫງົ້າກໍ, ຢ້ຽມຢາມ ແລະ ມອບຂອງຂວັນສະແດງຄວາມຮູ້ບຸນຄຸນປະຊາຊົນຕາແສງ ດຽມມັກ (ເມືອງ ດິ້ງຫວາ, ແຂວງ ໄທຫງວຽນ), ບ່ອນຈັດຕັ້ງອົງການທຳອິດຂອງສະຫະພັນບັນດາອົງການມິດຕະພາບ ຫວຽດນາມ, ໃນວັນທີ 15 ພະຈິກ 2023. (ພາບ: ດິງຮວ່າ)

ເປັນເວລາ 70 ກວ່າປີຜ່ານມາ, ສະຫະພັນບັນດາອົງການມິດຕະພາບ ຫວຽດນາມ ໄດ້ດຳເນີນການເຄື່ອນໄຫວພາຍໃຕ້ການນຳພາຂອງພັກ, ເຊື່ອມຊຶມແນວຄິດຂອງທ່ານປະທານ ໂຮ່ຈິມິນ ກ່ຽວກັບການເພີ່ມເພື່ອມິດ ແລະ ຫຼຸດສັດຕູໜ້ອຍລົງ, ສາມັກຄີເພື່ອເພື່ອຜົນປະໂຫຍດອັນແທ້ຈິງຂອງປະຊາຊົນຊາດ ຫວຽດນາມ ແລະ ປະຊາຊົນໃນໂລກ.

ສະຫະພັນບັນດາອົງການມິດຕະພາບ ຫວຽດນາມ ແລະ ບັນດາອົງການສະມາຊິກ ພ້ອມກັບກຳລັງແຮງ ໄດ້ເຮັດວຽກງານການທູດປະຊາຊົນຂອງທົ່ວປະເທດ ແລະ ໄດ້ມີບັນດາປະກອບສ່ວນອັນໃຫຍ່ຫຼວງໃນການຂົນຂວາຍປະຊາຊົນໃນໂລກ ສະໜັບສະໜູນຊາວຫວຽດນາມ ໃນການຕໍ່ສູ້ຍາດເອົາເອກະລາດແຫ່ງຊາດ ແລະ ທ້ອນໂຮມປະເທດຊາດເປັນເອກະພາບ. ສະຫະພັນ ກໍ່ປະກອບສ່ວນເຂົ້າໃນການທຳລາຍການປິດລ້ອມ, ຂວ້ຳບາດ ແລະ ໃນກິດຈະການປ່ຽນແປງໃໝ່, ກໍ່ສ້າງ ແລະ ປົກປັກຮັກສາປະເທດຊາດ, ປະກອບສ່ວນປັບປຸງສັນຕິພາບ, ເພີ່ມທະວີການພົວພັນມິດຕະພາບ ແລະ ການຮ່ວມມືລະຫວ່າງປະຊາຊົນຫວຽດນາມ ກັບປະຊາຊົນບັນດາປະເທດໃນໂລກ.

VIFA ອວຍພອນສະຖານກົງສຸນໃຫຍ່ອິນເດຍ ປະຈຳ ນະຄອນໂຮ່ຈີມິນ ໃນໂອກາດວັນສະຖາປະນາປະເທດອິນເດຍຄົບຮອບ 74 ປີ

ຍສໝ - ເນື່ອງໃນໂອກາດວັນສະຖາປະນາສາທາລະນະລັດອິນເດຍຄົບຮອບ 74 ປີ (15 ສິງຫາ 1947 - 15 ສິງຫາ 2020), ທ່ານ ຮວີ່ງແທງເລີບ ປະທານ VIFA ປາດຖະໜາວ່າຜ່ານ ທ່ານ ຫົວໜ້າກົງສຸນໃຫຍ່ Madan Mohan Sethi ຂໍອວຍພອນໄຊອັນປະເສີດ ໄປຍັງ ປະຊາຊົນອິນເດຍ.