ຫວຽດນາມ ຢັ້ງຢືນຄຳໝັ້ນສັນຍາ ຕໍ່ກັບການຮ່ວມມືແມ່ນ້ຳຂອງ

	ດ່າໜັງ ສະແດງຄວາມຮູ້ບຸນຄຸນຕໍ່ບັນດາທະຫານອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ທີ່ຊ່ວຍເຫຼືອການປະຕິວັດ ລາວ
	ຊາວຫວຽດນາມອາໄສຢູ່ຕ່າງປະເທດ ສາມາດເຂົ້າຢ້ຽມຊົມຫໍພິພິທະພັນປະຫວັດສາດການທະຫານໃນພື້ນທີ່ດິຈິຕອນ

ໂດຍຮັບຄໍາເຊີນຂອງທ່ານ ຫຼີສຽງ ນາຍົກລັດຖະມົນຕີຈີນ, ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ ເຂົ້າຮ່ວມກອງປະຊຸມສຸດຍອດການຮ່ວມມືອະນຸພາກພື້ນແມ່ນ້ຳຂອງເປີດກວ້າງ (GMS) ຄັ້ງທີ 8, ກອງປະຊຸມສຸດຍອດຍຸດທະສາດການຮ່ວມມືເສດຖະກິດ ອີຣະວະດີ-ເຈົ້າພະຍາ-ແມ່ນ້ຳຂອງ (ACMECS) ຄັ້ງທີ 10, ກອງປະຊຸມສຸດຍອດການຮ່ວມມື ກໍາປູເຈຍ-ລາວ-ມຽນມາ- ຫວຽດນາມ GMS, ACMECS ແລະ CLMV ຄັ້ງທີ 11 ແລະເຮັດວຽກຢູ່ ຈີນ ໃນລະຫວ່າງວັນທີ 5-8 ພະຈິກ. ການໄປປະຕິບັດງານຄັ້ງນີ້ ເພື່ອແນໃສ່ຢັ້ງຢືນຄຳໝັ້ນສັນຍາຂອງຫວຽດນາມ ຕໍ່ກັບບັນດາກົນໄກ GMS, ACMECS ແລະ CLMV ເວົ້າສະເພາະ, ການຮ່ວມມືຢູ່ພາກພື້ນແມ່ນ້ຳຂອງເວົ້າລວມ.

GMS ແມ່ນຂອບເຂດການຮ່ວມມືທີ່ໄດ້ສ້າງຕັ້ງທໍາອິດຢູ່ອະນຸພາກພື້ນແມ່ນໍ້າຂອງໃນປີ 1992 ດ້ວຍການໜູນຊ່ວຍຂອງທະນາຄານພັດທະນາອາຊີ (ADB), ລວມມີບັນດາປະເທດສະມາຊິກແມ່ນຫວຽດນາມ, ກຳປູເຈຍ, ລາວ, ມຽນມາ, ໄທ ແລະ ຈີນ (ດ້ວຍສອງແຂວງຕາງໜ້າແມ່ນ ຢຸນນາມ ແລະກວາງຊີ). ໃນເວລາກວ່າ 30 ປີຜ່ານມາ, ການຮ່ວມມື GMS ໄດ້ເປີດກວ້າງຂອບຂະໜາດຢ່າງບໍ່ຢຸດຢັ້ງ, ລົງເລິກເນື້ອໃນ, ຢັ້ງຢືນສີສັນສະເພາະແມ່ນກົນໄກຮ່ວມມືພາກພື້ນທີ່ມີອິດທີພົນຊື່ສຽງ, ອີງໃສ່ 3 ເສົາຄ້ຳຮ່ວມມື: ປະຊາຄົມ, ເຊື່ອມຕໍ່ ແລະຄວາມສາມາດໃນການແກ່ງແຍ້ງ.

