 |
| ບັນດາຜູ້ແທນ ແລະ ແຂກຮັບເຊີນຖ່າຍຮູບທີ່ລະນຶກ (ພາບ: TTXVN). |
ກ່າວຄຳປາໄສທີ່ເຫດການ, ທ່ານ ຮວ່າງມິງເຍິນ ປະທານສະມາຄົມມິດຕະພາບ ຫວຽດນາມ - ລັດເຊຍ ປະຈຳ ນະຄອນ ໂຮ່ຈິມິນ ໃຫ້ຮູ້ວ່າ: ການປະຕິວັດເດືອນຕຸລາ ລັດເຊຍ (7 ພະຈິກ 1917) ລົງໃນປະຫວັດສາດຄືເຫດການທີ່ຍິ່ງໃຫຍ່ຂອງສະຕະວັດທີ XX, ບໍ່ພຽງແຕ່ສ້າງໂລກໃຫມ່ ຫາກຍັງປະມໍລະດົກອັນຍິ່ງໃຫຍ່ໄວ້ໃຫ້ມະນຸດ ເຊິ່ງແມ່ນລະບົບແນວຄິດທີ່ກ້າວຫນ້າ - ຄວາມຈິງ: ສັນຕິພາບ, ເສລີພາບ, ສະເໝີພາບ ແລະ ສິດຕັດສິນໃຈດ້ວຍຕົນເອງຂອງປະເທດຊາດທັງໝົດ.
ຢູ່ ຫວຽດນາມ, ການປະຕິວັດເດືອນຕຸລາ ລັດເຊຍ ມີຄວາມໝາຍພິເສດ ແລະ ສົ່ງຜົນສະທ້ອນຢ່າງໃຫຍ່ຫຼວງສຳລັບຂະບວນການປະຕິວັດ ແລະ ການພັດທະນາຕໍ່ມາຂອງປະເທດຊາດ. ການປະຕິວັດເດືອນຕຸລາ ລັດເຊຍ ໄດ້ວາງພື້ນຖານໃຫ້ແກ່ສາຍພົວພັນມິດຕະພາບທີ່ເປັນມູນເຊື້ອອັນດີງາມລະຫວ່າງສອງຊາດ ຫວຽດນາມ ແລະ ລັດເຊຍ. ສຳລັບພາລະກິດການປະຕິວັດ ຫວຽດນາມ, ປະຊາຊົນ ຫວຽດນາມ, ການປະຕິວັດເດືອນຕຸລາ ລັດເຊຍ ຍັງຄົງແມ່ນກຳລັງຜັກດັນອັນຍິ່ງໃຫຍ່ທີ່ນຳມວນມະນຸດກ້າວໄປສູ່ໜ້າໃໝ່ຂອງປະຫວັດສາດ, ຄວາມກົມກຽວ ແລະ ພັດທະນາ.
ໂດຍສະແດງຄວາມຊົມຊື່ນທີ່ເຫັນການພົວພັນລະຫວ່າງ ຫວຽດນາມ ແລະ ສະຫະພັນ ລັດເຊຍ ໄດ້ຮັບການທົດສອບຜ່ານຫຼາຍປີ ຍັງສືບຕໍ່ປັບປຸງ ແລະ ພັດທະນາ, ທ່ານ ຮວ່າງມິງເຍິນ ຢັ້ງຢືນວ່າ ສະມາຄົມມິດຕະພາບ ຫວຽດນາມ - ລັດເຊຍ ນະຄອນ ໂຮ່ຈິມິນ ຈະປົກປັກຮັກສາ ແລະ ພັດທະນາສາຍພົວພັນມິດຕະພາບທີ່ເປັນມູນເຊື້ອອັນດີງາມ, ຊື່ສັດທີ່ເປັັນແບບຢ່າງຂອງປະຊາຊົນສອງປະເທດ, ສາຍພົວພັນທີ່ເກີດຈາກການປະຕິວັດເດືອນຕຸລາ ລັດເຊຍ.
 |
| ທ່ານ ຮວ່າງມິງເຍິນ, ປະທານສະມາຄົມມິດຕະພາບ ຫວຽດນາມ - ລັດເຊຍ ນະຄອນ ໂຮ່ຈີມິນ ກ່າວຄຳປາໄສທີ່ເຫດການ (ພາບ: TTXVN). |
ທ່ານ Iurii Nemtsov ຮອງກົງສູນໃຫຍ່ສະຫະພັນ ລັດເຊຍ ປະຈຳ ນະຄອນ ໂຮ່ຈິມິນ ໄດ້ຂອບໃຈ HUFO ທີ່ໄດ້ຈັດຕັ້ງການພົບປະເພື່ອສະແດງໃຫ້ເຫັນຄວາມເຄົາລົບນັບຖືຂອງຊາວ ຫວຽດນາມ ຕໍ່ກັບເຫດການທີ່ມີຄວາມໝາຍກວ່າ 1 ສະຕະວັດກ່ອນ.
 |
| ທ່ານ Iurii Nemtsov ຮອງກົງສູນໃຫຍ່ສະຫະພັນ ລັດເຊຍ ປະຈຳ ນະຄອນ ໂຮ່ຈິມິນ ກ່າວຄຳປາໄສທີ່ເຫດການ (ພາບ: TTXVN). |
ຕາມທ່ານ Iurii Nemtsov ແລ້ວ, ການປະຕິວັດເດືອນຕຸລາ ລັດເຊຍ ມີບົດບາດສຳຄັນໃນການໃຫ້ກຳລັງໃຈເສັ້ນທາງປົດປ່ອຍຊາດຢູ່ບັນດາປະເທດອານານິຄົມ ແລະ ບັນດາປະເທດທີ່ຂຶ້ນກັບ, ສຸດທ້າຍແມ່ນການພັງລົງຂອງລະບົບລ່າເມືອງຂຶ້ນໃນໂລກ. ເຫດການນີ້ນັບມື້ນັບມີຄວາມສຳຄັນຫຼາຍກວ່າ ແລະ ໃນສະພາບການໂລກປະຈຸບັນ, ການປະຕິວັດເດືອນຕຸລາ ຍັງມີຄວາມໝາຍ ແລະ ຄຸນຄ່າເລິກເຊິ່ງກວ່າອີກ.
ແທັງຮັ່ງ
