ເລື່ອງລາວ “ຊ່ວຍນ້ອງໄປຮຽນ” ທີ່ຕື້ນຕັນໃຈ ຂອງທະຫານຊາຍແດນຫວຽດນາມ ສະຫງວນໃຫ້ເດັກນ້ອຍລາວ

	ເລື່ອງລາວກ່ຽວກັບການເປັນອາສາສະໝັກ 15 ວັນຢູ່ລາວ
	ເລື່ອງລາວກ່ຽວກັບນໍ້າໃຈມິດຕະພາບ “ເຂົ້າເມັດຫັກ, ຜັກເສັ້ນໜຶ່ງກໍ່ແບ່ງກັນກິນ”

ລາຍການ “ຊ່ວຍນ້ອງໄປຮຽນ” ຂອງທະຫານຊາຍແດນຫວຽດນາມ ທີ່ສະຫງວນໃຫ້ເດັກກຳພ້າ, ເດັກປະສົບກັບຄວາມຫຍຸ້ງຍາກຂອງປະເທດເພື່ອນລາວ ໃນລາຍການ “ພົບປະແລກປ່ຽນວຽກງານການເມືອງ ແລະນາຍທະຫານໜຸ່ມກອງທັບສອງປະເທດຫວຽດນາມ-ລາວ - ຄວາມເຊື່ອໝັ້ນທີ່ສັດຊື່ບໍລິສຸດຫາກໍ່ຈັດຂຶ້ນຢູ່ເມືອງມົກເຈົາ, ແຂວງເຊີນລາ ເຮັດໃຫ້ຜູ້ຊົມຮູ້ສຶກຕື້ນຕັນໃຈ.

ນີ້ແມ່ນເນື້ອໃນພິເສດນອນໃນຂອບເຂດ “ງານພົບປະແລກປ່ຽນມິດຕະພາບດ້ານປ້ອງກັນຊາດເຂດຊາຍແດນຫວຽດນາມ-ລາວ ຄັ້ງທີ 2, ໂດຍກະຊວງປ້ອງກັນປະເທດຫວຽດນາມ ແລະກະຊວງປ້ອງກັນປະເທດລາວ ສົມທົບກັນຈັດຕັ້ງ.

ຄວາມຜາສຸກເມື່ອທະຫານຊາຍແດນຫວຽດນາມ ໄດ້ຮັບອຸປະກາລະ

ປະຈຸບັນ, ນາງ ຕຸນແພງ ຄຳສີ ແມ່ນນັກຮຽນຫ້ອງ ມ6 ໂຮງຮຽນມັດທະຍົມຕອນປາຍກຸ່ມ ຊິບຸນເຮົາ, ເມືອງສົບເບົາ, ແຂວງຫົວພັນ, ລາວ, ທີ່ມີໜ້າຢູ່ລາຍການດ້ວຍຮອຍຍີ້ມເຕັມໄປດ້ວຍຄວາມຜາສຸກ, ເມື່ອພົບທະຫານຊາຍແດນຫວຽດນາມ. ນາງ ຕຸນແພງ ຄຳສີ ມີຄອບຄົວປະສົບກັບຄວາມຫຍຸ້ງຍາກພິເສດ, ແມ່ນໜຶ່ງໃນບັນດານັກຮຽນຂອງປະເທດເພື່ອນລາວ ທີ່ທະຫານຊາຍແດນຫວຽດນາມ ໄດ້ຮັບອຸປະກາລະຕັ້ງແຕ່ຕອນຮຽນຢູ່ຊັ້ນປະຖົມ, ຈົນຮອດປະຈຸບັນນ້ອງ ຕຸນແພງ ຄຳສີ ແມ່ນນັກຮຽນຢູ່ຫ້ອງ ມໍ 6 ແລ້ວ.

ດ້ວຍຄວາມຕື້ນຕັນໃຈ, ນາງ ຕຸນແພງ ຄຳສີ ຍາມໃດກໍ່ສະແດງຄວາມຂອບອົກຂອບໃຈທະຫານຊາຍແດນຫວຽດນາມ. ນາງ ຕຸນແພງ ຮູ້ສຶກມີຄວາມຜາສຸກເມື່ອທະຫານຊາຍແດນຫວຽດນາມ ໄດ້ໃຫ້ກຳລັງໃຈ, ຊ່ວຍເຫຼືອນ້ອງໄປໂຮງຮຽນຄືກັບເພື່ອນຄົນອື່ນໆ, ໄລ່ຕາມຄວາມມຸ່ງຫວັງກ່ຽວກັບອະນາຄົດອັນສົດໃສ.

