 | ເຜີຍແຜ່ແນວຄິດຂອງປະທານ ໂຮ່ຈິມິນ ກ່ຽວກັບສັນຕິພາບ |
| ບັນດາອົງການຜູ້ຕາງໜ້າ ຫວຽດນາມ ຢູ່ຕ່າງປະເທດເຊື່ອມຕໍ່ແຫຼ່ງຊັບພະຍາກອນໜູນຊ່ວຍການພັດທະນານະຄອນ ໂຮ່ຈິມິນ |
ທີ່ການພົບປະບັນດາຄະນະຜູ້ແທນ SSEAYP ໃນຕອນຄ່ຳວັນທີ 14 ພະຈິກ, ທ່ານ ຫວໍວັນຮວ່ານ, ຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ໄດ້ໃຫ້ການຕ້ອນຮັບດ້ວຍຄວາມຍິນດີຢ່າງສຸດໃຈ. ທ່ານຢືນຢັນວ່າ SSEAYP ຍາມໃດກໍ່ໄດ້ຮັບຄວາມເອົາໃຈໃສ່ ແລະ ຄວາມຮັກແພງຈາກປະຊາຊົນ ແລະ ຊາວໜຸ່ມນະຄອນ. ທ່ານ ໃຫ້ຮູ້ວ່າ ການຢ້ຽມຢາມຄັ້ງນີ້ຂອງກຳປັ່ນ Nippon Maru ມີຄວາມໝາຍພິເສດ, ເປັນພະຍານຫຼັກຖານໃຫ້ຄວາມມານະພະຍາຍາມຢ່າງບໍ່ຢຸດຢັ້ງໃນການເພີ່ມພູນຄູນສ້າງມິດຕະພາບແບບຍືນຍົງລະຫວ່າງບັນດາປະເທດ ອາຊີຕາເວັນອອກສ່ຽງໃຕ້ ແລະ ຍີ່ປຸ່ນ.
 |
| ຄະນະຜູ້ແທນລາຍການກຳປັ່ນຊາວໜຸ່ມອາຊີຕາເວັນອອກສ່ຽງໃຕ້ ແລະ ຍີ່ປຸ່ນ ໄປຢ້ຽມຢາມ ຫວຽດນາມ. (ພາບ: ຄະນະຊາວໜຸ່ມນະຄອນ ໂຮ່ຈີມິນ) |
ທ່ານເຊື່ອໝັ້ນວ່າ ຊາວໜຸ່ມນະຄອນ ໂຮ່ຈີມິນ ຍາມໃດກໍ່ປາດຖະໜາຢາກພົບປະແລກປ່ຽນ, ຮ່ຳຮຽນຈາກເພື່ອນມິດສາກົນ, ພິເສດແມ່ນບັນດາຊາວໜຸ່ມດີເດັ່ນມາຈາກບັນດາປະເທດອາຊີຕາເວັນອອກສ່ຽງໃຕ້ ແລະ ຍີ່ປຸ່ນ. ຜ່ານນັ້ນ, ກໍ່ຝຶກຝົນຕົນເອງ, ຮັດແໜ້ນຄວາມເປັນມິດຕະພາບ, ປະກອບສ່ວນເຂົ້າໃນການພັດທະນຢ່າງຕັ້ງໜ້າ ແລະ ການພົວພັນຕ່າງປະເທດຂອງນະຄອນ, ປະເທດ ແລະ ພາກພື້ນ.
 |
| ຄະນະຜູ້ແທນຊາວໜຸ່ມ ຫວຽດນາມ. (ພາບ: ຄະນະຊາວໜຸ່ມນະຄອນ ໂຮ່ຈີມິນ) |
ທ່ານຫວັງວ່າ ຜູ້ແທນ SSEAYP ແຕ່ລະຄົນຈະກາຍເປັນທູດວັດທະນະທຳ, ສວມບົດບາດເປັນຂົວເຊື່ອມຕໍ່ ແລະ ຜູ້ແນະນຳເພື່ອແບ່ງປັນ ແລະ ໂຄສະນາເລື່ອງລາວທີ່ສວຍງາມ ແລະ ຜົນສຳເລັດການພັດທະນາຂອງປະເທດຕົນ. ພ້ອມກັນນັ້ນ, ກໍ່ນຳພາບພົດວັດທະນະທຳ ແລະ ປະຊາຊົນນະຄອນ ໂຮ່ຈີມິນ ຫຍັບເຂົ້າໃກ້ກັບປະຊາຄົມ ແລະ ປະເທດຊາດ.
