| ນະຄອນ ໂຮ່ຈິມິນ ແລະ WEF ຮ່ວມມືສ້າງຕັ້ງສູນການປະຕິວັດອຸດສາຫະກຳຄັ້ງທີ 4 | |
| ລາຍການລະດູບານໃໝ່ບ້ານເກີດເມືອງນອນປີ 2024 ຈະຈັດຂຶ້ນຢູ່ນະຄອນ ໂຮ່ຈິມິນ |
ເຂົ້າຮ່ວມກອງປະຊຸມ ມີບັນດາຫົວໜ້າອົງການຜູ້ຕາງໜ້າ ຫວຽດນາມ ປະຈຳຕ່າງປະເທດ ລວມມີທ່ານເອກອັກຄະລັດຖະທູດ, ທ່ານກົງສຸນໃຫຍ່ ຫວຽດນາມ ອາຍຸການ 2024 – 2027 ຢູ່ບັນດາປະເທດຄື: ສະວິດ, ກູບາ, ສະຫະນະຄອນ ເອເມຣັດ ອາຮັບ, ສະຫະພາບ ເມັກຊິໂກ, ລາຊະອານາຈັກ ໄທ, ສາທາລະນະລັດ ອິດສະລາມ ປາກິດສະຖານ, ສາທາລະນະລັດ ປະຊາທິປະໄຕ ສັງຄົມນິຍົມ ສີລັງກາ...
 |
| ທ່ານຮອງປະທານຄະນະກຳມະການປະຊາຊົນນະຄອນ ໂຮ່ຈີມິນ ຫວໍວັນຮວ່ານ (ຜູ້ທີ 6, ຈາກຊ້າຍ) ແລະ ບັນດາບັນດາຫົວໜ້າອົງການຜູ້ຕາງໜ້າ ຫວຽດນາມ ປະຈຳຕ່າງປະເທດ. |
ຕາມທ່ານ ຫວໍວັນຮວ່ານ , ນະຄອນ ໂຮ່ຈີມິນ ຍາມໃດກໍ່ຕ້ອງການການຮ່ວມມືໜູນຊ່ວຍຂອງບັນດາຫົວໜ້າອົງການຜູ້ຕາງໜ້າ ຫວຽດນາມ ປະຈຳຕ່າງປະເທດໃນຂະບວນການພັດທະນານະຄອນ. ທ່ານ ໄດ້ສະເໝີໃຫ້ບັນດາເອກອັກຄະລັດຖະທູດ, ຫົວໜ້າອົງການຜູ້ຕາງໜ້າ ຫວຽດນາມ ປະຈຳຕ່າງປະເທດ ແນະນຳ, ເຊື້ອເຊີນບັນດານັກລົງທຶນສາກົນໃຫຍ່, ມີແຫຼ່ງຊັບພະຍາກອນຄົບຊຸດ ເພື່ອເຂົ້າຮ່ວມລົງທຶນພັດທະນາພື້ນຖານໂຄງລ່າງຄົມມະນາຄົມ, ພັດທະນາບັນດາຕົວເມືອງໃຫຍ່ ແລະ ບັນດາຂະແໜງການເຕັກໂນໂລຢີໃໝ່ໃຫ້ແກ່ນະຄອນ.
ທ່ານ ຮວ່ານ ກໍປາດຖະໜາວ່າ ບັນດາເອກອັກຄະລັດຖະທູດ, ຫົວໜ້າອົງການຜູ້ຕາງໜ້າ ຫວຽດນາມ ປະຈຳຕ່າງປະເທດ ຈະຊ່ວຍແນະນຳ, ໃຫ້ຄຳປຶກສາບັນດາຄູ່ຮ່ວມມືສາກົນເພື່ອຊ່ວຍເຫຼືອນະຄອນ. ພ້ອມກັນນັ້ນ ກໍ່ຊ່ວຍນະຄອນ ໂຮ່ຈີມິນ ສ້າງກອບນະໂຍບາຍ ແລະ ເຂົ້າຮ່ວມການລົງທຶນໃນການກໍ່ສ້າງສູນການເງິນສາກົນ, ພັດທະນາຕົວເມືອງອັດສະລິຍະ...
ໂດຍຕາງໜ້າໃຫ້ຫົວໜ້າຄະນະອົງການຜູ້ຕາງໜ້າ ຫວຽດນາມ ປະຈຳຕ່າງປະເທດ, ທ່ານ ເອກອັກຄະລັດຖະທູດ ມາຍຟ່ານຢຸ່ງ ໄດ້ຮັບຮູ້ບັນດາຂໍ້ສະເໜີຂອງນະຄອນໂຮ່ຈິມິນ ແລະ ໃຫ້ຮູ້ວ່າ ຍາມໃດກໍ່ຈະມານະພະຍາຍາມປະກອບສ່ວນເຂົ້າໃນຂະບວນການເຊື່ອມໂຍງ, ພັດທະນານະຄອນ ໂຮ່ຈີມິນ ໂດຍຜ່ານການໜູນຊ່ວຍໃນການເຄື່ອນໄຫວດຶງດູດການລົງທຶນ, ຊຸກຍູ້ການສົ່ງອອກສິນຄ້າ ແລະ ກໍ່ສ້າງ, ເຮັດນະໂຍບາຍໃຫ້ສົມບູນແບບ.
ມິງດຶກ