ກໍ່ໄດ້ຮັບອຸປະກາລະຈາກທະຫານຊາຍແດນ, ນ້ອງ ເລື່ອງວັນຊັ້ນ, ນັກຮຽນ ຫ້ອງ ມ4, ບ້ານເມື່ອງຊືນ, ເມືອງແອດ, ແຂວງຫົວພັນ, ສປປ ລາວ - ບໍລິເວນຊາຍແດນຂອງຄ້າຍທະຫານຊາຍແດນເມືອງລ້ານ. ເລື່ອງວັນຊັ້ນ ເກີດໃນຄອບຄົວປະສົບກັບຄວາມຫຍຸ້ງຍາກແຕ່ວ່າລາວມີຈິດໃຈມັກຮຽນ. ແຕ່ປີ 2017, ຄ້າຍທະຫານຊາຍແດນເມືອງລ້ານ ໄດ້ຮັບອຸປະກາລະນ້ອງ ເລື່ອງວັນຊັ້ນ, ດ້ວຍການໜູນຊ່ວຍ ຫ້າແສນດົ່ງ/ເດືອນ. ແຕ່ນັ້ນມາຮອດປະຈຸບັນ, ນ້ອງ ເລື່ອງວັນຊັ້ນ ຍາມໃດກໍ່ມີຜົນສຳເລັດໃນການຮຽນນັບມື້ນັບກ້າວໜ້າ.

ທ່ານລັດຖະມົນຕີກະຊວງປ້ອງກັນປະເທດຂອງຫວຽດນາມ ແລະລາວ ມອບທຶນການສຶກສາ “ຊ່ວຍນ້ອງໄປຮຽນ” ຈຳນວນ 100 ທຶນ ໃຫ້ແກ່ນັກຮຽນຂອງສອງປະເທດຢູ່ລາຍການ. ພາບ: ຫາຍອ໊ຽນ

ຍັງຈື່ວ່າ, ໃນສົກຮຽນ 2012-2022, ຍ້ອນການແຜ່ລະບາດຂອງພະຍາດໂຄວິດ-19, ເພາະສະນັ້ນພະນັກງານ, ນັກຮົບຄ້າຍທະຫານຊາຍແດນເມືອງລ້ານ ຈຶ່ງບໍ່ສາມາດໄປຮອດເຮືອນຂອງນ້ອງ ເລື່ອງວັນຊັ້ນ ເພື່ອລະດົມກຳລັງໃຈ, ຢ້ຽມຢາມຖາມຂ່າວ. ແຕ່ຄ້າຍທະຫານຊາຍແດນເມືອງລ້ານ ຍັງໄດ້ລະດົມກຳລັງໃຈ, ມອບຂອງຂວັນໃຫ້ ຊັ້ນ ແລະຄອບຄົວຂອງນ້ອງລວມມີ: ເງິນສົດ, ໂສ້ງເສື້ອ, ເກີບ ແລະວັດຖຸອຸປະກອນໃຊ້ໃນຄົວເຮືອນຢູ່ຫຼັກໝາຍຊາຍແດນ 187, ຕາແສງເມືອງລ້ານ, ເມືອງສົບກົບ, ແຂວງເຊີນລາ. ນັ້ນ ແມ່ນພະຍານຫຼັກຖານກ່ຽວກັບນ້ຳໃຈອັນອົບອຸ່ນຂອງທະຫານຊາຍແດນຫວຽດນາມ ທີ່ຈາລຶກໄວ້ໃນດວງໃຈຂອງນ້ອງຊັ້ນ, ຊ່ວຍນ້ອງຜ່ານຜ່າຄວາມຫຍຸ້ງຍາກ, ບືນຕົວຂຶ້ນໃນການຮຽນ.

ພະຍານຫຼັກຖານທີ່ມີຊີວິດຊີວາກ່ຽວກັບນ້ຳໃຈສາມັກຄີ, ມິດຕະພາບລະຫວ່າງສອງຊາດຫວຽດນາມ-ລາວ

ຕາມກອງບັນຊາການທະຫານຊາຍແດນແຂວງເຊີນລາ ແລ້ວ, ໂດຍປະຕິບັດລາຍການ “ຊ່ວຍນ້ອງໄປຮຽນ - ລູກລ້ຽງຂອງຄ້າຍທະຫານຊາຍແດນ”, ແຕ່ປີ 2016 ຈົນມາຮອດປະຈຸບັນ, ທະຫານຊາຍແດນແຂວງເຊີນລາ ໄດ້ຮັບອຸປະກາລະນັກຮຽນປະສົບກັບຄວາມຫຍຸ້ງຍາກ, ດ້ອຍໂອກາດ, ກຳພ້າພໍ່ແມ່ແຕ່ຂັ້ນປະຖົມຈົນຮອດຂັ້ນມັດທະຍົມຕອນປາຍຢູ່ເຂດຊາຍແດນຈຳນວນ 80 ຄົນ. ໃນນັ້ນ, ມີນັກຮຽນຂອງປະເທດເພື່ອນລາວ ທີ່ຢູ່ເຂດຊາຍແດນຫຼາຍຄົນປະສົບກັບຄວາມຫຍຸ້ງຍາກ, ດ້ອຍໂອກາດ ຄືນາງ ຕຸນແພງ ຄຳສີ ແລະເລື່ອງວັນຊັ້ນ.