ທ່ານ ຟ້າມມິງຈິ໊ງ ນາຍົກລັດຖະມົນຕີຫວຽດນາມ. ພາບ: ສຳນັກຂ່າວສານຫວຽດນາມ

ນັບແຕ່ຊຸມວັນທຳອິດແຫ່ງການສ້າງຕັ້ງ GMS ຈົນຮອດປະຈຸບັນ, ຫວຽດນາມ ໄດ້ ແລະພວມເຂົ້າຮ່ວມບັນດາການເຄື່ອນໄຫວຮ່ວມມືຢ່າງຄົບຖ້ວນ ແລະຕັ້ງໜ້າ; ປະກອບຄຳເຫັນໃນການສ້າງແຜນການ, ຍຸດທະສາດໃນອະນຸພາກພື້ນ; ເຂົ້າຮ່ວມ ແລະຜັນຂະຫຍາຍຍຸດທະສາດການຄົມມະນາຄົມຂົນສົ່ງ GMS 2030 ຢ່າງມີປະສິດທິຜົນ; ຮັບເອົາ 2 ໂຄງການ “ພັດທະນາພື້ນຖານໂຄງລ່າງການທ່ອງທ່ຽວໜູນຊ່ວຍໃຫ້ການເຕີບໂຕຮອບດ້ານອະນຸພາກພື້ນແມ່ນ້ຳຂອງເປີດກວ້າງ” ໄລຍະ 1 ແຕ່ປີ 2014 ຮອດປີ 2019 ແລະໄລຍະ 2 ແຕ່ປີ 2019 ຮອດປີ 2024. ໃນຂອບການລົງທຶນພາກພື້ນ, ໄລຍະ 2021-2025, ຫວຽດນາມ ລະດົມໄດ້ກວ່າ 100 ໂຄງການທີ່ມີມູນຄ່າກວ່າ 10,4 ຕື້ໂດລາສະຫະລັດ.

ACMECS ແມ່ນຂອບເຂດການຮ່ວມມືເສດຖະກິດລວມມີ 5 ປະເທດ ຫວຽດນາມ, ກຳປູເຈຍ, ລາວ, ມຽນມາ ແລະໄທ. ການຮ່ວມມື ACMECS ລວມມີ 8 ຂົງເຂດແມ່ນການຄ້າ-ການລົງທຶນ, ກະສິກຳ, ອຸດສາຫະກຳ-ພະລັງງານ, ຄົມມະນາຄົມ, ການ ທ່ອງທ່ຽວ, ພັດທະນາຊັບພະຍາກອນມະນຸດ, ການແພດ ແລະສິ່ງແວດລ້ອມ. ຫຼັກການຮ່ວມມື ACMECS ແມ່ນສຸມໃສ່ຊຸກຍູ້ການເຕີບໂຕເສດຖະກິດ, ຄວາມກ້າວໜ້າສັງຄົມ ແລະພັດທະນາວັດທະນະທຳໃນພາກພື້ນຜ່ານຄວາມມານະພະຍາຍາມລວມບົນຈິດໃຈສະເໝີພາບ ແລະຮ່ວມມື. ໂດຍແມ່ນສະມາຊິກທີ່ມີຄວາມຮັບຜິດຊອບ, ຫວຽດນາມ ຍາມໃດກໍ່ຕັ້ງຫນ້າສະເໜີ ແລະຜັນຂະຫຍາຍຫຼາຍແນວຄວາມຄິດໃໝ່, ປະກອບສ່ວນສ້າງເອກະສານສຳຄັນ, ສ້າງຕັ້ງ ແລະຊຸກຍູ້ຂໍ້ລິເລີ່ມ, ໜູນຊ່ວຍພັດທະນາໃຫ້ແກ່ບັນດາປະເທດສະມາຊິກ, ໃນນັ້ນມີການພັດທະນາຊັບພະຍາກອນມະນຸດ ແລະສ້າງພື້ນຖານໂຄງລ່າງ. ໜ້າສົນໃຈ, ຫວຽດນາມ ກຳລັງດຳເນີນບັນດາລະບອບລະບຽບການພາຍໃນປະເທດ ເພື່ອປະກາດວິທີການປະກອບດ້ານການເງິນຕໍ່ກັບກອງທຶນພັດທະນາ ACMECS, ຜ່ານນັ້ນຊຸກຍູ້ການສ້າງຕັ້ງກອງທຶນ, ຮັບປະກັນວຽກງານຜັນຂະຫຍາຍບັນດາໂຄງການໃນແຜນການສັງລວມ ACMECS ໃຫ້ມີປະສິດທິຜົນ, ນໍາມາເຊິ່ງຜົນປະໂຫຍດແທດຈິງໃຫ້ປະຊາຊົນ ແລະບັນດາພື້ນຖານເສດຖະກິດ ACMECS ກໍ່ຄືການພັດທະນາເສດຖະກິດແບບຍືນຍົງຂອງອະນຸພາກພື້ນ.