ກ່ອນນັ້ນ, ຕ້ອນຮັບຄະນະຢູ່ທ່າກຳປັ່ນ ເຕີນກາງ - ຫຽບເຟືອກ, ສະຫາຍ ນາງ ຫງວຽນຟ້າມຢຸ່ຍຈາງ ເລຂາທິການຄະນະບໍລິຫານງານສູນກາງຊາວໜຸ່ມ, ປະທານສະພາເຍົາວະຊົນສູນກາງ ໃຫ້ຮູ້ວ່າ SSEAYP ແມ່ນຂໍ້ລິເລີ່ມທີ່ສຳຄັນເພື່ອເພີ່ມທະວີຄວາມເຂົ້າໃຈ ແລະ ສະໜິດຕິດພັນ ລະຫວ່າງຊາວໜຸ່ມໃນພາກພື້ນ. ສະຫາຍເຊື່ອໝັ້ນວ່າ ບັນດາຜູ້ແທນບໍ່ພຽງແຕ່ແມ່ນຜູ້ຕາງໜ້າຂອງປະເທດຊາດເທົ່ານັ້ນ ຫາກຍັງແມ່ນທູດວັດທະນະທຳ, ຈະສົມທົບກັນຊຸກຍູ້ສັນຕິພາບ, ສະຖຽນລະພາບ ແລະ ການພັດທະນາແບບຍືນຍົງຂອງພາກພື້ນ ແລະ ໂລກ.
 |
| ຄະນະຜູ້ແທນຊາວໜຸ່ມ ຍີ່ປຸ່ນ. (ພາບ: ຄະນະຊາວໜຸ່ມນະຄອນ ໂຮ່ຈີມິນ) |
ໃນ 4 ມື້ທີ່ພັກຢູ່ນະຄອນ ໂຮ່ຈີມິນ, ບັນດາຜູ້ແທນຈະເຂົ້າຮ່ວມບັນດາການເຄື່ອນໄຫວທີ່ມີຄວາມໝາຍ, ລວມມີການຖວາຍດອກໄມ້ຢູ່ອະນຸສາວະລີປະທານ ໂຮ່ຈີມິນ ຢູ່ຖະໜົນຍ່າງ ຫງວຽນເຫ້ວ; ພົບປະ ແລະ ໂອ້ລົມກັບການນຳນະຄອນ ໂຮ່ຈີມິນ; ເຂົ້າຮ່ວມບັນດາການເຄື່ອນໄຫວພົບປະແລກປ່ຽນ ພ້ອມກັບບັນດາສະມາຊິກຄະນະ ແລະ ຊາວໜຸ່ມນະຄອນ ໂຮ່ຈີມິນ, ເຂົ້າຮ່ວມພິທີຮັບເອົາຄອບຄົວບຸນທຳ ແລະ ພັກອາໄສຢູ່ເຮືອນປະຊາຊົນ...
 | ກູບາ ຈະໜູນຊ່ວຍນະຄອນ ໂຮ່ຈິມິນ ເພື່ອຜັນຂະຫຍາຍຮູບແບບທ່ານໝໍຄອບຄົວ ຍສໝ - ວັນທີ 5 ມັງກອນ, ຢູ່ນະຄອນ ໂຮ່ຈີມິນ, ພະແນກສາທາລະນະສຸກນະຄອນ ໄດ້ຈັດຕັ້ງກອງປະຊຸມສໍາມະນາ “ຊອກຮູ້ກ່ຽວກັບຮູບແບບທ່ານຫມໍຄອບຄົວຂອງປະເທດສາທາລະນະລັດ ກູບາ”. ກອງປະຊຸມສໍາມະນາແມ່ນເພື່ອຮຽນຮູ້ຮູບແບບສາທາລະນະສຸກທີ່ປະສົບຜົນສຳເລັດຢ່າງຫຼວງຫຼາຍຢູ່ ກູບາ, ຈາກນັ້ນ, ນະຄອນກໍ່ໄດ້ມີການປ່ຽນແປງຫົວຄິດປະດິດສ້າງ, ເໝາະສົມກັບສະພາບການຕົວຈິງຂອງລະບົບການແພດຢູ່ຮາກຖານທີ່ມີຢູ່ແລ້ວນັ້ນ. |
 | ລາຍການລະດູບານໃໝ່ບ້ານເກີດເມືອງນອນປີ 2024 ຈະຈັດຂຶ້ນຢູ່ນະຄອນ ໂຮ່ຈິມິນ ຍສໝ - ເນື່ອງໃນໂອກາດບຸນປີໃໝ່ ປີມະໂລງ, ຄະນະກຳມະການແຫ່ງລັດກ່ຽວກັບຊາວຫວຽດນາມຢູ່ຕ່າງປະເທດ, ກະຊວງການຕ່າງປະເທດ ຫວຽດນາມ ຈະເປັນປະທານ ແລະ ສົມທົບກັບບັນດາອົງການທີ່ກ່ຽວຂ້ອງຈັດຕັ້ງ ລາຍການລະດູບານໃໝ່ບ້ານເກີດເມືອງນອນປີ 2024. |
ແທັງຮັ່ງ