ຄ້າຍທະຫານຊາຍແດນ ເຮື໊ອງເລີບ, ທະຫານຊາຍແດນແຂວງກວາງຈິ ໄດ້ສົມທົບກັບກຳລັງປ້ອງກັນຊາຍແດນລາວ ຈັດຕັ້ງລາຍການ “ເຍົາວະຊົນຫວຽດນາມ - ລາວ ເຂົ້າຮ່ວມບຸນໄຫວ້ພະຈັນຢູ່ເຂດຊາຍແດນຢ່າງເບີກບານມ່ວນຊື່ນ” ໃຫ້ພວກນ້ອງນ້ອຍຢູ່ໂຮງຮຽນປະຖົມສົມບູນ, ມັດທະຍົມຕອນຕົ້ນ ບ້ານອາເວຍ, ເມືອງເຊໂປນ, ແຂວງສະຫວັນນະເຂດ, ລາວ. ພາບ: ດ່ຽງຕ໊ຽນ

ແບ່ງປັນກ່ຽວກັບບັນຫານີ້ທີ່ການພົບປະແລກປ່ຽນ, ທ່ານພົນຕີ ຫງວຽນແອັງຕ໊ວນ - ຫົວໜ້າການເມືອງກອງບັນຊາການທະຫານຊາຍແດນຫວຽດນາມ ໃຫ້ຮູ້ວ່າ ພາຍຫຼັງຈັດຕັ້ງປະຕິບັດລາຍການ “ຊ່ວຍນ້ອງໄປຮຽນ” ຂອງທະຫານຊາຍແດນຫວຽດນາມ ເປັນເວລາ 10 ປີ ໄດ້ຊ່ວຍເຫຼືອນັກຮຽນປະສົບກັບຄວາມຫຍຸ້ງຍາກຢູ່ເຂດຊາຍແດນໄດ້ຫຼາຍໝື່ນຄົນ, ກົມກອງທະຫານຊາຍແດນໄດ້ຮັບອຸປະກາລະນ້ອງນ້ອຍຈົນຮຽນຈົບຫ້ອງ ມໍ 7”.

ຫົວໜ້າການເມືອງກອງບັນຊາການທະຫານຊາຍແດນຫວຽດນາມ ຢັ້ງຢືນວ່າ “ພິເສດ, ໂດຍເລີ່ມຈາກການພົວພັນສາມັກຄີ, ມິດຕະພາບສອງປະເທດອ້າຍນ້ອງຫວຽດນາມ-ລາວ ແຕ່ຫຼາຍປີຜ່ານມາ, ບັນດາກົມກອງຂອງທະຫານຊາຍແດນຫວຽດນາມ ໄດ້ຮັບອຸປະກາລະນັກຮຽນຫຼາຍຄົນຂອງປະເທດເພື່ອນລາວ ໃນລາຍການ “ຊ່ວຍນ້ອງໄປຮຽນ - ລູກລ້ຽງຄ້າຍທະຫານຊາຍແດນ”. ພວກນ້ອງໄດ້ຮັບການໜູນຊ່ວຍຫ້າແສນດົ່ງ/ເດືອນ ຈົນຮຽນຈົບ ຫ້ອງ ມ7. ນອກຈາກການໜູນຊ່ວຍເງິນສົດແລ້ວ, ບັນດາກົມກອງຂອງທະຫານຊາຍແດນຍັງມອບປື້ມຂຽນ, ປິກ, ໂສ້ງເສື້ອ ແລະລົດຖີບ, ຊ່ວຍເດັກນ້ອຍຂອງປະເທດເພື່ອນລາວ ຢູ່ບໍລິເວນຕິດຈອດຊາຍແດນມີກາລະໂອກາດໄດ້ໄປຮ່ຳຮຽນ, ບືນຕົວຂຶ້ນໃນການດຳລົງຊີວິດ. ນີ້ກໍ່ແມ່ນພະຍານຫຼັກຖານທີ່ມີຊີວິດຊີວາກ່ຽວກັບນ້ຳໃຈສາມັກຄີ, ມິດຕະພາບລະຫວ່າງສອງຊາດຫວຽດນາມ-ລາວ ໝັ້ນຄົງຂະໜົງແກ່ນ, ຕິດພັນກັນໄປຊົ່ວກາລະນານ”.