ພ້ອມກັນນັ້ນ, ທີ່ກອງປະຊຸມສຸດຍອດ ອາຊຽນ-ຍີ່ປຸ່ນ ໃນເດືອນທັນວາ 2003 ຢູ່ໂຕກຽວ (ຍີ່ປຸ່ນ), ການນຳຂັ້ນສູງບັນດາປະເທດກຳປູເຈຍ, ລາວ, ມຽນມາ ແລະ ຫວຽດນາມ ເຫັນດີເປັນເອກະພາບຈັດຕັ້ງກອງປະຊຸມຂັ້ນສູງ CLMV ຄັ້ງທີ 1 ໃນໂອກາດກອງປະຊຸມຂັ້ນສູງ ອາຊຽນ ຄັ້ງທີ 10 ຢູ່ວຽງຈັນ (ລາວ) ໃນເດືອນພະຈິກ 2004. ການຮ່ວມມື CLMV ແມ່ນໜຶ່ງໃນບັນດາຄວາມມານະພະຍາຍາມຕອບສະໜອງຄວາມຮຽກຮ້ອງພາວະວິໄສຂອງການເຊື່ອມໂຍງອະນຸພາກພື້ນແມ່ນ້ຳຂອງ ແລະອາຊຽນ. ການຮ່ວມມື CLMV ແມ່ນກົນໄກຮ່ວມມືເປີດ, ດ້ານໜຶ່ງເສີມຂະຫຍາຍທ່າແຮງ, ຄວາມສາມາດຮ່ວມມືທີ່ມີຢູ່ແລ້ວຂອງບັນດາປະເທດ CLMV, ດ້ານໜຶ່ງອີກແມ່ນຊ່ອງທາງຮຽກຮ້ອງການໜູນຊ່ວຍຂອງບັນດາປະເທດອາຊຽນ ອື່ນ ແລະບັນດາຄູ່ຮ່ວມມືພັດທະນາສະຫງວນໃຫ້ບັນດາປະເທດ CLMV. ຍິ່ງກວ່ານັ້ນ, ການຮ່ວມມື CLMV ກໍ່ແມ່ນເວທີປາໄສ ເພື່ອໃຫ້ບັນດາປະເທດ CLMV ປະສານສົມທົບກັນໃນວິວັດທະນາການເຊື່ອມຕໍ່ເສດຖະກິດ ອາຊຽນ. ນັບແຕ່ເຂົ້າຮ່ວມການຮ່ວມມື CLMV, ຫວຽດນາມ ໄດ້ສະແດງໃຫ້ເຫັນບົດບາດນໍາພາ, ຕັ້ງໜ້າຊຸກຍູ້ການຮ່ວມມືລະຫວ່າງປະເທດຕ່າງໆ ເພື່ອການພັດທະນາລວມຂອງພາກພື້ນ. ພິເສດ, ປີ 2018, ໃນບົດບາດເປັນປະທານຮ່ວມມື CLMV, ຫວຽດນາມ ຈັດຕັ້ງກອງປະຊຸມສຸດຍອດ CLMV ຄັ້ງທີ 8 ປະສົບຜົນສໍາເລັດດ້ວຍການກໍາເນີດຂອງ ຂອບພັດທະນາ CLMV-ເອກະສານທີ່ມີລັກສະນະກຳນົດທິດທາງຍຸດທະສາດທຳອິດທີ່ກ່ຽວກັບການຮ່ວມມືເສດຖະກິດລະຫວ່າງບັນດາປະເທດ CLMV ໄດ້ຮັບການກໍ່ສ້າງນັບແຕ່ກົນໄກຮ່ວມມືນີ້ໄດ້ກຳເນີດ.

ອາດສາມາດເຫັນໄດ້ຢ່າງຈະແຈ້ງວ່າ GMS, ACMECS ແລະ CLMV ແມ່ນກົນໄກທີ່ມີເປົ້າໝາຍຊຸກຍູ້, ສ້າງເງື່ອນໄຂສະດວກໃຫ້ການຮ່ວມມືພັດທະນາເສດຖະກິດຕ່າງຝ່າຍຕ່າງມີຜົນປະໂຫຍດລະຫວ່າງບັນດາປະເທດ; ໜູນຊ່ວຍບັນດາປະເທດປະຕິບັດ ບັນດາເປົ້າໝາຍພັດທະນາສະຫັດສະວັດ (MDG) ປະສົບຜົນສໍາເລັດ; ນໍາອະນຸພາກພື້ນແມ່ນ້ຳຂອງເປີດກວ້າງກາຍເປັນເຂດພັດທະນາໂດຍໄວ ແລະວັດທະນາຖາວອນ; ຂຸດຄົ້ນ ແລະເສີມຂະຫຍາຍທ່າໄດ້ປຽບລະຫວ່າງບັນດາເຂດ, ບັນດາປະເທດສະມາຊິກ, ຍົກສູງກຳລັງແກ່ງແຍ້ງ, ຮັດແຄບຊ່ອງຫວ່າງພັດທະນາ. ມາຮອດປະຈຸບັນ, ການຮ່ວມມື GMS, ACMECS ແລະ CLMV ໄດ້ຮັບການຕີລາຄາວ່າ ບັນລຸໄດ້ຜົນງານສຳຄັນຫຼາຍຢ່າງ, ປະກອບສ່ວນຊຸກຍູ້ການພັດທະນາເສດຖະກິດ-ສັງຄົມຂອງແຕ່ລະປະເທດ, ກໍ່ຄືປັບປຸງການພົວພັນມິດຕະພາບ, ສັນຕິພາບ ແລະຄວາມໝັ້ນຄົງຢູ່ພາກພື້ນ.