ສະເຫຼີມສະຫຼອງ 75 ປີແຫ່ງວັນມູນເຊື້ອທະຫານອາສາສະໝັກ ແລະຊ່ຽວຊານຫວຽດນາມ ຢູ່ ລາວ (30-10-1949 / 30-10-2024): ສັນຍາລັກອັນຜ່ອງໃສຂອງນ້ຳໃຈມິດຕະພາບອັນຍິ່ງໃຫຍ່ລະຫວ່າງຫວຽດນາມ-ລາວ ຍສໝ - ຕ້ອງຢັ້ງຢືນວ່າ ປະຫວັດສາດຕິດພັນກັນສະໜິດແໜ້ນອັນຍາວນານ ແລະມູນເຊື້ອສາມັກຄີຊ່ວຍເຫຼືອ, ອຸ້ມຊູ້ຊ່ວຍເຫຼືອເຊິ່ງກັນ ແລະກັນລະຫວ່າງສອງຊາດພວກເຮົາບໍ່ແມ່ນຍ້ອນຄວາມປາດຖະໜາຢຢາກພາວະວິໄສຂອງຝ່າຍໃດຝ່າຍໜຶ່ງ ເຊິ່ງເລີ່ມຈາກຕົວຈິງວ່າ ຫວຽດນາມ ແລະລາວ ແມ່ນສອງປະເທດບ້ານໃກ້ເຮືອນຄຽງຕິດພັນກັນສະໜິດແໜ້ນ, ພູຜາປ່າດົງແມ່ນ້ຳລຳເຊຫຼາຍສາຍຕິດຈອດກັນ, ອີງຫຼັງໃສ່ສາຍພູຫຼວງໃຫຍ່ໂຕມະໂຫຖານ, ຮ່ວມກິນນ້ຳແມ່ນ້ຳຂອງ, ມີຫຼາຍຈຸດຄ້າຍຄືກັນດ້ານປະຫວັດສາດ, ເສດຖະກິດ, ວັດທະນະທຳ, ປະຊາຊົນສອງປະເທດອົງອາດກ້າແກ່ນຕ້ານສັດຕູຜູ້ຮຸກຮານ, ເຕັມໄປດ້ວຍຄວາມເມດຕາ, ຕ່າງຝ່າຍຕ່າງມີຜົນປະໂຫຍດກ່ຽວກັບເອກະລາດ, ເປັນເຈົ້າຕົນເອງ ແລະຄວາມມຸ່ງມາດປາດຖະໜາອັນຊອບທຳກ່ຽວກັບສັນຕິພາບ, ພັດທະນາ.

ທ່ານນາງ ຄຳເພົາ ເອີນທະວັນ ເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງ ສປປ ລາວ ປະຈຳ ຫວຽດນາມ: ບໍ່ມີໄຊຊະນະໃດທີ່ບໍ່ມີການເສຍສະຫຼະ ແລະການປະກອບສ່ວນຂອງທະຫານອາສາສະໝັກຫວຽດນາມ ຍສໝ - ປະຫວັດສາດຂອງການພົວພັນສາກົນມີການພົວພັນຮ່ວມມື, ເປັນພັນທະມິດ, ສະໜັບສະໜູນເຊິ່ງກັນ ແລະກັນ ເພື່ອຄວາມຄົງຕົວ ແລະຂະຫຍາຍຕົວຂອງປະເທດຕົນໃນດ້ານຕ່າງໆເປັນຕົ້ນດ້ານການເມືອງ, ຄວາມໝັ້ນຄົງເສດຖະກິດ, ການຄ້າ, ການລົງທຶນ ແລະວັດທະນະທຳສັງຄົມ, ແຕ່ສາຍພົວພັນມິດຕະພາບອັນຍິ່ງໃຫຍ່, ຄວາມສາມັກຄີແບບພິເສດ, ການຮ່ວມມືຮອບດ້ານ ລາວ-ຫວຽດນາມ ແມ່ນສາຍພົວພັນແບບພິເສດມີໜຶ່ງບໍ່ມີສອງຢູ່ໃນໂລກ ຊຶ່ງເປັນກົດເກນແຫ່ງການເພີ່ມທະວີການພົວພັນຮ່ວມມືສອງຝ່າຍເຂົ້າສູ່ລວງເລິກ ແລະລວງກວ້າງ.