ພວກເຮົາເຊື່ອໝັ້ນວ່າ ການໄປປະຕິບັດງານເຂົ້າຮ່ວມກອງປະຊຸມສຸດຍອດ GMS ຄັ້ງທີ 8, ກອງປະຊຸມສຸດຍອດ ACMECS ຄັ້ງທີ 10, ກອງປະຊຸມສຸດຍອດ CLMV ຄັ້ງທີ 11 ແລະການເຮັດວຽກຢູ່ ຈີນ ຂອງທ່ານ ຟ້າມມິງຈິ໊ງ ນາຍົກລັດຖະມົນຕີ ພ້ອມດ້ວຍ ຄະນະຜູ້ແທນຂັ້ນສູງຫວຽດນາມ ຈະປະສົບຜົນສຳເລັດຢ່າງຈົບງາມ, ຜ່ານນັ້ນສືບຕໍ່ປະກອບສ່ວນຢ່າງຕັ້ງຫນ້າເຂົ້າໃນການເພີ່ມທະວີການພົວພັນລະຫວ່າງບັນດາປະເທດໃນພາກພື້ນແມ່ນ້ຳຂອງ ກໍ່ຄືເຮັດໃຫ້ການພົວພັນຫວຽດນາມ-ຈີນ ພັດທະນາຢ່າງບໍ່ຢຸດຢັ້ງ.

ເຊື່ອມຕໍ່ບັນດາວິສາຫະກິດລັດເຊຍ ແລະ ເຫງ້ອານ ຢ່າງຕັ້ງໜ້າ ຍສໝ - ຕອນ​ເຊົ້າ​ວັນ​ທີ 6 ພະຈິກ, ຢູ່​ນະຄອນ ວິງ, ສະມາຄົມ​ມິດຕະພາບ ຫວຽດນາມ - ສະຫະພັນ ​ລັດ​ເຊຍ ​ແຂວງ ເຫງ້ອານ ​ໄດ້ຈັດຕັ້ງ​ການ​ໂອ້​ລົມ​ສົນທະນາ​ເພື່ອ​ສະ​ເຫຼີ​ມສະຫຼອງ 107 ປີ​ແຫ່ງ​ວັນ​ການ​ປະຕິວັດ​ເດືອນ​ຕຸລາ ລັດ​ເຊຍ (1917 – 2024); ສັງ​ລວມ​ການ​ເຄື່ອນ​ໄຫວ​ວຽກ​ງານ​ການທູດ​​ປະ​ຊາ​ຊົນ​ປີ 2024 ແລະ ຜັນຂະຫຍາຍໜ້າທີ່ໃນ​ປີ ...

ຫວຽດ​ນາມ - ຈຸດ​ຫມາຍ​ປາຍ​ທາງ​ເພື່ອຕິດປີກຄວາມໄຝ່ຝັນຂະແໜງການແພດ​​ໃຫ້ນັກ​ສຶກ​ສາ​ລາວ ຍສໝ - ດ້ວຍສະພາບແວດລ້ອມແຫ່ງການຮຽນຮູ້ທີ່ເປັນມິດ ແລະ ຖັນແຖວຄູອາຈານທີ່ມີປະສົບການ, ຫວຽດນາມ ແມ່ນຈຸດໝາຍປາຍທາງທີ່ດີສຳລັບນັກສຶກສາລາວ ຫຼາຍຄົນທີ່ມຸ່ງໝັ້ນຄວາມໄຝ່ຝັນໃນຂະແໜງການແພດ. ບັນດາຄວາມຮູ້ ແລະ ທັກສະທາງດ້ານການແພດທີ່ຝຶກຝົນຢູ່ທີ່ນີ້ ບໍ່ພຽງແຕ່ຊ່ວຍໃຫ້ເຂົາເຈົ້າມີຄວາມເຊື່ອໝັ້ນໃນການປະຕິບັດອາຊີບເທົ່ານັ້ນ, ຫາກຍັງປະກອບສ່ວນເຂົ້າໃນການຍົກສູງຄຸນນະພາບທາງການແພດໃນບ້ານເກີດເມືອງນອນນຳອີກ.